Dagblaðið Vísir - DV - 01.10.2012, Blaðsíða 2

SjálfStæðiSmenn
ætla Sér StórSigur
2 Fréttir 1. október 2012 Mánudagur
Vill uppræta
óvinavæðingu
Landsþingi Ungra jafnaðarmanna,
ungliðahreyfingar Samfylkingar-
innar, lauk um helgina með ávarpi
nýkjörins formanns samtakanna,
Stefáns Rafns Sigurbjörnssonar.
Stefán er 23 ára stjórnmálafræði-
nemi við Háskóla Íslands.
Í tilkynningu frá Ungum jafnað-
armönnum kemur fram að Stefán
hafi sagt í ræðu sinni að Jóhanna
Sigurðardóttir ætti mikla virðingu
inni hjá Ungum jafnaðarmönn-
um og hét hann því að hreyfingin
myndi halda uppi virðingu og
heiðri hennar í framtíðinni. Hann
sagðist vilja berjast fyrir auknu um-
ræðulýðræði og vinna að því að
uppræta óvinavæðingu.
Yfirskrift þingsins var Ungt fólk
og félagslegt réttlæti, réttur til þátt-
töku og eign auðlinda. Umfangs-
mikið málefnastarf fór fram og má
nefna að þingið ályktaði meðal
annars um að setja ætti hömlur
á okurlánastarfsemi, að Samfylk-
ingin ætti að halda uppi Evrópu-
umræðu í samfélaginu og að greitt
yrði jafnt með öllum námsmönn-
um í háskólum landsins.
Stefán tekur við af Guðrúnu
Jónu Jónsdóttur. Einnig var kjörin
ný miðstjórn á landsþinginu.
Harðorður í garð
Ísraelsmanna
Össur Skarphéðinsson utanríkis-
ráðherra gagnrýndi Ísraelsmenn í
ræðu sinni á Allsherjarþingi Sam-
einuðu þjóð-
anna á laugar-
dag. Hann
sagðist hafa
upplifað sjálfur í
heimsókn sinni
til Gaza hvern-
ig lífi fátækra
barna þar hefði
verið breytt með
„… örbirgð, ofbeldi og viðskipta-
banni sem hefur af öðrum en mér
verið lýst sem opnu fangelsi.
Ég hef sjálfur séð hvernig mann-
réttindi Palestínumanna á Vestur-
bakkanum eru brotin dag hvern
með manngerðum múr, sem slítur
sundur vegi, land þeirra og líf. Þegar
ég var í Qalqilya brunnu í hug mér
orð annars leiðtoga, sem við þekkj-
um öll. Rífðu þennan múr niður,
herra Netanyahu.“
Vísaði Össur þá í heimsfræg orð
Ronalds Reagan um Berlínarmúr-
inn og sneri þeim upp á múrinn
sem Ísraelar hafa reist til að skera
sundur land Palestínumanna.
Össur vísaði einnig í skýrslu
Sameinuðu þjóðanna, þar sem
komist var að þeirri niðurstöðu að
ólíft yrði á Gaza-svæðinu árið 2020
ef ekki yrðu gerðar rækilegar endur-
bætur á vatnsveitum, orkumálum,
heilsuvernd og grunnmenntun.
Hundrað
ær fundust
Björgunarsveitir Slysavarna-
félagsins Landsbjargar að-
stoðuðu bændur um helgina
við smalamennsku og leit að
sauðfé. Þótt ótrúlegt megi virð-
ast fannst sauðfé á lífi sem var
grafið í fönn í átján daga. Þó
nokkrar heimtur hafa orðið og
var rúmlega hundrað ám bjarg-
að um helgina. Leitin fór aðal-
lega fram í Húnavatnssýslu,
Skagafirði, Eyjafirði og í Þing-
eyjarsýslu. Um 100 björgunar-
sveitamenn víða af landinu
voru að störfum á svæðunum.
Hanna Birna
Kristjánsdóttir
Reykjavík
Oddviti borgarstjórnarflokks
Sjálfstæðisflokksins og
fyrrverandi borgarstjóri í Reykjavík. Hanna
Birna var kjörin borgarfulltrúi í Reykjavík
árið 2002. Hún var forseti borgarstjórnar á
árunum 2006–2008. Starfaði sem fram-
kvæmdastjóri þingflokks sjálfstæðismanna
1995–1999. Árið 2011 tók Hanna Birna
formannsslag við Bjarna Benediktsson,
sitjandi formann Sjálfstæðisflokksins, en
tapaði. Hún sækist eftir 1. sætinu.
Brynjar Níelsson
Reykjavík
Brynjar hefur starfað við lög-
fræði í um 20 ár og sækist eftir
3. sætinu í Reykjavík. Þar til
nýlega var hann formaður Lögmannafélags
Íslands. Árið 2010 hlaut Brynjar frelsisverð-
laun SUS, kennd við Kjartan Gunnarsson.
