Dagblaðið Vísir - DV - 07.01.2011, Síða 15

Banque Havilland í Lúxemborg, sem
stofnaður var á rústum Kaupþings í
Lúxemborg, vill ekki gefa upp hvaða
nítján einstaklingar það eru sem hafa
áfrýjað þeirri niðurstöðu dómstóls
þar í landi að veita embætti sérstaks
saksóknara aðgang að gögnum sem
voru haldlögð í bankanum í maí í
fyrra. Havilland-bankinn hefur áfrýj-
að niðurstöðunni til hæstaréttar í
Lúxemborg vegna þess að hann kær-
ir sig ekki um að sérstakur saksókn-
ari fái aðgang að gögnunum. Bank-
inn er sá eini, af þeim tuttugu sem
áfrýjað hafa niðurstöðunni, sem hef-
ur verið nafngreindur í fjölmiðlum.
Umrædd gögn kunna að vera
mikilvæg fyrir rannsókn sérstaks
saksóknara á meintri markaðsmis-
notkun Kaupþings á árunum fyrir ís-
lenska efnahagshrunið, meðal ann-
ars á Al-Thani-viðskiptunum sem
fram fóru í aðdraganda þess. Mörg
þeirra viðskipta Kaupþings sem til
rannsóknar eru hjá embætti sér-
staks saksóknara fóru fram í gegn-
um Kaupþing í Lúxemborg og kunna
gögnin að varpa frekari ljósi á þau.
Ekki er hins vegar hægt að fullyrða
að svo sé þar sem ekki er vitað hvað
kemur fram í gögnunum.
Halldór Bjarkar Lúðvígsson, þá-
verandi starfsmaður Kaupþings, bar
því meðal annars við í samtali við
innri endurskoðanda bankans þeg-
ar Al-Thani-viðskiptin voru um garð
gengin að forstjóri Kaupþings í Lúx-
emborg, Magnús Guðmundsson,
og Hreiðar Már Sigurðsson, forstjóri
Kaupþingssamstæðunnar, hefðu
skipulagt Al-Thani-viðskiptin. Sér-
stakur saksóknari hneppti Hreiðar
Má og Magnús í gæsluvarðhald og
yfirheyrði ásamt nokkrum fyrrver-
andi starfsmönnum bankans vegna
rannsóknar á málefnum Kaupþings
um mitt síðasta ár.
Kaupþingsmenn hugsanlega
meðal áfrýjenda
Hugsanlegt er að einhverjir af fyrr-
verandi starfsmönnum og stjórn-
endum Kaupþings séu meðal þeirra
sem hafa áfrýjað niðurstöðunni til
hæstaréttar í Lúxemborg. Ástæðan
er sú að hagsmunir Banque Havill-
and og fyrrverandi stjórnenda Kaup-
þings fara saman í málinu.
Ekki er heppilegt fyrir Banque Ha-
villand að gögnin fari frá bankanum
og til embættis sérstaks saksóknara
þar sem slíkt gæti komið sér illa fyrir
fjármálafyrirtækið. Óheppilegt getur
verið fyrir Banque Havilland og Lúx-
emborg sem fjármálamiðstöð að það
spyrjist út fyrir bankann og landið að
það standi ekki vörð um þá fjármála-
starfsemi sem er stunduð í ríkinu
og þá bankaleynd sem henni fylgir.
Spurningin um það hvort hæstiréttur
muni heimila að sérstakur saksókn-
ari fái gögnin er því öðrum þræði
pólitísk, bæði fyrir Banque Havilland
og Lúxemborg, þar sem fjármála-
starfsemi er svo mikilvægur þáttur í
atvinnulífi smáríkisins.
Á hinn bóginn er heldur ekki
heppilegt fyrir fyrrverandi yfirmenn
Kaupþings að sérstakur saksókn-
ari fái gögnin í hendur þar sem þau
eru afar mikilvæg fyrir rannsókn
embættisins á málefnum bankans.
