Fréttablaðið - 22.07.2015, Side 24

| 6 22. júlí 2015 | miðvikudagur
Ég þoooooooli ekki leið-
inleg fyrirtæki! Það
er ekki nokkur
einasta afsök-
un fyrir því að
reka leiðin-
legt fyrirtæki.
Ekki misskilja
mig – það þurfa
ekki öll fyrir-
tæki að vera rosa
skemmtileg
og fyndin
(þótt
það sé
ekki
verra)
– en
öll
fyrirtæki eiga að vera áhugaverð.
Af hverju í ósköpunum eigum við að
skipta við fólk og fyrirtæki sem eru
ekki áhugaverð? Sem hafa ekki eitt-
hvað til málanna að leggja? Sem gera
ekki heiminn betri á einhvern hátt?
Það er ástæða til að skipta við áhuga-
verð fyrirtæki og ég mun alltaf kjósa
að skipta við þau frekar en önnur.
Af hverju?
Í frábærum TEDx-fyrirlestri talar
Simon Sinek um að leyndarmálið á
bak við öfluga leiðtoga sé að vera með
á hreinu af hverju. „Why?“ Af hverju
gerir fyrirtækið það sem það gerir?
Ekki bara hvað það gerir; ef við
skiljum af hverju fyrirtæki gera það
sem þau gera og ef það á samleið með
okkur þá viljum við skipta við þau.
Ef við höfum góða ástæðu fyrir því
sem við gerum, ástæðu sem skiptir
fólk máli, þá skiptum við fólk máli.
Þá verðum við áhugaverð. Ef ástæðan
er einfaldlega að græða peninga, þá
skiptir sú ástæða aðra ekki máli –
því það gerir ekkert fyrir aðra. Ef
þú gerir það sem þú gerir til að gera
heiminn betri á einhvern hátt – sama
hversu lítinn – þá eru alltaf einhverjir
sem vilja vera með þér því þeir vilja
það sama og þú. Þínar ástæður eru
þeirra ástæður.
Tilfinningarnar ráða
Með ástæðu kemur ástríða. Og
ástríða er áhugaverð. Ástríða hríf-
ur aðra með sér og laðar fólk að.
Ástríða er tilfinning og vekur til-
finningar og á endanum tökum við
ákvörðun byggða á tilfinningu. Alveg
sama hvað við gerum, tilfinningar
ráða. Leiðinleg fyrirtæki vekja ekki
jákvæðar tilfinningar og þar af leið-
andi viljum við ekki skipta við þau –
nema tilneydd. Að ekki sé talað um að
vinna fyrir þau.
Ef þú rekur fyrirtæki, hafðu það
áhugavert, hafðu ástæðu og ástríðu
fyrir því sem þú gerir. Það verður
líka miklu meira gefandi.
Ekki skipta við leiðinleg fyrirtæki.
Gerðu kröfu um að fyrirtækin sem
þú skiptir við hafi skýran tilgang
umfram gróða. Með því móti getur
buddan þín átt hlutdeild í að breyta
heiminum til hins betra.
Til fjandans með leiðinleg fyrirtæki!
Franskir bændur mótmæla háu matarverði
ÓSÁTTIR BÆNDUR Það voru mótmæli við A84-veginn nærri franska þorpinu Breteville-sur-Odon, sem er skammt frá bænum
Caen, í gær. Bændur eru ósáttir við hátt verð í stórverslunum og í gær lokuðu þeir fjórum aðalæðunum inn í Caen. Þeir kröfðust
þess að ná tali af landbúnaðarráðherra. Einn þeirra gaf sér tíma til að kíkja á símann sinn á meðan á mótmælunum stóð.
NORDICPHOTOS/AFP
Þóranna K. Jónsdóttir
MBA
Hin hliðin
E
f löggjafinn klárar ekki lagabreytingar til að styrkja
innviði ferðaþjónustunnar strax í haust gætum
við horft fram á óbætanlegt tjón í mikilvægustu
atvinnugrein þjóðarinnar.
