Dagblaðið Vísir - DV - 10.11.2010, Blaðsíða 6

6 FRÉTTIR 10. nóvember 2010 MIÐVIKUDAGUR
Ólafur Stefánsson handboltamaður
segist telja að yfirgnæfandi líkur séu
á því að starfsemi fjárfestingafélagsins
Arðvís sé rugl. Í þessu felst að hluthaf-
arnir muni tapa þeim peningum sem
þeir leggja til félagsins. Aðstandend-
ur Arðvíss hafa notað nafn Ólafs til að
selja almenningi hlutabréf í félaginu
en hann fjárfesti í því sjálfur. Ólafur
er einn dáðasti íþróttamaður þjóðar-
innar og er líklegt að mörgum þyki að-
koma hans að félaginu vera trúðverð-
ugleikamerki.
DV greindi frá því á mánudaginn
að rúmlega 140 Íslendingar hefðu lof-
að að leggja meira en 360 milljónir
króna til verkefnis Arðvíss og að þar af
hefði Ólafur lagt fram tæpar 10 millj-
ónir. Arðvís gengur út að stofnuð verði
heimasíða á netinu, Corpus Vitalis,
sem hluthafarnir kaupi vörur og þjón-
ustu í gegnum. Við þetta á að skapast
mikill hagnaður sem á að skipta á milli
hluthafanna. Hugmyndin er kynnt
þannig að einnig eigi að nota hluta
af hagnaðinum til að útrýma fátækt í
heiminum.
Helsti hugmyndafræðingur Arð-
víss, Bjarni Þór Júlíusson, sagði í sam-
tali við DV á sunnudaginn, aðspurður
hvort félagið hefði tryggt sér samn-
inga við einhverja íslenska birgja eða
fyrirtæki sem ættu að leggja til vörur,
að aðstandendur Arðvíss þyrftu ekki
að hugsa um slík „formlegheit“. Lítið
virðist því hafa verið gert í því að koma
hugmyndinni um Corpus Vitalis á
koppinn.
Ólafur: 99 prósenta líkur á að
Arðvís sé rugl
DV hafði samband við Ólaf í Þýska-
landi á mánudaginn til að spyrja hann
út í af hverju hann hefði fjárfest í Arð-
vísum, þrátt fyrir að hugmyndirnar á
bak við félagið virðist vera algerlega
óraunhæfar. Þá sagði Ólafur að hann
teldi miklar líkur á því að verkefnið
væri rugl. „Það eru 99 prósenta líkur á
að þetta sé rugl,“ sagði Ólafur. Hand-
boltamaðurinn segir að hann hafi allt-
af verið meðvitaður um að hann gæti
tapað þessum peningum sem hann
hefur lagt í verkefnið vegna þess að
hugmyndirnar á bak við Arðvísan séu
mikið „brjálæði“. „Ég hef litlar áhyggj-
ur af þessu,“ segir Ólafur aðspurður
um það hvort hann sjái ekki eftir pen-
ingunum sem hann lagði í verkefnið.
Segja má að hann hafi litið á þetta sem
áhættufjárfestingu sem langlíklegast
myndi tapast.
Af þessum orðum Ólafs að dæma
finnur hann ekki mikið fyrir því að
leggja tæpar tíu milljónir í verkefn-
ið. Líkt og flestir vita þá hefur Ólaf-
ur verið einn besti handboltamaður
heims í áraraðir og hefur verið ágæt-
lega launaður hjá þeim liðum sem
hann hefur leikið með. Ætla má að Ól-
afur hafi metið fjárfestinguna í Arðvís-
um þannig að hugmyndafræðin á bak
við verkefnið sé falleg og góð og að
hann hafi þess vegna viljað leggja því
lið, jafnvel þó að hann hafi vitað það
á sama tíma að líklega væri féð tapað.
Hins vegar má ætla að margir aðrir
af þeim sem fjárfestu í Arðvísum séu
ekki í eins góðri stöðu og Ólafur og
muni sjá verulega á eftir þeim pening-
um sem þeir lögðu í félagið.
