Dagblaðið Vísir - DV - 13.02.2012, Blaðsíða 9

I
nnbrotið eyðilagði algjörlega
fyrsta daginn okkar sem hjón,“
segir Lynsey Morris en Íslend-
ingar hafa undanfarið kynnst
sögu hennar og Ians, eigin-
manns hennar, eftir að brotist var inn
á heimili þeirra á meðan þau voru
fjarverandi vegna eigin brúðkaups.
Atvikið varð til þess að þau urðu að
hætta við ferð til Íslands sem fyrir-
huguð var dagana eftir brúðkaupið
enda var vegabréfi Ians stolið.
Þau fréttu fyrst af innbrotinu þeg-
ar tengdafaðir Linsey vakti þau með
símtali morguninn eftir brúðkaup-
ið. „Eftir símtalið frá tengdapabba
fórum við niður í morgunmat og þar
var stór hluti brúðargesta frá degin-
um áður að borða morgunmat. Þegar
við komum niður fögnuðu þau okkur
innilega.“
Hún segir einn gestanna hafa séð
að ekki var allt í lagi. „Ég var í áfalli
og hef líklega verið eitthvað föl því ég
var spurð hvort ekki væri allt í lagi.“
„Þegar við komum heim þá brast
ég í grát. Allir skartgripirnir mínir
voru teknir. Þetta voru reyndar ekk-
ert ofsalega dýrir skartgripir fyrir
utan eitt úr frá Gucci sem ég átti,“
Linsey segist fyrst um sinn ekki hafa
getað hætt að gráta. „Fyrsta degi
hjónabandsins var eytt í símanum
með tryggingafyrirtækjum og lög-
reglu. Það er erfitt að lýsa áhrifunum
sem þetta hefur á mann. Allt gerist
þetta í miðju spennufalli eftir brúð-
kaupið sem mikil spenna hafði ríkt
fyrir vikurnar á undan.“
Linsey á níu ára dóttur sem heitir
Amber, úr fyrra sambandi. Hún seg-
ir dóttur sína óörugga eftir atvikið.
Stúlkan hafi því verið upp í rúmi hjá
þeim síðan þau giftu sig. „Dóttir mín
hefur svo ekki treyst sér til að sofa í
sínu herbergi. Hún hefur því ver-
ið upp í rúmi hjá okkur alla hveiti-
brauðsdagana sem er skiljanlegt.
Hún er, þótt hún sé lítil, eins og kol-
krabbi og dreifir úr sér um allt rúm.
Það er ótrúlegt að hugsa til þess hvað
hún getur tekið mikið pláss,“ segir
Linsey og hlær.
Þjófarnir eyðilögðu
hveitibrauðsdagana
„Brúðkaupið sjálft var æðislegt og
fjöldi fólks mætti bæði í athöfnina
og veisluna um kvöldið,“ segi Linsey
spurð út í brúðkaupið sjálft. Allt í allt
voru um hundrað og þrjátíu gestir í
veislunni um kvöldið. Fjölskyldur
þeirra beggja gistu um nóttina á hót-
elinu þar sem brúðkaupsveislan var
haldin.
Hún segir atvikið hafa haft mjög
neikvæð áhrif á þær minningar sem
þau hjónakornin muni eiga frá fyrstu
viku hjónabandsins. „Ég veit að við
fáum þessa daga ekki aftur og við því
er ekkert að gera. Lögreglan benti
okkur hins vegar á að fjölmiðlar gætu
aðstoðað okkur við að finna hringinn
aftur og þannig hófst fjölmiðlasirk-
usinn sem endaði svo með því að við
enduðum í íslenskum fjölmiðlum.“
„Litla stelpan sem var brúðarmey
í brúðkaupinu okkar var veik þenn-
an dag og ældi tvisvar á kjólinn sinn,“
segir Lynsey Morris. „Við vorum alveg
óð að reyna að þrífa kjólinn í flýti, sem
betur fer valdi ég vínrauðan kjól en
ekki ljósan lit,“ segir Lynsey og hlær en
bætir við að vegna þessara vandræða
hafi þau gleymt hvað tímanum leið.
