Dagblaðið Vísir - DV - 08.08.2014, Side 44

Helgarblað 8.–11. ágúst 201444 Menning
G
rétar Mar Sigurðs­
son – Mar – hyggst í
byrjun næsta árs ferð­
ast frá Spáni til Ind­
lands. Það væri ekki í
frásögur færandi nema fyrir þær
sakir að hann ætlar að fara á
puttanum, gista á ókunnugum
sófum á leiðinni og borða ávexti
og grænmeti úr ruslatunnum.
Á Indlandi ætlar hann að reyna
að finna náttúrulegar leiðir til
að komast á annað vitundar­
stig. Reynslunni vill hann síðan
miðla í gegnum list sína.
Mar er fjöllistamaður sem
reynir að tjá sig á sem flesta
mögulega vegu. Hann sendi ný­
verið frá sér myndband, sem
hann leikstýrði sjálfur, við lag
sitt Twisted Figures. Lagið er af
stuttskífu Mars, Mellows, sem
kom út í maí og hefur fengið
góðar viðtökur. „Ég er búinn að
reyna að koma list minni á fram­
færi í gegnum alla miðla. Þegar
ég fæ hugmynd reyni ég að velja
þann miðil sem mér finnst
geta varpað skærustu ljósi
á hana. Að sama skapi er
þetta besta leiðin til að ná
til sem flestra,“ segir Mar
en í list sinni andæfir hann
neyslusamfélagi nútímans
og tilhneigingu þess til að
steypa fólk í sama mót. „Í
einstefnusamfélagi nútím­
ans, þar sem flest skila­
boð og upplýsingar sem
við fáum eru mörg en svip­
uð, er mótvægi mikil vægt.
Allar auglýsingar spila til
dæmis inn á hvöt okkar
til að fullnægja einhverj­
um grunnþörfum, og nota
hana til að selja okkur
óþarfa; þær eru í raun
klám.“
Náttúruleg hugvíkkun
Mar sækir innblástur víða,
einkum inn á við. Áður
notaði hann ofskynjunar­
lyf til að styrkja eigin andagift
en hann segir eftirköst slíkrar
neyslu næstum því jafn slæm
og víman er góð. „Þetta er svo­
lítið eins og himnaríki og helvíti.
Það er rosalega mikil fegurð í
því að komast á eitthvert ann­
að vitundarstig. Þegar maður til
dæmis tekur inn efni og kemst
á einhvern stað þar sem tilfinn­
ingar eru sterkari og fallegri. En
svo þarf maður að gjalda fyrir
það þegar víman dvínar.“
Það var helvítið sem fékk Mar
til leita náttúrulegri leiða að
æðri svæðum heilans, himna­
ríki. „Mér fannst á tímabili, áður
en ég byrjaði að hugleiða, hug­
breytandi efni eina vitið. Eini
tilgangurinn. Mér finnst hugar­
ástandið ennþá mjög spennandi
en maður greiðir alltaf gjald fyrir
þessa upplifun. Vegna þessa fór
ég að stúdera hvaða leiðir væru
til að gera þetta algerlega nátt­
úrulega; komast í hugbreytandi
ástand án hugbreytandi efna.
Þannig kviknaði áhugi minn á
hugleiðslu og jóga.“
Mekka
Þar eð Indland er af mörg­
um talið Mekka hugleiðslu og
annarrar andlegrar iðkunar
Listamenn
ræða saman
Í dag, föstudaginn 8. ágúst, klukk­
an 17.00 fer fram Listamanna­
spjall í Skaftfelli á Seyðisfirði. Þar
munu gestalistamenn Skaftfells
sem eru nýkomnir til Seyðisfjarðar
halda stuttlega kynningu á vinnu­
aðferðum sínum og fjalla um
nokkur verk. Listamennirnir eru
Daníel Björnsson, Maria Glyka og
Vassilis Vlastaras. Listamenn geta
sótt um í Gestalistastofu Skaft­
fells til 1. september en á hverju
ári dvelur fjöldi erlendra og inn­
lendra listamanna á Seyðisfirði og
vinnur að verkum sínum.
Hughrif tónanna
Föstudaginn 8. ágúst munu
flautuleikarinn María Ösp Ómars­
dóttir og píanóleikarinn Sólborg
Valdimarsdóttir halda tónleikana
Hughrif tónanna í Salnum í Kópa­
vogi. Tónleikarnir eru á vegum
Kammer tónlistarhátíðar sem nú
er haldin í sjötta sinn en hátíðin
er hliðarhátíð Tónlistarhátíðar
unga fólksins. Verkin á tónleikun­
um eru mjög ólík en eiga það þó
sameiginlegt að vera samin eft­
ir árið 1950. Verkin eru eftir Finn
Karlsson, Báru Gísladóttur, Þorkel
Sigurbjörnsson, Þóru Marteins­
dóttur, O. Messian, A. Piazzolla og
Arvo Pärt, en verkin eftir Báru og
Finn voru samin sérstaklega fyrir
þessa tónleika. Tónleikarnir hefj­
ast klukkan 20.00.
