Húnavaka - 01.05.1999, Page 167

H U N A V A K A
165
herbergi sínu á Neðri - Mýrum. Þar vildi hún vera og mátti ekki heyra á
það minnst að fara á elliheimili eða sjúkrahús.
Unnur var alla tíð skýr í hugsun, glaðvær og þó heilsan bilaði gaf hún
af sér fram á síðasta dag. Hún var trúuð kona og sótti sér huggun í Biblí-
una, sálma og bænir.
Unnur lést á Neðri - Mýrurn og var jarðsungin frá Höskuldsstaðakirkju
13. júní.
Sr. Gubmundur Karl Brynjarsson.
Haukur Reynir Pálsson
frá Blönduósi
Fœddur 20. desember 1949 - Dáinn 3. júlí 1998
Haukur var fæddur á Blönduósi. Foreldrar hans voru Torfhildur Sigur-
veig Kristjánsdóttir sem lést árið 1997 og Páll S. Eyþórsson sem lifir son
sinn. Þau hjón eignuðust sex börn og var Haukur þriðji í röðinni. Systk-
ini hans eru: Guðrún Anna, Oskar, Ingvar,
Vigdís Heiður og Lovísa Haíbjörg.
Haukur ólst upp á Blönduósi og gekk þar í
skóla. Ein var sú námsgrein sem honum þótti
sérlega gaman að fást \’ið en það var reikning-
ur, enda var hann leikinn reikningsmaður.
Haukur fór ungur að vinna fyrir sér heima á
Blönduósi en á þeirn árum var oft lítið um
vinnu, einkum að vetrarlagi. Hann átti heinta
á Blönduósi til 17 ára aldurs en flutti ]oá til
Reykjavíkur og tveimur árum síðar til Grinda-
víkur.
Þann 31. desember árið 1970 kvæntist
Haukur eftirlifandi eiginkontt sinni, Astrósu
Regínbaldursdóttur. Þau eignuðust fjögur börn sem eru í aldursröð:
Svanur Freyr, Baldur Reynir, Sólveig María og yngst er Anna Kristín. Þá
ólst Kristín Helga Jónsdóttir að miklum hluta upp á heimili Hauks og
Astrósar.
Haukur starfaði hjá fyrirtækinu Hópsnesi í Grindavík í 20 ár og mest-
an hluta þess tíma eða í 17 ár ók hann vörubíl en hann hafði lokið meira-
prófi bifreiðastjóra á sínum tíma. Hann var hjá Hópsnesi þar til að hann
varð að hætta vinnu af heilsufarsástæðum.