Hefur einkenni píramídasvindls
Róbert Helgason, sérfræðingur á fjár-
málamarkaði sem hefur tjáð sig um
píramídasvindl og annað slíkt í fjöl-
miðlum, segir að hann telji að Arð-
vís hafi mörg einkenni píramída-
svindls. „Það sem mér finnst vera
hvað ámælis verðast við þetta er að þú
átt að borga fyrir það að nota þjónust-
una, Corpus Vitalis, borga fyrir að vera
með. Þetta er klassískt fyrir það sem
kallast „multilevel marketing“-pír-
amídaviðskipti. Svo endurheimtir þú
ekki peninginn þinn fyrr en þú selur
öðrum þjónustuna. Þú borgar inn og
færð svo borgað út þegar þú selur öðr-
um. Hvar annars staðar borgar þú ein-
hverjum fyrir að fá að kaupa vörur af
einhverjum?“ segir Róbert.
Hann segir að arðgreiðslurnar sem
hluthafar eigi að fá séu einnig hræði-
lega óraunhæfar og sömuleiðis áætl-
aður notendafjöldi á vefsíðunni Corp-
us Vitalis. Í gögnum um Arðvísan sem
kynnt eru fyrir mögulegum fjárfestum
segir að menn sem kaupi 1 prósent í
Arðvísum geti átt von á að fá 20 millj-
arða í arð á mánuði eftir eitt ár og að
500 milljónir manna muni nota Corp-
us Vitalis innan fjögurra ára. „Þetta
mun springa á nákvæmlega sama hátt
og önnur svona viðskipti: þegar ekki
finnast fleiri til að taka þátt í þessu.“
Aðspurður hvort hann telji að Arð-
vís sé píramída- eða ponzi-svindl seg-
ir Róbert að taka þurfi tillit til þess
hvort aðstandendur Arðvíss, með-
al annars Bjarni, líti á viðskiptin sem
svindl eða ekki. „Það er mögulega
munur á svindli og ömurlegri hug-
mynd sem ekki mun ganga upp. Þessi
munur skilgreinir hvort þetta er svindl
eða ekki. Kannski er þetta bara öm-
urleg hugmynd sem er dæmd til að
mistakast,“ segir Róbert en samkvæmt
þessari skilgreiningu hans þá skiptir
hugarfar aðstandenda félagsins máli
þegar kemur að því að meta hvort um
svindl sé að ræða eða ekki.
Sama hvort er rétt þá er nánast al-
veg ljóst – 99 prósent ljóst að mati Ól-
afs – að þeir sem leggja Arðvísum til fé
muni ekki fá peningana sína tilbaka.
Heimildir DV herma að aðstand-
endur Arðvíss haldi áfram að selja
hlutabréf í félaginu.
Ólafs Stefánsson handboltamaður segist hafa verið meðvitaður um hættuna fylgjandi
því að fjárfesta í Arðvís og að hann telji að miklar líkur séu á því að starfsemi Arðvís
gangi ekki upp. Sérfræðingur á fjármálamarkaði segir Arðvís hafa einkenni píramída-
svindls. Aðstandendur Arðvís halda áfram að selja hlutabréf í félaginu.
ÓLAFUR SEGIR ARÐVÍS
LÍKLEGA VERA RUGL
INGI F. VILHJÁLMSSON
fréttastjóri skrifar: ingi@dv.is
Það eru 99 pró-senta líkur á því
að þetta sé rugl.
Ólafur telur fjárfestinguna rugl Ólafur
Stefánsson segist 99 prósent viss um að
fjárfestingin í Arðvís muni ekki borga sig. Hins
vegar fannst honum hugmyndin góð og þess
vegna lagði hann félaginu til fé jafnvel þó hann
hafi vitað að hann gæti tapað þeim fjármunum.
Trúarfélög fái
inni í grunnskóla
„Aðstandendur undirskriftasöfn-
unarinnar vilja minna á að kristni
er hluti af menningar arfi okkar og
boðskapur Krists þarfur á þessum
umbrotatímum,“ segir í tilkynningu
frá hópi sem hrundið hefur af stað
undirskriftasöfnun þar sem þess
er krafist að tillögur mannréttinda-
ráðs Reykjavíkur um að trúar- og
lífsskoðunarfélög skuli ekki stunda
starfsemi innan skóla borgarinnar
verði endurskoðaðar.
Telja aðstandendur undirskrifta-
söfnunarinnar að tillögurnar fari
meðal annars á svig við aðalnám-
skrá grunnskólanna.
