Dagblaðið Vísir - DV - 30.11.2012, Blaðsíða 18

18 Aðventan 30. nóvember – 2. desember 2012 Helgarblað
Hvaða lag
kemur þér
í jólaskap?
Unnsteinn Manuel
söngvari Retro Stefson
„Ég fæ jólagjöf, með Kötlu Maríu
kemur mér alltaf í jólaskap.“
Páll Óskar Hjálmtýsson
söngvari
„Jólasnjór, með systkinunum
Elly Vilhjálms og Vilhjálmi.“
Óttar Norðfjörð
rithöfundur
„Ég hlakka svo til, með Svölu
Björgvins. Þegar ég heyri það lag
þá veit ég að jólin eru að koma.“
Yrsa Sigurðardóttir
rithöfundur
„Komdu til mín fyrsta kvöldið
jóla, með Þremur á palli, er alltaf
jólalegt og fallegt.“
Sigríður Beinteinsdóttir
söngkona
„Ó, helga nótt. Þetta lag er alltaf
svo fallegt og hátíðlegt. Það má
segja að það lag komi með jólin.
Helga Möller
söngkona
„Það er lagið Jólaengill. Lagið er
erlent en íslenska textann gerði
Ómar Ragnarsson. Textinn er of­
boðslega fallegur og kemur mér
alltaf í jólaskap.“
Heimagert
jólakonfekt
n Gerist ekki auðveldara n Skemmtilegar jólagjafir n Fyllingar að eigin vali
V
ið getum eflaust öll verið
sammála um að gott jóla­
konfekt er alveg ómissandi
um jólin. Og ekki spillir
fyrir ef það er heimagert.
Mörgum kann að vaxa í augum að
útbúa sitt eigið konfekt, telja það
allt of flókið og mikla fyrir höfn. En
þannig þarf það alls ekki að vera.
Það er hægt að útbúa mjög ljúffengt
og fallegt konfekt sem er bæði ein­
falt og krefst lítillar fyrirhafnar.
Fyrir utan hvað það er gaman
að bjóða gestum og gangandi upp
á heimagert konfekt, og borða það
sjálfur, þá er helsti kosturinn ótví­
rætt sá að maður hefur algjörlega
frjálsar hendur með innihaldið. Það
leynast engir „vondir“ molar í kass­
anum með heimagerða konfektinu.
Hjúpurinn utan um molana er
að vísu yfirleitt frekar staðlaður
en hægt er að leika sér mikið með
fyllinguna – velja í hana allt upp­
áhaldssælgætið sitt, hnetur, möndl­
ur, marsípan og fleira sem hugur­
inn og bragðlaukarnir girnast.
Hægt er að kaupa ýmiss konar
skemmtileg sílikon konfektmola­
mót í flestum stærri stórmörkuðum
og búsáhaldaverslunum. Mótin eru
ekki nauðsynleg fyrir allar gerðir
konfektmola en þau eru heppilegri
fyrir mola með mjúkri fyllingu.
Einfaldast er að gera konfekt­
mola úr hjúpsúkkulaði, sem hægt
er að fá dökkt, ljóst og hvítt í ýms­
um tegundum.
Fyrsta skrefið er að bræða
hjúpsúkkulaðið og hella yfir
sílikon mótin. Súkkulaðinu er
síðan hellt úr mótunum þannig
að einungis þunnt lag verði eftir í
þeim. Svo eru mótin kæld þangað
til súkkulaðið harðnar, en það tek­
ur ekki nema 5 til 10 mínútur. Þegar
súkkulaðið er orðið hart er hægt að
setja fyllinguna inn í molana, en
þeim er svo lokað með því að hella
hjúpsúkkulaði aftur yfir mótin. Gott
er að hrista mótin vel með súkkulað­
inu í til að koma í veg fyrir að loft­
bólur myndist í molunum. Síðan er
súkkulaðið skafið af og mótin kæld
á nýjan leik – nú í 10 til 20 mínútur,
eða þangað til súkkulaðið er orðið
hart. Að endingu eru molarnir los­
aðir úr mótunum, en það er mjög
einfalt verk.
Tilvalið er að setja konfektmol­
ana í litlar fallegar öskjur og gefa
sem jólagjafir.
Svona lagar
þú konfekt:
n 100 gr Pipp karamellusúkkulaði
n 60 gr rjómi
n 75 gr grófsaxaðar tamari ristaðar möndlur
Aðferð: Bræðið karamellusúkkulaðið í
potti eða örbylgjuofni. Sjóðið rjómann
og hellið honum varlega yfir súkkulaði-
bræðinginn í smáskömmtum. Kælið.
Uppskrift að fyllingu
(Þarf ekki að setja í sílikonmót)
n 30 gr kasjúhnetur
n 30 gr möndlur
n 30 gr heslihnetur
n 200 gr marsípan
Aðferð: Ristið bæði möndlur og hnetur
í 5 til 10 mínútur í bakaraofni. Látið
kólna og myljið niður með kökukefli eða
í matvinnsluvél. Hnoðið svo saman við
marsípanið og kælið. Mótið að vild eftir
kælinguna og dýfið í hjúpsúkkulaðið.
„Einfaldast er að
gera konfekt-
mola úr hjúpsúkkulaði,
sem hægt er að fá
dökkt, ljóst og hvítt
í ýmsum tegundum
Molar úr móti
Þessir molar
eru fylltir með
mjúkri fyllingu.
Marsípanmoli Það
þarf ekki sílikonmót til
að gera svona mola.
Steypt í mót Súkkulaðinu er hellt yfir mótin og svo hellt aftur af.
Fylling Þegar súkkulaðið er orðið hart er hægt að setja fyllinguna í.