Gögnin gætu því skorið úr um hvort
embætti saksóknara gefur út ákæru
á hendur fyrrverandi stjórnend-
um bankans eða ekki. Allur drátt-
ur á málinu, og hugsanleg synjun á
beiðni sérstaks saksónara, þjónar
því hagsmunum þeirra starfsmanna
Kaupþings sem eru til rannsóknar
hjá ákæruvaldinu því það kemur í
veg fyrir að embættið geti rannsakað
málið sem skyldi.
Jafnvel er hugsanlegt að sama
aðili, lögmaður eða lögmannsstofa,
haldi utan um áfrýjun allra þeirra
sem hafa ákveðið að kæra niður-
stöðuna til æðra dómsvalds þar
sem hagsmunir þeirra allra hald-
ast í hendur. Eitt sem rennir stoðum
undir þetta eru ummæli sem Jonat-
han Rowland, forstjóri Havilland, lét
hafa eftir sér í breska blaðinu The
Daily Telegraph í síðustu viku en þá
staðfesti hann að bankinn og nítj-
án viðskiptavinir hans hefðu ákveð-
ið að áfrýja málinu til hæstaréttar.
Hugsanlegt er að einhverjir fyrrver-
andi starfsmenn Kaupþings séu þar
á meðal og séu nú skilgreindir sem
viðskiptavinir bankans. Spurning-
in er sú hvaða hagsmuni almennir
viðskiptavinir Havilland, sem tengj-
ast málinu ekki beint, ættu að hafa af
því að skipta sér af málinu. Sú stað-
reynd að forstjórinn tjáði sig einnig
um áfrýjun hinna 19 aðilanna renn-
ir einnig stoðum undir þá kenningu
að um sameiginlegt átak þessara 20
sé að ræða og að bankinn fari fyrir
áfrýjuninni.
Hreiðar og Sigurður
vilja ekki tjá sig
Hreiðar Már Sigurðsson, fyrrverandi
forstjóri Kaupþings sem búsettur er í
Lúxemborg, vill ekki svara því hvort
hann sé einn þeirra sem hafa áfrýj-
að niðurstöðu dómstólsins í Lúxem-
borg til efra dómstigs. Forstjórinn
fyrrverandi ber fyrir sig bankaleynd
í svari sínu símleiðis frá Lúx: „Ég hef
ekki heimild til að tjá mig um mál-
ið. Samkvæmt 59. grein laga um fjár-
málafyrirtæki. Þar segir að mér sé
óheimilt að tjá mig um nokkuð það
sem ég hef orðið áskynja um í starfi
mínu eða eftir það. Þessar reglur eiga
við áfram.“ Aðspurður hvort hann
viti hvaða aðilar það séu sem hafi
áfrýjað niðurstöðunni segir Hreiðar
Már: „Ég hef bara ekkert um þetta að
segja. Ég vildi að ég gæti hjálpað þér.“
Hreiðar tekur því þann pól í hæðina
að játa því hvorki né neita hvort hann
hafi tekið þátt í því að áfrýja niður-
stöðunni.
Sigurður Einarsson, fyrrverandi
stjórnarformaður Kaupþings, vildi
heldur ekki ræða við blaðamann
DV þegar hringt var í hann til Lond-
on á miðvikudaginn. „Vorum við
ekki búnir að tala saman fyrir ári og
ákveða að vera ekkert að ræða sam-
an? ... Ok, bless,“ sagði Sigurður áður
en hann skellti á. DV sendi honum
fyrirspurn um málið, sem og annað
mál sem viðkemur starfsemi Kaup-
þings, en hann svaraði þeim ekki.
Hvorugur þeirra játar því eða
neitar að hafa tekið þátt í áfrýjuninni.
Leitað eftir svörum
hjá Havilland
DV leitaði sömuleiðis eftir svörum
hjá Banque Havilland í Lúxemborg
á miðvikudaginn. Forstjóra bankans,
Jonathan Rowland, var sent tölvu-
skeyti með spurningum um hvaða
20 aðilar það væru sem hefðu áfrýjað
niðurstöðunni. Rowland hafði ekki
svarað spurningum DV þegar blaðið
fór í prentun á fimmtudagskvöld.
