Dagblaðið Vísir - DV - 10.05.2010, Page 18
HREIÐAR SKYGGIR Á
n Stolt Stykkishólms hefur sjaldan
risið hærra en í þarsíðustu viku
þegar körfuknattleikslið Snæfells varð
Íslandsmeistari.
Þúsund manna
byggðarlög geta
sjaldan státað af
slíkri upphefð.
Viku síðar kom
hins vegar skuggi
yfir bæinn. Þá var
áður dáðasti son-
ur Stykkishólms,
Hreiðar Már Sigurðsson, handtekinn
og síðan hnepptur í gæsluvarðhald.
Hreiðar er skipstjórasonur og ólst upp
í Stykkishólmi, en flutti þaðan til að
hefja nám í Verzlunarskóla Íslands,
þar sem hann mun ekki hafa farið
leynt með stolt sitt af því að vera frá
Stykkishólmi.
HEYKVÍSL EGILS
n Stríð er hafið milli ofurbloggarans
Egils Helgasonar og vefmiðilsins
Pressunnar. Upphafið var að Egill
benti á að fjöldi frétta á Pressunni
hefði verið birtur um að vafasamt sé
að hneppa menn
í gæsluvarðhald,
líkt og í tilfelli
Hreiðars Más
Sigurðssonar.
Kaffistofa
Pressunnar
svaraði í langri og
reiðilegri færslu
undir fyrirsögn-
inni „Maðurinn með heykvíslina“, þar
sem hann var vændur um samsæris-
kenningar og múgæsingu. Heykvíslin
virðist hafa hitt á veikan blett. Svar
Egils var að benda á tengsl upphafs-
manns síðunnar og ritstjóra hennar
við Halldór Ásgrímsson. Sá fyrri, Björn
Ingi Hrafnsson, var aðstoðarmaður
Halldórs en hinn, Steingrímur Sævarr
Ólafsson, var upplýsingafulltrúi.
HALLDÓR
ÁN EFTIRSJÁR
n Halldór Ásgrímsson var sem draugur
fortíðar þegar hann sneri aftur í
íslenska þjóðfélagsumræðu í Kastljós-
inu án eftirsjár. Færri vita að hann hafði
hitað upp í öðru viðtali tveimur vikum
fyrr, þá hjá Pressunni.is. Þar kvað við
svipaðan tón. Spurður um gagnrýni á
einkavæðingu bankanna var svar hans:
„Sitt sýnist hverjum“. Að mati Halldórs
voru ekki einu sinni mistök að skipa
Davíð Oddsson seðlabankastjóra, því
Davíð hefði haft „alla þá þekkingu
sem þurfti til að sinna því starfi“. Eina
vandamálið að mati Halldórs var að
það hafi skort traust og samstöðu.
„ÓGEÐSLEGA
SORGLEGT“
n Styrmir Gunnarsson, fyrrverandi
ristjóri Morgunblaðsins, þótti vera
einna dramatískastur í rannsóknar-
skýrslu Alþingis
þegar hann sagði
Ísland hafa verið
„ógeðslegt samfé-
lag“ þar sem væru
engin prinsipp og
aðeins tækifær-
ismennska. Í gær
birtist hann í Silfri
Egils og sagðist
þrátt fyrir allt telja handtökur þeirra
sem grunaðir eru um ógeðfelldar
blekkingar gegn markaðnum og
þjóðinni vera sorglegar. Fram kom í
þættinum að ný bók væri væntanleg frá
Styrmi í þessari viku.
Svarthöfði er þeirri ótrúlegu nátturu gæddur að geta brugðið sér í allra kvikinda líki til að auðvelda sér að átta
sig á blessuðu mannfólkinu. Þannig
tókst Svarthöfða fyrir skemmstu, á
einhvern undraverðan hátt, að vera
samtímis örlítil fluga á vegg í tveimur
mismunandi fæðingum í tveimur
heimshlutum.
Á fæðingardeild Landspít-alans í Reykjavík fylgdist Svarthöfði með femínistan-um Sóleyju Tómasdóttur,
oddvita vinstri grænna í borgarstjórn,
ala heilbrigt og fallegt sveinbarn
með gráti og gnístran tanna. Á sama
augnabliki sá hann vonbrigðin í
andliti Osama Bin Ladens þegar ein
af fjölmörgum eiginkonum hans
kreisti út úr sér enn eitt meybarnið á
óþekktum felustað öfgamúslímans í
fjöllunum í vesturhluta Afganistan.
Bæði hefðu þau Sóley og Osama viljað
eignast börn af öðru kyni en allt kom
fyrir ekki: Lífið sjálft tekur ekki mið af
hugmyndafræði foreldranna.
