Dagblaðið Vísir - DV - 29.10.2012, Blaðsíða 4

4 Fréttir 29. október 2012 Mánudagur
Hótað hrottafenginni nauðgun
n Hvetja Birtu Sól til að kæra
É
g er sem sagt búin að sitja með
þetta „mail“ ógeðslega mikið í
mér og mér líður ógeðslega illa
með það,“ segir Birta Sól, nítján
ára stúlka, í nýju Youtube-myndbandi
sem hún hefur sent frá sér. Birtu Sól
barst nýlega tölvupóstur frá ónafn-
greindum aðila þar sem henni var hót-
að hrottafenginni nauðgun og grófum
misþyrmingum. Í bréfinu kom fram að
hann þoldi ekki myndböndin sem hún
hefði sent frá sér. „Það þarf greinilega
einhver að setja í þig gegn vilja þínum
til að losa þig við þennan tepruskap,“
er á meðal þess sem segir í bréfinu en
það er verulega gróft og lesendur eru
varaðir við því sem á eftir kemur.
Birta Sól hefur undanfarin misseri
slegið í gegn fyrir „tumblr“-síðu þar
sem hún „breiðir út jákvæða orku og
reynir að hjálpa fólki.“
Nú er svo komið að henni hefur
borist hótunarbréf vegna myndbanda
sinna en Birta Sól er gráti næst í mynd-
bandi sem hún birti á laugardag og
sagði frá hótuninni. „Það var bara ein-
hvern veginn eins og það væri steinn í
maganum á mér,“ segir hún þegar hún
lýsir því hvernig henni leið eftir að hafa
lesið hótunarbréfið. Þá segist hún ekki
hafa vitað hvað hún átti að gera þang-
að til hún rakst á grein á netinu þar
sem sagt var frá hótunum í garð Hildar
Lilliendahl. Í kjölfarið hafi hún ákveðið
að greina frá þeirri hótun sem henni
hafði borist.
Í bréfinu segir meðal annars: „Helst
væri ég til í að koma heim til þín. Og
þar sem þú ert nítján ára smástelpa
býst ég við því að þú búir ennþá heima
hjá foreldrum þínum. Helst myndi ég
vilja læsa foreldra þína inni í herbergi.
Koma svo inn í herbergið þitt, ríða þér
þurri svo að foreldrar þínir heyri öskr-
in. Vonandi myndirðu rifna svo að
blóðið myndi streyma. Svo myndi ég
sleppa þér svo þú gætir opnað fyrir for-
eldrum þínum.“
Birta segir marga hafa hvatt hana til
að kæra póstinn en hún er ekki búin að
ákveða næstu skref.
n Læknir segir að börn eigi alls ekki að neyta orkudrykkja
Á
sama tíma og um tíu prósent
þjóðarinnar eru talin líða fyr-
ir ofvirkni hefur sala á ofur- og
orkudrykkjum aldrei verið meiri
hér á landi,“ segir Vilhjálmur Ari Ara-
son, læknir. DV greindi frá því í vik-
unni að foreldrar fjórtán ára stúlku hafi
stefnt framleiðanda Monster-orku-
drykkjanna, stúlkan lést í desember
eftir að hafa drukkið tvær stórar dós-
ir af orkudrykknum. Dauðsföll í kjöl-
far neyslu slíkra drykkja eru sjaldgæf
en óumdeilt er að þeir eru afar óhollir.
Vilhjálmur segir orkudrykki inni-
halda mikið af örvandi efnum ásamt
miklu magni af sykri, og því sé mikið
af hitaeiningum í þeim – en lítil sem
engin næring. „Skyldi engan undra að
sumir séu örir, fitni úr hófi fram og eigi
síðan erfitt með svefn,“ segir Vilhjálm-
ur um þá sem neyta slíkra drykkja að
staðaldri. Velferðarráðuneytið segir
offitu vera ört vaxandi vandamál á Ís-
landi, en um 64 prósent landsmanna
voru of þung árið 2009.
Verða ofbeldishneigðari
Vilhjálmur segir að auk þess sem
koffín sé skaðlegt fyrir unglinga og
börn þá séu önnur efni í orkudrykkj-
um, til dæmis efedrín-lík efni, sem
séu örvandi. Neysla orkudrykkja
geti valdið streitu, kvíða ásamt því
að menn verði ofbeldishneigðari –
rannsóknir bendi til alls þessa. Mikil
neysla orkudrykkja getur valdið hjart-
sláttartruflunum, sem er sérstaklega
hættulegt sé viðkomandi veikur fyr-
ir. „Þá erum við strax komin upp í eit-
urhættu, þegar farið er að innbyrða
meira en þessar stöðluðu einingar.
Það eru dæmi um að krakkar hafi
þurft að leggjast inn á hjartadeild á
meðan að þau eru að afeitrast, ég veit
ekki um neitt dauðsfall sem betur fer
en það eru dæmi um að krakkar hafi
verið hætt komnir,“ segir Vilhjálmur.
Sykurinn verstur
En Vilhjálmur segir að verulegar
áhyggjur þurfi að hafa af sykurneyslu
á Íslandi. „Svo er það miklu, miklu
stærra mál hvað við erum að innbyrða
mikið af hvítum sykri – langt umfram
það sem er ráðlagt af manneldissjónar-
miðum. Við erum náttúru lega fyrir
Norðurlandameistarar í sykurneyslu.“
Í orkudrykkjum er mikið magn af
sykri, ráðlagðan dagskammt má finna
í einni gosdós, og rannsóknir hafa bent
á hættuna sem stafar af sykurneyslu.
