Húnavaka - 01.05.1999, Page 227

H U N A V A K A
225
ar efstir en fast á hæla þeim komu
Vestur-Húnvetningar en USAH rak
lestina. Auk Þristsins voru hefð-
bundin mót á sumardagskránni:
Barnamótið, héraðsmótið og
minningarmót Þorleifs Arasonar.
Einnig fóru nokkrir keppendur frá
USAH á Meistaramót Islands og
gekk þeim vel.
Húnavökuritið kom út eins og
endranær og var gert átak í að
selja það. Gefinn var út tilboðs-
bæklingur og dreift um alla sýsl-
una, sem bar nokkurn árangur. En
betur má ef duga skal til að
grynnka á þeim birgðum sem til
eru af eldri árgöngum.
Húnavaka var haldin með hefð-
bundnum hætti og hófst hún 17.
apríl og lauk 1. maí. Það er að
verða árviss atburður að kórar hér-
aðsins komi saman og syngi á
Húnavöku.
Mjög erfitt var að fá þjálfara í
frjálsíþróttir, en tókst þó að lokum.
Ráðnir voru Jón Þ. Heiðarson og
Theodór Karlsson, sem skiptu
sumarstarfinu á milli sín. Enginn
framkvæmdastjóri var starfandi
síðastliðið sumar þó staðan hafi
verið auglýst margoft. Vonandi
tekst betur til á næsta ári.
Rut Jónasdóttir.
KVENFÉLAGIÐ VAKA 70 ÁRA.
Þann 8. janúar 1928 var Kvenfé-
lagið Vaka á Blönduósi stofnað. Fé-
lagið átti því 70 ára afmæli á árinu
og bárust því margar góðar gjafir.
Var afmælisins minnst á félags-
fundi í Félagsheimilinu þann 8.
maí og rakti þar formaður afmælis-
nefndar, Aðalbjörg Ingvarsdóttir,
sögu félagsins. Þess skal hér getið
að í sambandi við 50 ára afmæli fé-
lagsins, ritaði Þorbjörg Bergþórs-
dóttir ítarlega sögu félagsins í
Húnavöku og má vísa til þeirra
greinar varðandi sögu þess þau 50
ár.
I frásögn Aðalbjargar nú kom
m.a. fram, að félagið hefur jafnan
eins og áður reynt að fylgja eftir 1.
lagagrein félagsins sem er að vinna
að líknar- og menningarmálum.
I tilefni afmælisins var tekin
ákvörðun um að færa Blönduóss-
kirkju hökul að gjöf. Einnig má
geta þess að í gegnum árin hefur
félagið fært kirkjunni veglegar
peningaupphæðir í orgelsjóð og á
þessu afmælisári færði félagið org-