Dagblaðið Vísir - DV - 25.07.2012, Síða 4

Verðið ekki óraunhæft
n Tilboð Almennings í nýju ljósi eftir afskriftir Árvakurs
V
ið þetta mál er ekkert að segja
annað en að ég tók eftir því,
að verð okkar var ekki óraun­
hæft,“ segir Vilhjálmur Bjarna­
son viðskiptafræðingur í samtali við
DV. Árið 2009 lagði félagið Almenn­
ingur hf., undir forystu Vilhjálms,
fram tilboð í Árvakur. Eins og greint
hefur verið frá afskrifaði Íslandsbanki
944 milljónir hjá Árvakri á síðasta ári. Í
ljósi þess segir Vilhjálmur að tilboð al­
menningshlutafélagsins, sem var það
þriðja hæsta á sínum tíma, hafi ekki
verið óraunhæft. Þórsmörk ehf. átti
hæsta tilboðið en Palumbo Holdings
ehf, félag Steve Cosser og Everhard
Visser, átti næsthæsta tilboðið.
Þórsmörk tók yfir skuldir Árvak­
urs og kom með nýtt hlutafé inn í fyr­
irtækið snemma á árinu 2009. Kaup­
verð fékkst ekki gefið upp en um 200
milljóna króna munur var á hæsta og
næsthæsta tilboði.
„Ég er enn áskrifandi,“ segir Vil­
hjálmur þegar málið er borið undir
hann. „Þessu máli lauk af minni hálfu
þegar við fengum þetta ekki. Og þar
með er það bara búið. Það er svona
ákveðin huggun að vita að við höfum
ekki verið að bjóða út í einhverja tóma
vitleysu,“ segir Vilhjálmur.
Á heimasíðu Almennings hf. kom
fram um félagið: „Forsvarsmenn hóps­
ins sem hafa hug á að stofna almenn­
ingshlutafélag um Morgunblaðið, eru
áhugafólk um að reka frjálsan, gagn­
rýnan og óháðan fjölmiðil. Fjölmið­
il sem verður ótengdur hagsmunum
viðskiptablokka eða stjórnmálaflokka.
Meginmarkmið félagsins er að
reka öflugan fjölmiðil með raunveru­
legra dreifðu eignarhaldi. Enginn
einn aðili, viðskiptablokk eða hags­
munahópur verði ráðandi, heldur
verði hér á ferð félag sem raunveru­
lega verði í höndum almennings.“
thordur@dv.is
4 Fréttir 25. júlí 2012 Miðvikudagur
Raunhæft tilboð „Það er svona ákveðin
huggun að vita að við höfum ekki verið að
bjóða út í einhverja tóma vitleysu,“ segir
Vilhjálmur.
Lagði hendur á
eiginkonu sína
Karlmaður var handtekinn á
mánudagskvöld á Krýsuvíkur­
afleggjaranum við Hafnarfjörð eft­
ir að að hann hafði lagt hendur á
eiginkonu sína. Með hjónunum í
bifreiðinni sem konan ók var barn
þeirra að því er RÚV greinir frá.
Konan varð að forða sér út úr bíln­
um eftir að maðurinn hafði veist
að henni og náði hún að hringja
eftir aðstoð. Maðurinn, sem var
ölvaður, brást ókvæða við afskipt­
um lögreglumanna en féllst að
lokum á að setjast inn í lögreglu­
bílinn.
Skammar
Moggann
„Þetta er algjör della,“ segir Guð­
mundur Kristjánsson, útgerðar­
maður í Brimi, þegar hann er
spurður hvort bandaríski leikar­
inn Ben Stiller leigi af honum hús­
næði. Mbl.is birti frétt á þriðjudag
þess efnis að Guðmundur hefði
leigt leikaranum húsnæði með­
an hann er hér á landi við tökur á
kvikmyndinni The Secret Life of
Walter Mitty. „Ég var einmitt að
skamma þá fyrir að tala ekki við
mig áður,“ segir Guðmundur en
Morgunblaðið fjarlægði fréttina.
Stiller hefur farið víða um
landið vegna vinnslu myndarinn­
ar en hann sagði nýverið í samtali
við DV að hann ráðgerði að vera
hér á landi í þrjá mánuði. Bætti
hann við að yfir 100 manna teymi
yrði honum til halds og trausts.
Ríkið hætti að
skipta sér af
Stjórn Sambands ungra sjálfstæð­
ismanna krefst þess að ríkið hætti
afskiptum af mannanöfnum og
segir í ályktun stjórnarinnar að
ungir sjálfstæðismenn vilji að lög
um mannanöfn verði afnumin.
„Með því myndi ríkið hætta öllum
afskiptum af því hvað fólk kýs að
nefna sig og mannanafnanefnd
yrði lögð niður,“ segir í ályktun
SUS sem segir nefndina takmarka
frelsi einstaklinga.
