Dagblaðið Vísir - DV - 09.08.2010, Side 12

12 fréttir 9. ágúst 2010 mánudagur
Tuttugu og þrír hópar hafa kom-
ið hingað til lands á vegum Evrópu-
sambandsins vegna undirbúnings
að aðildarviðræðum Íslands við
sambandið. Að sama skapi hafa að
minnsta kosti sjö hópar á vegum ís-
lenskra stjórnvalda farið til útlanda
vegna umsóknarinnar. Þetta kem-
ur fram í samantekt utanríkisráðu-
neytisins á embættisferðum vegna
aðildarumsóknar Íslands að Evrópu-
sambandinu. Talið er að þessi fjöldi
ferða sé mjög varlega áætlaður. Inni í
þessum tölum eru til að mynda ekki
ferðir sem hafa verið farnar til og frá
Íslandi þar sem aðildarumsóknin
hefur ekki verið meginástæða þeirra
þótt þær hafi komið þar til tals.
Olli Rehn kom fyrstur
Olli Rehn, fyrrverandi stækkunar-
stjóri Evrópusambandsins, var fyrsti
fulltrúi Evrópusambandsins sem
gerði sér ferð til landsins eftir að
umsóknarferlið hófst. Hann afhenti
Össuri Skarphéðinssyni utanríkis-
ráðherra um 2.500 spurningar sem
stjórnvöld þurftu að svara vegna að-
ildarferlisins.
Fjöldi aðila hefur komið hingað
til lands allt frá upphafi umsóknar-
ferlisins frá hinum ýmsu stofnun-
um Evrópusambandsins en einnig á
vegum landsþinga aðildarríkja sam-
bandsins. Evrópunefnd þýska þings-
ins gerði sér ferð til Íslands í mars
til að kynna sér stjórnkerfi Íslands
og dvaldi í fjóra daga. Þá kom í apr-
íl sendinefnd frá eistneskum stjórn-
völdum sem deildu upplýsingum
um aðildarumsókn Eistlands að Evr-
ópusambandinu. Í maí komu hing-
að til lands tuttugu og þrír fulltrúar
úr stækkunarhópi ráðherraráðs Evr-
ópusambandsins.
Ár liðið frá upphafi ferlisins
Mismunandi sendinefndir hafa lagt
leið sína út á vegum íslenskra stjórn-
valda vegna tiltekinna málaflokka.
Flestar ferðirnar hafa verið farnar til
Brussel, þar sem höfuðstöðvar Evr-
ópusambandsins eru staðsettar, en
einnig til einstakra aðildarríkja. Í yf-
irliti utanríkisráðuneytisins er ekki
tekið tillit til þeirra ferða sem hafa
til að mynda verið farnar út í boði
framkvæmdastjórnar Evrópusam-
bandsins. Þar hefur bæði verið boð-
ið út hugsmunaaðilum í atvinnu-
rekstri og fjölmiðlafólki, svo eitthvað
sé nefnt. Þá hefur Evrópusambandið
einnig kostað ferðir blaðamanna til
Íslands og komu fjórtán slíkir hing-
að til lands undir þeim formerkjum
í lok júní.
Össur afhenti Carl Bildt, utan-
ríkisráðherra Svíþjóðar, umsókn
Íslands um aðild að Evrópusam-
bandinu þann 23. júlí í fyrra, en Sví-
ar voru þá í formennsku hjá sam-
bandinu. Ári síðar upp á dag hófust
formlegar aðildarviðræður milli
Evrópusambandsins og Íslands. Ís-
land hefur þegar tekið upp tíu kafla
löggjafar Evrópusambandsins að
fullu og ellefu að mestu leyti í gegn-
um samninginn um Evrópska efna-
hagssvæðið, samkvæmt áliti fram-
kvæmdastjórnar sambandsins.
Óljós kostnaður
Utanríkisráðuneytið hefur áætl-
að að kostnaður vegna aðildarum-
sóknar Íslands að Evrópusamband-
inu geti orðið 990 milljónir króna
árin 2009 til 2012. Um 250 milljón-
um króna var úthlutað á fjárlögum
ársins 2010 vegna kostnaðar við
umsóknina og má gera ráð fyrir um
150 milljónum vegna fjárlaga 2011.
Ekki hafa fengist upplýsingar um
hversu stór hluti þessa kostnaðar er
ferðakostnaður.
Kristján Guy Burgess, aðstoðar-
maður utanríkisráðherra, gerir ráð
fyrir því að flestir funda samninga-
hópanna fari fram í Brussel nú þeg-
ar formlegt ferli samningaviðræðna
er hafið. Þó hafi íslensk stjórnvöld
farið þess á leit við fulltrúa Evrópu-
sambandsins að einhverjir fund-
anna fari fram hérlendis. Hann
telur ekki ólíklegt að kostnaður
vegna slíkra ferða aukist nú þeg-
ar samningaviðræðurnar hefjast.
„Fyrst verður farið yfir alla löggjöf
á Íslandi og hvað hefur þegar ver-
ið tekið upp í gegnum samninginn
um Evrópska efnahagssvæðið og
Schengen. Þar verður áfram safnað
gögnum og farið yfir hvaða sviðum
þarf að taka á. Síðan hefjast samn-
ingaviðræðurnar sjálfar. Þá verður
opnað fyrir viðræður um kafla lög-
gjafar Evrópusambandsins og rætt
um þá í tiltekinni röð,“ segir Kristj-
án.
