Dagblaðið Vísir - DV - 20.01.2010, Page 22
22 MIÐVIKUDAGUR 20. janúar 2010 VIÐTAL
Uppgötvaði lífið
EFTIR ÁRALANGA INNILOKUN
É
g var óðum að nálgast
100 kílóin og leið ekki vel.
Þetta er allt annað líf,“
segir útvarpskonan Sig-
ríður Lund Hermanns-
dóttir sem er aldeilis glæsileg eftir
að hafa breytt um lífsstíl og misst 20
kíló. Sigga viðurkennir að hafa slegið
slöku við um jólin en er harðákveð-
in í að halda púlinu áfram enda rétt
að byrja og hún stefnir að því að vera
búin að ná lokatakmarkinu í apr-
íl. „Þetta byrjaði sem áskorun hjá
okkur í þættinum og við ákváðum að
prófa CrossFit. Það hentar mér rosa-
lega vel og í dag er ég hætt að pæla í
kílóum og einbeiti mér frekar að því
að vera heilbrigð sál í heilbrigðum
líkama.“
Byrjaði í kristilegu útvarpi
Sigga Lund hefur vakið athygli fyrir
að ræða einkalíf sitt og sér í lagi kyn-
líf á afar opinskáan hátt í útvarps-
þættinum Zúúber á FM 957 þar sem
hún ræður ríkjum ásamt þeim félög-
um Gassa og Svala. Hún viðurkennir
að það sé langur vegur á milli vinn-
unnar og þess lífsmáta sem hún að-
hylltist áður en hún hóf störf á FM.
Sigga var og er mjög trúuð og kemur
úr kristilegu umhverfi og byrjaði sinn
útvarpsferil á kristilegu stöðinni Alfa.
„Ég heyrði auglýsingu á Alfa þar
sem auglýst var eftir nýjum rödd-
um og áhugi minn kviknaði. Ég var
strax ráðin og byrjaði með þáttinn Á
góðri stund með Siggu Lund,“ segir
Sigga sem einnig vann á Stjörnunni
þegar sú stöð var kristileg. Árið 2002
fór hún að leysa af á útvarpsstöðinni
Létt 967 og fékk þar fulla vinnu árið
eftir og kom að lokum inn í þáttinn
hjá strákunum 2006 en félagarnir
höfðu þá verið með Zúúber í loftinu
í eitt ár.
Gifti sig hrein mey
Sigga ólst upp í Vestmannaeyjum þar
sem hún fór ung að mæta í sunnu-
dagaskólann. „Ég heillaðist af kirkju-
starfinu og var ekki nema nema
12, 13 ára gömul þegar ég ákvað að
ætla að tileinka Jesú líf mitt. Í minni
barnslegu einlægni vildi ég láta gott
af mér leiða og breyta heiminum,“
segir Sigga sem lifði eftir boðorðum
kirkjunnar. „Ég var 18 ára, hrein mey,
þegar ég gifti mig og svaf hjá eigin-
manninum í fyrsta skiptið á brúð-
kaupsnóttina. Við eignuðumst okk-
ar barn í hjónabandi,“ segir hún en
hjónabandið entist í sex ár.
„Ég var bara óharðnaður ungl-
ingur en var allt í einu trúlofuð, gift,
komin með bíl, íbúð og loks barn.
Þetta var allt of mikið fyrir litla ungl-
ingsstúlku sem vissi ekkert um lífið
eða tilveruna þótt slíkt geti örugglega
gengið í einhverjum tilfellum,“ segir
hún og bætir aðspurð við að eigin-
maðurinn hafi einnig verið úr kirkj-
unni. „Þetta er góður maður en við
vorum of ung. Skilnaðir eru illa liðn-
ir og ég öðlaðist ekki hugrekki til að
skilja fyrr en sex árum síðar.“
Byrjaði að drekka 31 árs
Árið 1995 gekk Sigga til liðs við frí-
kirkjuna Frelsið þar sem fagnaðarer-
indið var boðað á nýstárlegan og nú-
tímalegan hátt. Um sex ára skeið ára
snérist öll hennar tilvera um Frelsið
þar til upp komst um fjölda hneyksla
í tengslum við forstöðufólkið sem olli
því að starfið rann út í sandinn.