Embætti sérstaks saksóknara
mun væntanlega fá listann með
nöfnum þeirra aðila sem hafa áfrýj-
að þegar niðurstaða hæstaréttar í
Lúxemborg liggur fyrir. Reiknað er
með að hæstiréttur þar í landi kveði
upp úrskurð sinn í febrúar. Á meðan
heldur rannsókn sérstaks saksókn-
ara á Kaupþingsmálinu áfram, en án
gagnanna frá Lúxemborg.
Fréttir | 15Helgarblað 7.–9. janúar 2011
„Ég hef ekki heimild
til að tjá mig um
málið.
Ingi Freyr Vilhjálmsson
fréttastjóri skrifar ingi@dv.is
Beðið eftir gögnum Embætti sérstaks saksóknara, Ólafs Haukssonar, bíður eftir gögnun-
um frá Lúx sem geta hjálpað til við rannsóknina á Kaupþingsmálinu. Niðurstöðu hæstaréttar
er að öllum líkindum að vænta í febrúar.
Húsleitirnar í Lúx
Yfirvöld í Lúxemborg framkvæmdu húsleitir
þar í landi í febrúar og maí í fyrra fyrir hönd
embættis sérstaks saksóknara vegna
rannsóknarinnar á málefnum Kaupþings.
Meðal annars voru gerðar húsleitir í
höfuðstöðvum Banque Havilland, áður
Kaupþingi, í Lúxemborg. Lagt var hald á
mikið magn gagna í húsleitunum og munu
þau hugsanlega geta nýst Ólafi Haukssyni í
rannsóknunum á málefnum Kaupþings.
Embætti Ólafs fór fram á réttaraðstoð
við húsleitirnar með beiðni sem kallast
réttarbeiðni á íslensku, derogatory request á
ensku. Þetta er gert þegar yfirvöld í einu landi
þurfa aðstoð yfirvalda í öðru en embætti
sérstaks saksóknara hefur ekki lögsögu til að fara til Lúxemborgar og framkvæma slíkar
húsleitir sjálft. Yfirvöld í Lúxemborg þurfa nú að vega og meta hvort embætti Ólafs
Haukssonar eigi að fá gögnin í hendur eða ekki. Sérstakur saksóknari þarf því að lúta
þeim réttarreglum sem gilda í Lúxemborg að þessu leyti og ræður embættið sjálft því
ekki algerlega för í rannsókninni.
Sérstakur rannsóknardómari var skipaður þar í landi til að fara yfir gögnin. Kaupþings-
menn gátu gert athugasemdir við hvernig var lagt hald á gögnin og þurfti rannsóknar-
dómarinn að taka tillit til athugasemda þeirra þegar hann ákvað hvort gögnin yrðu send
hingað til lands eða ekki. Heimildir DV herma að gerðar hafi verið ýmsar athugasemdir
við það hvernig hald var lagt á gögnin í húsleitunum. Meðal annars munu forsvarsmenn
Havilland-bankans hafa gert slíkar athugasemdir.
Rannsóknardómarinn úrskurðaði sérstökum saksóknara í hag, líkt og DV greindi
frá í desember, en niðurstöðu hans var áfrýjað til æðra dómstigs þar í landi. Embætti
sérstaks saksóknara þarf því að bíða enn um sinn eftir niðurstöðu hæstaréttar í
Lúxemborg áður en gögnin koma til landsins.
HREIÐAR MÁR
BER FYRIR SIG
BANKALEYND
n 20 aðilar hafa áfrýjað niðurstöðu dómstóls í Lúx n Sérstaktur
saksóknari hefði fengið aðgang að gögnum n Hreiðar Már
og Sigurður Einarsson vilja hvorki staðfesta né neita
Svarar ekki vegna bankaleyndar Hreiðar Már
vill ekki svara því hvort hann sé einn þeirra sem hafa
áfrýjað niðurstöðu dómstóls í Lúx um að veita sérstökum
saksóknara aðgang að gögnum. Forstjórinn fyrrverandi
sést hér á leiðinni úr yfirheyrslu hjá saksóknara í fyrra.