Dagblaðið Vísir - DV - 08.09.2009, Blaðsíða 14

Svarthöfði er sleginn yfir pistli Björgvins G. Sigurðssonar þingmanns um nafnlausar ásakanir í hans garð á netinu.
Svarthöfði hefði nefnilega aldrei trúað
því að einhver tæki mark á þessu rugli,
hvað þá háttvirtur alþingismaður.
Björgvin segir að ekki sé til meira óréttlæti en mannorð-sníð. Nú vill svo til að tiltekn-ir aðilar hafa gjörsamlega
rústað fjárhag tugþúsunda saklausra
Íslendinga með gagnrýnisleysi og
vítaverðu gáleysi, en það óréttlæti
er ekki í forgangi hjá viðskiptaráð-
herranum fyrrverandi. Nei, hann vill
hreinsanir á vefnum í forgang. Þeir
sem tjá sig ómaklega og nafnlaust eiga
að vera dregnir upp á yfirborðið og
látnir mæta dómara sínum. Eða í það
minnsta eigi að refsa þeim sem settu
upp vefsíðuna, þar sem einhver rugl-
aði. Björgvin ætlar að „beita sér af öllu
afli“ til að breyta lögum um ærumeið-
ingar, sem allra hraðast.
Ólíkt því sem Björgvin kann að telja eru stærstu vanda-mál þjóðarinnar ekki þau að nafnleysingi hafi náð
að skrifa rugl á netsíðuna ER.is, sem
er spjallvettvangur mæðrasíðunn-
ar Barnalands, um ímyndað fyllerí
hans og framhjáhald. Vandinn er sá
að meðan hann var viðskiptaráðherra
hrundu þrír stærstu bankar landsins
fyrirvaralaust, og krónan sökk niður
á botn. Ríkisstjórn hans hafði búið
þannig um hnútana að almenning-
ur sökk með og margir berjast nú við
að ná andanum. Innan tveggja ára
munu 40% Íslendinga skulda meira í
húsnæði sínu en þeir eiga. Ríkisstjórn-
in hefur ekkert gert fyrir þetta fólk. En
Björgvin ætlar að beita öllu sínu afli í
að stoppa húsmæðurnar sem slúðra á
Barnalandi.
Áttum okkur strax á því að ef yfirvöldum verður gert kleift að refsa nafnlausum bloggurum munu þau fara
gegn fleirum en þörf er á. Ef lög verða
sett gegn nafnlausu rugli munu lögin
verða notuð gegn öllu nafnlausu á
netinu. Það væri verra, því einhverjar
mikilvægustu uppljóstranir sem upp
koma í samfélögum koma oft sem
nafnlausar heimildir, jafnvel í athuga-
semdum á netinu.
Netið endurspeglar mann-lífið. Nafnlausir bloggarar eru ekkert betri en fólk er almennt. Í samfélagi okkar
leynast leiðindapúkar og rógberar - en
stundum - stórmerkilegir uppljóstrar-
ar. Það sem Björgvin vill gera er hins
vegar að beygja frjálsar umræður á
netinu undir vald yfirvalda. Þá verður
af sem áður var, að fólk geti tjáð sig
jafnfrjálst á netinu og í raunheimum.
Til að öðlast fullnaðarsigur gæti Björgvin í framhaldinu krafist þess að upptökubún-aði verði komið fyrir við alla
heita potta landsins, svo yfirvöld geti
fylgst með því hvort þar sé dylgjað. Þá
mætti draga rógberana glóðvolga upp
úr pottinum og færa þá fyrir dómara,
eða sundlaugarstjórana, sem bera
ábyrgð á þeim vettvangi sem rógber-
inn nýtti sér.
Það er nefnilega bara stigs-munur á nafnlausum, rakalausum fullyrðingum á netinu og í heita pottinum.
Munurinn felst í því að fleiri komast
í fullyrðingarnar á netinu. Hins veg-
ar eru hvorki fleiri né færri sem taka
mark á þeim.
Svarthöfði hefur ímugust á sumu þvaðrinu sem fer fram nafnlaust. Jafnframt hefur hann rekist á ófáar athuga-
semdirnar þar sem gífurlega mikil-
vægar upplýsingar hafa komið fram.
Í fyrstu líða upplýsingarnar fyrir
nafnleysið. En slíkar fullyrðingar geta
reynst vera réttar eftir nánari skoðun
og þær geta ljóstrað upp um skandala
valdamanna, sem aldrei hefði verið
svipt hulunni af án nafnleysis.
Auðvitað eru uppljóstranir einskis nýtar fyrir þá sem eru við völd í samfélaginu. Slíkar uppljóstranir snúa nefnilega
yfirleitt að þeim.
Nauðsynin fyrir nafnlausar athugasemdir á netinu er meiri á Íslandi en ann-ars staðar. Hér á landi er
til siðs að valdaklíkur útiloki fólk frá
atvinnumarkaði ef það segir svo sem
eitt styggðaryrði um stórmennin sem
halda um taumana. Þetta er land
mannfæðar, krosseignatengsla og
klíkuskapar.
