Fréttablaðið - 22.07.2015, Page 14

22. júlí 2015 MIÐVIKUDAGUR| TÍMAMÓT | 14TÍMAMÓT
Tilkynningar um merkis atburði, stórafmæli
og útfarir má senda á netfangið
timamot@365.is.
Auglýsingar á að senda á auglysingar@frettabladid.is
eða hringja í síma 512 5000.
Innilegar þakkir til allra sem sýndu okkur
hlýhug og samúð vegna andláts og útfarar
ástkærrar móður okkar, tengdamóður,
ömmu og langömmu,
ÞÓRDÍSAR KALMAN
Grandavegi 47, Reykjavík.
Martha María, Sigríður Helga, Bergur,
Hildur, Þórdís, Björn, Ásdís, Páll Einar og fjölskyldur.
Innilegar þakkir til allra sem sýndu okkur
hlýhug og samúð vegna andláts og útfarar
elskulegrar eiginkonu minnar, móður okkar,
tengdamóður og ömmu,
MAGÐALENU AXELSDÓTTUR
MADDÝ
frá Læk, Skagaströnd,
Vallarbraut 5, Seltjarnarnesi.
Jarðarförin hefur farið fram í kyrrþey að ósk hinnar látnu.
Sérstakar þakkir til Karitas og starfsfólks göngudeildar
Landspítalans við Hringbraut á 11g og 11b.
Þorbjörn Einar Jónsson
Sandra Þorbjörnsdóttir Jónas Helgason
Jón Arnar Þorbjörnsson Berglind Bragadóttir
og barnabörn.
Gróðrarstöðin og veitingastaðurinn Eden
í Hveragerði bókstaflega fuðraði upp á
nokkrum mínútum þennan dag árið 2011.
Slökkviliðsmenn komu fljótt á vettvang
en þakið á Eden var allt úr plasti svo strax
var ljóst að ekki væri hægt að ráða við
eldinn fyrr en það væri brunnið. Eldurinn
var ofsafenginn, kolsvartur reykurinn
steig hundruð metra upp í loftið, logarnir
stóðu upp úr þakinu og sprengingar
heyrðust af og til.
Logn var í Hveragerði þegar Eden brann
og bensínstöð og önnur mannvirki í
nágrenninu voru ekki í hættu.
Eden hafði verið afar vinsæll viðkomu-
staður um áratuga skeið og alsiða var
að skreppa þangað í sunnudagsbíltúr af
höfuðborgarsvæðinu.
ÞETTA GERÐIST: 22. JÚLÍ 2011
Eden í Hveragerði brann til kaldra kola
„Eftir að hafa leiðbeint nemendum í
Háskóla Íslands um námsaðferðir í
nær tuttugu ár sá ég hvernig aðlaga
mætti aðferðirnar nútímaaðstæðum,
því tölvur og vefur voru að verða stór
þáttur í lífi nemenda. Ég er síðan búin
að vinna í tíu ár að forriti sem hjálp-
ar nemendum að bæta verklag sitt og
árangur og nú er það loks tilbúið fyrir
markað. Það nefnist Nemanet,“ segir
Ásta Kristrún Ragnarsdóttir náms-
ráðgjafi og bendir á að í seinni tíð hafi
snjallsímar komið sterkir inn, sem enn
auki á notagildi forritsins.
Ásta segir Nemanet jafnvígt á náms-
greinar og vera lipurt í notkun. Nema-
net varðveiti alla námsvinnu notenda
sinna eftir önnum og tímabilum, á
AmazonCloud. Með tímanum verði
til heildstæður, persónulegur þekk-
ingarbanki auk þess sem árangurs-
ríkt vinnulag verði notendum tamt til
frambúðar.
„Grunnurinn að nýja Nemanet-
inu byggir á reynslu af tveimur beta-
útgáfum sem ég gerði og voru prófað-
ar í skólum á höfuðborgarsvæðinu, á
öllum skólastigum,“ upplýsir Ásta og
segir Nemanetið fyrstu netlausn sinn-
ar tegundar á heimsvísu.
Vegna nýnæmis og sérstöðu hafi
verkefnið notið styrks Tækniþróunar-
sjóðs Rannís. Reykjavíkurborg hafi
einnig styrkt hana til að starfrækja
heimanámsstofu í einn vetur og þangað
hafi grunn- og framhaldsskóla nemar
sótt, sumir með foreldrum sínum.
„Þátttaka og áhugi foreldra eru mikil-
væg atriði fyrir árangur í námi,“ bend-
ir hún á.
Nemanet verður selt til einstak-
linga. „Ég tel að það skipti máli að
frumkvæði og áhugi komi frá notand-
anum. Þá er hann orðinn gerandi,“
segir Ásta og sálfræðingurinn kemur
upp í henni. „Innri umbun kemur í
kjölfar árangurs og hún er síðan hvat-
inn til að ná lengra og læra meira.
Gildi ytri umbunar telur vissulegra
líka þegar vel gengur, í formi góðra
einkunna og jákvæðra umsagna í skól-
anum og heima. Nemanet byggir á við-
gangi innri umbunar og leiðir til auk-
innar námsánægju,“ segir hún.
