Dagblaðið Vísir - DV - 17.04.2013, Blaðsíða 20

20 Sport 17. apríl 2013 Miðvikudagur
Chelsea
Frank Lampard
138 mörk
Þetta kemur kannski ekki á óvart. Lampard hefur
alla tíð haldið tryggð við Chelsea og verið lykilmaður
í markaskorun liðsins í mörg herrans ár, eða frá 2001,
þrátt fyrir að leika sem miðjumaður. Hann
gæti þó verið á förum frá félaginu í
sumar.
Everton
Duncan Ferguson
60 mörk
Skotinn sem aldrei gaf tommu
eftir er enn markahæsti leikmaður
Everton frá stofnun úrvalsdeildarinnar.
Hann skoraði mest tímabilið 1997–1998, 11 mörk í 33
leikjum. Líklega kemur Tim Cahill næstur á eftir Fergu-
son, en Ástralinn gerði 56 deildarmörk fyrir félagið á
árunum 2004 til 2012.
Fulham
Clint Dempsey
50 mörk
Bandaríkjamaðurinn var frábær hjá Fulham þau sex
tímabil sem hann lék með liðinu í úrvalsdeildinni, áður
en hann fór til Tottenham. Hann gerði 17 mörk á síðustu
leiktíð og 12 tímabilið áður. Það verður að segja að þeim
fjórum milljónum punda sem Fulham varði í leikmann-
inn í desember 2006 hafi verið vel varið.
Liverpool
Robbie Fowler
128 mörk
Fowler er markakóngurinn
á Anfield. Hæst reis sól
hans tímabilin 1994 til
1996 þegar skoraði 25 mörk
og 28 mörk. Hann lék níu
heilar leiktíðir fyrir Liverpool
1993 til 2002 en gekk svo aftur
í raðir félagsins 2005 og skoraði 8
mörk í 30 leikjum á tveimur leiktíðum. Þess má geta
að Steven Gerrard hefur skorað 98 deildarmörk fyrir
Liverpool.
Manchester City
Carlos Tevez
57 mörk
Tevez hefur skorað 83 mörk í ensku úrvalsdeildinni í 195
leikjum. Mest hefur hann skorað fyrir Manchester City.
Tevez hefur ekki verið jafniðinn við kolann og fyrstu
tímabilin eftir að hann kom frá United. Hann skoraði 23
mörk á sinni fyrstu leiktíð og 20 á þeirri næstu. Í vetur
hefur hann haft hægt um sig og skorað 10 mörk.
Manchester United
Wayne Rooney
141 mark
Þó Rooney hafi stundum
fallið í skuggann af
mönnum eins og Cristiano
Ronaldo og Robin van Persie
ber hann höfuð og herðar yfir aðra
markaskorara félagsins frá stofnun
úrvalsdeildarinnar. Hann hefur skorað 11 mörk eða meira
allar leiktíðir síðan hann kom til United, árið 2004. Alls
hefur hann gert 126 mörk fyrir rauðu djöflana. Mest
skoraði hann 2011–2012, 27 deildarmörk.
Newcastle
Alan Shearer
148 mörk
Það kemur líklega fáum á óvart
að Alan Shearer skuli vera mesti
markahrókur Newcastle undan-
farna tvo áratugi. Hann lék 10 tímabil
fyrir Newcastle og skoraði mest 25 mörk á
leiktíð. Fjórum sinnum skoraði hann meira en 20 mörk á
leiktíð. Shearer skoraði reyndar alls 379 mörk á ferlinum
í 733 leikjum í öllum keppnum.
Norwich
Chris Sutton
33 mörk
Gamla brýnið Chris Sutton lék fyrir Norwich í
úrvalsdeildinni á árunum 1992 til 1994. Á þeim tíma
skoraði hann 33 mörk, met sem ekki hefur enn verið
slegið – enda hefur liðið lengst af barist í neðri deildum.
Framherjinn Grant Holt er næstmarkahæstur hjá liðinu.
Hann hefur skorað 20 mörk, eins og Mark Robins gerði
þegar hann lék með Sutton 1992 til 1994.
QPR
Les Ferdinand
60 mörk
Ferdinand er langmarkahæsti leikmaður QPR í sögu
ensku úrvalsdeildarinnar. Metið verður ekki slegið
næstu árin þar sem liðið stefnir hraðbyri að falli. Sá sem
kemst næstur honum í markaskorun í úrvalsdeildinni er
Bradley Allan, sem skorað hefur 20 mörk. QPR sárvant-
ar mann eins og Les Ferdinand í dag.
