Dagblaðið Vísir - DV - 12.10.2011, Blaðsíða 6
6 | Fréttir 12. október 2011 Miðvikudagur
K
irkjuráð hefur lagt til að kirkju-
þing leyfi stórfellda sölu fast-
eigna í eigu Þjóðkirkjunnar. Um
er að ræða alls 28 fasteignir og
bújarðir um allt land. Þeirra á meðal er
húsnæði Biskupsstofu við Laugaveg 31.
Meðal annarra eigna eru jarðirnar
Kálfafellsstaður í Hornafirði, Holt und-
ir Eyjafjöllum, Mosfell í Grímsnesi, Ár-
nes 1 í Árneshreppi og margar fleiri.
Þá er lagt til að heimild fáist til að selja
íbúðir og hús víða um land. Meðal
annars tvær íbúðir í Vestmannaeyjum
og íbúð við Hjarðarhaga í Reykjavík.
Í greinargerð með tillögunni segir
að eignunum megi skipta í flokka eft-
ir því hvaða forsendur liggi til grund-
vallar beiðni kirkjuráðs. Í fyrsta lagi er
um að ræða eignir sem fyrirsjáanlegt
er að kirkjan hafi ekki not fyrir. Kostn-
aðurinn af eignarhaldinu sé meiri en
hugsanlegar tekjur af því. Hins vegar
geti verið rétt að bíða með að selja þær
eignir.
Í öðru lagi eru eignir sem ekki er
lengur talin þörf fyrir vegna breyttra
aðstæðna í þjóðfélaginu og þrengri
fjárhags kirkjunnar. Þótt þær eignir
skili viðunandi arði þyki rétt að óska
söluheimildar í því skyni að bjóða þær
til sölu og losa þar með um fé. Þetta eru
meðal annars raðhúsaíbúðir, Kapella
ljóssins Í Reykjanesbæ og fleiri fast-
eignir.
Í þriðja lagi eru eignir kirkjunnar
sem ekki eru fyrirsjáanleg not fyrir og
hefur eignarhald kirkjunnar af þeim
meiri kostnað en tekjur í för með sér.
Þetta eru eignir sem kirkjan telur ólík-
legt að muni hækka í verði og því eigi
ekki að bíða með að selja þær.
valgeir@dv.is
n Kirkjuráð Þjóðkirkjunnar vill rúmar heimildir til að selja eignir
Leggur til stórfellda eignasölu
Kirkjan Meðal eigna sem kirkjuráð vill fá leyfi til að selja eru höfuðstöðvar Biskupsstofu.
Lögregla leitar
að dekkjabana
Lögreglan á höfuðborgarsvæð-
inu leitar að minnst tveimur að-
ilum sem grunaðir eru um stórfelld
eignaspjöll á hátt á tuttugu bif-
reiðum á Seltjarnarnesi aðfaranótt
laugardags. Þrjótarnir fóru um og
stungu á hjólbarða bifreiðanna þar
sem þeim var lagt við Skólabraut,
Vesturströnd, Bollagarða, Sólbraut,
Barðaströnd, Látraströnd og Suður-
mýri.
Lögreglan lýsir eftir vitnum sem
hugsanlega gætu hafa séð til þeirra
sem þarna voru að verki og biðlar til
þeirra sem kunna að búa yfir upp-
lýsingum um málið að hafa sam-
band við lögreglu í síma 444-1000.
E
ignarhaldsfélag í eigu Stefáns
Hilmarssonar, fyrrverandi
fjármálastjóra Baugs og nú-
verandi fjármálastjóra 365,
hefur verið tekið til gjald-
þrotaskipta. Félagið heitir AB Stoð
ehf. og var skráð til heimilis á Lauf-
ásvegi 68. AB Stoð var tekið til
gjaldþrotaskipta í lok september
samkvæmt tilkynningu í Lögbirt-
ingablaðinu. Skiptastjóri er Lúðvík
Arnar Steinarsson.
Stefán Hilmarsson var úrskurð-
aður gjaldþrota í Héraðsdómi
Reykjavíkur í fyrrasumar. Skipta-
stjóri bús Stefáns vinnur nú að því
að gera bú hans upp fyrir hönd
kröfuhafa. Meðal riftunarmála sem
höfðuð hafa verið er sala Stefáns á
heimili sínu á Laufásvegi 68 til eign-
arhaldsfélagsins Vegvísis rétt fyrir ís-
lenska efnahagshrunið um haustið
2008. Vegvísir er í eigu móður Stef-
áns.
Fjárfest í félögum Baugs
AB Stoð, sem stofnað var árið 2005,
fjárfesti í hlutabréfum í norska verk-
takafyrirtækinu Faktor Eiendom-
men og danska fasteignaþróunar-
félaginu TK Development og einnig
í fótboltafélaginu Fram. Í árslok 2008
voru bréf í þessum félögum einu
hlutabréf AB Stoðar. Hlutabréfin í
Faktor Eiendommen voru bókfærð
á rúmar 50 milljónir króna og hluta-
bréfin í TK Development voru bók-
færð á rúmar 25 milljónir króna. Þá
var hlutabréfaeignin í Fram bókfærð
á nafnverði, 10 milljónir króna.
