Dagblaðið Vísir - DV - 01.03.2013, Síða 4

S
ími Einars Sveinssonar, fjár­
festis og fyrrverandi stjórn­
arformanns Íslandsbanka
og Sjóvár, var hleraður í
tengslum við rannsókn­
ir sérstaks saksóknara. Nafn Einars
tengist rannsóknum embættisins
á viðskiptum eignarhaldsfélagsins
Vafnings en hann var einn af hlut­
höfum félagsins. Lárus Welding og
Guðmundur Hjaltason voru ákærð­
ir og dæmdir í Vafningsmálinu í
fyrra og gaf Einar vitnaskýrslu í Hér­
aðsdómi Reykjavíkur um vitneskju
sína í málinu. Þar að auki gaf Ein­
ar skýrslu hjá embætti sérstaks sak­
sóknara þegar Vafningsmálið var til
rannsóknar.
Aðkoma Einars að viðskiptum
Vafnings var ekki mikil en fléttan
snérist um endurfjármögnun á
hlutabréfum eignarhaldsfélagsins
Þáttar International í Glitni, áður
Íslandsbanka, í febrúar árið 2007.
Líkt og Einar greindi frá fyrir dómi
var hann staddur erlendis þegar
Glitnir endurfjármagnaði hlutabréf
Þáttar International í Vafningi. Ein­
ar undirritaði því umboð sem hann
sendi með rafrænum hætti til Ís­
lands en samkvæmt því var Bjarna
Benediktssyni, syni bróður Einars
og formanni Sjálfstæðisflokksins,
veitt heimild til að veðsetja hluta­
bréf hans í Vafningi fyrir láninu frá
Glitni sem notað var í endurfjár­
mögnuninni.
Bjarni fær svör um símhleranir
Einar Sveinsson er því einn af þeim
aðilum sem embætti sérstaks sak­
sóknara hefur hlerað símann hjá
síðastliðin ár. Í svari Ögmundar
Jónassonar innanríkisráðherra við
fyrirspurn áðurnefnds Bjarna Bene­
diktssonar um fjölda símhlerana
á Íslandi frá bankahruninu 2008
kom fram að embætti sérstaks sak­
sóknara hefði beðið um heimild til
að hlera síma 116 sinnum frá árinu
2009. Héraðsdómar landsins sam­
þykktu allar 116 beiðnir sérstaks
saksóknara til símhlerana. Beiðn­
in um að hlera síma Einars Sveins­
sonar hefur verið þar á meðal.
Allir voru látnir vita
Í öllum tilfellum sem símar sak­
borninga og vitna voru hleraðir hjá
embætti sérstaks saksóknara var
þeim aðilum sem hlerað var hjá til­
kynnt um það að hlerunum lokn­
um. Yfirleitt liðu nokkrir mánuðir,
frá fjórum til tólf, frá því að hlerun­
um lauk og þar til þeim aðilum sem
hlerað hafði verið hjá var tilkynnt
um það. Einari hefur því verið til­
kynnt um símhleranirnar líkt og öll­
um öðrum sem lentu í þeim vegna
rannsókna sérstaks saksóknara.
Í svari Ögmundar við fyrirspurn
Bjarna kom fram að í heildina hefðu
héraðsdómum landsins borist 868
beiðnir um hleranir frá löggæslu­
yfirvöldum og rannsóknaraðilum
á tímabilinu 2008 til 2012 og var
einungis sex af þessum beiðnum
hafnað. n
Sími EinarS
hlEraður
4 Fréttir 1.-3. mars 2013 Helgarblað
„Þetta er gríðarlegt áfall“
n Forstjóri þvertekur fyrir að um falsanir hafi verið að ræða
V
ið tökum þetta grafalvarlega og
erum að fara ofan í hvern ein­
asta þátt,“ segir Guðjón Brjáns­
son, forstjóri Heilbrigðisstofn­
unar Vesturlands á Akranesi, um mál
Hlédísar Sveinsdóttur. Dóttir hennar,
Sveindís Helga, fæddist á sjúkrahúsinu
fyrir tveimur árum og varð fyrir mikl­
um heilaskaða vegna vanrækslu og
gáleysis starfsmanna heilbrigðistofn­
unarinnar. Hlédís er þó reiðust yfir við­
brögðum starfsmannanna í kjölfarið.
Mikils ósamræmis gætir í skýrslum og
öðrum gögnum um fæðinguna og tel­
ur hún að reynt hafi verið að fegra mál­
ið til að firra sjúkrahúsið ábyrgð.
