Dagblaðið Vísir - DV - 25.08.2009, Blaðsíða 6
6 þriðjudagur 25. ágúst 2009 fréttir
Þingmenn vilja
á Fiskistofu
Tólf sóttu um starf fiskistofustjóra,
þar af þrír fyrrverandi alþingis-
menn. Þórður Ásgeirsson, sem
gegnt hefur starfinu vel á annan
áratug, sagði starfinu lausu fyrir
skemmstu. Þeir sem sóttu um
starfið eru Arnbjörg Sveinsdóttir,
fyrrverandi alþingismaður Sjálf-
stæðisflokksins, Árni Múli Jónas-
son, Dagmar Sigurðardóttir, Einar
Matthíasson, Eyjólfur Vilberg
Gunnarsson, Grímur Valdimars-
son, Guðbrandur Sigurðsson,
Halldór Eiríkur S. Jónhildarson,
Hilmar Ögmundsson, Magnús
Stefánsson, fyrrverandi alþing-
ismaður Framsóknarflokksins
og ráðherra, Sigurjón Þórðar-
son, fyrrverandi alþingismaður
Frjálslynda flokksins, og Valtýr Þór
Hreiðarsson.
Sprengjuhótun
reyndist gabb
Lögreglan handtók í gær mann
sem grunaður er um að hafa
hringt inn sprengjuhótun í
Borgarholtsskóla. Samkvæmt
upplýsingum frá Geir Jóni
Þórissyni yfirlögregluþjóni var
pilturinn færður niður á lög-
reglustöð til skýrslutöku. Engin
sprengja fannst og er ljóst að
um gabb var að ræða.
Pilturinn er ekki nemandi í
skólanum og var hann ekki við
skólann þegar hann var hand-
tekinn.
Geta ekki rukkað
hvað sem er
Gísli Tryggvason, talsmaður neyt-
enda, hefur komið því á framfæri
til Lögmannafélags Íslands að
það sé misskilningur hjá einstaka
lögmönnum að halda að þeir séu
undanþegnir innheimtulögum.
Lögin kveða á um hámark á inn-
heimtukostnaði.
Gísli segir þessa skoðun byggj-
ast á misskilningi á lögunum.
Fram kemur í ábendingu hans um
innheimtukostnað að hann hafi
þurft að benda viðskiptaráðuneyt-
inu á sambærilegan misskilning
þegar kom að setningu reglugerð-
ar fyrr á árinu. Þá átti að undan-
þiggja innheimtubréf lögmanna
ákvæðum um hámarkskostnað.
Nýtt met sett í lestri á DV.is þegar 97.864 nýttu sér vefinn:
147 prósenta aukning
Lesendur DV.is, fréttavefjar DV, hafa
aldrei verið fleiri en í síðustu viku. Þá
fóru 97.864 einstaklingar inn á vef-
inn og lásu fréttir og greinar á honum.
Gamla metið var 95.187 lesendur á
einni viku. Það var sett í bankahruninu
miðju þegar aðsókn að DV.is tók mik-
inn kipp, meðal annars þegar vefurinn
greindi fyrstur allra fjölmiðla frá því að
bankakerfið væri í vanda og síðan falli
Glitnis og hinna bankanna.
Mikill vöxtur hefur verið í lestri DV-
.is. Fyrir ári lásu 39.577 manns DV.is í
34. viku ársins, það er næstum 60 þús-
und manns færra en í síðustu viku sem
er 34. vika þessa árs. Hlutfallslega hef-
ur lestur því aukist um 147 prósent á
einu ári.
Þjónusta við lesendur DV.is hefur
verið aukin að undanförnu og stend-
ir til að auka hana enn frekar. Þannig
hefur lesendum verið gefinn kostur á
að segja álit sitt á fréttum og greinum
á vefnum með athugasemdakerfi sem
er tengt Facebook-skráningu viðkom-
andi. Jafnframt eru fréttir um tiltekin
mál nú tengd saman til að auðvelda
lesendum að lesa allar fréttir um málið.
Hnappur til að birta fréttir á Facebook
hefur verið settur við fréttir og greinar á
vefnum. Ýmsar breytingar eru í undir-
búningi og verða þær kynntar eftir því
sem þær komast í framkvæmd á vefn-
um.
Miklu fleiri lesendur
Lestur í 34. viku
2008
39
.5
77
97
.8
64
Lestur í 34. viku
2009
AL
LT
F
YR
IR
N
EY
TA
N
DA
N
N
AL
LT
F
YR
IR
N
EY
TA
N
DA
N
N
Aldrei meiri lestur Nýtt lestrarmet
var sett í síðustu viku.
Stjórnarliðar telja víst að engin stór-
felld átök geti úr þessu komið upp
varðandi frágang á fyrirvörum við
ríkisábyrgðina á Icesave-skuldun-
um. Fjárlaganefnd hóf fundi í gær-
morgun og um málið og hélt þeim
áfram fram eftir kvöldi í gær. Með-
al þeirra sem komu til fundar við
nefndina voru lögfræðingarnir Þór-
hallur Þorvarðarson og Þorsteinn
Einarsson. Þeir rituðu grein í Morg-
unblaðið í gær þar sem þeir færa fyr-
ir því rök að skilanefnd Landsbank-
ans geti beitt fyrir sig skuldajöfnun
geri Bretar kröfur í þrotabú bank-
ans. Þeir telja með öðrum orðum að
skilanefnd Landsbankans geti gert
sér mat úr því að bresk stjórnvöld
hafi beitt ákvæðum hryðjuverka-
laga gegn bankanum og valdið hon-
um hundruð milljarða króna tjóni.
