Dagblaðið Vísir - DV - 13.02.2012, Blaðsíða 8
8 Fréttir 13. febrúar 2012 Mánudagur
Endurlífgaði dóttur sína
n Sá höfuð dóttur sinnar detta líflaust niður til hliðar
G
ísli Örn Gíslason sem endur-
lífgaði 18 ára dóttur sína með
hjartahnoði er skyndihjálp-
armaður ársins. Hann var
heiðraður á 112-deginum á laugar-
dag, en markmið dagsins er að kynna
neyðarnúmerið og hvetja fólk til að
hringja í 112 ef það telur sig þurfa á
aðstoð að halda í stað þess að hika.
Tilviljunin ein réð því að hann leit
inn í herbergi dóttur sinnar. „Og ég er
í raun á leið út úr herberginu þegar
að ég tek eftir því að höfuðið á henni
dettur svona niður og til hliðar og
ég hélt í fyrstu að hún væri bara að
stríða mér. En svo leist mér ekkert á
þetta og þá tók ég púlsinn á henni og
þá gerði ég mér grein fyrir því að hún
var komin í hjartastopp. Þá kallaði ég
í konuna og hóf hjartahnoð þarna á
gólfinu,“ segir Gísli þegar hann rifjar
upp daginn örlagaríka í samtali við
RÚV.
Sigurbjörg Jóhanna á föður sín-
um lífið að launa. „Ég var bara mjög
heppin að hann skyldi vera hjá mér
þarna þessar fimm mínútur sem
hann stoppaði inni í herberginu.“
Árlög könnun á ímynd Neyðar-
línunnar leiðir í ljós að 99,4 prósent
landsmanna þekkja númerið einn-
einn-tveir. Hálft prósent nefndu ann-
að númer en þess má geta að banda-
ríska númerið 911 virkar einnig hér
á landi. Aðeins 0,1 prósent þekktu
ekkert númer samkvæmt könnun-
inni. Í könnuninni var einnig gerð
athugun á ánægju fólks með Neyð-
arþjónustuna. Könnunin sýnir að al-
menningur er jákvæðari í garð 112 en
almennt tíðkast um opinberar stofn-
anir og félagasamtök. Alls segjast 95
prósent jákvæð gagnvart línunni.
Það hljóta að teljast jákvæðar
fréttir fyrir starfsfólk Neyðarlínunn-
ar allavega í samburði við evrópska
kollega þeirra. „ Í dag er svo komið
að einungis einn af hverjum fjórum
íbúum Evrópu veit að í neyðartilvik-
um dugar að hringja í 112, hvar sem
er innan Evrópu,“ segir á vef Neyðar-
línunnar.
Þ
að var um síðustu helgi þeg-
ar ung móðir á Grettisgöt-
unni brá sér út í búð. Hún
ákvað að ganga eftir stígnum
í garðinum í átt að Austurbíó
og gekk fram á sprautur í garðinum.
Henni var að vonum brugðið og lét
nágranna sína vita. Þeir eru heldur
betur ósáttir við ástandið enda fjöl-
skyldufólk með lítil börn og þetta er
ekki í fyrsta sinn sem sprautunálar
finnast á lóðinni. Þær hafa reynd-
ar fundist í garðinum, á bílastæðinu
fyrir framan og á róló fyrir börnin.
Þar var frístundamiðstöð fyrir
börn með aðstöðu um tíma og fund-
ust blóðugar sprautur við rólurnar og
inni í litlum kofum sem börnin léku
sér í. Ástandið á þessu svæði er orð-
ið svo slæmt að þegar íbúi í blokk-
inni sem DV ræddi við fór með börn-
in út að leika, byrjaði hann á því að
skanna svæðið og kíkja inn í kofana
þar sem skjólið var ákjósanlegt fyrir
fíklana. Sem betur fer því þar fann
hann pillubréf, plast utan af spraut-
unálum og áhöld. Nú er búið að
rífa kofana en enn eru sprautur að
finnast á víð og dreif og foreldrarnir
sleppa krökkunum ekki lausum.
Íhuga að flytja
Enda hafa börnin í blokkinni líka
fundið sprautur. Einn sjö ára fann
sprautu á bílastæðinu þegar hann
var á leið með foreldrum sínum út í
bíl. Hann lét þá vita og var umbun-
að fyrir rétt viðbrögð. Vini hans líka.
