Húnavaka - 01.05.1999, Page 30

28
II U N A V A K A
eru farnir að leita sér að vinnu annars staðar árið sem þeir verða 18 eða
19 ára. Þeir nýta sér ekki þetta ár sem þeir eiga eftir en korna og biðja um
meðmæli frá okkur. Það bendir til þess að sjálfstraustinu sé náð og þeir
treysti sér til þess að halda út í lífið.
Eitt af betri svæðum á landinu að eiga heima á
Blönduvirkjun er með geysimikla skógrækt í Eiðsstaðalandi í Blöndudal.
Hún er orðin það víðfeðm í dag að við höfum gert samning við Skóg-
rækt ríkisins á Akureyri um faglega ráðgjöf og nú stýra starfsmenn henn-
ar plöntuninni. Við áætlum að henni verði haldið áfrarn þannig að eftir
20-30 ár verði kominn myndarlegur skógur innst í Blöndudal.
Samkvæmt virkjunarsamningi við sveitarfélögin á virkjunin að halda
við mörgum kílómetrum af vegum og girðingum á Auðkúluheiði og Ey-
vindarstaðaheiði. Við semjum við verktaka um að gera við girðingarnar á
sumrin og halda þeim í lagi. Auk þess annast Landgræðsla ríkisins,
heimamenn og fleiri verktakar áburðardreifmgu á Auðkúluheiði og Ey-
vindarstaðaheiði.
Blönduvirkjun, eins og hún er í dag, hefur þrjá 54 megawatta hverfla
með samtals 162 megawött. Við höfum keyrt hana upp í 150 megawött
og þá erum við kannski að tala um 10-12 prósenta orkutap á háspennu-
línunum suður á bóginn. Þegar virkjunin er þannig keyrð á fullu, eins
og }'fírleitt er farið að gera, þá erum við að tala um 15 megawatta orkutap
við að koma raforkuframleiðslu virkjunarinnar eftir línunum suður til
notendanna. Það væri eðlilegt að hugsa sér iðnað á Norðurlandi vestra
senr nýtti meira af orku frá virkjuninni svo að minna þyrfti að flytja burtu
og þannig yrði minna orkutap en við flutningana suður.
Varðandi nýtinguna á rafmagninu hefði maður kannski viljað sjá ein-
hvern iðnað eða eitthvað gerast hér á svæðinu sem virkjunin væri að
framleiða rafmagn fyrir.
Mér, sem er fæddur og uppalinn á Vestfjörðum, finnst með ólíkind-
um þegar ég lít yfir Húnavatnssýslur, að ég tali nú ekki um Austursýsl-
una, hversu lítið virðist geta komið hingað af starfsemi og vinnu eins og
héraðið liggur vel við öllum flutninguin. Þetta skil ég ekki enn þann dag
í dag. Þetta er eitt af betri svæðum á landinu til að eiga heima á. Eg sé
það fyrir mér í framtíðinni að fyrirtækin gætu skotið sér hér niður og
fengið orku á svæðinu.
Blönduvirkjun er opin og til sýnis ferðafólki alla virka daga yfir sumar-
ið frá klukkan 8 á morgnana til klukkan 5 á daginn. Þar tekur sérstakur
leiðsögumaður á móti gestum og fer með þeim um virkjunina.