Húnavaka - 01.05.1986, Page 139

HUNAVAKA
137
Nýtanleg miðlun í inntakslóninu er um 20 G1 (20 millj. m3) sem m.a.
á að nægja til að mæta hugsanlegum rennslistruflunum í veituskurð-
inum, t.d. vegna ísingar.
Frá inntakslóninu liggur 1300 m langur aðrennslisskurður að
stöðvarinntaki. Raunfallhæð til virkjunarinnar er 279 m. Fyrst fer
vatnið um 350 m langa niðurgrafna stálpípu en þá taka við lóðrétt
þrýstigöng. Þrýstigöngin eru stálfóðruð 230 m löng og 3,8 m í þvermál.
Þau greinast í láréttar pípur, sem liggja að þremur aflvélum stöðvar-
innar. Vélarnar eru að afli 50 MW.hver. Uppsett afl í stöðinni verður
þvi 150 MW sem er sama vélarafl og í Sigölduvirkjun.
Stöðvarhúsið er neðanjarðar í sprengdum helli sem er um 66 m
langur, 12,5 m breiður og 28 m hár. Frá sográsum vélanna liggja um
1700 m löng frárennslisgöng og í framhaldi af þeim 1200 m langur
skurður í árfarvegi Blöndu.
Hér hefur verið rakinn ferill vatnsins úr uppistöðulóninu að stöðv-
arhúsi virkjunarinnar nærri því 25 km neðar með ánni. Aðkoma fyrir
starfsmenn að stöðvarhúsinu, sem er neðanjarðar, verður yfirleitt, eftir
að rekstur hefst, um lóðrétt lyftugöng sem verða 220 m löng, en það er
um þreföld hæð Hallgrímskirkju. Um 800 m hallandi aðkomugöng
eru úr Blöndudal inn að stöðvarhúsinu. Öll umferð að stöðvarhúsinu á
byggingartíma verður um þessi göng.
Þegar Blönduvirkjun hefur tekið til starfa og náð fullum afköstum
verður orkuvinnslugeta virkjunarinnar 750 GWst á ári. Á árinu 1984
var heildarorkuframleiðslan í landinu um 3900 GWst og eykst hún því
um tæp 20% með tilkomu virkjunarinnar.
4. Byggingaframkvæmdir til 1986
Þau þáttaskil urðu í virkjunarsögu Blöndu að síðla árs 1982 var með
samningi milli ríkisstjórnarinnar og Landsvirkjunar ákveðið að
Landsvirkjun reisti og ræki Blönduvirkjun sem sína eigin. Rafmagns-
veitur ríkisins höfðu þá hafið undirbúningsframkvæmdir á svæðinu
sem Landsvirkjun hélt áfram með sumarið á eftir.
Framkvæmdir Landsvirkjunar fyrsta árið voru aðallega aðstöðu-
sköpun og annar undirbúningur fyrir byggingu virkjunarinnar sjálfr-
ar, en auk þess voru miklar framkvæmdir vegna samnings við heima-
menn. Reistar voru tvennar vinnubúðir, Kjalvegur byggður upp inn