Þeir höfðu fengið viðeigandi fræðslu.
Litla systirin veit hins vegar ekkert
hvað þetta er, er of ung til að skilja
það enda bara þriggja ára og granda-
laus. Hún gæti ekki varið sig ef hún
gengi fram á sprautur. Þess vegna
stendur foreldrum hennar ekki á
sama.
Íbúar í blokkinni velta því fyrir sér
hvort þeir eigi flytja, fara annað. En
eins og þeir benda á þá var þetta ekki
svona. Og spyrja hvort það sé eðlilegt
að þurfa að flýja hverfið sitt vegna
fíkla sem sprauta sig úti á víðavangi,
í garðinum þeirra og á rólóvellinum.
Þeir vita vel að fíklarnir eru veikir
og það er ekki við þá að sakast en vilja
samt ekki umbera þetta ástand. Þeir
hafa líka ástæðu til að hafa áhyggjur.
Sonur vinafólks stakks sig á sprautu
í fyrra, bólgnaði upp og þurfti að fá
mótefni og fara í HIV-, lifrarbólgu-B-
og C-skimun.
Fá sprautur hjá Frú Ragnheiði
Ekki batnaði það þegar Frú Ragn-
heiður fór að leggja við Hlemm segja
íbúarnir. Fyrir þá sem ekki vita þá
er Frú Ragnheiður verkefni á veg-
um Rauða krossins sem gengur út á
hugmyndafræði skaðaminnkunar.
Bíl er ekið um borgina þar sem reynt
er að nálgast fíkla, sem flestir nota
sprautubúnað, í þeirra nærumhverfi
og á þeirra forsendum. Markmiðið er
að mynda tengsl við hópinn og ræða
við þá um notkunina, hvað þeir nota,
hversu oft, hvernig þeir sprauta sig
og reyna að breyta því hvernig þeir
hugsa um þetta, fá þá til að vanda sig
og nota hreinar sprautur.
Hjá Frú Ragnheiði geta fíklar
fengið hreinar sprautur og nálar og
langflestir koma til þess. Aðrir koma
til að fá aðstoð hjúkrunarfræðings
vegna sára, sýkinga eða umbúða
sem þarf að skipta um. Þeir geta líka
fengið almenna heilsufarsskoðun,
blóðþrýstingsmælingu og alls kyns
þjónustu því hjúkrunarfræðingar eru
alltaf á vaktinni.
Það er ekki skilyrði að skila not-
uðum búnaði en fíklarnir eru engu
að síður hvattir til þess. Þeir fá meira
að segja nálabox sem þeir geta haft í
veskinu eða heima þar til þeir koma
aftur til Frúar Ragnheiðar.
Hugarfarið breytist
Þór Gíslason er verkefnastjóri Frúar
Ragnheiðar. Hann hefur ekki fengið
ábendingar áður frá áhyggjufullum
foreldrum en bendir á að þeir sem
sækja í bílinn við Hlemm búi sumir
á svæðinu og aðrir séu þar á flakki.
„Við getum ekki komið í veg fyrir að
fólk noti búnaðinn utandyra frek-
ar en áður. Engu að síður erum við
komin með stóran hóp fólks sem
kemur reglulega og sá hluti hópsins
sem skilar notuðum búnaði fer alltaf
vaxandi. Sem betur fer.
Tilgangi verkefnisins er þannig
að hluta til að nást. Einn tilgang-
ur verkefnisins er að ná þessum
tengslum og skapa samræður um
þetta við þá sem hingað koma. Svo
við leggjum áherslu á að það finni
að við tökum fordómalaust á móti
þeim og náum að ræða við þau án
fordóma.
Við heyrum það líka að okkur
er að takast að breyta hugarfarinu
þannig að fólk er að verða meðvit-
aðra um að vanda sig, skiptast ekki
á notuðum búnaði og skilja ekki eft-
ir sig búnað. Við höfum meira að
segja fengið til okkar einstaklinga
sem báðu um stærstu fötuna og fóru
í bæli og hreinsuðu þar upp. Svo við
erum að ná einhverjum árangri og
höldum því vonandi áfram.“
„Sá hluti hópsins
sem skilar notuð-
um búnaði fer alltaf vax-
andi. Sem betur fer.
