Dagblaðið Vísir - DV - 10.09.2014, Blaðsíða 33

Vikublað 10.–11. september Menning 33
Listasafn fátæka mannsins
6
7
11 10 9
8
16
15
1412
13
Á Njálsgötu eru nokkur verk,
meðal annars verkið 101 kettir
eftir Hörpu Harðar og Animali
eftir Riel og Thomas Korn, en það
er staðsett við Njálsgötu 14.
Á bakhlið hússins sem hýsir Mál og Menningu við
Laugaveg er stór veggmynd frá 2005 sem var
máluð af níu listamönnum sem allir voru búsettir
í Berlín á þeim tíma. Verkið sem var unnið í tengsl-
um við Gata, Gathering Urban Art Festival, sýnir
meðal annars teiknimyndasögulegan mannapa
og spýtukarla í strigaskóm.
Fjölmörg leturlistaverk, svokölluð
„tögg“ og „throw-up“ eru á
nokkrum veggjum við leiklistar-
og tónlistardeild Listaháskólans
milli Sölvhólsgötu og Skúlagötu.
Nokkrir listamenn, meðal
annars Selur og Dire,
hafa skreytt girðinguna í
kringum byggingarsvæð-
ið á Hljómalindarreitnum
svokallaða milli Klapp-
arstígs og Smiðjustígs.
Þar rís nýtt hótel, en um
tíma höfðu listamenn
frjálsar hendur í því sem
var kallað Hjartagarður-
inn. Í verkunum er meðal
annars skotið á þá sem
vilja að veggir bæjarins
séu hreinir og gráir. Þá
er hægt að gægjast í
gegnum grindverkið
og sjá leifar nokkurra
vegglistaverka sem voru í
Hjartagarðinum sáluga.
Fjögur gríðarstór verk eftir Ástralann Guido
van Helten við Ánanaust og Vesturgötu.
Verkin eru unnin út frá ljósmyndum sem eru
svo málaðar á veggi með ótrúlegri nákvæmni.
Hið mannlega andlit og manngerða umhverfi
renna hér saman.
Við Mýrargötu
er leturlista-
verk sem
merkt er RWS
Crew og í
næsta húsi á
Nýlendugötu
er verkið Fön-
ix eftir Riel.
Á Spítalastíg eru
tvö stór vegg-
listaverk: hendur
málaðar af Riel
lauma sér út úr
húsinu og græn
geimklessa er á baki
Bernhöftsbakarís.
Á Óðinstorgi er svo
risastór smásjár-
mynd af ímynduð-
um örverum.
Við leikvöllinn
á Freyjugötu
er risastórt
svarthvítt dul-
spekilegt verk,
og hinum megin
við götuna í einni
leyndustu og
skemmtilegustu
götu borgarinn-
ar, Válastíg, eru
allir veggir bak-
húsa skreyttir.
Hverfisgatan er rík af graffi og götulistaverk-
um. Meðal annars er þar 10 metra hátt verk
sem sýnir einhvers konar drauga og vélahrúgu
eftir Jan Sjöberg. Verkið var unnið sérstaklega
fyrir Menningarnótt 2014.
Á gatnamótum Hverfisgötu og
Frakkastígs þar sem áætlað var
að Listaháskólinn myndi reisa
nýja skólabyggingu fyrir hrun
hafa listamenn í skóla götunnar
tekið sig til og litað nánast hvern
einasta veggflöt. Hálfnaktar
konur í undarlegum hlutföllum
ríma við hjálpartækjabúð kyn-
lífsins í sama húsi.
Á Frakkastíg
syngja þrír fugl-
ar gerðir af Arn-
óri Kára og gult
glaðlegt andlit
á skærgrænum
flöt brosir við
vegfarendum.
Boða hærri
skatt á bækur
Virðisaukaskattur á bækur mun
hækka úr 7 prósentum í 12 sam­
kvæmt fjárlagafrumvarpi ríkis­
stjórnarinnar fyrir árið 2015.
Lægra þrep virðisaukaskatts
verður hækkað á meðan efra
þrepið lækkar úr 25,5 prósent­
um í 24 prósent. Þá verða almenn
vörugjöld sem leggjast meðal
annars á heimilistæki og raftæki
á borð við sjónvörp og hljóm­
flutningstæki afnumin. „Þetta er
gert á sama tíma og uggvænlegar
tölur um ólæsi unglinga blasa alls
staðar við, tölur um læsi hrapa
og íslensk tunga með sínum
orðaforða á í vök að verjast gegn
ókeypis flóði af afþreyingu, stol­
inni sem óstolinni,“ skrifar Andri
Snær Magnason rithöfundur um
frumvarpið á Facebook.
Reynir Sig á
hádegisdjass
Föstudaginn 12. september og
sunnudaginn 14. september
fer fram fyrsta tónleikatvennan
í tónleikaröðinni Jazz í hádeg­
inu í menningarmiðstöðinni
Gerðubergi. Reynir Sigurðsson
víbrafónleikari kemur fram á tón­
leikunum ásamt Swing kvartett
sem skipaður er Hauki Gröndal á
altsaxófón og klarínett, Gunnari
Hilmarssyni á ryþmagítar og Leifi
Gunnarssyni á kontrabassa, en sá
síðastnefndi er listrænn stjórn­
andi dagskrárinnar. Þrennir tón­
leikar verða haldnir á þessu miss­
eri og er þeim ætlað að kynna
djasstónlist fyrir almenningi.
Hver efnisskrá er flutt tvisvar,
frumflutt á föstudegi klukkan
12.15 og endurtekin á sunnudegi
klukkan 13.15.
Útlendingar
gera íslenskt
leikhús
Ákveðið hefur verið að bæta við
aukasýningum á leikhúsverkun­
um Ég elska Reykjavík og Petra
, sem voru frumsýnd á alþjóð­
legu leiklistarhátíðinni Lókal í lok
ágúst. Bæði verkin eru eftir er­
lendar sviðslistakonur, hið fyrra
eftir Aude Busson frá Frakklandi
og hið síðara eftir Brogan Davis­
on frá Bretlandi. 13. og 14. Sept­
ember fara fram sýningar á Ég
elska Reykjavík, en þar umbreytir
Aude Reykjavíkurborg í leiksvið
og sýnir áhorfendum sínar uppá­
haldsleynileiðir. Seinasta sýning
Petru fer hins vegar fram fimmtu­
daginn 11. september í Tjarnar­
bíói. Í sýningunni segir hún frá
tengdalangömmu sinni, frú Petru
Sveinsdóttur, steinasafnara frá
Stöðvarfirði.