Þjóðfundurinn
kostaði 92 milljónir
Kostnaðurinn við þjóðfundinn sem
haldinn var á laugardag nam 91,7
milljónum króna. Þetta var upplýst
á fundi allsherjarnefndar Alþingis á
mánudag en Sigurður Kári Kristjáns-
son, þingmaður Sjálfstæðisflokks-
ins, vakti athygli á þessu á Alþingi á
þriðjudag. Sigurður sagði að hann
væri ekki að gagnrýna það starf sem
unnið hefði verið á fundinum. Hann
hefði þó aldrei gert sér það í hugar-
lund að kostnaður við fundinn, sem
stóð í einn dag, myndi nema tæpum
hundrað milljónum króna.
Fjölskylduhjálpin
safnar fé
Landssöfnun er nú hafin á vegum
Fjölskylduhjálpar Íslands og segir
Ásgerður Jóna Flosdóttir, formað-
ur hjálparsamtakanna, að hringt
sé inn á öll heimili á landinu og til
allra fyrirtækja vegna þessa. Borið
hefur á því að einstaklingar hringi á
skrifstofu Fjölskylduhjálparinnar til
að fá þetta staðfest af ótta við svika-
hrappa. En landssöfnunin er hafin
og verið er að safna áheitum í gegn-
um síma.
Skiptameðferð þrotabús Þorgils Óttars Mathiesen lokið:
600 milljónir afskrifaðar
Íslandsbanki hefur afskrifað tæp-
lega 600 milljóna króna kúlulán sem
Þorgils Óttar Mathiesen, fyrrverandi
landsliðsmaður í handbolta og for-
stjóri tryggingarfélagsins Sjóvár, fékk
til hlutabréfakaupa þegar hann lét af
störfum hjá Sjóvá árið 2005.
Skiptameðferð þrotabús einka-
hlutafélagsins C22 í eigu Þorgils Ótt-
ars er nú formlega lokið. Aðeins náðist
að borga tæplega tvær milljónir upp
í tæplega 600 milljóna króna kröfu á
hendur félaginu en stærsti kröfuhaf-
inn var Íslandsbanki.
Þorgils Óttar var meðal annars for-
stjóri Sjóvár á árunum 2004 til 2005.
Eins og greint var frá í DV fékk hann
tæplega 600 milljóna króna kúlulán
frá Íslandsbanka til hlutabréfakaupa
þegar hann lét af störfum hjá félaginu
í árslok 2005. Lánið frá Íslandsbanka
notaði Þorgils til að kaupa 40 pró-
senta hlut í fasteignafélaginu Klasa af
Íslandsbanka og Sjóvá. Skilyrðin fyr-
ir láninu voru að Þorgils myndi nota
féð til að kaupa hlutabréfin í Klasa en
hann varð jafnframt forstjóri félags-
ins í kjölfar starfsloka sinna hjá Sjó-
vá. Í rammasamkomulagi á milli Ís-
landbanka, Sjóvár og Þorgils Óttars
í tengslum við starfslokin kom jafn-
framt fram að eina veðið fyrir láninu
væri hlutabréfin í Klasa. Því var um að
ræða hefðbundið kúlulán með veði í
bréfunum sjálfum.
Heildarkaupverðið á hlutabréfun-
um sem Þorgils Óttar keypti nam 680
milljónum króna og veittu Íslands-
banki og Sjóvá Þorgils Óttari þriggja
ára frest til að greiða eftirstöðvar
skuldarinnar, um 100 milljónir króna.
Fullyrða má að Þorgils hafi ekki greitt
þessa 100 milljóna skuld þar sem hún
var á gjalddaga eftir bankahrunið árið
2008. Það ár tapaði félag Þorgils Ótt-
ars, sem hélt utan um hlutabréfaeign-
ina í Klasa, 1.700 milljónum króna.
Líklegt verður því að teljast að Þorgils
hafi ekki greitt neitt af skuldinni sem
hann stofnaði til þegar hann keypti
hlutabréfin í Klasa. hanna@dv.is
Afskrifað Þorgils notaði lánið frá
Íslandsbanka til að kaupa hlut í fasteigna-
félaginu Klasa.
Opið virka daga 12-18
laugardag 12-16

Grensásvegi 8 - 108 Reykjavík - 517-2040
LAGERSALA
Loðfóðruð
barnastígvél
www.xena.is