Ásta kveðst líta svo á að nám sé eins
og hvert annað starf. Því þurfi náms-
fólk nútímalegt tæki eins og annað
vinnandi fólk, enda sé sér hæfðan hug-
búnað að finna í nánast hverri starfs-
grein í atvinnulífinu. „Sérhæfður
námsbúnaður þarf að taka mið af
virkni heilans og notandi þarf að læra
á sinn eigin heila eins og hvern annan
hugbúnað,“ segir Ásta og bætir við:
„Heimanám er einmanaleg iðja og
afraksturinn er oft huglægur fremur
en áþreifanlegur en Nemanet gerir
námið markvissara og eflir lesskiln-
ing, skipulag og minni.“
Hún bendir á að mikil umræða sé um
brottfall úr skólum, hnignandi lesskiln-
ing, slæma útkomu íslenskra nemenda
í alþjóðlegum samanburði og inntöku-
próf, en fullyrðir að Nemanet sé tæki
sem geti mætt þörfum nemenda og
snúið vörn í sókn. „Valgeir, eiginmaður
minn og samstarfsmaður, var einmitt
að búa til einkunnarorðin Nema net
lætur verkin tala,“ segir hún glaðlega.
„Við viljum nefnilega öll vinna vel, það
liggur í eðli mannsins að skila góðu
dagsverki.“
gun@frettabladid.is
Að skila góðu dagsverki
liggur í eðli mannsins
Nemanet er nýr sérhæfður hugbúnaður, hannaður fyrir nemendur á öllum aldri. Ásta
Kristrún Ragnarsdóttir námsráðgjafi er höfundur aðferðarinnar sem hann grundvallast á.
NÁMSRÁÐGJAFINN Ásta kveðst líta svo á að nám sé eins og hvert annað starf. Því þurfi námsfólk nútímalegt tæki eins og annað vinnandi
fólk. FRÉTTABLAÐIÐ/ERNIR EYJÓLFSSON
Áður en Nemanetið fer í almenna sölu verða haldin innihaldsrík námskeið á
Eyrarbakka fyrir fámenna hópa 10. bekkinga, að sögn Ástu Kristrúnar. Við taka
síðan fjarnámskeið fyrir öll skólastig og námskeið fyrir foreldra sem vilja vera virkir
og fylgjast með námsvinnu barna sinna.
Kerfið býður þó líka innbyggða leiðsögn sem gerir notendum kleift að taka
Nemanet í notkun upp á eigin spýtur.
Kynningarefni er aðgengilegt á heimasíðunni nemanet.net.
Næstu skref
„Ég er einmitt að velja
ljóð og var að lesa Skógar-
hindina þegar þú hringdir,“
segir Valgerður H. Bjarna-
dóttir, húsfreyja í Davíðs-
húsi á Akureyri, þegar hún
svarar í símann.
Valgerður sér um dag-
skrá tengda ljóðum Davíðs
í húsinu á hverjum fimmtu-
degi klukkan þrjú og tekur
eitthvað visst fyrir hverju
sinni. Síðast var það Ítalíu-
ferðin en á morgun ætlar
hún að fjalla um ástina og
sorgina. „Langflest þess-
ara viðkvæmu og til-
finningaþrungnu ljóða
Davíðs eru í fyrstu bók-
unum. Þau fá á sig öðru-
vísi blæ í seinni bók-
unum, þá yrkir hann
meira um þjóðina
og landið,“ segir
Valgerður
en bætir
við að inn
á m i l l i
birtist
þó alltaf hið
blæðandi hjarta skáldsins.
„Þannig er ljóðið Skógar-
hindin, sem hefst svona:
Langt inn í skóginn leitar
hindin særð … það er í bók
sem kom út 1960, bara fjór-
um árum áður en hann dó.
Davíð notar dýr mikið sem
táknmyndir og hvort hann
er þarna að tala um sjálfan
sig eða aðra manneskju …
eða ljóðin sín, það veit eng-
inn. Kannski er hann sjálf-
ur farinn að horfast í augu
við dauðann.“
Davíðshús er opið frá
13 til 17. Við burðir
þar í sumar eru
hluti af Listasumri á
Akureyri. Aðgangur
að húsinu kostar
1.200 krónur
en 600 krón-
u r fy r i r
eldri borg-
ara og
frítt er
fyrir
börn.
- gun
Hin ljóðræna þjáning
Ástin og sorgin í ljóðum Davíðs Stefáns-
sonar er efni dagskrár í Davíðshúsi.
HÚSFREYJAN Í DAVÍÐSHÚSI Sumir eiga sorgir og sumir eiga þrá
nefnist dagskráin sem hún er með á morgun. FRÉTTABLAÐIÐ/GVA
0
3
-1
2
-2
0
1
5

2
2
:5
9
F
B
0
4
0
s
_
P
0
2
7
K
.p
1
.p
d
f
F
B
0
4
0
s
_
P
0
2
2
K
.p
1
.p
d
f
F
B
0
4
0
s
_
P
0
1
4
K
.p
1
.p
d
f
F
B
0
4
0
s
_
P
0
1
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
7
5
2
-1
9
1
C
1
7
5
2
-1
7
E
0
1
7
5
2
-1
6
A
4
1
7
5
2
-1
5
6
8
2
8
0
X
4
0
0
4
B

F
B
0
4
0
s
_
2
1
_
7
_
2
0
1
5
C
M
Y
K