Dagblaðið Vísir - DV - 17.01.2011, Blaðsíða 16

16 | Erlent 17. janúar 2011 Mánudagur
BERLUSCONI ENN
Í VONDUM MÁLUM
n Silvio Berlusconi, forsætisráðherra Ítalíu, er grunaður um vændiskaup, mútur
og samsæri n Stjórnlagadómstóll hefur úrskurðað að hann njóti ekki lengur
ráðherraverndar fyrir lögum n Segist vera hundeltur af ítölskum vinstrimönnum
Formleg rannsókn er hafin á forsæt-
isráðherra Ítalíu, Silvio Berlusconi,
vegna gruns um að hann hafi greitt
17 ára stúlku fyrir kynlíf í fyrra. Stúlk-
an starfaði þá sem vændiskona. Þá
er Berlusconi einnig sakaður um að
hafa í valdi stöðu sinnar sem for-
sætisráðherra beitt lögregluyfirvöld
þrýstingi til að hylma yfir með hon-
um. Verði hann ákærður fyrir þessi
brot og fundinn sekur gæti hann átt
yfir höfði sér allt að 15 ára fangelsis-
dóm. Samkvæmt yfirlýsingu frá sak-
sóknaraembættinu í Mílanó hefur
Berlusconi legið undir grun síðan 21.
desember en það var ekki fyrr en á
fimmtudaginn sem opinberað var að
Berlusconi væri undir rannsókn.
Tók þátt í kynsvalli
Stúlkan sem um ræðir heitir Karima
el-Mahroug, en er nú orðin fræg á Ít-
alíu undir nafninu Ruby, eða Ruby
„hjartaþjófur“. Hún var handtekin í
maí í fyrra fyrir smáþjófnað og sagði
lögreglumönnum við yfirheyrslu að
hún hefði verið gestur í fjölmörgum
veislum hjá Berlusconi, í villu hans í
útjaðri Mílanó. Hún sagði að í einni
veislunni hefði hún tekið þátt í kyn-
lífsleiknum „bunga bunga“ með for-
sætisráðherranum. Í stuttu máli
er bunga bunga ítalskt slangur yfir
hópkynlíf. Ruby var ekki ákærð eft-
ir yfirheyrslur. Þar sem hún er undir
lögaldri hefði hins vegar, samkvæmt
ítölskum starfsreglum, átt að senda
hana á unglingaheimili þar sem
hún hefði getað fengið nauðsynlega
umönnun. Það var hins vegar ekki
gert. Lögreglan skilaði henni beint í
hendur Nicole Minetti, sem er skjól-
stæðingur Berlusconis.
Minetti einnig grunuð
Nicole Minetti er hálfbresk og starf-
aði sem nektardansmær áður en
Berlusconi „uppgvötaði“ hana. Hann
útvegaði henni starf hjá tannlækni
sínum og veitti henni síðar brautar-
gengi í Frelsisflokki sínum. Berlusc-
oni hældi henni á hvert reipi og ekki
leið á löngu uns hún var orðin þing-
kona. Nú er einnig hafin rannsókn á
hennar málum, en hún er sökuð um
að hafa hjálpað til við, og hylmt yfir,
vændiskaupin í máli Ruby hjarta-
þjófs. Lögreglan í Mílanó mætti á
skrifstofu hennar á föstudagsmorgun
og leitaði að sönnunargögnum.
Ekki lengur friðhelgur
Berlusconi berst einnig við lög-
in á fleiri vígstöðum. Í tíð sinni sem
forsætisráðherra hefur Berlusconi
tekist að koma því til leiðar að ráð-
herrar séu undanskildir því að þurfa
að mæta fyrir rétt og því í rauninni
friðhelgir fyrir lögum. Í lok síðustu
viku úrskurðaði stjórnlagadómstóll
á Ítalíu hins vegar að dómarar hefðu
fullan rétt til þess að kalla ráðherra,
sem og aðra, fyrir rétt. Berlusconi hef-
ur í tvígang náð að koma sér undan
því að mæta fyrir rétt þar sem hann
hefur verið ákærður fyrir skattsvik og
samsæri. Nú getur Berlusconi ekki
lengur falið sig á bak við ráðherra-
verndina og mun því líklega þurfa að
mæta fyrir dómara innan skamms en
ekki fyrir glæpina sem minnst var á
hér að framan.
