Dagblaðið Vísir - DV - 11.07.2011, Blaðsíða 4

4 | Fréttir 11. júlí 2011 Mánudagur
Starfshópur bæjarstjórnar skilar skýrslu:
Ekkert einelti í Hveragerði
Starfshópur sem myndaður var til
að rannsaka viðbrögð Grunnskól­
ans í Hveragerði við eineltismáli
sem þar kom upp hefur komist að
þeirri niðurstöðu að ekki hafi ver­
ið um einelti að ræða. Nefndin var
skipuð Þorláki Helgasyni, sérfræð­
ingi í Olweusaráætluninni, Kristínu
Hreinsdóttur, framkvæmdastjóra
Skólaskrifstofu Suðurlands, Ragnari
S. Ragnarssyni sálfræðingi og Ólafi
Helga Jóhannessyni, lektor við Há­
skóla Íslands.
Þorlákur gegndi formennsku í
hópnum og kynnti hann niðurstöð­
una á fundi bæjarstjórnar Hvera­
gerðis. Á fundinum var samþykkt
samhljóða bókun þar sem kom fram
ánægja með störf hópsins auk þess
sem sagt var að hvergi annars staðar
væri tekið jafnvel á eineltismálum og
í Hveragerði. Í bókuninni kemur þó
einnig fram að þrátt fyrir að starfs­
hópurinn hafi komist að þeirri nið­
urstöðu að ekkert einelti hefði verið
í grunnskólanum sé hægt að skýra og
bæta vinnuferla í meðferð eineltis­
mála innan grunnskólans sem og á
milli grunnskólans, félagsmálayfir­
valda og fræðslunefndar.
DV fjallaði um eineltismál sem
kom upp í skólanum og var starfs­
hópurinn myndaður í kjölfarið. Mál­
ið sneri að Þorvaldi Breiðfjörð Berg­
lindarsyni sem var hættur að mæta í
skólann vegna eineltis, sem hópur­
inn telur að hann hafi ekki orðið fyr­
ir. Hann fékk einkakennslu í kjölfar
þess að hann hætti að mæta í skól­
ann. Þegar DV ræddi við Berglindi
móður hans þann 7. mars greindi
hún frá því að drengurinn hefði ekki
mætt í skólann í mánuð.
adalsteinn@dv.is
Baldur Guðlaugsson mun halda eftir
tugmilljóna króna tekjum vegna vaxta
og verðbóta af andvirði hlutabréf­
anna í Landsbankanum sem hann
seldi skömmu fyrir hrun. Baldur var
dæmdur í tveggja ára fangelsi í Hér­
aðsdómi Reykjavíkur vegna innherja­
svika við sölu bréfanna. Baldur seldi
bréf fyrir rúmlega 192 milljónir króna
í umræddum viðskiptum en í dómi
héraðsdóms kemur fram að gera skuli
upphæðina upptæka.
Ekki farið fram á vexti
„Ekki var farið fram á að vextir af
ágóða yrðu gerðir upptækir, enda er
ekki venjan að gera það í refsimálum,“
segir Björn Þorvaldsson saksóknari í
málinu, aðspurður um hvort ekki hafi
verið krafist vaxta af andvirði hluta­
bréfanna sem Baldur seldi.
Ekki þótti ástæða til að fara fram
á að vextir yrðu greiddir af andvirði
bréfanna. Slíkt hefur ekki tíðkast í
málum af þessum toga heldur mun
frekar í til að mynda skaðabótamál­
um. Vaxtatekjur og verðbætur sem
falla til vegna geymslu söluandvirðis­
ins á bankareikningum renna því til
Baldurs. Þetta á við þó svo að pening­
arnir sem hann fékk við sölu bréfanna
verði gerðir upptækir.
Máli Baldurs hefur verið áfrýjað
til Hæstaréttar og munu peningarn­
ir liggja frystir inni á bankabók þar
til endanlegur dómur í málinu liggur
fyrir. Þangað til reiknast vextir ofan á
söluandvirði bréfanna. Miðað við þær
upplýsingar sem koma fram í dómi
héraðsdóms liggja peningarnir sem
voru kyrrsettir á tveimur mismunandi
reikningum hjá Arion banka. Annars
vegar verðtryggðum reikningi og hins
vegar sérstökum sparireikningi.
Óvíst með upphæðina
Þar sem erfitt er að gera sér grein fyrir
því á hvaða vöxtum peningarnar hafa
verið síðan hlutabréfin voru seld er
ekki hægt að fullyrða hversu háar fjár­
hæðir um er að ræða. Söluandvirðið
var rúmar 192,6 milljónir króna en
Baldur greiddi 10 prósent fjármagns­
tekjuskatt af sölunni. Andvirði sölu
hlutabréfanna var kyrrsett og dæmdi
héraðsdómur að gera skyldi andvirð­
ið upptækt af reikningunum tveimur.
Sé fjármagnstekjuskattinum skipt
jafnt á milli reikninganna tveggja má
gera ráð fyrir að á þeim verðtryggða
hafi staðið eftir rúmar 82 milljónir og
rúmar 90 milljónir á sparireikningn­
um, sé miðað við skiptinguna sem
kemur fram í dómi héraðsdóms.
Sé miðað við vísitölu neysluverðs
voru verðbætur fram til júní 2011
rétt rúmlega 15 milljónir vegna inn­
stæðunnar á verðtryggða reikningn­
um. Þá eiga eftir að bætast við vextir
vegna innstæðunnar á verðtryggða
reikningnum og á sparireikningn­
um. Það er því ljóst að um er að ræða
vexti og verðbætur fyrir tugi milljóna.