Vonbrigði Sóleyjar með kyn barnsins sem hún ól komu þó ekki fram í dagsljósið fyrr en seinna þegar hún upp-
lýsti að hún hefði verið lengi að jafna
sig á því að eiga strák. Hún sagðist
hafa þurft að læra að það væri nú ekki
eins hræðilegt og hún hefði haldið að
eignast afkvæmi af því kyninu. „Fyrst
og fremst hef ég lært að það er ekkert
hræðilegt við það að eiga strák eins og
ég hélt fyrst,“ sagði Sóley.
Sárindi Bin Ladens leyndu sér hins vegar ekki og hann strunsaði út úr herberginu þar sem konan hans barnunga
hafði nokkrum mínútum áður alið
honum stúlkuna og skellti á eftir sér
hurðinni. Hann vissi sem var að
meiri kostnaður fylgdi því
að eignast stúlku en dreng.
Og hver ætti eiginlega að
halda áfram baráttunni við
hin illu öfl í vestri ef öngva
eignaðist hann drengina til
að taka við kyndlinum af sér.
Stúlkur væru einfaldlega óæðri
verur í samfélögum mús-
líma. Osama nagaði
sig í handarbökin
fyrir að hafa sætt
konuna þetta
kvöld fyrir níu
mánuðum.
Hann náði í
hríðskotabyss-
una sína og fór
út úr kofanum
að plaffa dósir
á örfoka mel
úti í auðninni
til að dreifa
huganum.
Svarthöfði hugsaði um óánægju þeirra Sóleyjar og Bin Ladens með lífið sem rétt var nýbúið að líta dagsins ljós
og klóraði sér svo síðan í hjálminum.
Svarthöfði veit að hann er ekkert sér-
staklega flókinn maður eða djúpur
en hann hélt í einfeldni sinni að allt
líf væri jafngott, hvort svo sem það er
karlkyns eða kvenkyns. Hann hélt að
jafnréttisbarátta tuttugustu aldar-
innar hefði meðal annars skilað þess-
ari niðurstöðu inn í lífsspeki þorra
fólks og að það heyrði sögunni til að
hugmyndafræði fólks yrði til þess
valdandi að það kæmist að annarri
skoðun. Sama hversu mjög Svarthöfði
reyndi að brjóta heilann gat hann
bara ekki með nokkrum rökum skilið
sárindi þeirra Sóleyjar og Bin Ladens
með kyn barna þeirra. Mannfólkið er
stundum bara svo skrítið og órökrétt
að ekki einu sinni sjálfur Svarthöfði
getur skilið tiktúrur þess.
Svarthöfði prísaði sig samt sæl-an með eitt og lofaði almættið sjálft fyrir ráðvendni þess og visku: Að Sóley og Bin Laden
hefðu ekki ruglað saman reitum sín-
um og eignast saman börn. Þá hefðu
Sóley og Bin Laden aldrei getað bæði
getað orðið ánægð með þau börn sem
þau hefðu eignast, sama hvers
kyns sem þau hefðu verið. Ef
þau hefðu eignast strák hefði
Sóleyju þótt það „hræði-
legt“ og ef þau hefðu eignast
stúlku hefði Bin Laden orðið
ósáttur og skellt hurðum.
Börn þeirra hefðu því aldrei
verið metin fyllilega
að verðleikum af
báðum foreldr-
um sínum því
kyn þeirra
hefði alltaf
komið í veg
fyrir það.
BÖRN SÓLEYJAR
OG BIN LADENS
„Nei, ég myndi nú
ekki kalla þetta
spaug,“ segir
Gunnlaugur
Finnbogason,
útgerðarmaður
frá Ísafirði. Hann
kveðst hafa tapað
liðlega einni
milljón króna með
því að hlýða
lögum og koma með allan afla í land.
Hann hefur fengið liðlega 2,5 milljóna
króna reikning vegna umframafla á
skötusel á síðasta ári. Að hans sögn hefði
hann grætt á því að henda skötuselnum.
ER ÞETTA DÝRT
SPAUG?