Guðjón gaf út yfirlýsingu vegna
fjölmiðlaumfjöllunar um mál Hlédísar
fyrr í vikunni en þar tekur hann fyrir að
gögn hafi verið fölsuð eða þeim með
ásetningi breytt á einhvern hátt.
Guðjón segir að sjúkrahúsið hafi
á síðustu misserum skerpt á ýms­
um atriðum og að sú vinna hafi ver­
ið komin af stað áður en Sveindís
fæddist. Hann vill ekki gefa upp hverju
hefur verið breytt en segir að það verði
kunngjört fljótlega.
„Það voru þarna gerð mannleg mis­
tök. Tæknin var í lagi og þetta átti að
vera hægt að sjá fyrir, en það var ekki
gert og við viljum ekki skella skuldinni
á neinn. Fyrst og fremst viljum við læra
af þessu og tryggja aðstöðuna betur og
sem allra best.“ Guðjón bendir þó á að
ekkert sé algjörlega fyrirsjáanlegt í líf­
inu og alls ekki við þessar aðstæður.
„Þetta er gríðarlegt áfall fyrir ljós­
mæðurnar sem eru búnar að starfa
hérna í tugi ára. Við viljum ekki að
svona gerist nokkurs staðar, nokkurn
tíma aftur.“ n
n Bjarni Ben lagði fram fyrirspurn um símhleranir á Alþingi
Hleraður Einar Sveinsson lenti í því, ásamt á annað hundrað öðrum aðilum sem tengjast
rannsóknum sérstaks saksóknara, að síminn hans var hleraður.
Ingi Freyr Vilhjálmsson
fréttastjóri skrifar ingi@dv.is
Spurði um hleranir Bjarni Benediktsson,
formaður Sjálfstæðisflokksins, fékk svör við
fyrirspurn sinni um símhleranir í vikunni.
Akranes Guðjón, forstjóri Heilbrigðis-
stofnunar Vesturlands, vill ekki gefa það
upp strax hverju hefur verið breytt síðan
Sveindís fæddist.
Framsóknarmenn
halda málþing
Frambjóðendur Framsóknar­
flokksins í komandi alþingiskosn­
ingum blása í dag, föstudag, til
málþings um Ólaf Jóhannesson,
sem forðum var formaður flokks­
ins. Á málþinginu mun Sigmundur
Davíð Gunnlaugsson, formaður
flokksins, flytja hátíðarávarp, Páll
Pétursson, fyrrverandi þingmaður
og ráðherra Framsóknarflokksins,
flytja framsögu undir heitinu Leið­
togi og landsfaðir og Ágúst Þór
Árnason, formaður lagadeildar
Háskólans á Akureyri, flytja fram­
sögu undir heitinu „Stjórnarskrár­
hugmyndir Ólafs Jóhannessonar“.
Málþingsstjóri verður Vigdís
Hauksdóttir, alþingismaður í
Reykjavík. Málþingið er haldið í til­
efni af 100 ára fæðingardegi Ólafs
en það fer fram að Suðurlands­
braut 24 á milli klukkan 17 og 19.
Styrkja
RIFF áfram
Reykjavíkurborg ætlar að styrkja
Reykjavík International Film Festi­
val, eða RIFF, um níu milljónir
króna í ár. Áður hafði verið ákveðið
að hætta að styrkja kvikmynda­
hátíðina. Eins og DV greindi frá
hefur menningar­ og ferðamálaráð
Reykjavíkurborgar farið með skýrslu
eftirlitsnefndar um kvikmynda­
hátíðina sem trúnaðarmál. Hátíðin
er fjármögnuð að mestu leyti með
styrkjum, meðal annars frá Reykja­
víkurborg, en af um 56 milljóna
króna tekjum hátíðarinnar árið
2011 voru 40 milljónir tilkomnar
vegna styrkveitinga. Hátíðin hefur
verið haldin síðastliðin níu ár en
á henni eru sýndar kvikmyndir
víða að úr heiminum og koma
leikarar og leikstjórar gjarnan hing­
að til lands í tengslum við hátíðina.
Framkvæmdastjóri hátíðarinnar er
Hrönn Marinósdóttir sem jafnframt
er eini eigandi og stjórnarmaður
rekstrarfélags hátíðarinnar, Alþjóð­
leg kvikmyndahátíð í Reykjavík ehf.
Á hverju ári hefur Reykjavíkurborg
styrkt hátíðina um 8 til 9 milljónir
króna en hátíðin hefur einnig fengið
styrki frá öðrum aðilum, til dæmis í
gegnum menntamálaráðuneytið.