Það varð svo til þess að hún og
þær sem með henni voru yfirgáfu
heimilið í flýti þannig að trúlofunar-
hringurinn hennar gleymdist heima.
Líklega sigtuð út
„Lögreglan telur líklegt að ræningj-
arnir hafi fylgst með okkur og sigtað
okkur út,“ segir Linsey um innbrot-
ið. Þannig telur lögreglan ljóst að
innbrotsþjófarnir hafi haft vitneskju
um að fjölskyldan og allir hennar
vinir yrðu í burtu vegna brúðkaups-
ins. „Þegar ég hugsa til þess hvað við
sögðum mörgum að við ætluðum að
vera burt þessa nótt. Maður hugs-
ar ekkert út í svona hluti. Við vorum
bara glöð yfir því að vera að gifta okk-
ur og sögðum nágrönnum og kunn-
ingjum jafnvel afgreiðslufólki í versl-
unum,“ segir Linsey og bendir á að
í bænum hennar sé mjög alengt að
fólk spjalli við afgreiðslufólk og ná-
granna um daginn og veginn. Í slík-
um samtölum hafi væntanlegt brúð-
kaup þeirra oftar en ekki borist í tal.
Auk þess að spjalla um daginn og
veginn þá sé skipulagning brúðkaups
nokkur rekstur og þau hafi ráðið ým-
ist fólk vegna þess sem hafi komið
á heimili þeirra og vitað vel hvenær
það yrði mannlaust. Aðspurð hvort
það valdi þeim áhyggjum að vega-
bréfi Ians hafi verið stolið en stuld-
ur á persónuupplýsingum sem svo
eru nýttar til lántöku og svika er stórt
vandamál á Bretlandseyjum og víða
erlendis.
„Það er ekki margt sem bendir til
þess að þeir hafi verið á höttunum
eftir slíku. Minn passi var til dæmis
í svefnherberginu en hann var lát-
inn vera. Sama á við um bankakort
sem lágu í skúffu sem var rótað í en
skilin eftir. Það er líklega tilviljun að
þeir tóku vegabréfið hans Ians enda
var það í fartölvutöskunni hans.“
Þjófarnir enduðu með að fara á brott
með skartgripi, tvær fartölvur og
myndavélar, Xbox-leikjatölvu og yfir-
hafnir af Ian.
Fjölmiðlafár
„Lögreglan handtók tvo aðila vegna
málsins en þeim varð að sleppa
vegna skorts á sönnunargögnum.
Það var þá sem okkur var ráðlagt
að fara í fjölmiðla og fá þá til að að-
stoða okkur við leitina að trúlofunar-
hringnum. Að auki höfum við farið til
allra veðlánara í nágrenni við okkur.“
Linsey virðist ekki allt of bjartsýn á að
finna hringinn aftur. „Okkur skilst að
skartgripir séu oftar en ekki bræddir
innan tveggja daga.“
Upphaflega fóru þau hjónin í við-
tal við lítið bæjarblað, Yorkshire Post,
sem reyndar er töluvert stærra en DV.
„Það vatt svo upp á sig og við enduð-
um í útvarpi, sjónvarpi og mörgum
kvennablöðum auk þess að enda svo
í íslenskum fjölmiðlum.“ Linsey seg-
ir að þótt þau séu þakklát hafi fjöl-
miðlafárið orðið of mikið. Því séu
þau búin að hafna beiðni um fjölda
viðtala. „Það var svo á föstudag sem
við fengum símtal frá Iceland Ex-
press. Talsmaður fyrirtækisins hafði
þá lesið frétt af okkur í íslenskum
fjölmiðlum. Að sjálfsögðu fór ég að
gráta við tíðindin en það voru gleði-
tár. Heil vika hafði farið í að setja nýtt
öryggiskerfi, leita að hringnum og
reyna að koma öllu aftur á strik.“
DV fjallaði fyrst íslenskra fjöl-
miðla um málið, viðbrögð lesenda
létu ekki á sér standa.