Þetta sé unnt að meta og setja fram
fjárkröfu sem gæti komið til skulda-
jöfnunar.
fyrirvararnir haldi
Guðbjartur Hannesson, Samfylking-
unni og formaður fjárlaganefndar,
sagði í samtali við DV í gærkvöldi að
innbyggt væri í allt ferlið og vanda-
laust ætti að vera að tryggja það að
þeir fyrirvarar sem settir hafa verið
fyrir ríkisábyrgð á Icesave-skuldun-
um haldi. „Það er Tryggingasjóð-
ur innstæðueigenda sem tekur lán
samkvæmt Icesave-samningnum
til þess að endurgreiða innistæður
í Bretlandi og Hollandi. Innbyggt er
að Alþingi veiti ríkisábyrgð og lánin
verða ekki veitt nema ábyrgðin nái
tryggilega til alls lánsins.“ Guðbjart-
ur segir það verkefni fjárlaganefndar
að skapa umgjörð sem auki haldið í
fyrirvörunum. Hann telur eðlilegast
að skilanefnd Landsbankans skoði
rök lögfræðinganna Þórhalls og Þor-
steins.
„Hér er ekkert lögfræðistagl á
ferðinni heldur mögulegur blákald-
ur veruleiki og forspá um möguleg-
ar deilur á milli skilanefndar Lands-
bankans og breska ríkisins. Slíkar
deilur milli þrotabús einkafyrirtæk-
is og breska ríkisins geta aldrei leitt
til þess að svokallað samfélag þjóð-
anna láti Íslandi blæða,“ skrifa grein-
arhöfundar.
Björn Valur Gíslason, þingmað-
ur VG og varaformaður fjárlaga-
nefndar, segir að verið sé að kanna
til hlítar hvernig auka megi haldið
í fyrirvörunum og engin merki séu
þess að dregið hafi úr stuðningi við
frumvarpið um ríkisábyrgðina í nú-
verandi mynd. Þannig telji hann
stuðning sjálfstæðismanna enn vera
óhaggaðan. „Það er ljóst í mínum
huga að Alþingi getur ekki sett lög
og falið öðrum þjóðum að staðfesta
lögin,“ segir Björn Valur.
Andstaða Framsóknarflokksins
við frumvarpið var óhögguð í gær-
kvöldi. Ekki er að heyra að stuðning-
ur þingflokka stjórnarflokkanna hafi
riðlast. Búist er við að Alþingi taki
málið til þriðju og síðustu umræðu í
síðasta lagi á morgun.
Pólitísk sátt frekar en lagastagl
Guðmundur Ólafsson hagfræð-
ingur og Sigurður G. Guðjónsson
lögfræðingur eru sammála um að
lagaþrætur hafi lítið að segja um Ic-
esave-samningana.
Í viðtalsþættinum Sprengisandi
á Bylgjunni um helgina sagði Guð-
mundur að í hnotskurn væri málið
þannig vaxið að Alþingi samþykk-
ir að borga. Ef Íslendingar geti ekki
borgað borgi þeir ekki. Mest sé um
vert að ljúka Icesave-málinu og snúa
sér að því að koma íslensku efna-
hagslífi á réttan kjöl.
Sigurður G. Guðjónsson sagði
í sama þætti að deilan um Icesa-
ve væri ekki lögfræðileg í eðli sínu.
Um væri að ræða milliríkjadeilu sem
þurfi að leysa á pólitískum nótum.
Búið sé að semja um að leggja eign-
ir Landsbankans upp í skuldina og
veita ábyrgð á því sem eftir standi.
Þýðingarlaust sé að draga enda-
laust upp hvert lögfræðiálitið á fætur
öðru. „Þetta hefur ekkert með reglur
um innistæðutryggingar að gera.“
Undir þetta tók Guðmundur og
varaði við lagatrú. „Betri er mögur
sátt en feitur dómur,“ hafði hann eft-
ir Haraldi Blöndal lögfræðingi, sem
lést árið 2004.
Skammt er þess nú að bíða að Icesave-málið verði endanlega afgreitt frá Alþingi og gert
verði hlé á störfum þess. Fjárlaganefnd vann að því fram eftir kvöldi að orða fyrirvara um
ríkisábyrð á Icesave-skuldunum þannig að í þeim yrði betra hald. Tveir lögfræðingar telja
að upp geti risið ágreiningur milli skilanefndar Landsbankans og breska ríkisins og bank-
inn geti þá gert kröfur á hendur breska ríkinu vegna beitingar hryðjuverkalaganna.
Betri tryGGinGar
ræddar í Þaula
„Það er ljóst í mínum
huga að Alþingi get-
ur ekki sett lög og falið
öðrum þjóðum að stað-
festa lögin.“
JóhAnn hAuksson
blaðamaður skrifar: johannh@dv.is
Þaulseta yfir icesave Fjárlaga-
nefnd sat fundi frá morgni til
kvölds í gær við að endurbæta
fyrirvara og auka tryggingar.
formaðurinn Guðbjartur Hannesson,
formaður fjárlaganefndar, segir
verkefnið að skapa umgjörð sem geri
fyrirvarana haldbetri.