Dagblaðið Vísir - DV - 30.05.2011, Blaðsíða 24

24 | Sport Umsjón: Tómas Þór Þórðarson tomas@dv.is 30. maí 2011 Mánudagur
Fyrsti sigur heimsmeistarans í Mónakó:
Meistaraheppni Vettels
Það virðist vera fátt sem getur kom-
ið í veg fyrir að heimsmeistarinn í
Formúlu 1, Sebastian Vettel á Red
Bull, verji titil sinn á þessu keppnis-
tímabili. Hann kom fyrstur í mark
í Mónakó-kappakstrinum í gær og
hefur nú unnið fimm af fyrstu sex
mótum ársins. Fyrir utan að vera frá-
bær ökumaður á langbesta bílnum er
nú heppnin gengin til liðs við hann.
Það gekk mikið á í Mónakó í gær
en á tímapunkti var Vettel búinn
að missa Jenson Button á McLaren
fimmtán sekúndur fram úr sér. Þá
þurfti að kalla til öryggisbílinn í fyrsta
skiptið á tímabilinu þannig að hóp-
urinn þéttist. Öryggisbíllinn var aftur
á brautinni eftir að Vitaly Petrov skall
á vegg og þurfti þá að stöðva keppn-
ina og endurræsa. Það var líka eins
gott fyrir Vettel sem var þá fremstur
en á slitnum dekkjum og átti erfitt
með að halda forystunni. Vegna end-
urræsingarinnar fékk hann ný dekk
og stakk alla af þá sex hringi sem eftir
voru. Sannkölluð meistaraheppni.
„Þetta hefðu orðið erfiðir sex
hringir,“ sagði Vettel á blaðamanna-
fundi eftir keppnina. „En eftir að all-
ir fengu ný dekk var þetta frekar auð-
velt. Ég hef alltaf sagt að Mónakó er
klikkaður staður til að keppa á og ég
er bara stoltur að vera á meðal sigur-
vegara á þessum merka stað,“ sagði
Vettel.
Fernando Alonso á Ferrari var
annar en hann var alveg á hælun-
um á Vettel og á betri dekkjum þeg-
ar keppnin var stöðvuð. „Maður veit
aldrei hvernig hefði farið en ég var
100 prósent tilbúinn í að reyna að
taka fram úr honum. Hann er efstur
í stigamótinu þannig að ég hafði allt
að vinna,“ sagði Alonso.
Vettel er langefstur í stigakeppn-
inni og virðist fátt geta komið í veg
fyrir að hann verji heimsmeistara-
titil sinn. Er ekki ólíklegt að önnur
þýsk einokun, ekki ósvipuð þeirri
sem Michael Schumacher sá um hér
á árum áður, sé framundan í Form-
úlunni.
Liverpool fær væng-
mann
n Samkvæmt fréttum úr breskum
miðlum er Liverpool búið að landa
franska vængmanninum Sylvain
Marveaux frá
Rennes í Frakk-
landi. Þessi 24
ára leikmaður
hefur verið hjá
Rennes undan-
farin tíu ár og
spilað vel eftir að
hann komst inn
í aðallið félags-
ins. Sjálfur segist hann ekki vera
búinn að skrifa undir samning við
Liverpool en það sé ljóst að hann
spili á Englandi á næsta ári. Forseti
Rennes hefur sagt að Marveaux hafi
spilað sinn síðasta leik fyrir félagið.
Framtíð Berbatovs
n „Ég fer hvergi. Ég er hluti af nítj-
ánda titli Manchester United og
planið er að vera hluti af þeim tutt-
ugasta líka.“ Þessi
orð mælti Búlgar-
inn Dimitar Berba-
tov þegar Manc-
hester United tók
við Englands-
meistaratitlin-
um á dögunum.
Hann var ekki í
liðinu í úrslitaleik
Meistaradeildarinnar og sást hvergi
eftir leik. Ferguson sagði hann vera
inni í klefa en ekki hafa yfirgefið
svæðið. Ljóst er þó að ef hann hefur
farið er framtíð hans ljós. Hún er
engin á Old Trafford.
