Húnavaka - 01.05.2005, Blaðsíða 236

234
H U N A V A K A
Stundum purfti ad setja á kédjur íferðunum.
an siglt til Flateyjar á Breiðafirði.
Var ferðin bæði fróðleg og ánægju-
leg. Góð þátttaka var í þessari ferð
eins ogjafnan í ferðum eldri borg-
ara.
Þá var að venju dvalið á Orkinni
í Hveragerði á svonefndum Spari-
dögum en ferð á Örkina er löngu
orðinn fastur liður. Þar er dvalið
frá sunnudegi til föstudags við
glaum og gleði ásamt félögum frá
öðrum byggðarlögum. Þess má
auk þess geta hér að frá ýmsum
stöðum á landinu berast jafnan til-
boð um ferðir. Þá er tekið á móti
eldri borgurum, boðið upp á gist-
ingu í 1-3 daga, skoðunarferðir,
fræðslu, skemmtun og fleira. Má í
þessu sambandi t.d. nefna Vest-
mannaeyjar og Isafjörð.
Kórinn okkar hefur starfað með
miklum blóma undir forustu
þeirra, Ki'istófers Kristjánssonar og
Óla Björnssonar, en kórinn var
stofnaður 12. febrúar 2002. í kórn-
um starfa um 20 manns. Kórfélag-
arnir koma saman einu sinni í viku
frá október fram í maí og hefur
kórinn áunnið sér
fastan sess í menn-
ingarlífi okkar Hún-
vetninga.
Á vordögum 2004
fór kórinn í söngför
til Reykjavíkur og
söng bæði í Gerðu-
bergi og í Húnabúð.
Vel var tekið á móti
norðanfólkinu og í
Gerðubergi var það
Guðrún Jónsdóttir
frá Bjarghúsum sem
tók á móti kórnum.
Þáði hann þar rausn-
arlegar veitingar og skoðaði sýn-
ingu frá félagsstarfi aldraðra í
Gerðubergi. Að lokum söng kór-
inn nokkur lög fyrir viðstadda,
m.a. félaga úr Gerðubergskórnum
sem einnig sungu nokkur lög.
Síðan var haldið í Húnabúð, fé-
lagsheimili Húnvetningafélagsins í
Reykjavík. Þar var sungið í svo-
nefndu Sumarkaffi félagsins. Hús-
fylli var og mjög góðar undirtektir.
Á heimleiðinni var komið við í
Gerðhömrum 36 sem er heimili
þeirra Lollýar og Kristófers. Þar
voru bornar fram veitingar og
glaðst yfir velheppnaðri ferð.
Þann 5. desember fór kórinn til
Skagafjarðar og endurgalt þar með
heimsókn þeirra Skagfirðinga
hingað til okkar í fyrra. Vel var tek-
ið á móti okkur í Ljósheimum þar
sem kórarnir sungu hvor fyrir sig
og svo sameiginlega.
Eins og áður söng kórinn fyrir
vistmenn og sjúklinga á Heilbrigð-
isstofnuninni á Blönduósi svo og
fór hann til Skagastrandar og söng
fyrir vistmenn á Sæborgu. Ferðin