Reading
Kevin Doyle
19 mörk
Reading hefur flakkað svo-
lítið á milli deilda undanfarin
ár. Kevin Doyle, sem leikur
hefur í Championship-deildinni
með Úlfunum, var iðinn við
kolann þegar Reading lék í efstu deild fyrir
fáeinum árum. Næstur á eftir Doyle kemur Dave Kitson
með 12 mörk.
Southampton
Matt Le Tissier
100 mörk
Hver man ekki eftir
þrumufleygum Matts Le
Tissier? Hann skoraði hvorki
fleiri né færri en eitt hundrað
mörk með Southampton –
mörg hver stórglæsileg langt
utan af velli. Næstur á eftir honum í
röðinni kemur James Beattie með 68 mörk í úrvalsdeild.
Stoke
Jonathan Walters
19 mörk
Þó Stoke City sé nú á sínu þriðja tímabili í úrsvals-
deildinni er markahæsti leikmaðurinn aðeins með 19
mörk. Jonathan Walters er líklega ekki nema miðlungs-
maður í úrvalsdeildinni. Hann hefur skorað 6, 7 og 6
mörk síðustu þrjár leiktíðir en þess má geta að hann
hefur leikið með 11 enskum liðum á ferli sínum.
Sunderland
Kevin Phillips
61 mark
Nokkrir góðir framherjar
hafa leikið fyrir Sunderland
frá stofnun úrvalsdeildar-
innar. Þar má nefna menn
eins og Darren Bent, Kenway-
ne Jones og Niall nokkur Quinn.
Þeir hafa skorað um 30 mörk hver.
Höfuð og herðar yfir aðra ber fram-
herjinn knái Kevin Phillips. Líklega verður einhver bið á
því að met hans verði slegið. Hann skoraði einu sinni 30
mörk á einu tímabili í úrvalsdeildinni.
Swansea
Michu
17 mörk
Swansea er á sínu öðru ári
í úrvalsdeild. Michu gekk í
raðir félagsins síðasta sumar
og hefur farið mikinn. Mörkin
hans 17 nægja til að gera hann
að markahæsta manni félagsins
í úrvalsdeildinni. Til gamans má geta
þess að Gylfi Sigurðsson er fjórði markahæsti, þó hann
hafi aðeins leikið þar hálft tímabil.
Tottenham
Teddy
Sheringham
97 mörk
Sheringham var frábær
leikmaður á sínum tíma og er
enn sem komið er marka-
hæstur í úrvalsdeild. Fast á hæla
honum er þó Robbie Keane með 91
mark en hann skorar ekki meira fyrir félagið. Jermain
Defoe hefur skorað 89 mörk og verður að teljast líklegur
til að slá metið.
West Brom
Peter Odemwingie
30 mörk
Hann er ef til vill ekki vinsælasti leikmaðurinn hjá West
Brom um þessar mundir en það verður ekki af leikmann-
inum tekið að enginn hefur skorað meira fyrir félagið í
efstu deild. Hann hefur ekki verið í náðinni á yfirstand-
andi tímabili og hefur skorað fimm mörk í 18 leikjum.
West Ham
Paolo Di Canio
47 mörk
Ítalinn frábæri lék með Hömr-
unum frá 1999 til 2003 og var
afar litríkur leikmaður. Hann
skoraði mest 16 mörk, leiktíðina
1999–2000. Enginn hefur skorað
meira í úrvalsdeildinni en næstur í
röðinni er Trevor Sinclair með 36 mörk.
Wigan
Hugo Rodallega
24 mörk
Rodallega stóð sig ágætlega með slöku liði Wigan,
þar sem hann lék í fjögur ár. Hann skoraði tíu mörk
2009–2010 og níu 2010–2011. Hann spilar nú með Ful-
ham þar sem hann hefur fundið netmöskvana þrisvar í
24 leikjum.
Kóngarnir
í úrvalsdeildinni
Gabriel Agbonlahor, framherjinn snjalli hjá Aston Villa, jafnaði um
helgina félagsmet Íslandsvinarins Dwights Yorke, yfir flest mörk
skoruð fyrir félagið síðan enska úrvalsdeildin var stofnuð. Þeir hafa
báðir skorað 60 mörk fyrir félagið. Talksport.co.uk tók saman lista
yfir markahæstu menn úrvalsdeildarinnar í hverju félagi. Goðsagn-
ir eins og Thierry Henry, Teddy Sheringham og Alan Shearer eru
auðvitað á listanum, en einnig ólíklegri nöfn.
Baldur Guðmundsson