Mútur og skattsvik
Talið er að saksóknaraembættið á Ít-
alíu muni taka upp tvö mál nú þeg-
ar, sem áður hefur verið reynt að
höfða gegn honum. Í fyrra málinu
var Berlusconi sakaður um að hafa
mútað lögfræðingnum David Mills
með jafnvirði 70 milljóna íslenskra
króna fyrir að ljúga til um skatta-
mál forsætisráðherrans. Mills þurfti
að bera vitni fyrir rétti og var eið-
svarinn. Þar sem ljóst þótti að hann
hefði logið var hann sjálfur dæmdur
í fangelsi en dómurinn hljóðaði upp
á fjögur og hálft ár.
Hitt málið sem verður líklega
tekið upp á hendur Berlusconi
tengist fjölmiðlaveldi hans, Medi-
aset. Berlusc oni, ásamt öðrum lyk-
ilstjórnendum Mediaset, er gefið
að sök að hafa fært til bókar allt of
háar tölur fyrir kostnaði á sýningar-
rétti á bandarískum kvikmyndum.
Mediaset borgar kvikmyndaverum
í Hollywood í rauninni mun minna
en mismunurinn er lagður inn á
bankabók í Sviss. Þannig hagnast
lykilstjórnendur Mediaset mikið,
án þess að borga skatt. Samkvæmt
heimildum ítalska blaðsins Corri-
ere della Serra munu þessar starfs-
aðferðir hafa viðgengist síðan á 9.
áratugnum.
Telur sig hundeltan
Berlusconi þvertekur, eins og venju-
lega, fyrir að hafa gert nokkurn skap-
aðan hlut af sér. Hann sagði í sjón-
varpsviðtali í síðustu viku að hann
væri „ofsóttasti maðurinn í mann-
kynssögunni“. Hann sagði að stjórn-
lagadómstóllinn væri lítið annað en
vettvangur pólitískra hefndarverka
af hálfu vinstrimanna á Ítalíu. Hann
sagði einnig á miðvikudag að dóms-
kerfið allt á Ítalíu væri „sjúkdómur“.
Berlusconi hitti lögfræðinga sína
fyrir helgi svo þeir gætu ráðið ráðum
sínum. Berlusconi tjáði sig ekki við
fjölmiðla að fundinum loknum en
Mariastella Gelmini, menntamála-
ráðherra í ríkisstjórn Berluscon-
is, talaði fyrir hönd hans. Hún tók í
sama streng og Berlusconi og sagði
að um pólitíska aðför væri að ræða.
Aðallögfræðingur forsætisráðherr-
ans sagði að áhrif úrskurðar stjórn-
lagadómstólsins ættu ekki eftir að
koma í ljós fyrr en að mánuði liðn-
um, þegar dómarar færa rök fyrir úr-
skurði sínum. Berlusconi kom fram
í viðtali daginn áður og var boru-
brattur eins og honum einum er lag-
ið. „Það skiptir engu máli þó þessi
mál séu tekin upp aftur.“
Gæti orðið erfitt ár
Berlusconi er því ekki öfundsverður
af verkefnum þeim sem fram und-
an eru á þessu ári. Hann hrósaði
happi í desember þegar hann slapp
fyrir horn er vantrauststillaga á rík-
isstjórn hans var felld með aðeins
þremur atkvæðum. Ríkisstjórn hans
hangir eftir sem áður á bláþræði,
eftir að nánasti samstarfsmaður
Berlusconis, Gianfranco Fini, yfirgaf
ríkisstjórnina í nóvember í fyrra.
Þá glíma Ítalir við mikinn skulda-
vanda og er jafnvel talið að þeir þurfi
að leita á náðir neyðarsjóðs Evrópu-
sambandsins og Alþjóðagjaldeyris-
sjóðsins líkt og Írar og Grikkir. Þeir
anda þó ef til vill léttar nú eftir að
Spánverjum og Portúgölum tókst
að selja nægilega mikið magn rík-
isskuldabréfa í síðustu viku til að
sleppa við neyðarlán.
Stjórnmálaskýrendur spá því all-
tént að kosningar muni fara fram á
Ítalíu á þessu ári, líklega í maí. Þar á
Berlusconi ekki von á góðu en hann
hefur sjaldan eða aldrei verið jafn
óvinsæll hjá ítölsku þjóðinni.
„Hann sagði í sjónvarps-
viðtali í síðustu viku að
hann væri „ofsóttasti maður-
inn í mannkynssögunni“.
Björn Teitsson
blaðamaður skrifar bjorn@dv.is
Nicole Minetti
Nektardansmær sem varð
tannhirðir, síðan þingkona.
Skjólstæðingur og vitorðs-
maður Berlusconis.
Glaumgosinn frá
Sardiníu Á ekki sjö dagana
sæla um þessar mundir.