Downing til Arsenal
n Svo virðist sem Arsenal sé að hafa
betur í baráttunni við Liverpool um
enska vængmanninn Stewart Down-
ing. Samir Nasri
virðist tregur til
að semja aftur
við liðið og er
ekki loku fyrir
það skotið að
hann yfirgefi
Emirates-völl-
inn í sumar. „Ég
er 26 ára og á
mikilvægum krossgötum í mínu lífi.
Ég ætla því ekki að semja aftur við
Villa,“ segir Downing sem virðist
eiga úr vöndu að ráða í sumar. Þó er
talið líklegra núna að hann klæðist
Arsenal-treyjunni næsta vetur.
Harry vill Bellamy
n Harry Redknapp, stjóri Totten-
ham, er eðlilega farinn að huga að
sumarkaupum og sér Craig Bellamy,
framherja Manc-
hester City, sem
góðan kost til
að bólstra fram-
línuna. Bellamy
var á láni hjá
Cardiff í næst-
efstu deild í vetur
og hefur sagst
hafa áhuga á að
vera þar áfram. Það viðhorf gæti þó
hafa breyst eftir að Cardiff komst
ekki upp í úrvalsdeildinni, enn eitt
árið. Líklegur verðmiði á Bellamy er
sagður hljóða upp á um átta millj-
ónir punda.
Blatter fær stuðning
n Hart er sótt að FIFA þessa dagana
vegna spillingarmála og var farinn
að færast hiti í kosningabaráttuna
áður en Bin Ham-
mam dró fram-
boð sitt til baka.
Keisari þýska
boltans, Franz
Beckenbauer,
hefur þó lýst yfir
stuðningi við
forseta FIFA,
Sepp Blatter.
„Hann stendur sig frábærlega. Þetta
er ekki auðvelt því FIFA er eins og
Sameinuðu þjóðirnar með 208 lönd
innanborðs. Mér finnst Blatter og
hans fólk vera að standa sig frábær-
lega,“ segir Beckenbauer.
Molar
Barcelona undirstrikaði enn eina
ferðina að það er besta félagslið
heims í fótbolta, og jafnvel besta
lið sögunnar, þegar það tætti Eng-
landsmeistara Manchester Uni-
ted í sig í úrslitaleik Meistara-
deildarinnar. Það breytti engu þó
United væri nánast á heimavelli
en spilað var á Wembley. Barce-
lona hafði öruggan sigur, 3–1, þar
sem sóknartríóið ótrúlega, Pedro,
Messi og Villa skoruðu mörkin.
Saman hafa þeir skorað 95 af 152
mörkum Barcelona á keppnis-
tímabilinu. Jöfnunarmark Waynes
Rooney í fyrri hálfleik gerði ekkert
nema lengja í snörunni hjá Uni-
ted en Barcelona hafði yfirburði
á öllum sviðum fótboltans. Ekki
hjálpaði að á meðan allir liðsmenn
Katalónanna stóðu sig mættu í
raun einungis Nemanja Vidic og
Wayne Rooney til leiks hjá Manc-
hester United. Barcelona er besta
lið heims og því við hæfi að það sé
handhafi stærsta titilsins.
Vond kveðja van der Sars
Hollenski markvörðurinn Edvin van
der Sar lék þarna sinn síðasta leik á
ferlinum. Spurningarmerki má setja
við van der Sar í fyrstu tveimur mörk-
um Barcelona í leiknum þó hann
gæti ekkert gert í því síðasta sem
David Villa skoraði. Maður skyldi þó
ætla að markvörður í sama gæða-
flokki og sá stóri myndi ekki láta
nappa sig svona svakalega í tvígang.
Fyrra markið var með sama hætti og
markið í úrslitaleiknum fyrir tveim-
ur árum en þar fékk van der Sar á sig
mark á nærstöng snemma leiks. Það
sama var svo upp á teningnum þeg-
ar Pedro kom Barca yfir á Wembley.
