Húnavaka - 01.05.1999, Side 155

SIGURSTEINN GUÐMUNDSSON, Blönduósi:
Ki'abbameinsfélag Austur-
Húnavatnssýslu 1968 - 1998
Krabbameinsfélag Austur-Húnavatnssýslu var stofnað 2. nóvember 1968 í
Félagsheimilinu á Blönduósi. Stofnfundurinn var vel sóttur og mættu þar
120 manns. I félagið skráðu sig 95 aðilar þegar á þessum stofnfundi en
þeir sem gengu í félagið fyrir áramótin voru taldir stofnfélagar og reynd-
ust þeir 298.
A þennan stofnfund mættu m.a. formaður Krabbameinsfélags Islands
sem þá var Bjarni Bjarnason, læknir og Jón Oddgeir Jónsson, erindreki
félagsins. Bjarni vann mikið að því í ræðu og riti að fræða menn um skað-
serni tóbaksnotkunar. Hann fór iðulega út á land til fyrirlestrahalds um
krabbameinsvarnir og skyld málefni. Atti hann mikinn þátt í stofnun leit-
arstöðvar Kiabbameinsfélags Islands svo og fjölda krabbameinsdeilda
víðs vegar um landið. Ein af þeim deildum var Krabbameinsfélag Austur-
Húnavatnssýslu.
Astæðan fyrir stofnun félagsins var í upphafi aðallega sú að Krabba-
meinsfélag Reykjavíkur hafði starfrækt leitarstöð að Suðurgötu 22 í um 5
ára skeið, undir forustu Olmu Thorarensen læknis, þar sem fram fór leit
að krabbameini í leghálsi. Hafði þessi leit borið það góðan árangur að
konur víða um land fóru að velta fyrir sér þeim möguleika að koma svip-
uðum leitarstöðvum á fót í dreifbýlinu sem gætu orðið í nánum tengslum
við leitarstöð Krabbameinsfélags Reykjavíkur, síðar Ivi abbameinsfélags
Islands. Krabbameinsfélög höfðu þegar verið stofnuð bæði í Skagafirði
og á Hvammstanga skömmu áður í þessum tilgangi.
Því var það að konur í Kvenfélagasambandi Austnr-Húnavatnssýslu
höfðu samband við mig snemma árs 1968 í þeim tilgangi að hafa forustu
um stofnun krabbameinsfélags hér í sýslu sem síðan gæti staðið undir
rekstri leitarstöðvar hér við Héraðshæli Austur-Húnvetninga, Blönduósi
og á Skagaströnd. Þannig gætu húnvetnskar konur átt kost á svipaðri
þjónustu og konur víða annars staðar á landinu. Strax í mars var hafinn
undirbúningur að stofnun félagsins en af ýmsum ástæðum varð ekki af
stofnun fyrr en 2. nóvember eins og að framan greinir.