Þegar allt kemur til alls missir fólk trúna á þeim fjölmiðl-um sem birta gagnrýnislaust nafnlausar ásakanir. Þannig
hefur farið fyrir Eyjunni, sem hefur
fengið viðurnefnið „rotþró netsins“
vegna þess að stærstur hluti þess skrif-
aða efnis sem birtist á síðunni er nafn-
lausar athugasemdir. En viti menn,
fólk er ekki svo vitlaust að gleypa það
sem kemur þar fram. Sá sem hins
vegar trúir því upp á þjóðina að hún
svelgi í sig úr rotþrónni af bestu lyst
ætti að endurskoða viðhorf sitt gagn-
vart fólkinu í landinu. Fólk er ekki fífl.
Hreinsanir Björgvins
Spurningin
„Já, mér finnst
þetta frumleg
hugmynd. Hún væri
þá dálítið öðruvísi
en hinar stytturnar í
bænum því hann
var eiginlega
andhetja hann
Helgi,“ segir
Guðjón
Friðriksson, sagn-
fræðingur og einn helsti sérfræðingur
okkar um sögu Reykjavíkur og styttur
bæjarins. Stofnuð hefur verið sérstök
síða á Fésbókinni þar sem 7000 manns
hafa lýst yfir stuðningi við þá hugmynd
að reisa styttu af Helga Hóseassyni.
er við Hæfi að reisa
Helga styttu?
Sandkorn
n Meðal þess sem hæst ber á
komandi jólabókavertíð er lífs-
saga Vigdísar Finnbogadóttur,
fyrrverandi forseta Íslands, sem
Páll Valsson skrásetur. Vigdís er
örugglega
virtasti núlif-
andi Íslend-
ingurinn.
Kjör hennar
sem forseta
markaði
tímamót þar
sem kona
var í fyrsta
sinn kjörin til þess embættis. Og
hún var lítt umdeild þann tíma
sem hún sat á Bessastöðum. Nú
er einungis spurningin sú hversu
einlæg hún er í frásögn sinni og
tilbúin til að fjalla um málin á
persónulegum nótum.
n Tryggvi Þór Herbertsson al-
þingismaður liggur fremur lágt
í umræðunni. Hann klagaði
meðbloggara sinn á Eyjunni, Teit
Atlason, til ritstjóra fyrir orðbragð
í sinn garð
en einnig
nafnlausu
gungurn-
ar. Teiti
hafði orðið
það á að
kalla þing-
manninn
vindhana.
Með þessu hefur Tryggvi líklega
viljað kalla fram samúð líkt og
Björgvin G. Sigurðsson fær vegna
rógs í hans garð um drykkju-
skap og framhjáhald. Tryggvi er
kúlulánaþegi og þáði milljónir
fyrir hvítþvottarskýrslu um efna-
hagsástandið á Íslandi fyrir hrun.
Flestir virðast á því máli að hann
verði að þola glósur Teits.
n En þótt Tryggvi Þór Herberts-
son krefjist uppreisnar í sam-
skiptum við Teit Atlason ofur-
bloggara er enga iðrun að finna
hjá þessum fyrrverandi guðfræði-
nema sem reiknar með að verða
dreginn fyrir dómstóla. „Innan-
búðarmaður í Sjálfstæðisflokkn-
um sagði mér að ég verði senni-
lega kærður...,“ bloggar Teitur
og tekur síðan af skarið með að
hann muni halda sínu striki. „Ég
veit satt best að segja ekkert hvað
ég geri í þessu klögumáli Tryggva.
- Ég ætla a.m.k. ekki að gera ekki
neitt.“
n Meðal gesta í Silfri Egils um
helgina var Illugi Gunnarsson
alþingismaður. Bloggarinn Jónas
Kristjánsson nefnir innkomu
þingmannsins í umræðuna í
færslu þar sem hann heggur eftir
því að Illugi
nefndi að í
byrjun febrú-
ar hefði verið
góður tími til
aðgerða. „Þá
féll einmitt
ríkisstjórn-
in, sem Ill-
ugi studdi.
Gaf hún sér þó áður tíma til að
draga sjóð níu að landi á kostnað
skattgreiðenda. Alltaf er gaman
að sjá menn, sem hafa strikað yfir
fortíð sína. Svo taumlaust, að þeir
muna ekkert fyrir 1. febrúar. Af-
neitun fortíðar er alger,“ bloggaði
Jónas.
LyngHáLS 5, 110 Reykjavík
Útgáfufélag: Útgáfufélagið Birtíngur ehf.
Stjórnarformaður: Hreinn Loftsson
framkvæmdaStjóri: elín Ragnarsdóttir
ritStjórar:
jón Trausti Reynisson, jontrausti@dv.is
og Reynir Traustason, rt@dv.is
fréttaStjórar:
Brynjólfur Þór guðmundsson, brynjolfur@dv.is
og Þórarinn Þórarinsson, toti@dv.is
auglýSingaStjóri:
elísabet austmann, elisabet@birtingur.is
dv á netinu: dv.iS
aðalnÚmer: 512 7000, ritStjórn: 512 7010,
áSkriftarSími: 512 7080, auglýSingar: 512 7050.