Hollendingurinn var líklega besti
markvörður heims á tímabilinu en
hann valdi sér rangan leik, aftur, til
að sýna veikleika.
„Kannski spilaði ég einum leik of
mikið,“ sagði van der Sar þó bros-
andi eftir leikinn. „Sólin kemur upp
á morgun en auðvitað var þetta ekki
rétt leið til að kveðja,“ bætti hann við.
Nú þykir einnig næsta víst að fimm-
tán mínúturnar sem Paul Scholes
spilaði á Wembley séu hann síð-
ustu á ferlinum. Fréttir frá Englandi
herma að í framleiðslu séu núna nýj-
ar treyjur liðsins fyrir næsta keppn-
istímabil og þar sé búið að panta
öll númer nema átján, treyjunúmer
Scholes.
Algjörir yfirburðir
Van der Sar verður þó seint kennt
um tapið því mark af hálfu Barce-
lona lá í loftinu nánast allan leikinn,
að undanskildum fyrstu tíu mínút-
unum. Það breytir engu til hvers er
litið. Alls staðar hafði Barca yfirburði
í leiknum. Nokkur dæmi: Barcelona
var 63 prósent með boltann, 70 pró-
sent fyrstu 80 mínúturnar áður en
United náði að laga þá tölfræði und-
ir lokin. Barca átti 12 skot á markið,
United eitt. Iniesta átti fimm skot á
markið, United-liðið allt jafnmörg.
United ætlaði sér að nýta horn-
spyrnur þar sem þær eru ekki sterk-
asta hlið Barca. Gallinn er að Uni-
ted fékk enga hornspyrnu en Barca
fimm. Barca átti 662 sendingar sem
heppnuðust í leiknum, yfir helm-
ingi fleiri en United. Átta leikmenn
Barca áttu fleiri sendingar í leiknum
en sendingahæsti leikmaður United
sem var miðvörðurinn Rio Ferdin-
and. Þá hljóp Barca-liðið 4 kílómetr-
um meira en United í leiknum.
Allt eru þetta tölur, en þær tala
sínu máli. Manchester United hefur
líklega aldrei verið jafnyfirspilað. Það
er hreint ótrúlegt að hugsa til þess að
þarna voru að mætast tvö bestu lið
heims. „Það verður bara að viður-
kennast að við töpuðum fyrir betra
liði,“ sagði svekktur Alex Ferguson
eftir leikinn. „Þetta hefur verið frá-
bært tímabili og gaman að komast
tvívegis á Wembley. Það er synd að
svona fór en það er engin skömm að
tapa fyrir Barcelona.“
STIGAKEPPNI ÖKUÞÓRA
Nafn Lið Stig
1. Vettel Red Bull 143
2. Hamilton McLaren 85
3. Webber Red Bull 79
4. Button McLaren 76
5. Alonso Ferrari 69
6. Heidfeld Renault 29
7. Rosberg Mercedes 26
8. Massa Ferrari 24
9. Petrov Renault 21
10. Kobayasi Sauber 19
STIGAKEPPNI BÍLASMIÐA
Lið Stig
1. Red Bull 222
2. McLaren 161
3. Ferrari 93
4. Renault 50
5. Mercedes 40
Takk fyrir mig Sebastian Vettel er
ósigrandi í ár.
n Barcelona vann Meistaradeildina með stæl á Wembley n Messi jafnaði markamet
Nistelrooys í Meistaradeildinni n Enginn skömm að tapa fyrir Barca, segir Sir Alex
Tómas Þór Þórðarson
blaðamaður skrifar tomas@dv.is
Grátið í treyjuna Wayne Rooney og
félagar áttu aldrei möguleika. MyND REUTERS
Sá besti Lionel Messi var
frábær í leiknum og skoraði
glæsilegt mark. MyND REUTERS
Barca mörgum
skrefum á undan