Húnavaka - 01.05.1999, Page 181

HUNAVAKA
179
en yngstur er Ævar, sérleyfishafi á Dalvík, sem lifir bræður sína. Einnig
átti Guðmundur uppeldisbróður, Herbert Sigurðsson, er ólst upp með
þeim bræðrum frá finmi ára aldri.
Guðmundur fékk lömunarveiki átta ára og
fatlaðist svo að hann gekk eigi heill til skógar
eftir það. Tók hann fötlun sinni með miklu
æðruleysi og kjarki. Segja má um hann, eins
og sagt var um rnerkan mann einn, að hann
hafi borið allt sitt mótlæti konunglega.
Ungur að árum nam hann við Héraðsskól-
ann að Reykjum í Hrútafirði. Hann útskrifað-
ist stúdent frá Menntaskólanum á Akureyri
vorið 1953. Að því loknu lá leið hans á heima-
slóðir þar sem hann gerðist kennari og skóla-
stjóri í Bólstaðarhlíðarskólahverfi 1953-1969
og Svínavatnsskólahverfi 1953-1956.
Arið 1958 tók hann kennarapróf en skólaárið 1957-1958 nam hann
við Lagadeild Háskóla Islands. A þessum árum sótti hann kennaranám-
skeið hér heima svo og erlendis.
Hann var kennari við Varmahlíðarskóla í Skagafirði á árunum 1969-
1991 er hann lét af störfum.
Guðmundur tók virkan þátt í félagsstarfi sveitar sinnar, hann var for-
maður Sjálfsbjargar í A-Hún. og vann félaginu mikið starf. Hann sat
einnig í sóknarnefnd Bólstaðarhlíðarkirkju urn árabil. Þá var hann sím-
stöðvarstjóri í Bólstaðarhlíð um langt skeið. Ollum þessum störfum sinnti
hann af mikilli kostgæfni.
Eftir lát föður síns sat Guðmundur óðal feðra sinna ásamt ntóður sinni
um alllangt skeið en eftir lát hennar bjó hann lengstum einn.
Seint á árinu 1998 varð Guðmundur fyrir slysi og lá þá um tíma á
Fjórðungssjúkrahúsinu á Akureyri og síðar á Sjúkrahúsinu á Blönduósi.
Upp úr því veiktist hann skyndilega og lagðist inn á Sjúkrahús Reykjavík-
ur þar sem hann lést á aðfangadag jóla.
Með Guðmundi Klemenzsyni er genginn drengur góður og minnis-
stæður. Hann var fróður um marga hluti og þótti góður kennari. Hann
var góður heim að sækja, ræðinn og skemmtilegur, góður félagi, traustur
vinur og höfðingi í lund.
Minningarathöfn um hann fór fram í Langholtskirkju í Reykjavík 30.
desember.
Utför hans var gerð frá Bólstaðarhlíðarkirkju laugardaginn 2. janúar
1999.
Sr. Arni Signrðsson.
L