Fjárfesting Stefáns í TK Develop-
ment kom upp á svipuðum tíma
og Baugur Group keypti hlutabréf í
fyrirtækinu. Samkvæmt ársskýrslu
baugs Group fyrir 2007 varð félagið
stærsti hluthafi TK Devlopment á
árinu 2006. „Baugur kaupir frek-
ari hlutabréf í danska fasteignaþró-
unarfélaginu TK Development og
á í heildina sex prósenta hlut í fé-
laginu. Með kaupunum er Baugur
orðinn stærsti einstaki hluthafinn í
TK Devolopment.“
Hlutabréfin í félögunum voru
keypt á árinu 2007 þar sem eina
hlutabréfaeign AB Stoðar í árslok
2006 var hlutur í Landsbanka Ís-
lands sem bókfærður var á nærri
200 milljónir króna. Þessi hlutur var
ekki lengur í eigu félagsins árið 2007
og virðist hann því hafa verið seldur
á árinu. Í stað þess átti félagið hluta-
bréf í skandinavísku félögunum.
Nærri 307 milljóna skuldir
AB Stoð skuldar nærri 307 milljónir
króna samkvæmt síðasta opinbera
ársreikningi félagsins, fyrir árið 2008.
Skuldin er nær öll við ótilgreinda
lánastofnun. Verðmatið á hluta-
bréfum félagsins hafði þá lækkað
um tæpan helming frá árinu 2007,
úr 154 milljónum og niður í rúmar
86 milljónir króna. Tap félagsins á
árinu nam 117 milljónum króna og
var eigið fé þess neikvætt um nærri
154 milljónir króna. Félagið var því
orðið tæknilega gjaldþrota í árslok
2008 en var ekki úrskurðað gjald-
þrota fyrr en í lok síðasta mánaðar.
Ekkert í ársreikningum AB Stoð-
ar bendir hins vegar til þess að arð-
ur hafi verið tekinn út úr félaginu
á árunum fyrir íslenska efnahags-
hrunið.
n Fjármálastjóri Baugs keypti í félögum sem Baugur átti í n Stefán átti nærri
200 milljóna hlut í Landsbankanum n Félag hans skuldar 307 milljónir króna
Félag Stefáns
rekið í gjaldþrot
„Baugur kaupir
frekari hlutabréf í
danska fasteignaþróun-
arfélaginu TK Develop-
ment og á í heildina sex
prósenta hlut í félaginu.
Ingi Freyr Vilhjálmsson
fréttastjóri skrifar ingi@dv.is
Átti 200 milljóna hlut Stefán Hilmar Hilmarsson átti nærri 200 milljóna króna hlut í Landsbankanum sem hann seldi árið 2007. Félagið
sem hélt utan um hlutinn er nú orðið gjaldþrota. MyNd hörður SveiNSSoN
Ljóð og lag eins og eineggja tvíburar:
Meiri
skólasöng
Lögð hefur verið fram þingsálykt-
unartillaga á Alþingi um að Alþingi
feli mennta- og menningarmálaráð-
herra að vinna að því að auka hlut
ljóðakennslu og skólasöngs í nám-
skrá grunnskóla og framhaldsskóla.
Árni Johnsen, þingmaður Sjálf-
stæðisflokksins, er fyrsti flutnings-
maður tillögunnar en með honum
eru 7 þingmenn úr öðrum flokkum.
Í greinargerð sem fylgir tillögunni
segir að reynslan hafi sýnt að ljóða-
kennsla í skólum hafi leitt til betri
málnotkunar nemenda og styrkari
tengingar þeirra við hrynjandi og
myndræna möguleika íslenskrar
tungu. „Ljóðakennslan hefur reynst
mörgum sem traustur lífsförunaut-
ur og styrkt málnotkun á áberandi
hátt. Fátt er eins brothætt og orð og
því skiptir höfuðmáli fyrir notkun ís-
lenskrar tungu að ræktuð sé tilfinn-
ing fyrir myndauðgi tungunnar og
fátt styrkir þann þátt betur en ljóða-
lestur, lestur Íslendingasagna og
lestur vel skrifaðrar bókar. Styrkur
ljóðanna í þessu efni er hins vegar
nákvæmni þeirra og hnitmiðuð
orðanotkun sem kallar á sjálfstæða
hugsun og mat lesandans,“ segir í
greinargerðinni
Um skólasönginn segir að hann
sé að mörgu leyti tengdur ljóð-
unum því að mörg ljóð, ekki síst
eldri ljóð, eigi kjól sem heitir lag
og ef vel tekst til spretta ljóð og lag
eins og eineggja tvíburar, að því er
segir í greinagerðinni. „Að auki er
eðlilegt í almennum skólasöng að
syngja hefðbundin fjöldasöngs-
lög sem oft byggjast á söngtextum
frekar en beinum ljóðum. Það fer
ekkert á milli mála að samsöngur
af öllu tagi er þroskandi og mikil-
vægur félagslegur þáttur og ekki
skemmir að hann er að öllu jöfnu
mjög skemmtilegur þáttur hins dag-
lega lífs bæði hversdags og á góðum
stundum. Í öllum byggðum landsins
og líkast til í öllum skólum er fólk
sem getur á auðveldan hátt staðið
fyrir fjöldasöng og virkjað þannig
jákvæða hlið nemenda.“
valgeir@dv.is