Áslaug María
Friðriksdóttir
Reykjavík
Morgunblaðið greindi nýlega
frá áhuga Áslaugar á fram-
boði til þings. Áslaug er varaborgarfulltrúi
Sjálfstæðisflokksins og hefur verið frá
árinu 2006. Hún er formaður Hvatar, félags
sjálfstæðiskvenna í Reykjavík. Hún er dóttir
Friðriks Sophussonar, fyrrverandi ráðherra
Sjálfstæðisflokksins.
Fanney Birna
Jónsdóttir
Reykjavík
Fyrrverandi formaður
Heimdallar. Fanney Birna
bauð sig fram til formanns SUS gegn
Ólafi Erni Níelssyni árið 2009. Fanney er
lögfræðingur að mennt og skipaði 8. sæti
á lista Sjálfstæðisflokksins í Reykjavík í
kosningunum árið 2009.
Hildur Sverrisdóttir
Reykjavík
Nýlega ritstýrði Hildur bókinni
Fantasíur, safn aðsendra
kynlífsdraumóra kvenna.
Hildur er lögfræðingur og varaborgarfulltrúi
sjálfstæðisflokksins. Hún starfaði með
laganámi sem framkvæmdastjóri V-dagsins
gegn kynferðisbrotum og setti upp Píku-
sögur með alþingiskonum. Auk þess er hún
varaborgarfulltrúi.
Jakob Ásgeirsson
Reykjavík
Ritstjóri Þjóðmála, tímarits
um stjórnmál með hægri
áherslum. Ritið er gefið út af
Bókafélaginu Uglu þar sem Jakob starfar
einnig.
Kjartan Magnússon
Reykjavík
Borgarfulltrúi Sjálfstæðis-
flokksins í Reykjavík. Hann
starfaði sem blaðamaður á
Morgunblaðinu á árunum 1991 til 1999 og er
fyrrverandi formaður Heimdallar.
Sigríður Andersen
Reykjavík
Varaþingmaður Sjálfstæðis-
flokksins frá árinu 2007. Hún
er lögfræðingur að mennt og
starfar á lögfræðistofunni LEX. Hún hefur
samkvæmt upplýsingum á vefsíðu hennar
starfað í Sjálfstæðisflokknum frá unga
aldri.
Teitur Björn Einarsson
Reykjavík
Starfar sem lögfræðingur hjá
Opus lögmönnum. Teitur er
sonur Einars Odds Kristjáns-
sonar og rak um tíma Eyrarodda á Flateyri.
Fyrirtækið stofnaði hann eftir að Hinrik
Kristjánsson, útgerðarmaður á Flateyri,
seldi Kamb hf. Eyraroddi varð gjaldþrota í
fyrra.
Bergþór Ólason
Norðvesturkjördæmi
Fjármálastjóri Loftorku
og ætlar sér í framboð
samkvæmt umfjöllun
Morgunblaðsins. Hann tók þátt í prófkjöri
Sjálfstæðisflokksins í Norðvesturkjördæmi
árið 2009. Hann gaf kost á sér í 2. sætið en
endaði í 5. sæti.
Birna Lárusdóttir
Norðvesturkjördæmi
Birna er fædd og uppalin í
Reykjavík en hefur búið á
Ísafirði í fjölda ára. Sat í bæjar-
stjórn Ísafjarðarbæjar frá 1998 til 2009.
Hún er varaþingmaður Sjálfstæðisflokksins
í Norðvesturkjördæmi og skipar nú 5. sæti
listans. Árið 2010 var fjallað um útgerðar-
félagið Álsfell á Ísafirði en félagið skuldaði
þá tvo milljarða. Birna hefur talað gegn
fyrningarleið í sjávarútvegi sem hefur áhrif
á félagið.
Eyrún Ingibjörg
Sigþórsdóttir
Norðvesturkjördæmi
Oddviti Sjálfstæðisflokksins
í Bæjarstjórn á Tálknafirði.
Eyrún komst nýlega í fréttirnar vegna
ákvörðunar bæjarstjórnar um að fela Mar-
gréti Pálu Ólafsdóttur, höfundi Hjallastefn-
unnar, rekstur og stjórn grunnskólans. í fyrra
var fjallað um útgerðarfélagið Steglu sem
er í eigu Eyrúnar. Árum saman fékk félagið
byggðakvóta en leigði bát og kvóta frá sér.
Alls uppskar oddvitinn um 160 milljónir
króna í leigutekjur.
Halldór Halldórsson
Norðvesturkjördæmi
Formaður Sambands
sveitarfélaga og fyrrverandi
bæjarstjóri á Ísafirði. Halldór
sagði nýlega við Morgunblaðið að ólíklegt
væri að hann færi fram.
