Dagblaðið Vísir - DV - 24.02.2010, Page 17

FYLGIST ÞÚ ENN ÞÁ MEÐ ICESAVE-MÁLINU?
„Já, ég fylgist enn þá með því. Ég
viðurkenni að ég er hins vegar orðinn
leiður á þessu. Ég vildi klára þetta um
áramótin. Ég segi að þjóðin hafi tapað
á þessari bið.“
ÞORVALDUR ÞORSTEINSSON,
70 ÁRA, A-DÓMARI Í GLÍMU
„Ég sef nú alveg rólegur þrátt fyrir
Icesave.“
RÖGNVALDUR ÓLAFSSON,
61 ÁRS, A-DÓMARI Í GLÍMU
„Ég held að það þurfi að gera
greinarmun á því að fylgjast með
málinu og vera kominn með leið á því.“
GARÐAR ERLENDSSON,
67 ÁRA, A-DÓMARI Í GLÍMU
„Já, að sjálfsögðu fylgist ég enn þá með
því alvarlega máli.“
HÖRÐUR GUNNARSSON,
71 ÁRS, A-DÓMARI Í GLÍMU
GÍSLI SIGURBERGSSON verðlags-
stjóri Fjarðarkaupa er fyrst og fremst
þakklátur starfsfólki sínu en
Fjarðarkaup hlaut hæstu einkunn allra
fyrirtækja frá upphafi mælinga
Íslensku ánægjuvogarinnar.
Fjarðarkaup hlaut 91,3 af 100
mögulegum. Gísli er mikill fjölskyldu-
maður og golfari með fimm í forgjöf.
FJÖLSKYLDAN
OG FJARÐARKAUP
„Nei, mjög lítið. Ég er orðin leið á
Icesave. Þetta er orðið svolítið þreytt.“
KATRÍN ÖSP ÞORSTEINSDÓTTIR,
20 ÁRA, STARFSMAÐUR HJÁ PÓSTINUM
Er ekki hægt að ætlast til þess að
önnur yfirsýn og önnur fræði en svo-
nefnd skipulagshagfræði Sigmundar
Davíðs Gunnlaugssonar, formanns
Framsóknarflokksins, ráði örlögum
þjóðarinnar í Icesave-málinu?
Fyrir liggur í samningaumleitun-
um við Hollendinga og Breta að for-
ystumenn flokkanna hljóta að semja
á þeim forsendum sem um samd-
ist á fundi Steingríms J. Sigfússonar
fjármálaráðherra, Bjarna Benedikts-
sonar, formanns Sjálfstæðisflokks-
ins, og Sigmundar með Wouter Bos,
fjármálaráðherra Hollands, og Paul
Myners, bankamálaráð-
herra Bretlands, 29. jan-
úar síðastliðinn.
Grundvöllurinn
var og er fjórþættur
og hefði átt að hindra
geðþóttaköst Sigmundar Davíðs og
afvegaleiðandi fundi hans með Ind-
efence-klúbbnum sem venjulega
ræður yfir innherjaupplýsingum um
gang mála.
Í fyrsta lagi hafa þeir Bjarni og Sig-
mundur fallist á að greiða alla skuld-
ina, 20.887 evrur að lágmarki,
fyrir hvern reikning Icesa-
ve-innstæðna, samtals
um 700 milljarða króna.
Á móti þeirri skuld standa
nú þegar 630 milljarð-
ar króna í þrotabúi Lands-
bankans.
Allt í röngum
hlutföllum
Hvaða steinrunna tregða
veldur því að framsóknar-
menn gæla þrátt fyrir þetta
við það að unnt sé að skrifa
undir skuldaviðurkenn-
ingu án þess að veita með
henni einhverjar ábyrgðir?
Bókstaflega allt sem bank-
arnir íslensku gerðu eða
létu ógert var með vitund,
vilja og samþykki íslenskra
stjórnvalda. Á þeim grund-
velli hvílir ábyrgð sið-
menntaðrar þjóðar.
