Dagblaðið Vísir - DV - 01.10.2012, Blaðsíða 20

„Vá, erum
Við komin
sVona
langt?“
20 Menning 1. október 2012 Mánudagur
V
ið erum alltaf að skrifa eig-
inhandaáritanir og aðdá-
endur hafa elt mig eftir tón-
leika.“ Þannig svarar Fanney
Ósk Þórisdóttir, söngkona
dansk-íslensku hljómsveitarinn-
ar Kúra, aðspurð hversu þekkt þau
séu í Danmörku. Orð Fanneyjar gefa
nokkuð glögga mynd af því hvern-
ig stemning hefur myndast í kring-
um Kúra í Danmörku. Hljómsveitina
skipa, ásamt Fanneyju, frændi henn-
ar Brynjar Árni Heimisson Bjarnfoss
og Rasmus Liebst.
Reyna að skemmta sér
Blaðamaður sest niður með hljóm-
sveitarmeðlimum baksviðs í hitan-
um og sólinni á Spáni eftir hljóðpruf-
ur og fær að kynnast þeim aðeins.
Þau eru spennt fyrir tónleikunum
sem fara fram um kvöldið og hafa
vitneskju um að útsendarar frá stór-
um tónlistarhátíðum séu á svæðinu,
sem og spænskir umboðsmenn og
bókarar. Það er því enn mikilvægara
en ella fyrir þau að standa sig. „Það
er gerir líka bara ótrúlega mikið að
spila fyrir fólk og kynna þannig tón-
listina. Og fólk getur nálgast okk-
ur eftir tónleika og sagt hvað því
fannst,“ segir Rasmus.
„Hlustendurnir eru svo mikil-
vægir og æðislegir. Þegar maður er
uppi á sviði, þetta er bara besta til-
finning sem ég veit. Þetta er bara ást,
ást og fólk er svo ánægt og ég er svo
ánægð,“ segir Fanney til að reyna að
lýsa hvernig henni líður þegar hún
stendur á sviðinu með áheyrendur
fyrir framan sig.
„Þegar við náum góðum tón-
leikum, þá náum við virkilega góðu
sambandi við fólk og maður finn-
ur það. Það er ótrúlegt. Orkan uppi
á sviðinu verður svo mikil,“ útskýrir
Brynjar.
Þau lýsa tónlist sinni sem draum-
kenndri raftónlist með rokkívafi og
stundum þungum takti. „Við erum
alltaf að prófa okkur áfram með nýja
hluti í hljóðverinu. Við viljum ekki
festast innan ákveðins ramma held-
ur frekar reyna að skemmta okkur,“
segir Rasmus. „Hlutirnir smella
einhvern veginn alltaf saman þrátt
fyrir að við höfum hvert okkar stíl,“
bætir Fanney við.
Kom frænda á óvart
Stofnun Kúra má rekja aftur til sum-
arsins 2009 þegar Brynjar, sem búið
hefur í Danmörku frá níu ára aldri,
kom til Íslands til að vera við jarðar-
för frænku þeirra Fanneyjar. Á með-
an hann var á Íslandi spilaði Fanney
fyrir hann lag sem hún var að semja
og varð hann yfir sig hrifinn, bæði
af laginu sem og röddinni. Brynjar
hafði reyndar heyrt hana syngja
nokkrum árum áður og kom hún þá
frænda sínum í opna skjöldu með
röddinni. Hann hafði enga hugmynd
um að hún kynni að syngja. Brynj-
ar útsetti lagið svo í tölvu og í fram-
haldinu gáfu þau út EP-plötu. Eftir
það fóru hjólin að snúast af alvöru.
Rasmus gekk til liðs við hljóm-
sveitina í fyrra og í apríl síðastliðnum
kom svo út fyrsta plata Kúra, Half way
to the moon. Töluvert var fjallað um
plötuna í dönskum fjölmiðlum og
fékk hún góða dóma.
„Ég hef alltaf elskað að syngja“
Hljómsveitarmeðlimir Kúra lifa allir
og hrærast í tónlist. Rasmus byrjaði
að læra á gítar fyrir átta árum og hefur
einnig verið að fikra sig áfram við að
útsetja tónlist. Fljótlega eftir að þeir
Brynjar kynntust fór þeir að senda
tónlist á milli sín og gefa hvor öðrum
ábendingar. Það samstarf vatt upp á
sig og að lokum gekk Rasmus til liðs
við Kúra.
Fanney steig sín fyrstu skref á tón-
listarsviðinu fyrir um fimm árum, en
þá var hún í hljómsveit sem kallaði
sig Epic funeral. „Ég hef hvorki lært
að syngja né á hljóðfæri. En ég spila
aðeins á píanó og gítar, bara til að
geta samið lög og sungið.