Bað hennar efst í parísarhjóli
„Ian fór niður á hné efst uppi á par-
ísarhjóli í Liverpool um áramótin
2010 og 2011. Það er kannski betra
að segja að Ian hafi gert tilraun til
þess að fara á hnéð, enda ekki mikið
pláss í vagninum,“ segir hún og hlær.
„Mig var reyndar farið að gruna að
eitthvað væri í vændum en átti ekki
von á að hann væri búinn að kaupa
hring og allt.“ Linsey segir fjölskyldu
þeirra beggja hafa verið himinlifandi
yfir fréttunum.
Hún segir kynni þeirra varla telj-
ast ást við fyrstu sýn. Þau hafi bæði
tilheyrt sama vinahópi um tíma en
bæði hafa verið í sambandi áður.
„Þetta eru ekki alveg mest róman-
tísku kynni í heiminum. Svo fór að
samskiptin á milli okkur urðu að
engu en fyrir þremur árum hittumst
við aftur fyrir tilviljun á einhverjum
klúbb rétt fyrir jól. Við tókum svo að
spjalla saman á hverju kvöldi í heil-
an mánuð áður en við loksins á jóla-
dagskvöldi byrjuðum saman,“ segir
Linsey og flissar þegar hún bætir við
að það skemmi rómantíkina í sög-
unni pínu að þau hafi bæði verið í
sambandi fyrst þegar þau kynntust
en sem betur fer hafi þau hist aftur
og þá á lausu.
Ísland eins og önnur pláneta
„Við höfum séð myndir frá Íslandi
og landið lítur út eins og það sé úr
öðrum heimi. Eins og þetta sé önn-
ur pláneta,“ segir Linsey aðspurð
hvers vegna þau hafi valið Ísland
sem áfangastað í brúðkaupsferð
sinni.
Að eigin sögn eru þau hjóna-
korn ekki mikið fyrir að liggja við
sundlaugarbakkann og gera ekk-
ert í fríum. „Bæði höfum við gaman
að útiveru og að skoða okkur um og
kynnast menningu. Reykjavík virk-
ar virkilega spennandi borg og við
þekkjum engan sem hefur farið til
Íslands. Það er þess vegna sem við
ákváðum að skella okkur.“ Hjónin
eru væntanleg til landsins á næst-
unni.
Langar meira að koma en áður
„Ef okkur langaði að koma til Ís-
lands áður þá er það alveg ljóst að
okkur langar miklu meira að koma
til landsins núna. Á viðbrögðunum
að dæma er augljóst að þar er mik-
ið af góðu fólki.“ Hún segir ótrúlegt
að hugsa til þess að um tvö hundr-
uð manns hafi látið sér líka við ten-
gil við fréttina af gjafaferð þeirra á Fa-
cebook-síðu Icelandic Express. „Það
er svo gott að vita til þess að fólki
sem ekki þekkir mann nokkuð og
býr jafnvel í öðru landi skuli vera svo
umhugað um mann. Það togar mann
niður á jörðina eftir áfallið og fær
mann til að átta sig á því hvað mikið
er til af góðu fólki.“
Þess má geta að fjöldi fólks hefur
boðist til að gefa þeim hjónum fría
gistingu, skemmtiferðir og jafnvel
ókeypis sætabrauð. „Við erum al-
veg í skýjunum yfir þessu öllu. Við
fengum símtal frá flugfélaginu þar
sem okkur var sagt að það rigndi yfir
þau tilboðum um gjafir. Ég veit ekki
nákvæmlega hvað það er en þau hjá
flugfélaginu ætluðu að senda okkur
tölvupóst eftir helgi með öllum upp-
lýsingum.“ n
Fréttir 9Mánudagur 13. febrúar 2012
Þjófarnir eyðilögðu
hveitibrauðsdagana
n Ræningjarnir fylgdust með þeim n Langar meira til Íslands en áður
Linsey og Ian Morris Stuttu
eftir brúðkaupsathöfnina um
það leiti sem innbrotsþjófarnir
létu greipar sópa um íbúð þeirra.„Ef okkur langaði
að koma til Íslands
áður þá er það alveg ljóst
að okkur langar miklu
meira að koma til
landsins núna.
Atli Þór Fanndal
blaðamaður skrifar atli@dv.is