Húnavaka - 01.05.1999, Blaðsíða 10

8
HÚNAVAKA
Hvað eru lífsgœdi ? Vi<) þessari sþurningu er ekkert einfalt svar. Svörin fara
sjálfsagt oftast eftir því hver er sþuröue Við sem byggjum Island œttum samt
að geta verið sammála um að það eru lífsgœði að búa á þessu landi. Sumir
átta sig ef til vill ekki á því hvað það er margt sem við eigum og skaþar okkur
góð lífsskilyrði. Við sem búum vítt og breitt um landið teljum ekki eðlilega
þróun að Islendingum sé beint og óbeint stefnt til búsetu á litlum hluta lands-
ins. Náttúruauðlindir okkar eru ekki á einum hluta þess. Þcer eru víða um
landið og í hafinu umhverfis það. Það er ekki eðlilegt að flytja mestallan arð-
inn af þessum náttúrugœðum í eina átt og safna honum þar saman í einu
eða öðru formi.
Búseta vítt um landið treystir tengslin við náttúruna sem ekki mega rofna.
Samband manns og moldar er sterkt og á vissan hátt dularfullt, því að hann
leitar þess hvarsem hann býr. Frjóangmn sem leitarsólará vorin veitirfógnuð
og minnir á lífsmáttinn sem veitir ávallt ný fyrirheit.
Húnvetnskt vor er mörgum töfraheimur lita og ilms. Það er mikils virði að
geta notið þess sem menn hafa. Þess vegna œtti áherslan að vera á það semjá-
kvœtt er í umhverfi okkar og átthögum en ekki á neikvceða umrœðu sem byggir
á því að flest sé betra annars staðar.
Við eigum heima í frjósómu héraði við góðar samgöngur og landrými í
byggð og á heiðum uþþi. Miklar breytingar á lífsháttum á síðustu áratugum
hafa valdið fólksfœkkun en til hennar liggja margslungnar orsakir. Tœkni
síðustu ára gefur fyrirheit um að í framtíðinni verði góðir möguleikar á að
fólk geti valið sér búsetu og skaþað sér vinnustað við ýmiss konar þjón-
ustustörf víðar um landið en hingað til hefur verið mögulegt. Það gceti fyllt
uþþ í þau skörð sem hafa komið í byggðina eða eru að myndast. Til þess að
svo megi verða þurfa stjórnvöld í landinu að skaþa nýrri atvinnustarfsemi
sviþaðar aðstœður um allt land á þeim sviðum sem þau ráða yfir. Má íþví
sambandi nefna góðar samgöngur ogfjarskiþtatœkni setn grundvallaratriði.
Tœkifœiin eru margvísleg en það þarf að knýja á kraftana og horfa fram á
við til að nýta þau. Horfum með bjartsýni til nýrrar aldar ogþeirrarframtíðar
sem hún gefurfyrirheit um. Við höfum mikla tœkni, góða þekkingu og mennt-
un og búum í víðlendu héraði með þúsund möguleika. Eru það ekki lífsgœði
að búa hér?
Húnavaka þakkar margra ára tryggan stuðning og óskar lesendunum
giftu oggengis.
Stefán A.Jónsson.