Dagblaðið Vísir - DV - 30.11.2012, Blaðsíða 22

22 Aðventan 30. nóvember – 2. desember 2012 Helgarblað
Þ
að er fátt jafn jólalegt og að
föndra eitthvað falleg. Um
þessar mundir er kerta­
föndur sérstaklega vinsælt.
Föndurbúðir keppast við
að selja lím og pappír til að fólk geti
skreytt venjuleg kubbakerti sem fást
á mörgum stöðum. Það tekur lítinn
tíma og er mjög einfalt að föndra eitt
fallegt jólakerti með mynd að eigin
vali til að skreyta heimilið um há­
tíðarnar.
Límið er aðalatriðið
Til að föndra jólakerti þarftu í fyrsta
lagi kerti. Kertið þarf að vera dá­
lítið stórt og er fínt að vera búinn að
kaupa pappírinn sem nota skal til
að líma á kertið og hafa til hliðsjón­
ar. Kertin fást víða en þau fást með­
al annars í IKEA, í matvöruverslun­
um og búðum á borð við Tiger og
Söstrene Grene.
Pappírinn getur þú valið út frá
því sem hentar þínu kerti best en
sniðugt er að pappírinn sé keyptur í
föndurbúð því þar er meira úrval af
hentugum pappír sem kertið á auð­
velt með að lýsa upp og í gegnum.
Áferð og þykkt pappírsins getur skipt
miklu máli þegar kemur að útliti
myndarinnar og hvernig lýsing kem­
ur frá kertinu.
Aðalmálið er hins vegar límið.
Passa þarf að límið sé ekki eldfimt
af því að ætlunin er jú að kveikja á
kertinu. Ekki fást sömu leiðbein­
ingar í föndurbúðum landsins um
hvaða lím er best. Hver og einn þarf
því að fara í sína uppáhaldsföndur­
búð og fá leiðsögn um hvaða lím
er vinsælast eða best. Límið kemur
líka í mismunandi stórum einingum
og er því gott að hafa í huga hversu
mörg kerti á að föndra þegar límið
er keypt.
Gott að nota svampbursta
Áður en þú límir myndina á kertið
er gott að máta hana við kertið. Oft
þarf að klippa myndina til þannig að
hún passi á kertið. Gaman getur líka
verið að rífa myndina til, það gefur
kertinu skemmtilegt og heimilis­
legt útlit. Þegar kemur að því að líma
myndina á kertið leggurðu myndina
á hvolf á borð og makar líminu á.
Frábært ráð er að nota svampbursta
eða pensil til þess að maka líminu
sem jafnast. Að því loknu leggurðu
kertið á pappírinn og rúllar kertinu
þannig að myndin vefst utan um
það.
Gott er að hafa í huga að loft­
bólur geta myndast undir papp­
írnum. Til að koma í veg fyrir það
er best að fara rólega í að rúlla
myndinni utan um kertið. Til að
festa myndina alveg getur líka verið
gott að doppa líminu með svamp­
burstanum eða penslinum framan
á myndina. Hvít þoka getur mynd­
ast þá á kertinu en hana má strjúka
í burt með fingrunum.
Veldu fallegustu myndina
Hægt er að nota eiginlega hvaða
mynd sem er á kertin ef þau eru
til heimilisnota. Google getur ver­
ið besti vinur þinn þegar þú ert
að leita að jólalegum og falleg­
um myndum. Það er líka ekkert
sem kemur í veg fyrir að þú notir
þínar eigin myndir. Fallega mynd
af gæludýrinu eða teikningu eft­
ir barnið þitt eða einhvern annan
í fjölskyldunni. Vinsælt er að nota
svarthvítar myndir og hafa dýra­
myndir verið mikið notaðar. Eins
hafa myndir af snævi þöktum görð­
um og skógum notið vinsælda ef
marka má bloggsíður íslenskra
föndrara.
Ef þú hefur aðgang að laser­
prentara er langbest að nota hann
til að prenta myndirnar á papp­
írinn. Þá geturðu makað líminu á
pappírinn án þess að hafa áhyggjur
af því að blekið renni til.
Mikilvægt er að leyfa kertinu að
standa í nokkra klukkutíma, jafnvel
heilan sólarhring, á meðan límið er
að þorna, áður en kveikt er á því.
adalsteinn@dv.is
Gerðu þitt eigið jólakerti
n Veldu fallega mynd sem lýsist upp n Auðvelt ef þú ert með rétta límið
Hlýlegt Kerti með þinni eigin mynd
gerir heimilið hlýlegt og jólalegt.
Myndir Erna Hrund HErMannsdóttir
svampbursti eða pensill Gott er að nota svampbursta eða pensil til að maka líminu á
myndina. Þannig nærðu jafnri dreifingu.