Dagblaðið Vísir - DV - 25.08.2009, Blaðsíða 17

AnelkA elskAr ChelseA „Ég elska Chelsea, ég elska samherja mína, elska að
spila í Meistaradeild Evrópu og hér vil ég vera eins lengi og mögulegt er,“ lét mislyndi Frakk-
inn Nicolas Anelka hafa eftir sér eftir enn einn sigurleik Chelsea í ensku úrvalsdeildinni um
helgina. Ef marka má þetta virðist Anelka hafa fundið fjölina sína en hann var afar iðinn við
að skipta um félög framan af ferlinum. Anelka er nú þrítugur að aldri en hann hefur
einnig leikið með Paris Saint-Germain, Arsenal, Real Madrid, Fenerbache og Bolton
Wanderers. Anelka skoraði eitt mark og lagði upp annað fyrir samherja sinn Didi-
er Drogba í 2-0 sigurleik gegn Fulham um síðustu helgi.
ÓgnArsterkir
ÞjÓðverjAr
Evrópumeistarar Þjóðverja hófu
titilvörn sína með stæl á Evrópumót-
inu í Finnlandi, þegar þær lögðu
Norðmenn 4-0. Þýsku stúlkurnar
komust yfir úr umdeildri vítaspyrnu í
fyrri hálfleik. Mörkin urðu ekki fleiri
fyrr en undir lok leiksins. Norðmenn
fengu þá kjörið færi til að skora en
sóknarmanni þeirra brást bogalistin.
Þjóðverjar æddu í sókn og skoruðu
auðvelt mark eftir laglegt samspil. Í
kjölfarið hrundi leikur Norðmanna.
Þær þýsku gengu á lagið og skoruðu
tvö mörk til viðbótar í uppbótar-
tíma. Þjóðverjar hafa verið
Evrópumeistarar kvenna frá árinu
1997 og virðast einnig afar líklegir
að þessu sinni.
City kAupir
bAkvörð
Manchester City festi í gær kaup á
örvfætta bakverðinum Sylvinho.
Hann er 35 ára gamall og lék síðast
með Barcelona en samningur við
hann var ekki endurnýjaður eftir
síðustu leiktíð. Áður lék Sylvinho
með Arsenal, á árunum 1999 til 2001.
Mark Hughes hefur verið duglegur
að kaupa þekkta leikmenn í sumar
en ekkert lát virðist á kaupæði hans.
Við kaupin lét Hughes þess getið að
Sylvinho muni berjast við Wayne
Bridge um stöðu vinstri bakvarðar í
liðinu og að reynsla hans í Evrópu-
keppnum muni koma liðinu til góðs.
xxx
xxx
UMSjóN: Boði loGASoN, bodi@dv.is
sport 25. ágúst 2009 ÞriðjudAgur 17
Lán til íbúðakaupa
Lán til endurbóta og viðbygginga
Aukalán vegna sérþarfa (skert starfsorka)
Úrræði í greiðsluvanda
ríghAldA í ribery
Framhaldssagan um franska
knattspyrnumanninn Franck Ribery
virðist hafa tekið enda. Ribery fer
hvergi. Stjörnum prýtt lið Real
Madrid hefur linnulaust reynt að fá
kappann til liðs við sig í sumar en
hann er á mála hjá þýska stórliðinu
Bayern München. Forráðamenn Real
Madrid hafa loks gefist upp á að
eltast við miðjumanninn knáa.
Spánverjarnir eru þó ekki á
flæðiskeri staddir með miðjumenn
en Real Madrid hefur í sumar keypt
þungavigtarmenn á borð við Kaká
og Christiano Ronaldo fyrir metfé.
Íslendingar töpuðu fyrsta leik sínum á Evrópumótinu í Tampere í Finnlandi í gær.
Frakkar skoruðu úr tveimur afar ódýrum vítaspyrnum sem rússneski dómarinn Na-
talia Avdonchenko dæmdi. Margrét Lára fékk kjörið tækifæri til að minnka muninn
úr vítaspyrnu en brenndi af. Mikil vonbrigði í Finnlandi en næsti leikur er á móti
Noregi á fimmtudag sem tapaði líka sínum fyrsta leik.
