Dagblaðið Vísir - DV - 04.07.2012, Blaðsíða 15

Erlent 15Miðvikudagur 4. júlí 2012
A
ukasekúnda sem bætt
var við sólarhringinn síð­
astliðinn laugardag setti
marg ar vefsíður og fyrir­
tæki á hliðina. Hugbún­
aðurinn sem notaður er til að keyra
síðurnar og sum forrit stórra fyr­
irtækja einfaldlega höndlaði ekki
auka sekúndu í sólarhringnum.
Heilu fyrirtækin urðu stopp
Fyrirtæki og vefsíður á borð við
Reddit, Mozilla, Gawker, Four­
Square, Yelp, LinkedIn og Stumble­
Upon urðu fyrir truflunum um
helgina vegna sekúndunnar og þús­
undir farþega ástralska flugfélags­
ins Quantas voru strandaglópar
eftir að bókunarkerfi flugfélagsins
hrundi. Aukasekúndan olli einnig
rafmagnsleysi hjá vefþjónum sem
halda uppi þjónustum Netflix og
Instagram og fundu margir notend­
ur fyrir óþægindum vegna þessa.
Svo virðist sem hugbúnaður
Linux og Java hafi ekki tekið vel í
aukasekúnduna. Líklega eru þó fleiri
hugbúnaðarlausnir sem urðu til
vand ræða, en það sem talið er hafa
klikkað er tímastillingin sem inn­
byggð er í forritin. Hugbúnaðurinn
styðst við Network Time Protocol,
sem tengir hann við atómklukku
sem mælir tíma mjög nákvæmlega.
Þegar aukasekúndunni var hins veg­
ar bætt við var klukkan látin hika og
við það er talið að eins konar högg
hafi komið á hugbúnaðinn með fyrr­
greindum afleiðingum.
Þarf að leiðrétta tímann
Ástæðan fyrir því að ákveðið var
að bæta við aukasekúndu í sól­
arhringinn um helgina var sú að
atómklukkurnar sem notaðar eru
til að mæla tímann nákvæmlega eru
ekki alveg í takt við snúning jarðar­
innar. Eins og flestir vita byggist sól­
arhringurinn á snúningi jarðar um
sólina, líkt og nafnið gefur til kynna,
en jörðin snýst með mismiklum
hraða og áhrifaþættir eins og veður­
far og jarðhræringar geta haft ófyrir­
séð áhrif á snúningshraðann.
Þetta er ekki í fyrsta skipti sem
auka sekúndu er bætt við sólarhring­
inn en það var fyrst gert árið 1972.
Þá var tveimur sekúndum bætt við,
einni 30. júní og annarri 31. desem­
ber. Síðan 1972 hefur 25 sekúndum
verið bætt við.
Aukasekúndur umdeildar
Vandræði helgarinnar munu vænt­
anlega virka eins og olía á óánægju­
eld andstæðinga aukasekúndunn­
ar. Kallað hefur verið eftir því um
nokkurt skeið að hætt verði að bæta
við aukasekúndum til að leiðrétta
misræmi í hraða jarðarinnar. Ekk­
ert hefur þó gengið í viðræðum um
nýtt kerfi og var það síðast í janú­
ar sem viðræður innan Alþjóðlega
fjarskiptasambandsins, sem tilheyr­
ir Sameinuðu þjóðunum sem fer
með stjórn tímamælinga heimsins,
runnu út í sandinn vegna ósam­
stöðu.
Það er þó ástæða fyrir því að sek­
úndunni er bætt við og benda sér­
fræðingar á að líkur eru á að skekkj­
an myndi aukast um 15 sekúndur
á hverri öld ef leiðréttingunni yrði
hætt. Líklegt verður því að teljast
að ekki sé langt í að næstu aukasek­
úndu verði bætt við til að koma í veg
fyrir að við séum sekúndu á eftir
hin um raunverulega sólarhring.
Aukasekúndan
var til vandræða
„Síðan
1972 hefur
25 sekúndum
verið bætt við
n Aukasekúndu var bætt við sólarhringinn síðastliðinn laugardag
Aðalsteinn Kjartansson
blaðamaður skrifar adalsteinn@dv.is
25 sekúndur Frá því að fyrstu aukasekúndunni var bætt við. árið 1972, hefur alls 25 sekúndum verið bætt við sólarhringinn.
Leitað hjá
Sarkozy
Lögreglan í Frakklandi fram­
kvæmdi húsleit á heimili og skrif­
stofum Nicolas Sarkozy, fyrr­
verandi Frakklandsforseta, á
þriðjudag. Þá var einnig gerð hús­
leit á skrifstofu lögfræðifyrirtækis
sem Sarkozy er hluthafi í.
Ástæðan er rannsókn lögreglu
á meintum ólöglegum fjárfram­
lögum sem Sarkozy er grunaður
um að hafa þegið frá einni rík­
ustu konu Frakklands, Lilliane
Bettencourt, í aðdraganda for­
setakosninganna árið 2007. Sar­
kozy hefur áður þvertekið fyrir að
hafa haft rangt við. Grunur leikur
á að Sarkozy hafi þegið tugþús­
undir evra frá Bettencourt en
samkvæmt lögum í Frakklandi
mega frambjóðendur ekki þiggja
meira en 4.600 evrur frá sama
styrktaraðila.
Assad fullur
eftirsjár
Bashar al­Assad, forseti Sýrlands,
segist vera harmi sleginn vegna
tyrknesku herþotunnar sem Sýr­
lendingar grönduðu skömmu fyrir
mánaðamót. Spenna á milli Tyrkja
og Sýrlendinga hefur vaxið mik­
ið að undanförnu en flugmenn
vélarinnar, sem voru tveir, hafa
enn ekki fundist.
Í síðustu viku fordæmdi Recap
Tayyip Erdogan, forsætisráðherra
Tyrkja, gjörðir Sýrlendinga og
sagði að ógn stæði af nágrannarík­
inu. Í kjölfarið sendu Tyrkir herlið
að landamærunum. Þrátt fyrir allt
segist Assad vera fullur eftirsjár
vegna atviksins og segist ekki ætla
að láta málið verða að milliríkja­
deilu.