Dagblaðið Vísir - DV - 07.01.2011, Síða 29

Föstudagur 7. janúar 2011 Umsjón Ingibjörg Dögg Kjartansdóttir ingibjorg@dv.is
Hollt og gott snarl
Oft þurfum við að fá okkur eitthvað á milli
mála. Í stað þess að gúffa í okkur súkkulaði
eða öðrum sætindum er sniðugt að vera
með hollt og gott snarl við höndina. Það
gefur okkur meiri orku og betri líðan. Í
bókinni Sjö daga safakúrinn eru tillögur að
snarli:
1 25 g sólblómafræ og 1 epli
2 25 g graskersfræ og 1 pera
3 25 g valhnetukjarnar og 1 appelsína
4 25 g brasilíuhnetur og 2 kíví
5 25 g pistasíuhnetur og 2 mandarínur
6 25 g pistasíuhnetur og 1 hrá gulrót, skorin
í lengjur
7 25 g furuhnetur og 3 sellerístönglar
Í Japan er lægsta offituhlutfall heims og
íbúar lifa lengur en víðast hvar annars staðar.
Japanskar konur þykja líka einstaklega
hraustar og grannar, en á meðan 17 prósent
Íslendinga eru of feit glíma aðeins þrjú
prósent Japana við offitu. Samt borða
japanskar konur aldrei með megrun í huga,
heldur til þess að nærast og njóta matarins.
Hér eru nokkur ráð sem gætu hjálpað þér að
tileinka þér þennan lífsstíl þeirra.
1 Borðaðu þar til þú ert 80% södd.
2 Fáðu þér hæfilega skammta og notaðu
fallegan borðbúnað.
3 Borðaðu og tyggðu matinn rólega og
njóttu hvers bita.
4 Taktu þér tíma til að dást að fegurð og
framsetningu matarins.
5 Borðaðu meira af fiski, ferskum ávöxtum
og grænmeti – og minna af mettaðri fitu og
transfitu.
6 Eldaðu upp úr canola-olíu og hrísgrjóna-
klíðisolíu.
7 Eldaðu japanskan ofurmorgunverð:
Mísósúpu með grænmeti, eggjum og
tófú.
8 Hugsaðu um grænmeti sem aðalrétt
frekar en meðlæti – og um rautt kjöt sem
meðlæti eða eitthvað sem þú borðar
sjaldan.
9 Fáðu þér skál af stuttum, hvítum eða
brúnum hrísgrjónum með matnum í staðinn
fyrir hvítt brauð.
10 Drekktu kalt, ósætt japanskt te í stað
gosdrykkja.
11 Gakktu í stað þess að nota bíl, alltaf
þegar þú getur það.
12 Mundu að matarástin er stór hluti
heilbrigðis. Það að elda og borða mat á að
vera gaman.
Njóttu matarins líkt og japönsk kona
n Vissir þú að bananar væru kalkríkir?
n Eða að epli efla ónæmiskerfið?
ávaxta- og grænmetistegundirnar
10 hollustu
Í bókinni Sjö daga safakúrinn er bent á hollustu ávaxta- og grænmetistegundirnar. Allar
eru þær stappfullar af vítamínum,
steinefnum og plöntunæringar-
efnum. Blandaðu þeim saman og
borðaðu úr ýmsum litaflokkum á
hverjum einasta degi.
1 Melónur Þvagræsandi, hreinsandi og vökvamiklar
þannig að þær vinna gegn
ofþornun.
2 Kívíaldin Innihalda mikið af C-vítamíni og trefjum.
Í þeim er einnig ensím sem bætir
ónæmiskerfið, lækkar blóðþrýsting
og hefur góð áhrif á hjartað.
3 Bananar Ein besta uppspretta kalíums sem við-
heldur eðlilegum blóðþrýstingi og
hjartastarfsemi. Þeir eru trefja- og
kalkríkir og innihalda efni sem næra
æskilegar bakteríur sem framleiða
vítamín og meltingarensím.
4 Ber Rauð og vínrauð ber veita vörn gegn veiru- og
bakteríusýkingum. Allar tegundir
eru góðar fyrir blóðrásina. Bláber
og sólber vinna gegn niðurgangi
og þvagrásarsýkingum. Hindber
innihalda náttúruleg verkjastillandi
efni og eru góð gegn túrverkjum.
Jarðarber eru góð fyrir hjarta- og
æðakerfið.
5 Lárperur Innihalda alls kyns næringarefni.
Geta lækkað kólesterólið, örvað
fitubrennslu og meltingu og veitt
vörn gegn krabbameinsvaldandi
efnum. E-vítamín eflir heilbrigði
húðarinnar, græðir sár og örvar
ónæmiskerfið.
6 Trönuber Vinna gegn sýkingum í þvagblöðru,
blöðruhálskirtli og nýrum. Geta
dregið úr líkum á nýrnasteinum
og veitt vörn gegn veiru- og
bakteríusýkingum.

7 Sítrusávextir Appels-ínur, sítrónur, límónur og
greipaldin innihalda efni sem
vinna gegn krabbameini og draga
úr kólesteróli í blóði og hættu á
æðakölkun. Veita vörn gegn veiru-
og bakteríusýkingum.
8 Papaja Bætir meltinguna og veitir vörn gegn
krabbameini. Hjálpar til við
uppbyggingu á C-vítamíni og gerir
reykingamönnum gott.
9 Epli Innihalda andoxunar-efni, draga úr kólesteróli,
hreinsa meltingarveginn og efla
ónæmiskerfið. Næringarefni hjálpa
til við meltingu á fitu.
10 Plómur Eru fullar af and-oxunarefnum, efla upptöku
járns og styrkja ónæmiskerfið.