Dagblaðið Vísir - DV - 21.01.2014, Blaðsíða 6

Vikublað 21.–23. janúar 20146 Fréttir
n Björk vildi líka kaupa jörðina n Segir íslensku moldina gulls í gildi
H
alldór Gunnarsson, kenndur
við Holt, hefur keypt jörðina
Holt í Rangárvallasýslu í
gegnum einkahlutafélagið
Víkurdranga ehf. Félagið á
Halldór ásamt eiginkonu sinni, Mar-
gréti Jónsdóttur Kjerúlf, sem og hjón-
unum Jóhönnu Sólveigu Þórhalls-
dóttur og Guðmundi Jóni Viðarssyni,
betur þekktum sem Guðmundur í
Skálholti.
Það vakti athygli í fyrra þegar Hall-
dór sagði sig úr Sjálfstæðisflokknum
og stofnaði Flokk heimilanna, en
hann hafði meðal annars starfað
sem formaður fulltrúaráðs Sjálf-
stæðisfélaganna í Rangárvallasýslu.
Halldór var sóknarprestur í Holti í 44
ár þar sem hann hefur jafnframt starf-
að sem bóndi. Halldór staðfestir að
Björk Guðmundsdóttir tónlistarkona
hafi einnig boðið í jörðina en tilboði
hennar var hafnað.
Fengu skuldir afskrifaðar
„Þetta eru um 250 hektarar,“ segir
Halldór í samtali við DV. Hann vill
ekki gefa upp hvað þau hyggist gera
við jörðina en bendir á að landareign-
ir séu það verðmætasta sem fyrirfinn-
ist á Íslandi í dag. „Við trúum á það að
land sé það dýrmætasta sem við eig-
um á Íslandi í dag.“
Eigendur Víkurdranga áttu og ráku
hótelið Lunda í Vík þar til nú um ára-
mótin þegar þeir seldu hótelið. Hall-
dór staðfestir að ágóðinn af sölunni
hafi runnið upp í kaup Holts. Heim-
ildir DV herma að félagið sem rak hót-
elið hafi fengið þónokkrar afskriftir á
skuldum í kjölfar bankahrunsins en
Halldór gerir lítið úr því. „Við feng-
um ekkert afskrifað nema bara þegar
hrunið varð, þá fengum við ákveðinn
hluta, rétt eins og fólk sem tók gengis-
lán á sínum tíma.“
Gekk inn í tilboð Bjarkar
„Í dag er hektarinn seldur á í kring-
um 300 þúsund krónur en úti í heimi
kostar hann frá þremur og upp í fimm
milljónir,“ segir Halldór sem er á því
að fjárfesting í landareignum á Ís-
landi sé það skynsamlegasta sem
menn geti gert við peningana
sína í dag.
Þá hefur hann mikla
trú á íslensku moldinni.
„ Moldin á Íslandi er allri
mold dýrmætari. Ef þú ferð
með klístraða mold út í heim
þá sérðu á augabragði hvaða
tækifæri íslenska moldin, ís-
lenska jörðin og íslenska landið
hefur upp á að bjóða.“
Halldór vill ekkert upplýsa hversu
mikið hann greiddi fyrir jörðina en
segist hafa fengið að ganga inn í tilboð
Bjarkar þar sem hann hafi verið ábú-
andi í Holti í 46 ár. Heimildir DV herma
að Björk hafi boðið um sextíu milljón-
ir króna. Halldór segir að það geti ver-
ið nærri lagi. „Ekki fékk maður hana
ódýrari en Björk ef að þetta er rétt.“
Ágreiningur innan
Flokks heimilanna
Eins og fram kom hér að framan
stofnaði Halldór Flokk heimilanna
í mars 2013. Átta stjórnmálasamtök
og áhugamannahópar sameinuðust
undir merkjum flokksins, þar á með-
al framboð þeirra Péturs Gunnlaugs-
sonar og Arnþrúðar Karlsdóttur, sem
kennd hafa verið við Útvarp Sögu.
Eins og DV greindi frá í desember
síðastliðnum ríkir ágreiningur innan
flokksins um það hver hin raunveru-
lega stjórn hans sé. Ríkissaksóknari
mun á næstunni úrskurða um það
hver stjórnin er en þetta skiptir veru-
legu máli enda er það svo að sá sem
heldur um stjórnartaumanna mun
fara með talsverða fjármuni sem
flokkurinn á að fá frá ríkissjóði á næsta
ári vegna alþingiskosninganna síðast-
liðið vor.
