Dagblaðið Vísir - DV - 12.03.2012, Blaðsíða 22

22 Menning 12. mars 2012 Mánudagur
Leikarasonur
syngur óperu
Þriðjudaginn 13. mars og
miðvikudaginn 14. mars kl.
20.00 mun söngdeild Tón-
listarskóla Kópavogs, Ball-
ettskóli Sigríðar Ármann og
strengjasveit Tónlistarskóla
Kópavogs flytja óperuna
Dído og Eneas eftir Henry
Purcell í Salnum, Tónlistar-
húsi Kópavogs. Það er sonur
leikarans Ingvars Sigurðs-
sonar sem fer með annað að-
alhlutverka.
Tónskáldið Henry Pur-
cell samdi óperuna, Dido
and Aeneis árið 1688 fyrir
kvennaskóla í Chelsea við
handrit sem Nahum Tate
byggði á Eneasarkviðu ít-
alska skáldsins Virgils. Sögu-
þráðurinn, sem er blanda af
rómverskri goðsögn og æv-
intýri, fjallar um örlagaríkt
tilfinningasamband Dídó
drottningar Karþagóborgar
og tróverska kappans Eneas
sem lenti í hrakningum á
siglingu frá Trójuborg í Litlu
Asíu og náði landi í Karþagó.
Fanfest í
Hörpu
EVE Fanfest, árleg hátíð og
ráðstefna tölvuleikjafram-
leiðandans CCP, fer fram í
áttunda sinn í ár. Að þessu
sinni verður hún haldin í
Hörpu dagana 22.–24. mars.
Búist er við yfir 1.000 er-
lendum gestum á hátíðina
sem hefur alltaf verið vel
sótt af fólki alls staðar að úr
heiminum. Dagskrá Fanfest
samanstendur meðal annars
af sýningum, pallborðs-
umræðum, fyrirlestrum og
ýmsum óvæntum uppákom-
um. Hátíðinni lýkur svo með
tónleikum hljómsveitanna
GusGus, Hams, Hazars og
fleiri íslenskra listamanna.
Miðasala fer fram í Hörpu og
á midi.is.
Aldrei fór
ég suður
Vestfirska hátíðin Aldrei fór ég
suður verður haldin í níunda
sinn núna um páskahelgina.
Tónleikarnir fara fram 6. og 7.
apríl en sérstök upphitun fyrir
hátíðina er í Ísafjarðarbíói á
skírdag, 5. apríl. Á hátíðinni
koma fram þrjátíu hljóm-
sveitir og nú þegar er búið að
tilkynna um tíu þeirra. Það
eru böndin Klysja, Dúkku-
lísur, Sykur, Pollapönk, Gu-
drid Hansdóttir, Jón Jónsson,
Muck Mugison, Retro Stefson
og Skálmöld.
Þ
að verður seint sagt að
metnaðarleysi ein-
kenni hlutverkaleikinn
Kingdoms of Amalur:
Reckoning. Leikurinn er op-
inn ævintýraleikur sem gerist,
eins og nafnið ber með sér, í
fantasíuheiminum Amalur. Í
upphafi leiksins eru leikmenn
í hlutverki karakters sem vakn-
ar upp frá dauðum og bland-
ast inn í stríð á milli kynþátta
í Amalur. Göldrum er óspart
beitt á alls konar kynjaverur
sem eru á kreiki og ofbeldi er
hluti af hinu daglega lífi.
Í byrjun leiksins geturðu
valið um að vera fulltrúi fjög-
urra mismundandi kyn-
þátta. Það kom undirrituðum
skemmtilega á óvart þegar
hann sá hvaða kynþættir þetta
voru. Þannig er hægt að vera
„Dokkalfur“ eða „Ljosalfur“
sem gefur leiknum skemmti-
legt krydd – að minnsta kosti
fyrir Íslendinga.
Í fljótu bragði minnir leik-
urinn ögn á God of War-leikja-
röðina og ekki síst Skyrim sem
kom út á síðasta ári. Leikur-
inn er mjög stór og að klára
öll verkefni leiksins tekur lík-
lega fleiri vikur. Á sama tíma
og stærðin getur verið kostur
getur hún einnig verið galli.
Sem dæmi um galla má benda
á að karakterinn sem þú spilar
talar ekki. Þá eru smávægi-
legir útlitsgallar sem maður
rekur augun í hér og þar. Bar-
dagar eiga það til að vera hálf
litlausir og möguleikarnir sem
þú hefur eru fjarri því að vera
sambærilegir við möguleikana
í God of War, til dæmis. Þrátt
fyrir það er leikurinn mjög
vandaður og metnaðarfullur;
grafíkin og umhverfið er flott,
persónurnar vel skapaður og
söguþráðurinn ágætur þó þú
þurfir að fylgjast vel með til að
vita hvað er að gerast hverju
sinni. Leikurinn ætti að vera
sannkallað konfekt fyrir þá
sem elska að flakka um og
gera það sem þeir vilja. Þó að
leikurinn sé talsvert fjarri því
að vera fullkomin skemmtun
er gulltryggt að þú færð nóg
fyrir peninginn.
Ævintýri með íslensku ívafi
Einar Þór
Sigurðsson
einar@dv.is
Tölvuleikur
Kingdoms of
Amalur: Reckoning
Tegund: Hlutverkaleikur
Spilast á: X360, PS3 og PC
Fínasta skemmtun
Kingdoms of Amalur: Reckoning
er risastór ævintýraheimur. Hann
er metnaðarfullur og vandaður en
ekki alveg gallalaus.
