Dagblaðið Vísir - DV - 23.01.2013, Page 2

2 Fréttir 23. janúar 2013 Miðvikudagur
Vill skrúfa fyrir klámið
n Ögmundur vill kanna bann á geymslu á klámi og loka á dreifingu
Ö
gmundur Jónasson, innan­
ríkisráðherra, hefur falið
refsiréttarnefnd að vinna að
frumvarpi til breytinga á hegn­
ingarlögum í því skyni að spyrna við
klámvæðingu á Íslandi. Nefndinni
ber að kanna hvort að æskilegt sé að
varsla á klámi verði bönnuð og hvort
hægt verði að gera lögreglu kleift að
loka á dreifingu efnis. Smugan grein­
ir frá þessu, en fjallað var um mál­
ið á ríkisstjórnarfundi á þriðjudags­
morgun. Þessar tillögur Ögmundar
byggja á tillögum undirbúningshóps
þriggja ráðuneyta um hvernig má
sporna við klámvæðingu út frá laga­
legu, heilbrigðislegu og samfélags­
legu sjónarhorni.
Fram kemur í minnisblaði ráð­
herra, sem Smugan vitnar í, að til
standi að „þrengja og skerpa“ skil­
greininguna á klámi. „Ný skilgreining
skal taka mið af ákvæði norskra hegn­
ingarlaga og lagt er sérstaklega til
að refsiréttarnefnd fjalli um hvort
ástæða sé til að bann nái einnig til
vörslu kláms líkt og á við um klámefni
sem sýnir misnotkun á börnum. Þá er
lögð áhersla á að greinargerð verði
ítarleg svo skilgreina megi helstu at­
riði sem löggjöfin nær yfir og vísa í því
skyni til hugtaka sem klámiðnaður­
inn notar,“ segir í minnisblaðinu.
Ögmundur vill að stofnaður verði
starfshópur sem á að fara yfir það
hvernig hægt sé að tryggja lögreglu
lagaleg úrræði til að bregðast við
skaðlegu efni á netinu, meðal annars
úrræði til þess að loka á dreifingu
efnis sem hýst er erlendis. Heimild til
lokunar næði einungis yfir það efni
sem skilgreint er sérstaklega sam­
kvæmt almennum hegningarlögum,
með ofangreindri breytingu, og lokun
væri hægt að bera undir dómstóla hér
á landi, að því er kemur fram í minnis­
blaðinu. n
astasigrun@dv.is
Árétting
Vegna greinarstúfs sem birt­
ist á síðu 53 í helgarblaði DV
vill móðir Högna Erps, sem
lést í eldsvoða þegar hann
var 10 ára, koma því á fram­
færi að hún hafi ekki sofnað
út frá logandi kertaljósi líkt
og kom fram. Eldurinn hafi
kviknað út frá sjónvarpi. Í
greinarstúfnum var greint
frá Facebook­stöðuuppfær­
slu fjölmiðlamannsins Sölva
Tryggvasonar, hálfbróður
Högna, þar sem hann minnt­
ist bróður síns sem hefði
orðið fertugur í síðustu viku.
Vill þrengja og skerpa
Ögmundur vill þrengja og skerpa
skilgreiningarnar á klámi og
tryggja lagaleg úrræði lögreglu
til að geta lokað á klám.
Brenndist í hver
Fjórtán ára piltur er illa brennd­
ur á báðum fótum eftir að steypt
lok yfir hver við íþróttahúsið á
Kleppjárnsreykjum í Borgarfirði
brotnaði á föstudaginn. Drengur­
inn er skaddaður á báðum fótum
að ökkla, en hann var að leika sér
á svæðinu þegar óhappið varð.
Hann dvelur nú á Barnaspít­
ala Hringsins í Reykjavík til að­
hlynningar og verður þar næstu
vikuna. Skessuhorn greinir frá því
að lögregla hafi gert við lokið auk
þess sem bráðabirgðagirðing hef­
ur verið sett umhverfis hverinn.
M
iklar deilur hafa verið
innan Sjómanna­ og vél­
stjórafélags Grindavíkur
er varða nýkjörinn for­
mann og fjármál félags­
ins sem virðast vera í óreiðu. „Okk­
ur þykir vænt um þetta félag og við
höfum áhyggjur af því að það sé
rekið eins og einkafyrirtæki en ekki
verkalýðsfélag,“ segir félagsmaður
sem hafði samband við DV vegna
málsins.
Hálfgerð hallarbylting átti sér
stað í félaginu milli jóla og nýárs þar
sem kjörinn var nýr formaður. Efast
var um lögmæti kosningarinnar og
því var kosið aftur með sömu niður­
stöðu. Í kjölfarið hefur nýi formað­
urinn, Birgir Mar Guðfinnsson, átt
erfitt uppdráttar innan stjórnarinn­
ar sem neitaði að starfa með Birgi.
Vill skoða fjármálin
Birgir vill, samkvæmt heimildum
DV, fá aðgang að fjármálum fé­
lagsins, nokkur ár aftur í tímann
en grunsemdir eru uppi um að þar
sé víða pottur brotinn. Slíkar upp­
lýsingar hefur hann ekki fengið en
hann krefst þess að farið verði yfir
fjármál félagsins að minnsta kosti
fjögur til sjö ár aftur í tímann. For­
manninum hefur undanfarið ver­
ið nánast úthýst af skrifstofunni
og fengið lítinn sem engan stuðn­
ing stjórnarinnar. Það þykir að auki
eftirtektarvert að endurskoðenda­
fyrirtækið Ernst og Young hefur gert
miklar og alvarlegar athugasemdir
við bókhald félagsins í síðasta árs­
reikningi þess og eru félagar væg­
ast sagt ósáttir við að ekki hafi verið
greint frá þessum athugasemdum
á aðalfundi félagsins milli jóla
og nýárs. Sárlega hefur vantað
að reikningarnir séu yfirfarnir af
endurskoðendafyrirtæki hingað til.