Aðspurður út í þessar deilur seg-
ir Halldór: „Jú, það var einhver
misskilningur hjá ungu fólki sem taldi
að Flokkur heimilanna héti Lýðveldis-
flokkurinn en það er búið að leiðrétta
það.“ n
Jón Bjarki Magnússon
jonbjarki@dv.is
N
emendum í grunnskólum
Reykjavíkur líður almennt
vel, áhugi þeirra á náms-
greinum í grunnskóla er
mikill og þeir eru ofar-
lega á listum hvað varðar ánægju af
lestri og náttúrufræði. Áhugi þeirra
á stærðfræði hefur að auki auk-
ist. Þetta kemur fram í Skólapúlsin-
um, en allir nemendur í 6.–10. bekk
hafa í gegnum Skólapúlsinn svarað
spurningum um námsáhuga, stuðn-
ing og samskipti við kennara, tengsl
við nemendahópinn og um almenna
líðan. Þannig er unnt að mæla sveifl-
ur milli mánaða og árstíma í nem-
endahópnum og greina mun eftir
kynjum og aldri nemenda. Þess-
ar niðurstöður komu fram í svörum
nemenda á haustönn.
Þeir eru að auki jákvæðari í garð
kennara sinna, en í upphafi mæl-
inga. Mælingar á líðan og sjálfs-
mynd komu einnig vel út hjá grunn-
skólabörnum í Reykjavík. Marktækt
færri nemendur í Reykjavík segjast
hafa orðið fyrir einelti á síðastliðn-
um 12 mánuðum en annars stað-
ar á landinu. Átta af hverjum tíu
nemendum segjast upplifa gleði og
brosa eða hlæja nær daglega en þó
má benda á að um 12–15% nem-
enda upplifa reglulega streitu, reiði
eða hafa áhyggjur af einhverju sem
tengist þeirra daglega lífi.
Samkvæmt upplýsingum frá
Reykjavíkurborg eru þessar niður-
stöður nýttar til þess að hver skóli
geti fylgst með líðan og virkni nem-
enda, við sjálfsmat og stefnumótun.
Þessar niðurstöður munu vera skoð-
aðar reglulega af skóla- og frístunda-
ráði. Þetta er önnur könnunin sem
kemur svo vel út í Reykjavík. Á vor-
önn í fyrra kom í ljós í könnun Rann-
sókna og greininga að níu af hverjum
tíu nemendum leið yfirleitt vel í skól-
anum og mikill meirihluti þeirra átti
marga vini. n astasigrun@dv.is
Börnunum líður vel
Marktækt færri segjast verða fyrir einelti í Reykjavík
Líður vel Börnum líður almennt ágætlega í
grunnskólum Reykjavíkur.
Útgerðar-
menn mjólka
Selbakki ehf., félag í eigu
Skinneyjar-Þinganess hefur
keypt kúabúið Flatey í Austur-
Skaftafelsssýslu. Kaupverðið
er talið liggja á milli 400 til 500
milljóna króna. Flatey er eitt
stærsta kúabú landsins. Þar er
einnig rekin graskögglaverk-
smiðja og ferðaþjónusta.
Flatey var ein af þeim 45 jörð-
um og eignum á þeim sem voru
í eigu félagsins Lífsvals. Í fyrra
var greint frá því að Landsbank-
inn hefði tekið yfir Lífsval og far-
ið fram á nauðungarsölu á fjór-
um jörðum í eigu félagsins. Þess
má geta að eigendur Lífsvals
voru þeir Guðmundur A. Birgis-
son, kenndur við Núpa, og Ólaf-
ur Wernersson. Viðskiptablaðið
greindi frá þessu.
Halldór
fékk
Holt
„
Moldin
á Íslandi er
allri mold
dýrmætari
Eignast Holt Halldór í Holti hefur eignast
jörðina Holt eftir að hafa búið þar í 46 ár.
Tilboð Heimildir DV herma að Björk
hafi boðið
60 milljónir
króna.
Rannsókn á
101 á lokastigi
Lögreglan á höfuðborgarsvæð-
inu hefur enn meint harðræði
starfsmanna á 101 leikskóla
til rannsóknar. Friðrik Smári
Björgvinsson yfirlögregluþjónn
segir í samtali við Mbl.is að
rannsóknin sé á lokastigi. Málið
kom upp eftir að sumarstarfs-
menn á leikskólanum leituðu til
Barnaverndarnefndar Reykja-
víkur en starfsmennirnir höfðu
tekið upp myndskeið í leyni
á vinnutíma þar sem annað
starfsfólk sást beita ómálga börn
harðræði. Í lokabréfi Barna-
verndar til foreldra barna á leik-
skólanum kom fram að sann-
að þótti að börnin höfðu verið
beitt harðræði og að annmarkar
hefðu verið á starfseminni. 101
leikskóla, sem var ungbarna-
leikskóli, var lokað í kjölfar þess
að málið kom upp. Börnin á
leikskólanum voru á aldrinum
níu til átján mánaða.