Íslensku stelpurnar okkar náðu ekki
að fylgja eftir góðri byrjun í leikn-
um á móti Frakklandi í gær þegar
þær komust yfir eftir rétt rúmlega
fimm mínútna leik. Stelpurnar eru í
B-riðli ásamt Noregi, Frakklandi og
Þjóðverjum. Það var stór stund fyrir
stelpurnar sem gengu inn á völlinn
í Tampere í Finnlandi en þetta var
fyrsti leikur íslenska A-landsliðsins
í úrslitakeppni á stórmóti.
Blóðbað á vellinum
Áhorfendur þurfti ekki að bíða lengi
eftir fyrsta marki leiksins en Hólm-
fríður Magnúsdóttir skoraði á 6.
mínútu leiksins, eftir glæsilega fyr-
irgjöf Margrétar Láru Viðarsdóttur
sem elti boltann að hliðarlínunni og
náði að koma honum inn í teig þar
sem Hólmfríður skallaði boltann af
miklum krafti í netið. Íslendingar
héldu boltanum vel eftir markið og
áttu nokkur góð færi en á 18. mínútu
fengu Frakkar ódýrt víti þegar dóm-
arinn taldi að Guðrún Sóley hefði
brotið á leikmanni Frakklands inni í
teig. Camille Abily skoraði af miklu
öryggi úr vítinu. Frakkar þurftu að
gera tvær breytingar í fyrri hálfleik
eftir tveir leikmenn þeirra fengu
þung höfuðhögg svo að það blæddi
úr höfðinu á þeim. Staðan var 1-1 í
hálfleik.
Ódýrt víti
Rússneski dómarinn Natalia Av-
donchenko var áfram í aðalhlutverki
í seinni hálfleik þegar hún dæmdi
vítaspyrnu á 53. mínútu leiksins.
Hún var klár á því að Ólína G. Viðars-
dóttir hefði ýtt sóknarmanni Frakk-
lands niður. Sonia Bompastor skor-
aði af miklu öryggi í hægra hornið
en Þóra B. Helgadóttir, markmaður
Íslands, var ekki svo langt frá bolt-
anum. Frakkar bættu svo við þriðja
marki sínu á 67. mínútu þegar Lou-
isa Nécip skaut föstu skoti fyrir utan
teig í hægra hornið. Þóra varði bolt-
ann glæsilega og virtist hafa ætlað
að grípa boltann en hann rann svo
hægt inn.
Brenndi af vítaspyrnu
Öll von virtist vera úti hjá íslensku
stelpunum en þær komu sterk-
ar til baka eftir þriðja mark Frakk-
lands. Sigurður Eyjólfsson, þjálf-
ari liðsins, gerði nokkrar breytingar
undir lokin. Margrét Lára fékk svo
kjörið tækifæri til að minnka mun-
inn þegar fimmtán mínútur voru til
leiksloka eftir að brotið var á Dóru
Maríu Lárusdóttur inni í teig á 76.
mínútu. Margrét Lára átti afar slaka
vítaspyrnu sem markmaður Frakka
varði léttilega. Íslensku stelpurnar
voru þó sprækar síðustu mínútur
leiksins. En það dugði ekki og unnu
Frakkar sigur á stelpunum okkar.
Næsti leikur liðsins er á fimmtudag-
inn á móti Norðmönnum og verða
stelpurnar að vinna þann leik til að
komast upp úr riðlinum.
tAp í FyrstA
leiknuM Á eM
Gáttaðar Íslensku stelpurnar
horfa hér á leikmann franska
liðsins leika sér með boltann.
MYND AFP
Þóra markmaður Þóra B.
Helgadóttir í baráttunni í gær.
Hún bjargaði mörgum hættuleg-
um skotum Frakkanna.
MYND AFP
Boði LoGAsoN
blaðamaður skrifar bodi@dv.is