Dagblaðið Vísir - DV - 30.11.2012, Blaðsíða 9

Aðventan 9Helgarblað 30. nóvember – 2. desember 2012
Gylltir tónar allsráðandi
K
ristínu líst allra best á línu
MAC í ár. „MAC slær í gegn
ár eftir ár með jólalínunni
sinni og hún er með þeim
flottari í ár og ekki skemmir að
umbúðirnar eru æðislegar. Það
sem einkennir jólalínurnar í ár
er „elegance“. Þetta árið er haldið
áfram í þessum búrgúndartónum,
ýmsir tónar af brúnum og hinn
fallegi og klassíski plómulitur sem
við kynntumst í haust. Gull og silf­
ur er sígilt og fær að laumast með
í línunum. Ég er einstaklega hrifin
af augnskuggapallettu frá Clarins
með þessum litum. Rauður vara­
litur í hinum ýmsu tónum er líka
alltaf klassískur á þessum árstíma,
Chanel er einmitt með einn slíkan
vínrauðan í sinni jólalínu ásamt
ljósum kinnalit sem er algjörlega
fullkomið fyrir aðfangadagskvöld.“
Minna er meira
Kristín ráðleggur konum allra
helst að notast við minni farða
en meiri. „Fyrst og síðast að vera
samkvæmar sjálfum sér, ekki detta
í glimmer krukkuna. Yfir bláhá­
tíðarnar myndi ég hafa „less is
more“ í forgrunni – vera elegant –
frísklegt útlit, eyeliner, kremaðar
mildir tónar í kinnar eða falleg
skygging í brúnum tónum.
Á aðfangadagskvöld myndi
passa að vera með einhverja lekk­
era förðun; eyeline og dökkur vara­
litur og léttur krem kinnalitur er
alltaf sparilegt og hátíðlegt án þess
að vera of mikið.
Ég er persónulega ekki mikið
fyrir glimmer og sérstaklega ekki í
seinni tíð en ef stemming er fyrir
smá glimmeri og glitri sérstaklega
á gamlárskvöld er farfi frábær
lausn og fallegt að nota með öðr­
um augnskuggum, ég myndi veðja
á fallegt „smokey“ það kvöldið og
þá er skemmtilegt að poppa það
aðeins upp með smá farfa og létt
gloss eða mildur varalitur passar
vel við það.“
Ekki velja augnskugga
í stíl við kjólinn
Kristín segist aðspurð helst mæla
gegn því að velja augnskugga í
sama lit og jólakjóllinn. „Ef ég á að
nefna eitthvað, þá hefur mér aldrei
líkað það þegar konur velja sér
augnskugga í stíl við kjólinn – blár
kjóll og blár augnskuggi er aldrei
í lagi. Konur ættu frekar að nýta
sér ráðleggingar hjá sérfræðingum
í verslununum um hvað hentar
þeirra útliti og þeirra stíl. Einnig
að nýta sér það sem merkin bjóða
upp á núna, fallegar litapallettur
sem eru eigulegar og hafa oft mikið
notagildi.“
„Ekki detta í
glimmerkrukkuna“
Kristín Edda Óskarsdóttir
Tíminn til að leyfa sér
glamúr og dramatík
Fríða María Harðardóttir
F
ríða María segir förðunar­
tískuna fjölbreytta fyrir jólin.
„Það eru nokkuð margar línur
áberandi í förðunarlínum fyr­
ir jólin. Það er mikil gylling á
augum, jafnvel með skarpri augnlínu
í anda sjötta áratugarins, varirnar í
djúpum rauðum og rauðbrúnum eða
vínrauðum tónum og jafnvel mattar
og húðin létt glansandi og með smá
bronsi. Þá sjáum við líka stemningu
frá þriðja og fjórða áratug síðustu ald­
ar þar sem notast er við gráa en milda
augnskugga, fínlega málaðar boga­
dregnar augabrúnir og svo sterkar
varir, aftur í rauðu og rauðbrúnu,
stundum með gljáa. Postulíns­
áferð á húð. Þá eru líka mjög áber­
andi pastellitir á augum með afger­
andi augnlínu, mildum bleikum eða
ferskjulituðum kinnum, ljóma í húð
og annað hvort „nude“ eða björtum
bleikum eða appelsínugulum vörum
þar sem við finnum fyrir áhrifum
frá sjöunda og áttunda áratugnum í
bland við þann sjötta. Og síðast en
ekki síst sjáum við poppaða sterka
liti á augum, eins og bláa, græna og
gula, yfirleitt samt bara einn „solid“
lit, svolítið í anda áttunda og níunda
áratugarins, þar sem varir eru líka
sterkar í appelsínurauðum eða köld­
um og sterkum bleikum eða drama­
tískari útgáfan þar sem varir eru
dimmar og húðin föl. Allt finnst mér
þetta skemmtilegt og spennandi á
sinn hátt.“
Spáið í stílinn
Þegar kemur að hátíðarförðun finnst
Fríðu Maríu gaman að því að leika
sér með svolítinn glamúr. „En gott
er að hafa í huga að einfalda svolítið
niður, það er ef varir eru sterkar getur
verið fallegt að nota ljósa liti á augun,
leggja svo kannski áherslu á þau með
fallegri augnlínu og dramatískum
augnhárum. Eða að vera með sterkan
lit á augum, passa þá að hafa auga­
brúnir mjög mildar og svo geta varir
verið ljósar, en það getur líka verið
hressandi að vera með sterkar varir
á móti, en þá er stílhreinast að hafa
mjög milda kinnaliti og ljósa húð og
það þarf að vanda vel litavalið. Til
dæmis heitir litir á móti köldum og
þess háttar. Þá er líka gaman að vera
með til dæmis matta augnförðun og
„glossy“ varir eða „metallic“ augn­
förðun á móti frekar möttum vörum.
Gaman að spá svolítið í stíl en ekki að
troða á sig hinu og þessu í bland án
umhugsunar. Þetta er algjörlega tím­
inn til að leyfa sér svolítinn glamúr og
dramatík.“