Húnavaka - 01.05.1986, Qupperneq 202

200
HUNAVAKA
vorið 1950 var reist nýtt íbúðarhús. Á þeim árum var mikið byggt á
Ströndinni og töluverður hugur í bændum. Guðmundur var í ýmsum
störfum samhliða búskapnum, m.a. fyrir Kaupfélag Skagstrendinga.
Hann missti konu sína árið 1953 og var það honum mikið áfall.
Hann hélt samt áfram búskap á Árbakka ásamt syni sínum og fóst-
urdóttur til ársins 1961. Þá bilaði heilsan skyndilega og náði hann sér
aldrei til fulls eftir það. Hann hætti þá búskapnum og flutti ofan í
Höfðakaupstað og settist þar að á Hólabraut 16. Þar dvaldi fjölskyld-
an næstu árin. Hafði Guðmundur þá lítið að starfa og gat í fyrsta sinn
á ævinni tekið lífinu með ró. Árið 1973 fluttist Guðmundur suður til
Hafnarfjarðar og síðar til Reykjavíkur og dvaldi eftir það hjá syni
sínum og tengdadóttur, Ragnheiði Þormóðsdóttur, lengst að Bjargar-
stíg 2, Reykjavík.
Guðmundur var trúaður maður, og kom það einkum skýrt fram á
hinum síðustu æviárum. Hann átti þá oft við mikla og langvarandi
vanheilsu að stríða. Þá reyndist trúin á hið góða í tilverunni og eilífa
forsjá almættisins honum ómetanlegur styrkur.
Guðmundur lést á Landspítalanum í Reykjavík 8. maí.
Björn Guðmundsson.
Grímur Norðkvist Magnússon lést á heimili sínu á Skagaströnd 13. maí.
Hann var fæddur 23. júlí, árið 1906 að Fagradal á Skarðsströnd í
Dalasýslu. Foreldrar hans voru Magnús Jónsson, bóndi á Tindi í
Miðdal í Strandasýslu og Matthildur Sig-
, urðardóttir frá Skarði á Snæfjallaströnd í
Norður-lsafjarðarsýslu.
Fimm ára gamall flutti hann með foreldr-
» um sínum að Heiðnabergi á Skarðsströnd,
þar sem hann ólst upp. Hann var næstelstur
ellefu systkina og eru fimm þeirra á lífi.
* ----- Á æskuárum vann hann að búi foreldra
sinna, en árið 1935 fluttist hann ásamt móð-
y ur sinni og tveim systrum til Akraness.
A fABk Þann 30. september 1939 gekk hann að
eiga eftirlifandi eiginkonu sína Þorlfríði
Þorláksdóttur frá Akranesi.