„Ég vissi alltaf
að hún yrði
frægt módel.“
n Eygló Gunnþórsdóttir, móðir Ásdísar Ránar
Gunnarsdóttur, fyrirsætu og söngkonu. Ásdís
hefur svo sannarlega gert það gott sem módel
um allan heim. - DV
„Þetta er einhver
þreyttasta spurn-
ing í heimi.“
n Guðjón Davíð Karlsson leikari,
oftar en ekki kallaður Gói, um þá spurningu
hvort hann ætli ekki að gerast prestur. Pabbi
hans er Karl Sigurbjörnsson biskup en afi hans
Sigurbjörn Einarsson var einnig biskup. - Mannlíf
„Hreiðar var djöfullinn
í dulargervi.“
n Tony Shearer, sem var
forstjóri Singer og
Friedlander árið 2005 þegar
Kaupþing keypti bankann, um
Hreiðar Má Sigurðsson,
fyrrverandi framkvæmdastjóra Kaupþings. -
DV.is
„Maður er bara
algjörlega
að niðurlotum
kominn.“
n Ágúst Oddur Kjartansson er á sjötugsaldri
og hefur verið atvinnulaus mánuðum saman
eftir að hafa unnið hörðum höndum frá 13 ára
aldri. - DV
„Hnéskelin fór helvíti
langt út á hlið.“
n Ólafur Þórðarson, þjálfari
Fylkis, sem kom Oddi Inga
Guðmundssyni, leikmanni Fylkis,
til hjálpar þegar sá síðarnefndi
meiddist á hné á æfingu í
vikunni. Ólafur kom
skelinni á sinn stað.
- Fréttablaðið
Skúrkar sleppa
Umræður um sakleysi eða sekt fólks í stjórnmálum og viðskipt-um einkennast öðru fremur af einelti. Ákveðnir aðilar eru gerðir
að skotspónum á meðan aðrir sem bera
svipaða ábyrgð sleppa. Í fjölda skipta
hafa mótmælendur safnast sam-
an fyrir utan heimili Steinunnar
Valdísar Óskarsdóttur alþing-
ismanns og krafist afsagnar
hennar. Steinunn þáði í tveim-
ur prófkjörum háa styrki frá
einkafyrirtækjum og bönk-
um. Deilt er um siðferði þing-
mannsins í tengslum við að
þiggja styrkina sem eru, að því
best er vitað, löglegir þótt siðlaus-
ir kunni að vera. Í framhaldi af
mótmælastöðunni hjá
Steinunni hafa
reiðir mótmæl-
endur safn-
ast saman við
heimili Guð-
laugs Þórs Þórðarsonar alþingismanns, sem
þáði hæsta styrki allra og krafist afsagnar
hans líka.
Mismununin felst í því að allir aðrir styrk-
þegar hafa verið látnir í friði. Það er
enginn fyrir utan hjá Gísla
Marteini Baldurssyni borg-
arfulltrúa, sem þáði háa
styrki og fór í boðsferð-
ir sem orka tvímælis.
Sömuleiðis eru látnir í
friði þeir þingmenn sem
eiga að baki fortíð lög-
brota og siðleysis. Enginn
mætir fyrir utan heimili
þeirra. Enginn mótmælir
í grennd við Davíð Odds-
son, fyrrverandi for-
sætisráð-
herra og seðlabankastjóra, sem er
stimplaður vanrækslumaður í skýrslu rann-
sóknarnefndar Alþingis og er klárlega höf-
undur siðleysis í aðdraganda hrunsins.
Davíð hefur í hugleysi sínu þagað eftir að
skýrslan kom út. Bæði Steinunn Valdís og
Guðlaugur Þór hafa tjáð sig við fjölmiðla þótt
svörin séu þunn en þögulir skúrkar sleppa.
Deilt er um réttmæti þess að mótmæla
við heimili fólks í opinberri þjónustu. Burt-
séð frá því verða mótmælendur að gæta
sanngirni þegar þeir láta í ljósi hug sinn. Er
Steinunn Valdís sekari en Gísli Marteinn?
Er meiri ástæða til að mótmæla setu Guð-
laugs Þórs á Alþingi en því að Ásbjörn Ótt-
arsson og Tryggvi Þór Herbertsson sitji þar
áfram? Hvar eru mörkin þegar um styrki er
að ræða? Á sá sem fékk 25 milljónir króna í
styrki að víkja meðan sá sem fékk sex millj-
ónir króna skal sitja áfram. Þarna vantar
skynsamleg viðmið. Allir þeir sem standa
að aðgerðum gegn þingmönnum eða öðrum
verða að finna reiði sinni réttlátan farveg.
Það dugir ekki að skjóta fyrst en spyrja svo.
REYNIR TRAUSTASON RITSTJÓRI SKRIFAR. Davíð hefur í hugleysi sínu þagað
18 MÁNUDAGUR 10. maí 2010 UMRÆÐA
SANDKORN
LYNGHÁLS 5, 110 REYKJAVÍK
ÚTGÁFUFÉLAG: DV ehf.
STJÓRNARFORMAÐUR:
Lilja Skaftadóttir
FRAMKVÆMDASTJÓRI:
Bogi Örn Emilsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRI:
Ingi Freyr Vilhjálmsson, ingi@dv.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
LEIÐARI
SPURNINGIN
SVARTHÖFÐI
BÓKSTAFLEGA