Heimsóknir til Íslands
8. - 9. september 2009
Olli Rehn, þáverandi stækkunarstjóri ESB, afhendir íslenskum stjórnvöldum
spurningalista ESB.
8. - 10 september 2009
Heimsókn fulltrúa stækkunarskrifstofu ESB vegna IPA (aðstoð við umsóknarríki).
21. - 23. september 2009
Heimsókn frá stækkunarskrifstofu ESB, byggðaskrifstofu ESB, landbúnaðarskrif-
stofu og félags- og vinnumálaskrifstofu vegna IPA.
14. október 2009
Formaður stækkunarmála í utanríkismálanefnd neðri deildar franska þingsins.
16. - 17. nóvember 2009
Heimsókn frá Eurostat.
26. - 28. nóvember 2009
Heimsókn frá stækkunarskrifstofu framkvæmdastjórnar ESB.
18. febrúar 2010
Diane Wallis, varaforseti Evrópuþingsins.
8. - 12. mars 2010
Evrópunefnd þýska þingsins.
22. - 23. mars 2010
Heimsókn frá finnskum stjórnvöldum varðandi upplýsingamál.
7. - 9. apríl 2010
Heimsókn þýsks og fransks þingmanns.
12. - 13. apríl 2010
Sendinefnd á vegum eistneska utanríkisráðuneytisins deildi reynslu sinni af
undirbúningi samningaferlis.
15. - 16. apríl 2010
Ráðstefna um stuðning ESB við atvinnu- og byggðaþróun; fulltúrar framkvæmda-
stjórnar ESB og fyrirlesarar frá Möltu, Finnlandi, Danmörku og Eistlandi.
13. apríl 2010
Fulltrúar framkvæmdastjórnar ESB kynna TAIEX, aðstoð við umsóknarríki.
13. - 16. apríl 2010
Heimsókn þingmannahóps úr frönsku öldungadeildinni, meðlimir Evrópumála-
nefndar.
12. - 15. maí 2010
Nefnd frá stækkunarhópi ráðherraráðs Evrópusambandsins. Alls komu 23 fulltrúar
frá 19 löndum.
17. - 18. maí 2010
Heimsókn frá Eurostat.
24. - 27. maí 2010
Christian Dan Preda, þingmaður Evrópuþingsins, fræðsluferð vegna skýrslu um
Ísland sem umsóknarríki.
25. - 28. maí 2010
Sendinefnd frá umhverfismálanefnd Evrópuþingsins.
31.maí - 1.júní
Fulltrúar fjárlagadeildar og stækkunardeildar ESB.
7. júní 2010
Sérfræðingar í matvælaöryggi hjá framkvæmdastjórn ESB.
10. - 11. júní 2010.
Sérfræðingar frá Eurostat og sjávarútvegsdeild ESB.
22. - 23. júní 2010
Írskir þingmenn vegna ESB.
29. - 30. júní 2010
Þingmannasendinefnd úr vináttuhópi Íslands frá neðri deild franska þjóðþingsins.
Heimsóknir frá Íslandi
25. - 26. febrúar
Fulltrúar fjárhagshóps til Brussel vegna tolla- og skattamála.
4. - 5. mars 2010
Fulltrúar landbúnaðarhóps til Finnlands vegna landbúnaðarmála.
11. - 12. mars 2010
Fulltrúar landbúnaðarhóps til Skotlands vegna landbúnaðarmála.
15. - 16. mars 2010
Fulltrúar utanríkisviðskiptahóps til Brussel vegna utanríkisviðskiptastefnu ESB.
12. - 16. apríl 2010
Íslenskir sendifulltrúar til belgíska utanríkisráðuneytisins vegna formennsku þeirra
í ESB.
24.- 25. apríl 2010
Fulltrúar sjávarútvegshóps til Brussel til fundar um sjávarútvegsmál.
14. - 16. júní 2010
Fulltrúar samninganefndar og ráðuneyta til Svíþjóðar og Finnlands vegna
byggðamála.
30 ferðir
vegna umsóknarinnar
Fulltrúar íslenskra stjórnvalda og Evrópusambandsins hafa far-
ið að minnsta kosti þrjátíu embættisferðir til að funda um aðild-
arumsókn Íslands að sambandinu. Íslensk stjórnvöld hafa tekið
á móti tuttugu og þremur hópum vegna aðildarumsóknarinnar.
Fulltrúar íslenskra stjórnvalda hafa að minnsta kosti farið í sjö
embættisferðir, samkvæmt samantekt utanríkisráðuneytisins.
Þá verður opn-að fyrir viðræð-
ur um kafla löggjafar
Evrópusambandsins og
rætt um þá í tiltekinni
röð.
RÓbeRt HlynuR balduRssOn
blaðamaður skrifar: rhb@dv.is
Ferð Jóhönnu ekki á listanum Utanríkisráðuneytið tekur meðal annars ekki
tillit til ferðar Jóhönnu Sigurðardóttur forsætisráðherra til Brussel í febrúar. Þar
hitti hún José Manuel Barroso, forseta framkvæmdastjórnar Evrópusambandsins.
ekki tæmandi listi Vænt-
anlega hafa þó nokkuð fleiri
ferðir verið farnar vegna
aðildarumsóknar Íslands
að Evrópusambandinu.
Framkvæmdastjórn Evr-
ópusambandsins hefur sem
dæmi boðið hagsmuna-
aðilum í atvinnurekstri og
fjölmiðlafólki út til Brussel.