SmáauglýSingar: 515 5550.
umbrot: dv. Prentvinnsla: Landsprent. dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
„Ef fyrstu kynni
eru eitthvað
mislukkuð getur
tekið langan tíma að
breyta skoðun fólks á
okkur.“
n  Sirrý er með námskeið og fyrirlestra fyrir fólk 
sem vill efla sig og sækja fram. Hún veit hvað hún 
syngur. - pressan.is
„Hún er fyrir pöpulinn.
Fyrir bolinn.“
n  Lögfræðingurinn, söngvarinn, uppistandarinn, 
og nú ljóðskáldið Bergur Ebbi Benediktsson 
gefur út ljóðabók sem er fyrir alla. Bolinn.  
- Fréttablaðið
„Ég hef alla tíð frá því ég
var krakki haft mikinn
áhuga á pólitík og stjórn-
málum – það þótti stund-
um afbrigðilegt.“
n  Alþingismaðurinn og rokkarinn Björn Valur
Gíslason í helgarviðtali. - DV
„Ég er nú ekki eins róttæk-
ur og flutningsmenn
þessarar tillögu eru.“
n  Ögmundur Jónasson heilbrigðisráðherra um 
þá hugmynd að taka tóbak úr almennri sölu á 
Íslandi sem forvarnaraðgerð. - DV.is
„Ég held að þetta
hafi verið besti
landsleikur
okkar allra í
langan tíma.“
n  Landsliðsmaðurinn Grétar Rafn
Steinsson var ánægður með leik 
íslenska landsliðsins í fótbolta eftir 
jafnteflisleikinn gegn Noregi.  
- Morgunblaðið
Aumingjaskapur
Leiðari
Sú staða er ótrúleg að hrunamenn dómskerfisins skuli eyða dýrmæt-um tíma og orku í að hundelta blaðamenn í tengslum við upplýs-
ingaleka úr bankakerfinu. Fjölmiðlar hafa á
undaförnum misserum vitnað í þau gögn úr
myrkviðum bankakerfisins sem þeim hafa
borist. Það er gert í því ljósi að slíkt kunni
að varpa ljósi á hrunið. Hluti af lánabók
Kaupþings frá árinu 2006 barst ritstjórn DV
í sumar. Þar mátti sjá svart á hvítu hvernig
bankinn krosslánaði eigendum sínum. Þá
sést að samráð var milli bankanna um að
stærstu eigendur lánuðu hver öðrum. Þess
var vandlega gætt af hálfu DV að birta ekki
upplýsingar um einstaklinga eða fyrirtæki
sem voru í hefðbundnum, eðlilegum við-
skiptum. Annar hluti lánabókar Kaupþings
birtist á heimasíðunni Wikileaks.org. Úr-
val þeirra upplýsinga sem þar var að finna
birtist í flestum fjölmiðlum. Þarna voru slá-
andi tölur um það hvernig Kaupþingsmenn
höfðu fyrirhyggjulaust ausið út fé í tengd
fyrirtæki. Fleiri mál tengd uppljóstrunum
úr Glitni hafa haldið vöku fyrir liðleskjum
kerfisins.
Svo er að sjá sem Fjármálaeftirlitið telji
nauðsynlegast að elta uppi þá fjölmiðla-
menn sem hafa það eitt til saka unnið að
upplýsa þjóðina um það sem gerðist í bak-
herbergjum bankanna. Það sætir furðu að
sú auma stofnun sem flaut sofandi að feigð-
arósi í aðdraganda hrunsins og sinnti eng-
um viðvörunarljósum skuli vera upptek-
in af að viðhalda leynd og setja undir leka.
Einhverjir höfðu bundið vonir við að Gunn-
ar Andersen, nýr forstjóri FME, myndi færa
með sér ferska vinda inn í trénaða stofnun-
ina. Annað er að koma á daginn. Nýi for-
stjórinn heldur að hlutverk hans sé að þagga
niður í þeim sem varpa ljósi á orsakir hruns-
ins. Heldur virkilega einhver Íslendingur að
réttlætið felist í því að fá blaðamenn dæmda
fyrir að sinna skyldu sinni? Aumingjaskap-
urinn er algjör. Með réttu ætti Fjármálaeft-
irlitið að berjast fyrir því að lánabækur allra
bankanna frá því fyrir hrun verði opnað-
ar almenningi. Þær koma hverjum einasta
landsmanni við. Allir Íslendingar eru nú að
taka á sig álögur vegna þess að bankarnir
fóru offari á meðan eftirlitið svaf. Hér með
er lýst eftir lánabók Landsbankans til opin-
berrar birtingar.
reynir traustason ritstjóri skrifar. Hér með er lýst eftir lánabók Landsbankans
bókStafLega
14 þriðjudaGur 8. september 2009 umræða