Í öðru lagi var skilyrt
að allir forystumenn
stjórnmálanna kæmu samhentir að
málinu.
Í þriðja lagi var áskilið að saming-
ar gengju fljótt og vel.
Í fjórða og síðasta lagi var sæst á
að Íslendingar fengju afslátt á vaxa-
kjörum frá fyrri samningi.
Eftir viðræður, bréfaskriftir og
tilboð, hleypur Sigmundur Davíð út
undan sér, væntanlega eftir að hafa
orðið fyrir hughrifum frá Indefence-
-mönnum frekar en mönnum eins
og Guðmundi Steingrímssyni fram-
sóknarþingmanni, sem vill semja
strax og samþykkja sanngjarnari
lánskjör.
Sagðar hafa verið fréttir af því
að Hollendingar og Bretar séu til í
að falla frá vöxtum af heildarupp-
hæðinni árin 2009 og 2010, sem
næmu samtals um 70 milljörðum
króna. Að vextir verði þeir sömu og
á norrænum lánum til Íslands vegna
endurreisnarinnar en þó með 2,75
prósenta álagi.
Sérkennilegt er að heyra íslenska
stjórnmálamenn rífast um vexti og
vaxtaálag á alþjóðamarkaði sem
boðið hafa fyrirtækjum og heimilum
hreinræktað vaxtaokur undanfarin
mörg ár. Svo mjög að Ísland var sem
mykjuskán fyrir spákaupmannamý
veraldarinnar um margra ára skeið
og sogaði til sín þá sem gera vildu
út á vexti og íslenska krónu. Með
hörmulegum afleiðingum.
Skaðlegir duttlungar
Gunnlaugur Jónsson rekstrarhag-
fræðingur ritaði fróðlega grein í
Fréttablaðið 29. janúar síðastliðinn.
Hann reiknaði út að með hreinni
stöðnun, við gætum einnig sagt
skorti á 3 prósenta árlegum hagvexti,
næmi varanlegt tap þjóðarinnar 75
milljörðum króna á mánuði. Hann
sýndi einnig fram á að kyrrstaðan
væri þjóðinni dýr mæld í hörmung-
um á borð við atvinnuleysi og land-
flótta.
Gunnlaugur gaf sér ekkert um
þátt Icesave-deilnanna í þessum
hörmungum eða hversu dýrar tafir
á lausn málsins í 8 mánuði hefðu
reynst. Hann benti engu að síður á
að upphæð Icesave-skuldabréfsins
næmi um þriggja mánaða kyrrstöðu
að gefnum ofangreindum forsend-
um. Áætlanir vísa einmitt til þess að
Icesave-reikningurinn sé í heild um
230 milljarðar króna, þar af eru vextir
um 150 milljarðar miðað við lög-
festan samninginn frá 30. desember
síðastliðnum.
Eins og úr hefur spilast; vald
Hollendinga og Breta innan Al-
þjóðagjaldeyrissjóðsins og tafir á
endurskoðun endurreisnaráætl-
unar sjóðsins gagnvart Íslandi,
skert lánshæfismat og fleira, er
augljóst að skaðinn er mikill jafn-
vel þótt Icesave-vandinn skýrði
aðeins 15 prósent stöðnunarinnar.
Það samsvarar 90 milljarða króna
tapi samkvæmt útreikningum
Gunnlaugs.
Hvernig ætlar Sigmundur Davíð
að réttlæta þennan kostnað sökum
tafanna? Duga honum ekki þekk-
ingarmolar skipulagshagfræðinnar
til þess að slá mati á ávinning að
frádregnum kostnaði? Með því að
fara eins langt og unnt er að komast
í samningum við Breta og Hollend-
inga verður sennilega aldrei unnt
að vega upp það tap sem duttlungar
framsóknarforingjans unga hafa
valdið þjóðinni.