Ég hef alltaf elskað að syngja, en ég
hef aldrei lært það. Ég komst reyndar
inn í FÍH en mig langaði frekar að vera
í ballett. Ég hefði kannski átt að fara í
FÍH,“ segir hún hlæjandi. „Það hefði
verið rosalega gaman. Mig langar
mjög mikið að fara í eitthvert nám, en
mín reynsla í þessari hljómsveit hefur
í raun bara verið mitt nám.“
Ætlaði aldrei að gera neitt
leiðinlegt
Fanney byrjaði á listabraut í Mennta-
skólanum í Hamrahlíð eftir grunn-
skóla og tók ballettinn með. Hún
prófaði sig áfram á nokkrum náms-
brautum án þess að finna sig al-
mennilega. „Ég vissi ekkert hvað ég
vildi, nema ég vissi að ég vildi syngja.
Það eru alltaf skilaboðin frá samfé-
laginu að maður verði að fara í skóla
að læra. En fólk á bara að gera ná-
kvæmlega það sem hjartað segir því
að gera. Ég ákvað að gera það. Elta
nákvæmlega það sem ég vildi gera.
Maður getur gert allt ef viljinn er fyrir
hendi. Það er bara þannig.
Ég sagði við mömmu þegar ég var
sex ára: Mamma, ég ætla aldrei að
gera neitt sem mér finnst leiðinlegt.
Svo týndist ég aðeins og fór pínu að
gera eitthvað sem mér fannst leiðin-
legt,“ segir Fanney. Þegar hún áttaði
sig á því staldraði hún við, tók í kjöl-
farið ákvörðun um að flytja til Dan-
merkur og snúa sér alfarið að tón-
listinni.
Verður háður tónlistinni
Brynjar hefur útsett tónlist í tíu ár
og hefur einnig starfað sem plötu-
snúður, en þeir Ramus kynnt ust í
gegnum þann bransa. Hann hefur,
líkt og frænka hans, ekki fundið sig í
skóla, hefur þrisvar hafið nám í mis-
munandi greinum en alltaf hætt eft-
ir nokkra mánuði. „Ég hef aldrei al-
veg verið að fíla mig. Ég er kannski
að sinna tónlistinni til klukkan fimm
á morgnana og þarf að vakna klukk-
an átta til að fara í skólann, það bara
passar ekki saman,“ útskýrir hann.
„Ég tók eiginlega ákvörðun fyr-
ir mánuði um að læra ekki neitt. Ég
ætla að halda áfram í tónlistinni og
Sólrún Lilja Ragnarsdóttir
solrun@dv.is
Viðtal
Dansk-íslenska hljómsveitin Kúra hefur verið að slá í gegn í Danmörku síðustu misseri en aldrei spilað
á íslenskri grundu. Hljómsveitin er mjög spennt fyrir að fá að kynna tónlist sína fyrir Íslendingum og
vonast til að geta haldið tónleika hér á landi sem fyrst. Fyrir rúmri viku kom hún fram á norrænu menn-
ingarhátíðinni Días Nordícos í Madríd og kunnu Spánverjar vel að meta þessa fallegu tóna úr norðri.
Boðsmiðar kláruðust
Spánverjar kunnu vel að meta Kúra
Áður en tónleikar Kúra hófust mátti
finna fyrir mikilli eftirvæntingu í saln-
um og ljóst var að spænskir áheyrendur
voru spenntir að heyra hvað þessir
norrænu tónlistarmenn ætluðu að
bjóða upp á. Góð stemning skapaðist
á tónleikunum og og tónleikagestir
virtust kunna vel að meta tónlistina.
Brynjar, Fanney og Rasmus voru sátt
við flutninginn og sögðust ánægð með
kvöldið þegar blaðamaður náði tali af
þeim eftir tónleikana. Það var þó ekki
hlaupið að því þegar áheyrendur þustu að þeim eftir að dagskránni lauk og vildu spjalla
um tónlistina. Þegar blaðamaður komst loksins að hljómsveitarmeðlimum voru þeir
sammála um að það hefði verið mjög skemmtilegt að fá viðbrögð frá spænskum áheyr-
endum, þar sem áheyrendahópurinn í Danmörku er yfirleitt frekar einsleitur.
Ekki var selt inn á tónleikana en til að komast þar inn þurfti að hlaða niður boðsmiða
af heimasíðu hátíðarinnar. Boðsmiðarnir voru löngu búnir á tónleikadaginn og því má
ætla að að minnsta kosti þúsund manns hafi verið í salnum. Þá myndaðist löng röð fyrir
utan tónleikasvæðið því margir freistuðu þess að komast inn án þess að hafa nælt sér í
boðsmiða.
Á eftir Kúra steig á svið danska rokkhljómsveitin Turboweekend, sem einnig náði vel til
áheyrenda með ferskri og hressilegri sviðsframkomu. Það er því óhætt að segja að þessi
norræna tónlistarveisla í höfuðborg Spánar hafi heppnast vel.
„Þegar við
náum góðum
tónleikum, þá náum
við virkilega góðu
sambandi við fólk
og maður finnur það