Í skýrslu greiningar Íslandsbanka um ferða-
þjónustuna, sem kom út í mars á þessu ári, kemur
fram að greining bankans áætli að þriðjung hagvaxtar á
Íslandi frá 2010 megi rekja til ferðaþjónustunnar. Árið 2014
var ferðaþjónustan öfl ugasta útfl utningsgrein þjóðarinnar
(útfl utningur í formi seldrar þjónustu) annað árið í röð. Grein-
ingin áætlar að gjaldeyristekjur ferðaþjónustunnar verði 342
milljarðar króna á þessu ári, sem er tæplega þriðjungur af
heildargjaldeyristekjum þjóðarbúsins vegna seldrar vöru og
þjónustu. Frá 2010 hefur störfum í íslensku hagkerfi fjölg-
að um 10.300 og eru 4.600 þeirra sem sinna þessum störf-
um starfandi í fl utningum með fl ugi, á ferðaskrifstofum og í
rekstri gisti- og veitingastaða. Það má því rekja um 45 prósent
af fjölgun starfa beint til vaxtar í ferðaþjónustu á tímabilinu.
Eins og ég hef áður fært rök fyrir á
þessum vettvangi eru of fáir ferðamenn
á Íslandi og mikil tækifæri til að fjölga
þeim. Ísland er stórt land og það getur
tekið við miklu fl eiri ferðamönnum. Ef
spár ganga eftir mun fjöldi ferðamanna
nema tveimur milljónum árið 2020. Það
mun þýða 100 milljarða króna tekjur fyrir
ríkissjóð í formi skatta og þjónustugjalda.
Vandamálið við þennan vöxt er að stjórn-
völd hafa ekki skapað tekjuöfl unarleiðir til
efl ingar innviða til að mæta honum með
uppbyggingu á ferðamannastöðum svo
hægt sé að taka við þessum fjölda. Ein-
staka styrkir ríkisstjórnarinnar hér og
þar til að bjarga sér fyrir horn, til dæmis
með 850 milljóna króna framlagi í maí,
duga ekki til. Það þarf stöðuga tekjustofna
í formi skatta.
Það hvaða leið er farin til að afl a tekna til uppbyggingar
skiptir ekki máli. Lykilatriðið er að fi nna tekjuöfl unarleið og
nota hana. Það veldur mér áhyggjum að ekki hafi tekist að
ljúka frumvarpi um náttúrupassa á síðasta þingi. Ég veit ekki
hversu vel meðvitaðir þingmenn eru um mikilvægi þessarar
atvinnugreinar fyrir þjóðarbúið eða hversu mikilvægt það er
að tryggja fjármögnun fyrir innviðauppbyggingu á vinsælum
ferðamannastöðum. Ég ber virðingu fyrir þingmönnum og
það er leiðinlegt að berja á þeim en það er eins og hluti þing-
fl okks Sjálfstæðisfl okksins hafi týnt sér í einhverri frjáls-
hyggju í stað þess að hugsa um heildarhagsmunina, hagsmuni
þjóðarbúsins, í málinu. Það er í raun óskiljanlegt að þing-
fl okkurinn hafi ekki fylkt sér að baki ráðherra málafl okksins
í stuðningi við frumvarpið um náttúrupassann. Á sama tíma
undirstrikar lítill stuðningur við frumvarpið pólitískan van-
mátt ráðherrans, Ragnheiðar Elínar Árnadóttur. Og það hlýt-
ur að vera alvarlegt umhugsunarefni fyrir hana.
Það þarf líka að fjölga iðnlærðum í þjónustugreinum til að
mæta þörfum og eftirspurn vegna vaxtar ferðaþjónustunnar.
Þetta hafa stjórnendur stærstu fyrirtækja í hótelgeiranum
ítrekað bent á. Ráðherra menntamála þarf að hafa þetta hug-
fast.
Ef stjórnvöld fara ekki að forgangsraða í þágu ferðaþjónust-
unnar er hætt við því að orðspor ferðaþjónustunnar erlendis
verði fyrir óbætanlegum skaða með tilheyrandi tjóni fyrir
þjóðarbúið.
Ef það verður niðurstaðan verður mannasaur á Þingvöllum
ekki helsta áhyggjuefnið okkar, langt því frá. Látum það ekki
gerast.
Uppbygging innviða í ferðaþjónustu er mikilvægasta verkefni stjórnvalda:
Ekki sofna
á verðinum
Ísland er stórt
land og það
getur tekið á
móti miklu fleiri
ferðamönnum.
Markaðshornið
Þorbjörn Þórðarson
thorbjorn@stod2.is
Aldrei meira fjármagn
til uppbyggingar
Ragnheiður Elín
Árnadóttir
iðnaðar- og við-
skiptaráðherra
Uppbygging á ferðamanna-
stöðum er eitt af brýnustu verk-
efnum sem við stöndum frammi
fyrir. Um þetta viðfangsefni
hefur mikið verið fjallað á und-
anförnum árum sem kemur ekki
á óvart, enda höfum við séð þref-
öldun í komu ferðamanna hingað
til lands á síðastliðnum áratug og
ekki náð að byggja upp innviði í
takt við fjölgunina.
