Dagblaðið Vísir - DV - 18.07.2012, Blaðsíða 8

B
irgitta Jónsdóttir, þingmaður
Hreyfingarinnar, vinnur nú
að stofnun nýs stjórnmála-
flokks ásamt forritaranum
Smára McCarthy og fleir-
um sem hafa beitt sér fyrir auknu
gegnsæi og tjáningarfrelsi á Íslandi.
Jón Gnarr, borgarstjóri Reykjavíkur,
hefur sýnt flokknum áhuga og hefur
íhugað að taka þátt í stofnun hans.
Vinnuheiti flokksins er Píratapartý-
ið en hann er hliðstæða svokallaðra
„pirate“-flokka sem stofnaðir hafa
verið víða um heim undanfarin ár.
Birgitta var einn af stofnendum
Dögunar, sem er eins konar sam-
runaflokkur Borgarahreyfingarinnar,
Hreyfingarinnar og Frjálslynda
flokksins, en nú virðist hún hafa siglt
á önnur mið. „Birgitta hefur verið
virk í starfinu hjá okkur en það er
nú bara þannig þegar hreyfingar
eru að rotta sig saman að það eru
alltaf einhverjir sem fara eitthvert
annað,“ segir Lýður Árnason, einn af
stofnendum Dögunar. „Það er ekk-
ert skrítið að Birgitta sæki í fólk sem
hefur fyrst og fremst þessar áhersl-
ur, afhjúpun og upplýsingaflæði og
svo framvegis. Hún hefur haft mik-
inn áhuga á þessu og þetta eru helstu
baráttumál Píratapartýsins.“
„Snýst alls ekki um mig“
„Inni í leyndarhjúpnum leynist spill-
ingin og eina leiðin til þess að upp-
ræta spillinguna er að afhjúpa hana.“
Þessari skoðun lýsir Birgitta Jóns-
dóttir í samtali við blaðamann DV,
en hún telur heillavænlegast að nýtt
stjórnmálaafl leiði baráttuna fyrir
upplýsingafrelsi, gegnsæi og beinu
lýðræði. Hún bendir á að uppruna-
lega hugmyndin á bak við Dögun
hafi verið að sameina öll litlu fram-
boðin en það hafi mistekist. Birgitta
segist þó bera hlýhug til Dögunar og
óska flokknum alls hins besta. „Ég á
bara svo mikla samleið með nörd-
um af því ég er nörd sjálf,“ segir hún
og bætir því við að Píratapartýið hafi
önnur áherslumál en Dögun.
„Píratapartýið snýst alls ekki um
mig,“ segir Birgitta. „Ég er bara í hópi
margra sem koma að stofnun flokks-
ins. Það er enginn foringi, ég veit
ekki einu sinni hvort ég mun eða vil
leiða neinn lista. Ég er hlynnt sam-
ábyrgð og vil bara að við gerum þetta
saman.“ Aðspurð hvort hún vilji sitja
áfram á þingi segist Birgitta líta á átta
ára þingsetu sem hámark.
Jón Gnarr slæst í hópinn
Haldnir hafa verið fimm undirbún-
ingsfundir að stofnun flokksins en
tveir þeirra fóru fram á netinu. Sam-
kvæmt yfirlýsingu á Facebook eru
helstu áherslumál Píratapartýsins
gagnsæi, opin stjórnsýsla, þátttöku-
lýðræði, einstaklingsfrelsi, friðhelgi
einkalífsins og tjáningarfrelsi. Þá
kemur fram að hugmyndafræði sam-
takanna sé „sprottin upp frá pólitísku
landslagi þar sem rótgróin pólitísk
elíta hefur fórnað hugsjónum sínum
og kjósenda sinna á altari spillingar-
innar“.
Sem stendur er sambærilegur
flokkur í Svíþjóð með tvo Evrópu-
þingmenn og í Þýskalandi er flokk-
ur af sama meiði með 25 þingmenn
í ríkisþingum víða um land. Þá eru
álíka flokkar með fulltrúa í sveitar-
stjórnum um gjörvalla Evrópu.
Aðspurð segir Birgitta að íslenski
flokkurinn eigi í góðu samstarfi
við þessa flokka. „Við miðum dá-
lítið okkar stefnu við þá stefnu sem
hefur verið í þróun hjá Pirate Par-
ty International og vinnum með
ýmsum samtökum af þessu tagi.“
Samkvæmt ónafngreindum
heimildarmönnum hefur Jón Gnarr
haft samband við forsvarsmenn
flokksins. Hann hefur sýnt flokkum
af þessu toga talsverðan áhuga og sat
nýverið fund með nýkjörnum full-
trúum þýska flokksins, Die Piraten-
partei Deutschland.
Upplýsingar til upplýsingar
Smári McCarthy segir að samtökin
leggi áherslu á internetfrelsi, opna
stjórnsýslu og upplýsta ákvarð-
anatöku. „Lýðurinn getur ekki tek-
ið upplýstar ákvarðanir nema hann
viti hvað er að gerast,“ segir Smári.
„Þess vegna tölum við stundum um
„upplýsingar til upplýsingar“. Níu-
tíu prósent manna virðist telja að
ríkis stjórnin leyni upplýsingum sem
varða almannahag. Maður veit ekki
hvort það er satt en að fólki skuli líða
svona er grafalvarlegt mál.“ Smári
telur að samfélagið þurfi nú á gegn-
sæi að halda frekar en nokkru sinni
fyrr, en bendir á að gegnsæi sé ekki
nóg heldur sé mikilvægt að almenn-
ingur notfæri sér þær upplýsingar
sem koma fram.
Aðspurður um tengsl „pirate“-
flokka við niðurhalssíðuna Pira-
te Bay segir Smári að flokkarnir
séu ekki beintengdir síðunni en
hafi þó sýnt höfundarréttarmál-
um áhuga. Hann bendir á að „pira-
te“-flokkar hafi til að mynda barist
gegn ACTA-lögunum um höf-
undarrétt sem felld voru nýverið á
Evrópuþinginu. „Píratapartýin eru
að þroskast og taka ekki einungis
þátt í höfundarréttarumræðunni
heldur hafa víkkað út stefnumál
sín. Nú er ekki síst lögð áhersla á
lýðræðisumbætur og opna stjórn-
sýslu,“ segir hann.
8 Fréttir 18. júlí 2012 Miðvikudagur
n Klýfur sig úr Dögun n Jón Gnarr íhugar að slást í hópinn n Svipaðir flokkar í Evrópu
Birgitta stofnar
stjórnmálaflokk
„Ég á bara svo
mikla samleið
með nördum af því ég er
nörd sjálf.
Jóhann Páll Jóhannsson
blaðamaður skrifar johannp@dv.is
Birgitta Jónsdóttir Birgitta vinnur að stofnun nýs stjórnmálaflokks sem berst fyrir
upplýsingafrelsi og gegnsæi.
Jón Gnarr Borgarstjóri hefur lýst yfir
áhuga á að taka þátt í stofnun flokksins.
Smári McCarthy Lykilmaður í stjórn-
málaaflinu.