Baltasar kaupir
brellufyrirtæki
Þ
ær hugmyndir voru uppi hjá
Framestore að láta loka úti­
búinu. Þess vegna ákváðum
við að kaupa það,“ segir leik­
stjórinn Baltasar Kormákur
um kaup hans og Daða Einarssonar,
sérfræðings í stafrænum brellum, á ís­
lensku útibúi kvikmyndafyrirtækisins
Framestore. Hann vill ekki gefa upp
kaupverðið.
Gerir brellur í stórum myndum
Framestore er breskt kvikmynda­
fyrirtæki sem sérhæfir sig í stafræn­
um brellum í kvikmyndum og er með
stærstu fyrirtækjum í heimi á sínu
sviði. Framestore hefur séð um staf­
rænar brellur í myndum á heimsmæli­
kvarða, til dæmis Avatar, Sherlock
Holmes og Harry Potter myndirn­
ar, svo örfá dæmi séu nefnd. Það
gerði einnig brellur fyrir kvikmyndina
Contraband sem Baltasar Kormákur
leikstýrði. Höfuðstöðvar Framestore
eru í London en útibúin í New York í
Bandaríkjunum og Reykjavík – þangað
til Baltasar Kormákur og Daði Einars­
son keyptu það síðarnefnda.
Jafn stórt og kvikmyndafyrirtæki
erlendis
Baltasar Kormákur og Daði Einars­
son eiga nú helmingshlut hvor í fyr­
irtækinu. Því telst fyrirtækið ekki
lengur vera útibú Framestore held­
ur sjálfstætt kvikmyndafyrirtæki.
„Þetta er sama fyrirtækið þrátt fyr­
ir breytt eignarhald vegna þess að
sama starfsfólkið vinnur þarna enn­
þá og því er sama reynslan innan fyr­
irtækisins. Áður var þetta útibú sem
var úthlutað verkefnum frá Frame­
store í Bretlandi. Það eru þó vina­
leg tengsl á milli okkar fyrirtækis og
Framestore þótt eignarhaldið sé nú
aðskilið.“ Baltasar Kormákur segir
um 30–40 manns starfa í fyrirtækinu
sem er til húsa í Aðalstræti í Reykja­
vík. „Á næstunni munu líklega fleiri
verkefni bætast við því núna getum
við boðið í verkefni og fengið þau
til Íslands og þá mun starfsfólki fyr­
irtækisins að öllum líkindum fjölga
til muna.“ Áform Baltasars Kormáks
eru að byggja fyrirtækið upp og gera
það stærra – jafn stórt og stærstu
kvikmyndafyrirtæki erlendis. „Kvik­
myndabransinn er samt ekki auð­
veldur og þar ríkir mikil samkeppni.
Á Íslandi eru góð fyrirtæki sem sér­
hæfa sig í stafrænum brellum í kvik­
myndum.“
Hugsjónin réði för
Baltasar Kormákur segir mikilvægt
að styðja við íslenska kvikmynda­
framleiðslu og að það hafi verið
honum ofarlega í huga þegar hann
festi kaup á fyrirtækinu. „Þetta snýst
um að Ísland sé samkeppnishæft í
kvikmyndabransanum. Mér finnst
mjög mikilvægt fyrir íslenskan kvik­
myndaiðnað að það sé til kvik­
myndafyrirtæki á Íslandi sem er af
þessari stærðargráðu og geri kvik­
myndir á heimsmælikvarða. Því réð­
ust kaupin fyrst og fremst af hugsjón
og ég lét mig gróðasjónarmið litlu
varða þegar ég keypti fyrirtækið þótt
ég vilji auðvitað að fyrirtækin mín
séu arðbær.“
Mælist vel fyrir
Spurður hvort hið nýja kvikmynda­
fyrirtæki hans og Daða muni héðan
í frá gera allar stafrænar brellur fyr­
ir kvikmyndir hans, segir Baltasar
Kormákur það ekki fast í hendi. „Ég
get aldrei sett það sem skilyrði að
fyrirtækið komi að öllum myndun­
um mínum. Það mælist samt svo vel
fyrir alls staðar og fólk í kvikmynda­
bransanum hefur yfirleitt mikinn
áhuga á að vinna með fyrirtækinu.“
n Telur mikilvægt fyrir íslenskan kvikmyndaiðnað að fyrirtækið verði á Íslandi
Styður íslenskan kvikmyndaiðnað Hugsaði ekki um hagnaðinn þegar hann keypti útibúið af Framestore.
Vann að Contraband Framestore sérhæfir sig í stafrænum brellum og vann meðal
annars að Contraband, kvikmynd sem Baltasar Kormákur leikstýrði. Daði Einarsson hefur
unnið að ýmsum verkefnum fyrir Framestore.
Elín Ingimundardóttir
blaðamaður skrifar elin@dv.is
„Á næstunni munu
líklega fleiri verk-
efni bætast við því núna
getum við boðið í verkefni
og fengið þau til Íslands