„Þegar allt hrundi var eins og fót-
unum hefði verið kippt undan mér
og allt öryggið sem ég þekkti var
horfið. Við tók mikið mótþróaskeið
þar sem ég gerði og prófaði allt sem
ég hafði ekki mátt gera. Alla ævi hafði
ég verið góða stelpan, hafði aldrei
drukkið eða reykt og við vinkonurn-
ar tókum til við að stunda djammlífið
stíft og ég fór að sofa hjá eftir sex ára
þurrkatíð,“ segir Sigga sem datt í það
í fyrsta skiptið 31 árs.
„Þetta var mjög erfiður tími og
í upphafi vildi ég ekkert frekar en
komast aftur í öryggið og leitaði í
það sem ég þekkti, trúna. Hins vegar
upplifði ég mikil svik og fannst ekki
bara mennirnir hafa brugðist held-
ur Guð líka,“ segir Sigga en bætir við
að smám saman hafi hún sæst við
Guð og gert sér grein fyrir hverslags
stjórnun hefði átt sér stað í Frelsinu
sem hefði frekar mátt líkja við sértrú-
arsöfnuð en fríkirkju.
„Frelsið var frekar fangelsi en
söfnuður. Við urðum að hlýða í einu
og öllu og til að mynda var ég nánast
hætt að umgangast fjölskyldu mína.
Allt snérist um Frelsið. Ég var lengi
að jafna mig eftir þessa reynslu en ég
sé ekki eftir þessum árum þótt það
hefði verið ágætt að nýta þau í eitt-
hvað meira uppbyggilegt. Ég vel hins
vegar að lifa ekki í biturleika og horfi
ekki til baka með reiði í hjarta.“
Gengur oft of langt
Sigga ætlaði sér alltaf að verða
margra barna móðir en á einn tví-
tugan son. Hún segist eiga í góðum
samskiptum við soninn sem er ný-
fluttur að heiman. „Við erum fínir
vinir og mér fannst mjög erfitt þegar
hann flutti út,“ segir hún og bætir að-
spurð við að hann hlusti ekki mikið
á mömmu sína í útvarpi. „Stundum
verður umræðan of opinská og það
hefur komið fyrir að honum líki ekki
vel það sem ég ræði í útvarpinu. Það
er bara svo oft mikil stemning hjá
okkur í stúdíóinu að ég gleymi mér
stundum og geng of langt. Það hefur
oft komið fyrir að mig langi að ganga
með hauspoka heilu vikurnar.
Þátturinn hjálpaði mér samt að
vinna í mínum málum. Þar fann ég
mig og fór að uppgötva lífið eftir alla
þessa innilokun í kirkjunni. Það er
mjög frelsandi að ræða málin opin-
skátt svo þátturinn virkar stundum
eins og sálfræðitími. Ég upplifi eitt-
hvað, segi frá, hlustendur hringja og
sitt sýnist hverjum og málin eru kruf-
in. Ég var mjög lengi feimin og inni
í mér en þátturinn gaf mér færi á að
tjá mig eftir að hafa verið lokuð inni
í sjálfri mér í mörg ár,“ segir hún og
bætir við að strákarnir í þættinum
hafi einnig staðið við bakið á henni.
„Ég hef eignast vini fyrir lífstíð og
mér þykir óendanlega vænt um þessa
stráka. Í gegnum allt sem gengið hef-
ur á í mínu lífi síðastliðin ár hafa þeir
alltaf verið til staðar og hlusta á mig
og gefa mér góð, og slæm, ráð. Þeir
tukta mig líka til ef þess þarf.“
Kynfræðingurinn heillar
Sigga, sem verður fertug á árinu,
vinnur í útvarpi þar sem markhóp-
urinn er ungt fólk. Hún viðurkennir
að hafa oft velt fyrir sér hvort hún sé
eitthvað seinþroska. „Ég er mjög ung
í anda og vinkonur mínar, fyrir utan
æskuvinkonur, eru tíu árum yngri
en ég. Það er samt fólk á öllum aldri
sem hlustar á þáttinn og samkvæmt
könnun hlusta 75% Íslendinga undir
40 ára eitthvað í hverri viku. Á með-
al hlustenda sem hringja reglulega
inn eru 46 ára og 55 ára konur og enn
önnur 53 ára nuddari á Spáni sem
segist aldrei fara á stofuna fyrr en
þátturinn okkar er búinn.