Viðurkennir skattalagabrot
Víða virðist vera brotalöm á starf­
semi félagsins og má sem dæmi
nefna að á fundi félagsins á sunnu­
dagskvöldið viðurkenndi gjaldkeri
félagsins, Viðar Geirsson, að hafa
millifært laun sem honum áttu að
vera greidd á konuna sína og hálf­
bróður og sett þau á launaskrá í
sinn stað til þess að komast hjá
því að greiða skatta af sínum eigin
launum. Viðar baðst afsökunar á
fundinum, en ákvörðun um hvort
annað verði aðhafst í málinu hefur
ekki verið tekin, enda óljóst hvort
það er í höndum félagsins að að­
hafast.
Viðar ítrekar í samtali við DV að
hann hafi beðist afsökunar og að
það standi allt til bóta í starfi félags­
ins. Það taki tíma að taka nýja for­
menn inn í starfið. Þá hafi fundur­
inn ályktað og ákveðið hafi verið að
vinna út frá þeirri ályktun, en hana
má lesa hér til hliðar. Í þeirri álykt­
un kemur fram krafa um að nýir
stjórnarmeðlimir láti af ásökunum
á fyrri stjórnendur sem ekki eigi við
rök að styðjast. Birgir Mar vildi ekki
tjá sig um ályktunina þegar eftir því
var leitað.
Áhyggjur af félaginu
„Það virðist vera svo að á mörg­
um stöðum eru brotalamir. Þegar
þeir vinna ekki með starfandi for­
manni, sem hefur ekki fengið lykla
að skrifstofunni og fær ekki að­
gang að henni nema með klækja­
brögðum, er ekki allt í lagi. Svona
þekkist hvergi, að æðsti maður fé­
lagsins hafi ekki aðgang að skrif­
stofunni. Þetta er rætt á hverri ein­
ustu kaffistofu í Grindavík. Menn
eru ósáttir við þetta og okkur finnst
þetta bara út í hött,“ segir einn fjöl­
margra viðmælenda DV sem gera
alvarlegar athugasemdir við starf
stjórnar SVG. Formaður félagsins,
Birgir Mar, sagðist geta staðfest það
sem hér kemur fram að framan, en
vildi þó ekki tjá sig um málið. Hann
sagðist vilja vinna að því að lægja
öldurnar innan félagsins í samstarfi
við núverandi stjórn. n
Umtalað „Þetta er rætt á hverri
einustu kaffistofu í Grindavík,“ segir
einn félagsmanna í samtali við DV.
Skorað á
fólk að vinna
saman
Ályktun félagsfundar Sjómanna-
og vélstjórafélags Grindavíkur,
samþykkt af 80 manna fundi
sunnudaginn 20. janúar 2013:
n Fundurinn harmar það upphlaup
sem orðið hefur í félaginu frá síð-
asta aðalfundi. Fundurinn bendir
á að meginhlutverk félagsins er
að vinna að hagsmunamálum
sjómanna.
n Það verði ekki gert nema stjórn-
in vinni sem ein heild að félags- og
hagsmunamálum þeirra og láti af
ásökunum á fyrri stjórnendur sem
ekki eigi við rök að styðjast.
n Því er skorað á þá sem voru
kosnir í stjórn á síðasta aðalfundi
að vinna saman.
neituðu að starfa með
nýkjörnum formanni
n Ólga í Sjómanna- og vélstjórafélagi Grindavíkur n Gjaldkeri félagsins viðurkenndi skattalagabrot
Ásta Sigrún Magnúsdóttir
blaðamaður skrifar astasigrun@dv.is
„Þetta er rætt á
hverri einustu
kaffistofu í Grindavík
Árás á skólapilt
Ráðist var á pilt á skólalóð fram­
haldsskóla í vesturbæ Reykjavíkur í
hádeginu á þriðjudag og var dreng­
urinn rændur talsverðum verð­
mætum. Lögregla greinir frá þessu
í tilkynningu en þar kemur ekki
fram hvaða skólalóð um ræðir eða
hvort drengurinn er slasaður eftir
hana. Lögreglan fékk tilkynningu
um árásina rétt eftir klukkan tólf
en ekki liggur fyrir hvort um ræðir
marga árásarmenn eða aðeins einn.
Drengurinn varð af leðurjakka,
spjaldtölvu, Samsung­snjallsíma og
tösku sem var full af skólabókum
og er því skaðinn skiljanlega mikill.
Ekki náðist í lögregluna á höfuð­
borgarsvæðinu á þriðjudagskvöldið,
við vinnslu fréttarinnar.
Hanna og
Illugi leiða
Félagsfundur Varðar, fulltrúaráðs
sjálfstæðisfélaganna í Reykjavík,
samþykkti á þriðjudagskvöld fram­
boðslista Sjálfstæðisflokksins í
Reykjavík vegna komandi alþing­
iskosninga. Hanna Birna Kristjáns­
dóttir leiðir listann í Reykjavíkur­
kjördæmi suður og á eftir henni
koma Pétur H. Blöndal í öðru sæti
og Guðlaugur Þór Þórðarson í því
þriðja. Sigríður Andersen er í fjórða
sæti en Áslaug María Friðriksdóttir
í því fimmta. Í Reykjavíkurkjördæmi
norður leiðir Illugi Gunnarsson list­
ann en Brynjar Níelsson og Birgir
Ármannsson eru í öðru og þriðja
sæti. Ingibjörg Óðinsdóttir er í því
fjórða og Elínborg Magnúsdóttir í
því fimmta.