Húnavaka - 01.05.1999, Qupperneq 87

H U N A V A K A
85
mjög vel metin kona og haföi göfugmannlegt yfirbragð. Hún var orðlögð
tókona og gerði falleg herðasjöl úr einspinnu með sauðalitunum. Af ein-
hverjum ástæðum var Helgi bróðir hennar ekki að fullu hlutgengur í lífs-
baráttunni og gekk því ekki til verka sem þeir er heilir voru. Gerði hann
litlar kröfur til lífsins og aðrir til hans. Auknefni sitt hlaut hann af því að
mala korn á ýmsum bæjum.
Vaglir
Sjö manns voru í Vöglum við þröngan kost og húsakynni. Þar bjuggu
hjónin, Benedikt Jónasson og Jósefma Leifsdóttir. Dætur þeirra voru
þrjár: Jóhanna, Guðríður og Krisþana. Þar var líka faðir Benedikts, Jónas
Jóhannsson og systirin Sigurlaug Jónasdóttir. Þau Benedikt og Sigurlaug
voru systkini þeirra Bjarna, Guðmundar og Ingibjargar, sem áður hafa
verið nefnd.
Lítil og lágreist húsakynni voru í Vöglum og hlýtur að hafa verið
þröngt um fólkið. Heimilisástæður voru erfiðar vegna sjúkleika húsmóð-
urinnar sem var veil á geði. Benedikt sótti vinnu burt af bænum til þess
að sjá heimilinu farborða. Hann var eftirsóttur til verka vegna ósérhlífni
og dugnaðar. Hann var lágur maður vexti en þrekinn um herðar og síval-
ur. Bolsterkur var hann og sá ég hann færa stórgrýti í vegghleðslu svo að
undrun sætd. Hann var skáldmæltur og birtust ljóð eftir hann í ung-
mennafélagsblaðinu, Ingimundi gamla og undir dulnefninu Ingt'ar halti
en hann hét Ing\ar öðru nafni. Benedikt var málhaltur og stanraði, sér-
staklega ef honum var mikið niðri fyrir. Var þá sem hann stæði á önd-
inni og hamlaði þetta mjög þáningu hans í viðræðum og kallaði á samúð
í hans garð. Þau hjón höföu verið saman á Hvítárbakkaskóla og kynnst
þar.
Jónas faðir Benedikts var frekar hár maður en orðinn beygður í herð-
um af erfiðum lífskjörum. Hann var greindarlegur maður en fámáll um
hagi sína. Síðar bjó Jónas í Kárdalstungu um árabil og veitti dóttir hans,
Sigurlaug, heimilinu forstöðu. Síðar var hún á búi með Guðmundi bróð-
ur sínum í Asi og varð heimili hans til sóma með verkum sínum og prúð-
mennsku.
Kárdalstunga
Slæm húsakynni voru í Kárdalstungu, rakafull baðstofa og frambærinn
raunar kofar einir. Þar voru líka sjö manns. Húsráðendur voru hjónin,
Konráð Jónsson og Ragnheiður Guðmundsdótdr. Þau áttu t\'o drengi: