Dagblaðið Vísir - DV - 16.01.2012, Síða 11

É
g vona að þessi tala sé nærri
lagi,“ segir tónlistarmaðurinn
Örn Elías Guðmundsson, betur
þekktur sem Mugison. Óhætt
er að segja að árið 2011 hafi
verið frábært fyrir Mugison sem seldi
plötu sína Haglél í tuttugu og átta
þúsund eintökum. Viðskiptablað­
ið greindi frá því í síðustu viku að
Mugison hafi grætt tæpar tuttugu og
tvær milljónir króna á plötunni, en
heildartekjur af sölu plötunnar voru
um 43 milljónir króna. Samkvæmt
útreikningum blaðsins voru tekjur
Mugison af hverjum seldum diski
um 1.550 krónur en þegar tekið er til­
lit til kostnaðar falla í hlut hans 775
krónur af hverjum seldum diski.
Aldrei grætt svona mikið
„Ég er sjálfur alveg stjarnfræðilega
lélegur í reikningi og yfirleitt gleymi
ég einhverjum gjöldum sem reiknast
svo vextir á. En ég er að vona að þetta
sé sú tala sem maður endar í en það
er auðvitað fullt sem maður á eftir að
tína til sem dregur þessa tölu niður.
Ég er að byrja að gera upp við fólk
þessa dagana þannig að ég veit ekki
hvar þessar tölur enda eiginlega,“
segir Mugison, sem er hæst ánægð­
ur með velgengni plötunnar, í sam­
tali við DV. „Þetta er bara frábært. Ég
bjóst við að mörg þúsund eintökum
yrði skilað en svo var það ekkert svo
mikið. Ég hef aldrei selt svona mikið
og þar af leiðandi aldrei grætt svona
mikið. Ég gef út plötu á þriggja ára
fresti að meðaltali og ef fólk deilir
þessari tölu niður þá er þetta kannski
ekkert rosalegt. En annars er bara
klikkaður fílingur í fjölskyldunni og
hjá sjálfum mér.“
Klökkur Mugison
Sem fyrr segir var nýliðið ár frábært
fyrir listamanninn og var hann til
að mynda kjörinn maður ársins af
hlustendum Bylgjunnar og Rásar 2.
Í síðustu viku var hann einnig val­
inn Vestfirðingur ársins en Mugison
segir aðspurður að hann hafi aldrei
búist við þessari velgengni í byrjun
árs 2011. „Ég var að bara að búa til
plötu síðasta sumar eins og venju­
lega. Ég bjóst til dæmis alltaf við því
að lagið Stingum af yrði allt of rólegt
til að nokkur myndi sýna því áhuga
– nema einhver náttúrurómantíker
eins og ég,“ segir Mugison og hlær.
Hann segir að þetta hafi mikla
þýðingu fyrir sig, þó fyrst og fremst
tilfinningalega. „Maður verður hálf­
klökkur þegar maður sér skólabörn
syngja lögin sín. Maður hittir líka fólk
í Bónus og svona og það á einhverjar
minningar tengdar þessum lögum.
Það er alveg ótrúlegt að maður skuli
ná til svona margra,“ segir hann ein­
lægur.
Þakklæti á þakklæti ofan
Óhætt er að segja að hjólin hjá Mugi­
son hafi farið að snúast fyrir alvöru
þegar hann tilkynnti þann 1. des­
ember síðastliðinn að hann hygð­
ist halda þrenna tónleika í Hörpu og
ferna á landsbyggðinni fyrir lands­
menn – og það án endurgjalds. „Þetta
tók allt einhvern skrýtinn kipp um
þetta leyti. Platan var reyndar kom­
in í tólf þúsund eintök og jólavertíð­
in var varla byrjuð. Það var eitthvað
í loftinu og einmitt þess vegna varð
ég að segja takk. Þetta voru fáránleg­
ar móttökur og maður fann að þetta
yrði eitthvað sem maður myndi ekki
endurtaka í bráð. Ég var þakklátur og
þá varð fólk þakklátt. Þegar fólk varð
þakklátt þá varð ég enn þakklátari
og þá einhvern veginn sprakk þetta
allt,“ segir Mugison sem vill þó sér­
staklega koma því á framfæri að þó
hann sé sólótónlistarmaður séu fleiri
sem eigi þátt í velgengninni. „Það er
heil hljómsveit og fjölskyldur þeirra
á bak við mig. Vinur minn, Jón Þór
[Þorleifsson, innskot blaðamanns]
var með mér í öllu sprellinu og eigin­
kona mín, Rúna. Dreifingaraðilarnir
voru líka helvíti hressir. Ég fæ enda­
laust kredit en þau eiga þetta.“
Í 40 fermetra stúdíóíbúð
Það vakti talsverða athygli þegar greint
var frá því að á sama tíma og Mugison
þrífyllti Hörpu hafi hann ekki komist í
gegnum greiðslumat. Fjölskyldan vildi
stækka við sig og höfðu þau hjónin
fundið góða íbúð í miðbænum. Bank­
inn sagði hins vegar nei og því varð bið
á því að þau gætu stækkað við sig.
En er staðan ekki betri núna?
„Jú, það hlýtur eiginlega að vera.
Ég fæ ekki allan peninginn fyrr en í
lok febrúar eða byrjun mars og þá
ætlum við að sjá hvað stendur í al­
vörunni eftir. Þrátt fyrir að ég selji
svona mikið þá er ekki þar með sagt
að það muni endurtaka sig á næstu
árum,“ segir Mugison og er raunsær.
Hann býr ásamt eiginkonu sinni og
tveimur börnum í lítilli 40 fermetra
stúdíóíbúð í Vesturbænum. Hann
segist kunna vel við sig í íbúðinni
þótt lítil sé. „Mér finnst það helvíti
notalegt. Fjögur í smá plássi með
tvær nikkur og þrjá kassagítara. Það
gerist ekki betra.“
Vildu frítt á Hróarskeldu
Þó svo að Haglél sé enn að seljast vel
er Mugison þegar byrjaður á næsta
verkefni sínu. „Ég er kominn svolítið
áfram með það. Þetta er plata sem er
eiginlega öll gerð á hljóðfæri sem ég
smíðaði sem er svolítið galdratæki.
Það væri draumur ef ég myndi ná að
koma henni út í haust upp á að geta
túrað í Evrópu. Stundum festist mað­
ur í einhverju einu lagi í einn mánuð
á meðan önnur lög taka tvo daga en
ég vona að ég nái þessu,“ segir hann.
Ekki er útilokað að Mugison verði á
meðal listamanna á Hróarskeldu­
hátíðinni í Danmörku næsta sumar,
þar sem margir af vinsælustu tónlist­
armönnum heims koma saman og
spila fyrir gesti. „Þeir voru búnir að
biðja um efni frá mér en mér fannst
eitthvað asnalegt að senda þeim
Haglél. Svo var ég í partíi hjá vini
mínum og við fórum að tala um að
það væri gott að geta fengið fría miða
á Hróarskeldu. Þannig að ég sendi
þeim póst í síðustu viku en ég veit
ekkert hvort ég sé orðinn of seinn.“
„Aldrei grætt
svona mikið“
Fréttir 11Mánudagur 16. janúar 2012
Bílaverkstæði
Varahlutaverslun
Smurstöð
Dekkjaverkstæði
Bremsur,
spindilkúlur,
stýrisendar,
o.fl., o.fl.
Allar gerðir
bætiefna fyrir
vél, drif
og gírkassa
www.bilaattan.is
Allt á einum stað
„Ég hef aldrei
selt svona
mikið og þar af
leiðandi aldrei
grætt svona mikið
n Mugison seldi 28 þúsund eintök og hefur aldrei verið ánægðari n Kemst vonandi í gegnum
greiðslumat á næstu mánuðum n „Klikkaður fílingur í fjölskyldunni og hjá sjálfum mér“
Þakklátur Örn Elías Guð-
mundsson, eða Mugison eins
og hann er kallaður, er mjög
ánægður með viðtökurnar.
Mynd EyÞór ÁrnAson
Einar Þór Sigurðsson
blaðamaður skrifar einar@dv.is