Húnavaka - 01.05.1986, Page 233

HUNAVAKA
231
með hefðbundnum hætti þó svo
að ýmislegt hafi á dagana drifið
fyrir utan venjubundna kennslu.
Hingað í skólann hafa komið
margir góðir gestir sem hafa rætt
við nemendur um hin ólíkustu
efni svo sem bindindismál,
kristniboðsstarf og fleira. Þá hafa
nemendur átt ánægjuleg sam-
skipti við aðra skóla á sviði
íþrótta. Af öðru félagsstarfi er það
helst að frétta að „opið hús“ var
hálfsmánaðarlega fyrir 5. til 9.
bekk en sjaldnar fyrir 0 til 4. bekk.
Hið árlega grímuball var svo
haldið í febrúar og mættu þar 365
manns sem mun vera aðsóknar-
met. Árshátíð skólans var haldin
að kvöldi síðasta kennsludags
fyrir páska og sumarskemmtunin
var svo að venju á sumardaginn
fyrsta.
Skólaslit fóru fram þann 16.
maí og við það tækifæri voru veitt
verðlaun til nemenda fyrir góðan
námsárangur. Verðlaun hlutu að
þessu sinni: Hjörvar Pétursson 6.
bekk, Einar Logi Vignisson 9.
bekk og Guðmundur S. Ragnars-
son 9. bekk. Á skólaslitunum af-
henti Árni S. Jóhannsson skólan-
um tölvu að gjöf frá Kaupfélagi
Húnvetninga. Hér er um að ræða
tölvu af gerðinni B.B.C. og er
þetta fyrsta skrefið í þá átt að
tölvuvæða skólann.
Haustið 1985 hófst skólastarfið
með kennarafundi 2. september.
Skólasetning var mánudaginn 9.
september. Tvær breytingar hafa
tekið gildi frá og með þessu
skólaári en hér er um að ræða
lengingu á skólatíma úr 8 mán-
uðum í 8,5 mánuði og lengingu
skólaskyldunnar úr 8 árum í 9.
Kennarar við skólann eru 12 auk
skólastjóra og þriggja stunda-
kennara. Ekki tókst að ráða í allar
stöður við skólann og er því um
að ræða skerðingu á kennslu á
einstaka sviði í vetur. Það er
vissulega áhyggjuefni hve illa
gengur að manna skólana í land-
inu og þegar þetta er skrifað lítur
síður en svo út fyrir breytingu til
batnaðar.
I haust hófu 233 nemendur
nám við skólann og er það fjölgun
um 25 frá árinu áður. Það er
gleðilegt til þess að vita að nú á
tímum fólksfækkunar á lands-
byggðinni skuli nemendum í
Grunnskóla Blönduóss fjölga um
nálægt 20 af hundraði á tveimur
árum eða úr 196 haustið 1983 í
233 haustið 1985. Þessi mikla
fjölgun leiðir svo hugann að því
hvort ekki þurfi að bæta við hús-
næði skólans. Hugmyndir hafa
verið uppi um að taka á leigu efri
hæðina í Félagsheimilinu og inn-
rétta þar félagsaðstöðu fyrir
nemendur og fleiri. Þetta mál er
nú í athugun. Þá má benda á að i
íþróttahúsi því sem nú er í bygg-
ingu er möguleiki að koma fyrir