Arnbjörg Sveinsdóttir
Norðausturkjördæmi
Fyrrverandi þingmaður
Sjálfstæðisflokksins og íhugar
framboð á þing. Arnbjörg
settist fyrst á þing árið 1995 og sat á þingi
til ársins 2009. Hún var formaður þingflokks
Sjálfstæðisflokksins frá 2005 til 2009.
Bergur Þorri Benja-
mínsson
Norðausturkjördæmi
Bergur er viðskiptafræðingur
og formaður ungra sjálf-
stæðismanna á Akureyri. Félagið ávítti á
árinu þingmenn flokksins í kjördæminu fyrir
stuðning sinn við Vaðlaheiðargöng.
Elín Káradóttir
Norðausturkjördæmi
Formaður ungra sjálfstæð-
ismanna á Héraði. Elín situr
í miðstjórn flokksins. Hún
stundar nám við HÍ en hefur ekki gefið út
hvort hún ætli sér í framboð. Nafn hennar
hefur þó verið nefnt og virðist sem áhugi sé
fyrir að hún fari fram.
Jens Garðar Helgason
Norðausturkjördæmi
Framkvæmdastjóri Fiskimiða
og oddviti flokksins í Fjarða-
byggð. Jens var talsmaður
Lands og miða, auglýsingaherferðar
útgerðarmanna gegn breytingum á kvóta-
kerfinu sem útgerðarmenn greiddu fyrir.
María Marinósdóttir
Norðausturkjördæmi
Sölu- og markaðsstjóri hjá N4,
fjölmiðla- og dagskrárgerðar-
fyrirtæki á Akureyri. Situr í
stjórn Sjálfstæðisfélaganna á Akureyri frá
2004. Gegnir stöðu gjaldkera í fulltrúaráði
Sjálfstæðisfélaganna á Akureyri og sit í
stjórn kjördæmisráðs Norðausturkjördæm-
is. Morgunblaðið segir hana bíða kjördæm-
isþings með ákvörðun.
Eyþór Arnalds
Suðurkjördæmi
Eyþór Arnalds er 1. maður á
lista Sjálfstæðisflokksins í
bæjarstjórn Árborgar. Þekkt-
astur er Eyþór fyrir þátt sinn í hljómsveitinni
Todmobile. Eyþór er formaður bæjarráðs og
skipulags- og byggingarnefndar Árborgar.
Geir Jón Þórisson
Suðurkjördæmi
Fyrrverandi yfirlögregluþjónn
í Reykjavík. Geir Jón vakti
athygli í lögreglunni fyrir
vaska framgöngu sína. Tengsl Geirs Jóns við
Ásgeir Davíðsson, Geira á Goldfinger, vöktu
athygli. Ávarpaði Geir Jón kæran vin sinn í
afmælismyndbandi Ásgeirs. „Þú stendur
þig vel í þessu og berð aldurinn vel,“ sagði
Geir Jón. Hann hefur verið gagnrýndur fyrir
rannsókn sína á framgöngu þingmanna í
búsáhaldabyltingunni.
Séra Halldór
Gunnarsson í Holti
Suðurkjördæmi
Halldór er sóknarprestur
í Holti í Rangárvallapró-
fastsdæmi. Hann á sæti á Kirkjuþingi og í
Kirkjuráði. Árið 2010 vakti Halldór athygli
vegna andstöðu sinnar gegn breytingum
á hjúskaparlögum. Með breytingunni var
samkynja pörum heimilað að gifta sig.
n Fjölmargir ætla fram fyrir Sjálfstæðisflokkinn í prófkjörum n Mælist með mikið fylgi
S
jálfstæðisflokkurinn ætlar
sér stórsigur í næstu þing-
kosningum. Það er því nokk-
ur gerjun innan flokksins og
einhverjir hugsa sér til hreyf-
ingar. Skoðanakannanir benda til
fjölgunar í hópi þingmanna. Þegar
hefur fjöldi fólks verið nefndur sem
hugsanlegir kandídatar flokksins. Í
þjóðarpúlsi Capacent frá fyrri hluta
september mælist flokkurinn með
36 prósent atkvæða. Flokkurinn tap-
aði miklu fylgi í alþingiskosningun-
um 2009 en þá hlaut hann aðeins
23,7 prósent atkvæða. Það er töluvert
minna en hann hefur mátt venjast.
DV tók saman lista yfir nokkra sem
hafa verið nefndir til leiks eða ætla
fram fyrir Sjálfstæðisflokkinn í próf-
kjörum flokksins. n
Atli Þór Fanndal
blaðamaður skrifar atli@dv.is
Ætla í ríkisstjórn
Sjálftæðsiflokkurinn
varð fyrir miklu fylgis-
tapi í síðustu kosningum
en ætlar sér að bæta í
þingliði í komandi slag.