M
elavöllurinn er
nátengdur sögu
Reykjavíkur og í
raun menningar-
sögu Íslands. Hann
var til margra ára miðstöð
uppákoma og allra hátíðar-
halda sem áttu sér stað í bæn-
um. Þetta var aðalstaðurinn.
Austurvöllurinn var ágætur en
Melavöllurinn var sá staður
þar sem allir vildu vera,“ segir
Kári G. Schram kvikmynda-
gerðarmaður sem sendir nú frá
sér heimildamyndina Blikkið
- Sögu Melavallarins, 60 mín-
útna langa heimildamynd
um Melavöllinn í Reykjavík.
Í myndinni er saga vallarins
samtvinnuð sögu Reykjavíkur
og menningarsögu þjóðarinn-
ar. Myndin segir sögu vallarins
frá upphafi til enda og fólksins
sem vann, svitnaði, blæddi og
grét á rykmettuðum vellinum
og náðist á kvikmynd.
Eini völlurinn til fjölda ára
Melavöllurinn var reistur af
Íþróttasambandi Reykjavíkur á
Melunum, sunnan Hringbraut-
ar í Reykjavík árið 1911. Völlur-
inn „fauk“ árið 1926. „Það kom
góður íslenskur stormur sem
kom og tók hann allan. Hann
var reistur aftur sama ár og
vígður um sumarið,“ segir Kári.
„Þetta var eini völlurinn á land-
inu til fjölda ára. Það voru öll
félögin með aðstöðu á vellinum
og skiptu bróðurlega á milli sín
æfingartímanum.“
Kári fékk hugmyndina að
heimildamyndinni þegar hann
vann að verkefni fyrir KR-kon-
ur ásamt Bjarna Fel. „Ég komst
í gamlar myndir af Melavellin-
um sem þær höfðu eignast. Ég
klippti saman smá ræmu fyrir
þær og þeir hjá Íþróttabanda-
lagi Reykjavíkur höfðu sam-
band við mig í kjölfarið þar sem
þá leið að því að völlurinn ætti
100 ára afmæli. Við fórum þá
að skoða hvort ekki væri mögu-
leiki að gera einhverja mynd
um völlinn og sögu hans.“
Mikið af efnivið
Kári fór á stúfana og byrjaði að
leita að efni. Efniviðinn fann
hann víða. „Ég var búinn að
vera að þvælast heilmikið á
söfnum áður þegar ég gerði
myndina Íslandssaga sem fjallar
nánast um landnám til dagsins
í dag og hafði þá verið að skoða
gamalt efni í kvikmyndasafninu.
Þá skaut iðulega upp kollinum
gömlum fallegum brotum sem
voru tekin á vellinum þannig
ég vissi að það var eitthvað til.“
Hann fékk efnið úr mörgum
mismunandi áttum. „Það var
til dæmis ekki til neitt mynd-
efni frá einum af hápunktum
Melavallarins, þegar Íslending-
ar sigruðu Svía á vellinum 1951.
Ég fann myndefni frá því á háa-
lofti í Vesturbænum. Það voru
allmargir miðað við höfðatölu
að taka upp á kvikmyndavélar
á þessum tíma og því víða til
myndefni. Auk þess sem kvik-
myndasafnið er algjör gullmoli
að komast í.“
Auk þess tók Kári viðtöl við
fjölda fólks. „Baldur Jónsson
sem var vallarstjóri þarna frá
1950–1987 og Gísli Halldórs-
son eru tveir menn sem eru
alveg sérstaklega fróðir um
sögu vallarins og hjálpuðu mér
mikið. Síðan tók ég viðtöl við
30–40 manns. Upp úr viðtölun-
um fær maður að heyra ýmsar
skemmtilegar sögur af upp-
ákomum, leikjum og fleiru sem
átti sér stað.“ Það tók Kára um
tvö ár að klippa myndina enda
heilmikið efni sem hann hafði
sankað að sér.
Miðpunktur menningar
Melavöllurinn var miðpunktur
menningar í borginni til margra
ára að sögn Kára. „Þetta var
mikil menningarmiðstöð út
frá íþróttunum sem eru auð-
vitað menning líka, því má ekki
gleyma. En það var líka ýmislegt
annað sem var haldið þarna.
Hátíðarsamkomur eins og á 17.
júní og dansleikir eftir íþrótta-
leiki til dæmis. Þarna mættu
fleiri þúsund manns á hvern
atburð, eins og á 17. júní, þá var
oft stór hluti borgarbúa mættur.
Melavöllurinn var hjarta bæjar-
ins, þegar eitthvað átti sér stað í
bænum þá var það þar.“
Blikkið - Saga Melavallarins
var frumsýnd á föstudaginn í
Bíó Paradís og verður sýnd þar
í nokkrar vikur. Inn á heimasíð-
um íþróttafélaganna og Íþrótta-
bandalags Reykjavíkur ibr.is er
hægt að nálgast afsláttarmiða
á myndina og hvetur Kári sem
flesta til að sjá myndina. „Þetta
var svo stórt partur af borgar-
lífinu þessi völlur og því er saga
hans svo merkileg,“ segir hann.
viktoria@dv.is
Kári G. Schram kvikmyndagerðarmaður
hefur nýlega lokið við gerð heimildamynd-
arinnar Blikksins sem fjallar um Melavöllinn
sáluga. Í myndinni er saga vallarins sam-
tvinnuð sögu Reykjavíkur og menningar-
sögu þjóðarinnar.
Melavöllurinn var
hjarta bæjarins
Samofin menningarsögu
Kári segir sögu Melavallarins
vera samofna menningarsögu
þjóðarinnar.
Úr myndinni Keppt var í hinum ýmsu íþróttagreinum á vellinum.