JÓHANN
HAUKSSON
blaðamaður skrifar
„Bókstaflega allt sem
bankarnir íslensku gerðu
eða létu ógert var með
vitund, vilja og samþykki
íslenskra stjórnvalda.“
UMRÆÐA 24. febrúar 2010 MIÐVIKUDAGUR 17
Strokkur skartar sínu fegursta Náttúra Íslands er ekki síður falleg á veturna en á sumrin. Ljósmyndarinn Bragi Þór Jósefsson
tók þessa fallegu mynd á köldu síðdegi fyrir fáeinum dögum.
1 DEITAÐI FLUGMANN SEM REYND-IST VERA KLÁMMYNDALEIKARI
Þorbjörg Marinósdóttir blaðakona
segist hafa átt í ástarsambandi við
klámmyndaleikara.
2 DULARFULLT MÁL Í ODDEYRAR-SKÓLA: STARFSMAÐUR HANDTEKINN
Starfsmaður Oddeyrarskóla á Akureyri
var handtekinn í skólanum.
3 GUÐFAÐIR ICESAVE Í ÞJÓÐLEIKHÚSINU Sigurjón Þ. Árnason, fyrrverandi
bankastjóri Landsbankans skemmti
sér á Gerplu.
4 NENNTI EKKI Í RÖÐINA OG VANN 10,8 MILLJÓNIR
Karlmaður ákvað að kaupa sér lottó-
miða því hann nennti ekki að bíða í röð.
5 SKÓLASTJÓRI TJÁIR SIG EKKI UM HANDTEKINN STARFSMANN
„Þetta er lögreglumál og ég hef
ekkert um þetta að segja,“ segir
skólastjóri Oddeyrarskóla.
6 STÆRSTI FLUGVÉLA KIRKJUGARÐ-UR HEIMS
Í miðri eyðimörk er að finna stærsta
flugvélakirkjugarð heims.
7 DV BIRTIR TÖLVUPÓSTA HANNESAR OG HREINS
DV birti tölvupóstsamskipti Hannes-
ar Hólmsteins og Hreins Loftssonar.
MEST LESIÐ á dv.is MYNDIN
Hver er maðurinn? „Gísli Þór
Sigurbergsson, titlaður verðlagsstjóri
Fjarðarkaupa.“
Hvaðan ertu? „Ég er Gaflari.“
Hvað drífur þig áfram?
„Fjölskyldan, Fjarðarkaup og lífið sjálft –
það er skemmtilegt.“
Hver er fyrsta minning þín úr æsku?
„Ég sat í einhverri hengirólu í eldhúsinu
heima og mamma var að gefa mér
rúsínur.“
Hver er þín fyrirmynd? „Foreldrar
mínir, hafa alltaf verið. Ég verð líka að
segja stóri bróðir.“
Hver eru þín áhugamál? „Fjölskyldan
og golf.“
Hver er forgjöfin? „Hún er fimm.“
Hvaða bók er á náttborðinu?
„Hún heitir Hönd í hönd. Við misstum
móður okkar 7. desember og þetta eru
leiðbeiningar fyrir syrgjendur.“
Hver er eftirminnilegasta kvikmynd
sem þú hefur séð? „Ég hef horft oftast
á Dirty Dancing af öllum myndum. Það
er samt konan mín sem ber ábyrgð á
því.“
Haukar eða FH? „Haukar.“
Hvað þýðir þetta fyrir Fjarðarkaup?
„Þetta er bara hvatning til að gera betur.
Hvatning til að halda áfram á sömu
braut. Þetta eru líka þakkir til starfsfólks-
ins, það er fyrst og fremst starfsfólkið
sem er að skila þessu til okkar.“
Er erfitt að kljást við risana á
matvælamarkaði? „Nei, nei, ég held
að það sé ekkert erfitt.“
MAÐUR DAGSINS
DÓMSTÓLL GÖTUNNAR
KJALLARI
Skaðlegir duttlungar formannsins