Framkvæmdasjóður ferða-
mannastaða hefur starfað frá
árinu 2011 og hefur unnið að
fjölmörgum verkefnum. Frá
upphafi hefur sjóðurinn úthlut-
að 2.300 milljónum króna, þar af
tæpum 1.700 milljónum á tveim-
ur síðustu árum. Til viðbótar
við tekjur af gistináttagjaldi,
sem ætlað var að standa undir
þessari fjármögnun, hefur rík-
isstjórnin sett aukalega 1.230
milljónir til þessa mikilvæga
málaflokks á síðustu tveimur
árum. Mun meira en nokkru
sinni fyrr.
Vandinn sem við blasir er
margþættur og einskorðast ekki
eingöngu við salernismál, sem
nú eru mikið til umræðu. Úrbóta
er víða þörf til að tryggja vernd
náttúrunnar, öryggi ferðamanna
og nauðsynlega innviði til að
þjónusta þann mikla fjölda sem
sækir landið heim. Frumvarpi
um náttúrupassa var ætlað að
leysa heildstætt þetta margþætta
viðfangsefni sem snýr ekki ein-
göngu að innviðauppbyggingu
heldur að öðrum þáttum eins og
öryggismálum.
Ljóst er að málið er á ábyrgð
margra aðilaf, ríkis, sveitarfé-
laga, landeigenda og ferðaþjón-
ustunnar sjálfrar. Því er brýnt
að allir vinni saman að lausn
þessara mála. Á undanförnum
mánuðum hefur ráðuneyti mitt í
samstarfi við Samtök ferðaþjón-
ustunnar, Ferðamálastofu og
fleiri unnið að langtíma stefnu-
mótun fyrir greinina í heild.
Stefnt er að því að ljúka þeirri
vinnu og kynna í næsta mánuði.
Vel hefur verið til vandað, litið
til fordæma erlendis frá og sam-
ráð haft við hagsmunaaðila og
aðra áhugasama um land allt.
Ég bind miklar vonir við þessa
vinnu og tel hana nauðsynlega til
þess að styðja við áframhaldandi
vöxt og framfarir ferðaþjónust-
unnar.
Ferðaþjónustan er tiltölulega
ung atvinnugrein hér á landi í
þeirri mynd sem við þekkjum
og glímir því kannski við ýmsa
vaxtarverki. Salernismálin eru
bara einn angi þeirra. Stjórn-
völd eru vel meðvituð um það
verkefni og því hefur auknu
fjármagni verið varið til slíkra
verkefna. Má geta þess að yfir
100 milljónum verður varið í
að bæta salernisaðstöðu um allt
land á þessu ári.
Reyndar er það svo að fleira
tefur uppbyggingu en skortur
á fjármagni og má þar nefna
skipulagsmál og annan undir-
búning. Sem dæmi má nefna
að af þeim 380 milljónum sem
Framkvæmdasjóðurinn úthlutaði
sérstaklega vorið 2014, án mót-
framlags, liggja tæpar 200 millj-
ónir enn óhreyfðar vegna þess að
verkefnunum er ekki lokið.
Ferðaþjónustan er gríðarlega
mikilvæg atvinnugrein. Verk-
efnin eru ærin og til þess að
ljúka þeim þurfum við samstillt
átak. Með öflugri stefnumótun,
framtíðarsýn og samvinnu er ég
sannfærð um að okkur takist vel
til eins og alltaf þegar við stönd-
um saman.
Vandinn sem
við blasir
er margþættur og
einskorðast ekki
eingöngu við sal-
ernismál, sem nú eru
mikið til umræðu. 03-1
2
-2
0
1
5
2
2
:5
9
F
B
0
4
0
s
_
P
0
2
5
K
.p
1
.p
d
f
F
B
0
4
0
s
_
P
0
2
4
K
.p
1
.p
d
f
F
B
0
4
0
s
_
P
0
1
6
K
.p
1
.p
d
f
F
B
0
4
0
s
_
P
0
1
7
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
7
5
2
-C
A
D
C
1
7
5
2
-C
9
A
0
1
7
5
2
-C
8
6
4
1
7
5
2
-C
7
2
8
2
8
0
X
4
0
0
6
B

F
B
0
4
0
s
_
2
1
_
7
_
2
0
1
5
C
M
Y
K