Annars hefur ungt fólk alltaf átt
hjarta mitt og markmið mitt í Frels-
inu var að ná til ungs fólks. Ég fíla
mig vel á þessari stöð og er ekkert að
fara í bráð, en ég ætla auðvitað ekki
að verða hér elliær. Mig dreymir til
dæmis alltaf um að fara í sjónvarp-
ið,“ segir Sigga sem er einnig byrj-
uð að syngja og ætlar að halda tón-
leika í apríl. „Ég var alltaf að syngja
þegar ég var yngri en hætti því þegar
tilveran hrundi með Frelsinu. Fyrir
stuttu ákvað ég að skella mér í söng-
nám og er að skipuleggja rómantíska
djasstónleika og er svakalega spennt
yfir því.“
Sigga er með fleiri járn í eldinum
en hún kláraði stúdentsprófið á síð-
asta ári eftir langa fjarveru frá skóla
og tók auk þess þátt í keppninni
Sterkasta kona Íslands á síðasta ári
en um áskorun tengda útvarpsþætt-
inum var að ræða. Á næstu dögum
mun hún opna heimasíðu sína, sigg-
alund.is, þar sem hún ætlar að vera
með vídeóblogg og annað skemmti-
legt. Hún segir frekara nám óákveðið
en það sé margt sem heilli. „Pæling-
in var alltaf að fara í kynfræðinginn í
Ástralíu en maður fer líklega ekki að
hoppa út í það í þessu árferði. Ann-
ars heyrði ég að það ætti að fara að
kenna þetta í Háskóla Íslands í haust,
svo hver veit hvað maður gerir, það
er allt opið.“
Sjálfsöryggi heillar
Varðandi karlamálin segist Sigga
komin á fast. „Kærastinn er sveita-
strákur í húð og hár, fæddur og upp-
alinn á Vaðbrekku í Hrafnkelsdal og
býr á Egilsstöðum. Sveitastrákar eru
bestir,“ segir hún og bætir við að þau
hafi kynnst þegar Zúúber hafi verið
að skemmta í Valaskjálf á Egilsstöð-
um í sumar.
„Hann er yngri en ég, það mun-
ar 13 árum, en hann er einn þrosk-
aðasti maður sem ég hef hitt. Við
erum voðalega ný í þessu en við
fljúgum reglulega á milli og not-
um auk þess Skype-ið. Þetta hefur
gengið vel hingað til og bleika skýið
varir lengur vegna fjarlægðarinnar.
Það hefur samt alveg komið til tals
að hann flytji í bæinn,“ segir hún
brosandi og bætir við að karlmenn
séu oft lafhræddir við hana. „Þeir
leita gjarnan samþykkis míns áður
en þeir stíga í vænginn við mig.
Konur fíla það ekki. Hins vegar vita
þeir ekki að ég hef alltaf verið skít-
hrædd við þá. Sveitastrákurinn var
ekkert hræddur og það fannst mér
frábært,“ segir hún.
Aðspurð segir hún sjálfsöryggi í
fari karlmanna heilla. „Hann verð-
ur líka að vera í tengslum við til-
finningar sínar, sannur og einlæg-
ur. Ég þoli ekki þetta endalausa
yfirskin. Menn verða að vera nátt-
úrulegir töffarar, ekki tilbúnir,“ seg-
ir hún og bætir við að hroki og yfir-
borðskennd séu fráhrindandi.
Hún segir allt of snemmt að
segja til um hvort barneignir séu á
planinu. „Ég ætlaði ekki að eignast
fleiri börn, komin á þennan aldur,
en maður veit aldrei hvað framtíðin
ber í skauti sér. Ég var svo ung þegar
ég varð ófrísk og hlutirnir eru gjör-
breyttir í dag,“ segir hún og bætir
við að hún sé mjög hamingjusöm
með tilveruna akkúrat eins og lífið
er í dag. „Framtíðin er spennandi
og það verður forvitnilegt að sjá
hvað þetta nýja ár ber í skauti sér,
þrátt fyrir kreppu.“ indiana@dv.is
Dugleg í ræktinni
Sigga stundar crossfit
grimmt og er hætt að
telja kílóin.