Ferðaáætlun
Frúar Ragnheiðar
Bíllinn er á ferðinni fimm daga vikunnar,
á mánudögum, þriðjudögum, miðviku-
dögum, fimmtudögum og laugardögum.
Þá fer hann þessa leið:
18.00–18.15
Hlemmur.
Bíl lagt á stæði við Arion banka þannig
að sjáist frá Hlemmi.
18.25–19.10
Konukot
Bíl lagt í botni Skógarhlíðar við hlið
Konukots.
19.20–19.50
Hjálpræðisherinn
Bíl lagt á bílastæði á horni Suðurgötu
og Túngötu.
20.00–20.35
Gistiskýlið á horni
Þingholtsstrætis og Spítalastígs
Bíl lagt í stæði við gistiskýlið.
20.45–21.00
Hlemmur
Bíl lagt á stæði við Arion banka þannig
að sjáist frá Hlemmi.
GENGU FRAM
Á SPRAUTUR
Í GARÐINUM
n Íbúar í Austurbæ búnir að fá nóg n Börnin eru að finna sprautur
Ingibjörg Dögg Kjartansdóttir
blaðamaður skrifar ingibjorg@dv.is
Í garðinum Íbúi á Grettisgöt-
unni gekk fram á þetta þegar
hann ætlaði út í búð um daginn.
Óþægilegur sóðaskapur Sprauturnar
voru enn á vettvangi þegar ljósmyndara
DV bar að garði nokkrum dögum síðar. Það
þótti íbúunum afar óþægilegt.
Braut rúðu í
lögreglubíl
Ölvaður og æstur maður var
handtekinn við krá í Hafnarfirði
aðfaranótt sunnudags eftir að
hann braut rúðu í lögreglubifreið.
Maðurinn hafði sest óboðinn inn
í lögreglubifreiðina þar sem lög-
reglumenn voru við störf. Eftir að
honum hafði verið vísað úr lög-
reglubifreiðinni hafði hann uppi
ógnandi tilburði í garð lögreglu og
braut afturrúðu lögreglubifreiða-
rinnar. Lögreglan telur að hann sé
skipverji á erlendu skipi.
Börn á
skemmtistöðum
Ómerktir lögreglumenn voru að
kanna með ástandið á skemmti-
stöðum borgarinnar og gestum
þeirra nú um helgina líkt og gert
er reglulega. Nokkrir aðilar sem
þeir höfðu afskipti af höfðu fíkni-
efni í fórum sínum og einhverj-
ir voru ekki með aldur til veru á
stöðunum en með skilríki sem
sögðu til um annað. Í þeim tilfell-
um þegar einstaklingur hefur ekki
náð 18 ára aldri er haft samband
við foreldra sem geta sótt börn sín
á lögreglustöðina og eru slík brot
tilkynnt til barnaverndarnefndar.
Ásamt þessum skyldum hafa
lögreglumenn augu með aðilum
sem kunna að vera sölumenn
fíkniefna á og við veitingahúsin og
nú sem áður voru menn stöðvað-
ir við þessa iðju og var einn með
nokkuð af sölueiningum innan-
klæða. Í kjölfarið gerðu lögreglu-
mennirnir húsleit á heimili við-
komandi og fundu talsvert magn
kannabisefna, haldlagði fé sem
ætlað er að sé ágóði sölu á þeim
ásamt mælitækjum og pökkunar-
búnaði.
Ofbeldisbrot-
um fækkar
Sveinn Erlendsson, varðstjóri lög-
reglunnar á höfuðborgarsvæðinu,
segir að mælanleg fækkun hafi
orðið á ofbeldisbrotum í kringum
skemmtanir um helgar í miðborg-
inni miðað við árin á undan. Ætla
megi að virkt eftirlit lögreglu með
veitingahúsum og gestum eigi þar
sinn þátt. Þá er gott samstarf við
starfsfólk og dyraverði veitinga-
húsanna.
Það er tilfinning lögreglu-
manna er sinna þessum mála-
flokki og dyravarða að þetta eftirlit
hafi fælt sölumenn fíkniefna í ein-
hverjum mæli frá þessum stöðum.
Gerðar eru ríkar kröfur til
þeirra er starfa við dyravörslu
enda er hlutverk þeirra margþætt.
Einn-einn-tveir 99,4 prósent Íslendinga myndu hringja í Neyðarlínuna kæmi upp
neyðartilvik.