Vilhjálmur vitnar í víðfeðma rannsókn
með 40 þúsund manna úrtaki. „Það
sem að kom merkilegt út úr henni er
að ef fullorðinn maður drekkur sem
samsvarar einni lítilli gosflösku á dag,
þá eru stórauknar líkur á kransæðaá-
falli. Þetta er ótrúlega mikill áhættu-
þáttur, bara að skella í sig einni flösku
af gosi. Þetta er jafn mikil hætta í þessu
efnum og stafar til dæmis af reyking-
um.“ Vilhjálmur bendir enn fremur á
að offita sé sívaxandi vandamál. Ísland
stefnir í sömu átt og Bandaríkin, þar
sem aðeins einn af hverjum fjórum
er í kjörþyngd. „Ísland fetar fast í fót-
spor Bandaríkjanna. Við erum bara tíu
árum á eftir þeim.“
„Börn eiga alls ekki að neyta
orkudrykkja“
Stærsti útgefandi efnis á sviði
barnalækninga í heimi, American
Academy of Pediatrics, framkvæmdi
í fyrra viðamikla rannsókn á öllu út-
gefnu efni um neyslu orkudrykkja.
Niðurstaða þeirrar rannsóknar var
afgerandi; orkudrykkir eru ekki fyrir
börn eða unglinga.
„Nákvæm endurskoðun á vísinda-
rannsóknum í málaflokknum hefur
leitt í ljós að unglingar og börn eiga alls
ekki að neyta orkudrykkja, koffíns eða
annarra örvandi efna,“ skrifuðu þær
Marcie Schneider og Holly Benjamin
hjá samtökunum, en á meðal þeirra
drykkja sem rannsakaðir voru eru
Red Bull og Monster. Meðal annars
er þetta vegna slæmra áhrifa koffíns á
börn, sem getur hamlað vexti tauga-
og hjartakerfisins.
Fjórtán ára lést eftir neyslu
Fimm manns létust eftir neyslu á
Monster-orkudrykknum í Bandaríkj-
unum á síðastliðnum átta árum. Þá
hafa foreldrar hinna fjórtán ára Ana-
is Fournier, sem lést í Bandaríkjunum
í desember í fyrra, kært framleiðanda
drykkjarins, þar sem Anais er sögð
hafa fengið hjartaáfall vegna koffín-
eitrunar eftir að hafa drukkið tvær 700
ml. dósir af drykknum. Var hún fyrir
með hjartakvilla en hún neytti drykkj-
anna yfir tveggja daga skeið. Í flest-
um afbrigðum af Monster drykknum
– og reyndar flestum orkudrykkjum –
eru um 34 mg. af koffíni í hverjum 100
ml., ígildi þess sem finnst í veiku kaffi.
Þess skal getið að ekki hefur verið sýnt
fram á afgerandi orsakasamhengi á
milli andláta og neyslu orkudrykkja,
en neysla þeirra er svo sannarlega ekki
holl. n
Börn hætt komin eftir
neyslu orkudrykkja
Símon Örn Reynisson
blaðamaður skrifar simon@dv.is
Gosið stórhættulegt „Ef
fullorðinn maður drekkur sem
samsvarar einni lítilli gosflösku
á dag, þá eru stórauknar líkur á
kransæðaáfalli,“ segir Vilhjálmur
Ari Vilhjálmsson læknir.
Rannsaka dauðsfall Verið er að
rannsaka dauða fjórtán ára stúlku, Anais
Fournier, í desember í fyrra, en hún hafði
drukkið tvær 700 ml. dósir af Monster-orku-
drykknum á tveimur dögum.
„Við erum náttúrulega
fyrir Norðurlanda-
meistarar í sykurneyslu
Sofnaði
undir stýri
Um miðnætti aðfaranótt
sunnudags tóku lögreglu-
menn á höfuðborgarsvæðinu
eftir bifreið á Langholtsvegi
í Reykjavík. Ökumaður hafði
stöðvað á rauðu ljósi en þegar
grænt ljós kom fór hann síð-
an ekki af stað. Í ljós kom að
maðurinn hafði sofnað við
umferðarljósin.
Ökumaðurinn varð svo
skyndilega var lögreglunnar og
gaf í. Þá ók hann á tvær kyrr-
stæðar bifreiðar. Þegar á lög-
reglustöðina kom varð ljóst að
maðurinn var undir áhrifum
vímuefna.
Nubo sár
og svekktur
Fullyrt er að áhugi kínverska millj-
arðamæringsins Huang Nobu
á fjárfestingum hér á landi fari
dvínandi en Huang segir í viðtali
sig svíða mjög vantraust það sem
Íslendingar hafi sýnt honum
persónulega og um leið kínversku
þjóðinni allri.
Þýska tímaritið Spiegel fjallar
um miklar fjárfestingar Kínverja
víða um heim og gerir því skóna
að sá ótti margra Íslendinga að
kaup Kínverjans á landi Gríms-
staða á Fjöllum sé aðeins yfirskin
fyrir eitthvað annað sé á nokkrum
rökum reistur. Kínverskir auð-
kýfingar séu að sölsa undir sig
mikilvæg svæði í ýmsum löndum
og eru nefnd dæmi um mikil upp-
kaup á ræktarlandi í Mósambík,
koparnámur í Afganistan og hafnir
í Grikklandi.
Spiegel segir Huang sýna fjár-
festingu á Íslandi mun minni
áhuga nú en áður og hann eyði
sífellt meiri tíma sínum í ljóðagerð
fyrir utan að græða peninga og
kaupa upp náttúruspildur.
Vakið athygli Birta Sól hefur vakið
athygli fyrir myndbönd sín á Youtube.