Af þeim er svo greiddur fjármagns­
tekjuskattur.
Greiddi skatt af sölunni
Lögmaður Baldurs, Karl Axelsson,
staðfesti að kyrrsetningarbeiðnin hafi
einungis tekið til þeirrar upphæð­
ar sem bréfin voru seld fyrir. Hann
segir dóm Héraðsdóms Reykjavíkur
vanreifaðan og að ýmsir ágallar séu á
meðferð málsins.
„Framtalinn söluhagnaður sam­
kvæmt skattframtali var einhverjum
20 til 30 milljónum lægri,“ segir Karl,
en það er vegna þess að Baldur þurfti
að greiða fjármagnstekjuskatt af sölu
bréfanna. Í dómnum er ekki minnst á
að skattur hafi verið greiddur af sölu­
andvirði bréfanna en ákæruvaldið
mótmælti því ekki að tekið yrði tillit
til þeirrar greiðslu. Dómurinn fer því í
raun fram á að Baldur greiði einnig til
ríkisins þá fjárhæð sem hann er þeg­
ar búinn að reiða af hendi í formi fjár­
magnstekjuskatts.
Frystir peningar
Peningarnir frá sölu hlutabréfanna
í Landsbankanum eru frystir á um­
ræddum reikningum í Arion banka.
Þar munu þeir liggja þangað til að
endanlegur dómur fellur í Hæstarétti.
Ekki er ljóst hvenær málið verður
tekið fyrir í Hæstarétti en samkvæmt
lögmanni Baldurs á hann von á því að
það gerist um miðjan næsta vetur.
Vextir og verðbætur halda áfram
að leggjast við höfuðstólinn á banka­
reikningunum þangað til. Ef Bald­
ur verður sýknaður í Hæstarétti mun
hann fá yfirráð yfir söluandvirði bréf­
anna auk þeirra vaxta og verðbóta
sem hafa fallið til. Verði hann aftur á
móti dæmdur sekur um innherjasvik
og dómurinn staðfestur í Hæstarétti
mun hann halda eftir vöxtunum og
verðbótunum.
n Saksóknari fór ekki fram á að vextir af sölu hlutabréfanna yrðu gerðir upptækir
n Mun halda eftir vaxtatekjum þó svo að hann verði dæmdur fyrir innherjasvik
Baldur fær milljónir
í vexti og verðbætur
„Sé miðað við vísi-
tölu neysluverðs
voru verðbætur fram til
júní 2011 rétt rúmlega
15 milljónir vegna inn-
stæðunnar á verðtryggða
reikningnum.
Guðni Rúnar Gíslason
blaðamaður skrifar gudni@dv.is
Fær vexti og verðbætur
Baldur Guðlaugsson mun
halda eftir vöxtum og
verðbótum þrátt fyrir að
söluandvirði hlutabréfanna
verði gert upptækt.
Ekki gert í þessu tilviki Björn Þorvalds-
son saksóknari segir að ekki hafi verið farið
fram á að greiddir yrðu vextir sem bæst hafa
við andvirði þeirra hlutabréfa í Landsbank-
anum sem Baldur seldi.
Hætti að mæta í skólann Þorvaldur
Breiðfjörð hætti að mæta í skólann vegna
eineltis en starfshópur á vegum bæjarins
komst að þeirri niðurstöðu að hann hefði
ekki verið lagður í einelti. Mynd RÓbERt REyniSSon
Hlaupasokkar
• Minnka verki og þyngsl í kálfum
• Minni hætta á blöðrumyndun
• Draga úr bjúgsöfnun
Stórhöfða 25 • Sími 569 3100 • eirberg.is
Í sumar er opið virka daga frá kl. 9 -18
Besta útihátíðin var haldin á Gadd­
staðaflötum við Hellu um helgina en
þar komu margar vinsælustu hljóm­
sveitir Íslands fram. Mikill mann­
fjöldi var á hátíðinni og er talið að á
bilinu níu til tíu þúsund manns hafi
mætt. Hátíðin gekk að mestu leyti
vel fyrir sig en nokkur fíkniefnamál
komu upp.
Þá vöktu ummæli Jóns Jóseps
Snæbjörnssonar, söngvara í hljóm­
sveitinni Í svörtum fötum, athygli en
hann kallaði konur hórur. Jónsi, eins
og söngvarinn er alla jafna kallaður,
hefur beðist afsökunar á ummæl­
unum.
„Þetta gekk bara eins og í sögu.
Alveg vonum framar,“ segir Harald­
ur Ási Lárusson, einn af skipuleggj­
endum útihátíðarinnar en hann var
að taka til á svæðinu ásamt starfs­
mönnum hátíðarinnar þegar blaða­
maður náði í hann.
„Fundurinn sem átti að vera með
sýslumanni og lögreglunni í morgun
[innskot blaðamanns: sunnudags­
morgun] var blásinn af, þetta gekk
svo vel.“ Haraldur segist ekki vita til
þess að nein meiriháttar mál hafi
komið upp á hátíðinni.
Aðspurður hvort skipuleggjend­
urnir séu farnir að leggja drög að
annarri hátíð að ári segir hann: „Ég
held að eftir árið í ár sé þetta komið
til að vera.“
besta útihátíðin á Hellu:
Komin til
að vera