Handverks-
hátíðin sett
Handverkshátíðin í Hrafnagili
í Eyjafirði var sett í vikunni í 22.
sinn. Það var Kristján Þór Júlíus­
son heilbrigðisráðherra sem setti
hátíðina en þar er að finna fjöl­
breytt handverk, þjóðlegan mat
og íslensk húsdýr svo eitthvað sé
nefnt. Í fyrsta sinn er boðið upp á
handverksmarkað sem fram fer
á föstudag og sunnudag. Upp­
skeruhátíðin hefst klukkan 19.30
á laugardaginn og er hún öllum
opin. Séra Hildur Eir Bolladóttir er
veislustjóri og meðal þeirra sem
fram koma eru Álftagerðisbræður,
Pálmi Gunnarsson ásamt hljóm­
sveit og prestatríó skipað séra
Hildi Eiri, séra Oddi Bjarna og séra
Hannesi Blandon. Hátíðin fékk
að gjöf 1,5 metra háa gestabók
klædda laxaroði og verður hún
staðsett í hjarta sýningarinnar. Eru
gestir hvattir til að rita nafn sitt.
Augnablik sem ekki gleymast
Óskar Páll Elfarsson opnar sína fyrstu sýningu
Þ
að eru komin 10 ár síðan
ég byrjaði að dunda í ljós­
myndun og það hefur lengi
verið draumur að halda veg­
lega sýningu,“ segir ljósmyndar­
inn Óskar Páll Elfarsson sem opn­
ar sína fyrstu ljósmyndasýningu í
Perlunni þann 9. ágúst næstkom­
andi. Sýningin ber heitið Augna­
blik – sem ekki gleymast og þar
birtir hann myndir úr heimsreisu
sem hann fór í árið 2012 með unn­
ustu sinni Hrund Þórsdóttur, frétta­
manni á Stöð 2. Á ferðalagi sínu
heimsóttu þau sextán lönd í fimm
heimsálfum og lentu í ýmsum æv­
intýrum sem Óskar fangaði á filmu.
Draumur Óskars er nú að verða að
veruleika, en eftir heimsreisuna
fannst honum hann loksins vera
kominn með efnivið í einkasýningu.
„Þetta eru myndir sem virka saman
og segja sterka sögu. Þær segja
vissan sannleika sem mig langaði
að miðla áfram. Við vorum víða í
aðstæðum sem fengu mann til að
opna augun og horfa aðeins öðru­
vísi á lífið,“ segir Óskar um mynd­
irnar sem hann tók í heimsreis­
unni. Sama dag og sýningin verður
opnuð munu stuttar sögur, sem til­
heyra hverri mynd á sýningunni,
birtast á vefsíðunni moment.is/
syning. Þar verður einnig hægt
að skoða allar myndirnar á sýn­
ingunni sem og töluvert fleiri ljós­
myndir úr heimsreisunni sem ekki
komust fyrir þar. Óskar Páll hef­
ur starfað lengi við ljósmyndun og
myndvinnslu fyrir mörg af stærstu
tímaritum landsins og hlotið ýms­
ar viðurkenningar fyrir störf sín.
Hann átti til dæmis Fréttaljósmynd
ársins árið 2011 á vegum Canon og
Nýherja og Tímaritamynd ársins á
sýningu Blaðaljósmyndarafélags
Íslands árið 2010. Sýningin verður
formlega opnuð næsta laugardag
klukkan 16.00 og boðið verður upp
á léttar veitingar. n
solrun@dv.is
Óskar mundar vélina
Myndirnar á sýningunni
eru allar úr heimsreisu sem
Óskar fór í árið 2012.
Yfir hálfan hnöttinn til himnaríkis
n Fjöllistamaðurinn Mar fer á puttanum til Indlands n Nýtt tónlistarmyndband n Ferðast á puttanum og leitar að mat í ruslatunnum
Baldur Eiríksson
baldure@dv.is
Chakras Myndverk frá einkasýningunni
Upplifun sem haldin var á Hótel Kaffistofu í
desember 2013.
Heilög þrenning: Lausn, þula, sjálfsmynd.
Tóm Hljóðskúlptúr frá samsýningunni Veldi sem haldin
var í Skaftfelli á Seyðisfirði 1. mars til 2. júní 2014.