Dagblaðið Vísir - DV - 01.07.2014, Síða 22

22 Fréttir Stjórnmál Vikublað 1.–3. júlí 2014
H
eill sólarhringur skilur
að þann þingmann sem
talað hefur mest og þann
sem talað hefur minnst.
Steingrímur J. Sigfússon,
þingmaður Vinstri grænna og
fyrrverandi ráðherra, er ræðu-
kóngur 143. löggjafarþings, þess
sem nýlega lauk. Hann talaði í
meira en sólarhring eða tæpa 27
klukkutíma ef allt er talið saman.
Jóhanna María Sigmundsdóttir,
þingmaður Framsóknarflokksins
og yngsti þingmaðurinn, talaði
hins vegar innan við klukkustund
samtals, eða 55 mínútur þegar allt
er talið saman.
Skýr skipting
Ef þingmönnum er raðað eftir því
hver talaði minnst eru fjórir efstu
menn þingmenn Framsóknar.
Enginn þingmaður stjórnarand-
stöðunnar kemst á þann lista. Að
sama skapi er aðeins einn þing-
maður stjórnarliðsins á listanum
yfir þá þingmenn sem töluðu mest.
Það er Bjarni Benediktsson, fjár-
mála- og efnahagsráðherra, en
hann mælti til að mynda fyrir fjár-
lagafrumvarpinu, sem að jafnaði er
umfangsmesta frumvarp hvers árs.
Þetta er svipuð staða og áður,
en síðast þegar DV kannaði hversu
duglegir þingmenn eru að tala úr
ræðustól voru það einnig stjórn-
arliðar sem töluðu minnst. Tals-
verður munur er hins vegar innan
þingflokkanna líka. Til að mynda
talaði Bjarni tæpum sextán klukku-
stundum lengur en Elín Hirst, sem
talaði minnst af þingmönnum Sjálf-
stæðisflokksins. Þá talaði Ögmund-
ur Jónasson aðeins í um 10 klukku-
stundir á meðan Steingrímur talaði
um 17 klukkustundum lengur.
Aðeins tími í ræðustól
Gögnin sem unnið er út frá eru
birt á vef Alþingis en þar eru all-
ar ræður þingmanna tíundaðar
eftir fjölda og mínútulengd. Tím-
inn sem nefndur er í listanum nær
yfir hvort tveggja ræður sem flutt-
ar eru og athugasemdir og nær að-
eins til þingmanna en ekki vara-
þingmanna. Vert er að nefna að
mikil vinna fer fram á Alþingi utan
þess sem á sér stað í ræðustól og er
því yfirlitið ekki dómur um hvernig
þingmennirnir standa sig almennt
í vinnunni. n
Steingrímur
ræðukóngur
Jóhanna María hefur talað í innan við klukkustund
Þeir sem töluðu minnst
Þingmenn ríkisstjórnarmeirihlutans raða sér í efstu sætin á lista yfir þá þingmenn sem talað hafa minnst. Sá
sem talaði minnst talaði samtals í innan við klukkustund. Í tíu efstu sætunum á þessum lista er enginn sem
talaði í meira en tvær klukkustundir. Enginn stjórnarandstöðuþingmaður kemst á listann.
1 Jóhanna María Sigmundsdóttir - FramsóknTalaði samtals í 55 mínútur. Flutti 15 ræður og 2 athugasemdir.
2 Haraldur Einarsson - FramsóknTalaði samtals í 67 mínútur. Flutti 14 ræður og 14 athugasemdir.
3 Þórunn Egilsdóttir - FramsóknTalaði samtals í 76 mínútur. Flutti 25 ræður og 6 athugasemdir.
4 Líneik Anna Sævarsdóttir - FramsóknTalaði samtals í 78 mínútur. Flutti 21 ræður og 17 athugasemdir.
5 Elín Hirst - SjálfstæðisflokkurTalaði samtals í 86 mínútur. Flutti 24 ræður og 16 athugasemdir.
6 Karl Garðarsson - FramsóknTalaði samtals í 95 mínútur. Flutti 30 ræður og 21 athugasemdir.
7 Ásmundur Einar Daðason - FramsóknTalaði samtals í 105 mínútur. Flutti 9 ræður og 32 athugasemdir.
8 Brynjar Níelsson - SjálfstæðisflokkurTalaði samtals í 109 mínútur. Flutti 19 ræður og 35 athugasemdir.
9 Sigrún Magnúsdóttir - FramsóknTalaði samtals í 113 mínútur. Flutti 36 ræður og 16 athugasemdir.
10 Valgerður Gunnarsdóttir - SjálfstæðisflokkurTalaði samtals í 115 mínútur. Flutti 33 ræður og 29 athugasemdir.
Aðalsteinn Kjartansson
adalsteinn@dv.is
Þeir sem töluðu mest
Þingmennirnir sem töluðu mest komu flestir úr röðum stjórnarandstöðunnar. Fyrrverandi leiðtogi Vinstri
grænna trónir á toppnum, langt fyrir ofan aðra á listanum. Formaður Samfylkingarinnar kemur þar næst á eftir.
Eini stjórnarliðinn sem kemst á listann er formaður Sjálfstæðisflokksins og fjármálaráðherra.
1 Steingrímur J. Sigfússon - VG Talaði samtals í 26,92 klukkustundir. Flutti 179 ræður og 290 athugasemdir.
2 Árni Páll Árnason - SamfylkinginTalaði samtals í 19,72 klukkustundir. Flutti 142 ræður og 280 athugasemdir.
3 Bjarkey Gunnarsdóttir - VGTalaði samtals í 17,9 klukkustundir. Flutti 135 ræður og 197 athugasemdir.
4 Guðbjartur Hannesson - SamfylkinginTalaði samtals í 17,68 klukkustundir. Flutti 108 ræður og 247 athugasemdir.
5 Bjarni Benediktsson - SjálfstæðisflokkurTalaði samtals í 17,18 klukkustundir. Flutti 172 ræður og 162 athugasemdir.
6 Lilja Rafney Magnúsdóttir - VGTalaði samtals í 15,82 klukkustundir. Flutti 123 ræður og 173 athugasemdir.
7 Helgi Hjörvar - SamfylkinginTalaði samtals í 15,75 klukkustundir. Flutti 163 ræður og 275 athugasemdir.
8 Katrín Jakobsdóttir - VGTalaði samtals í 15,75 klukkustundir. Flutti 156 ræður og 178 athugasemdir.
9 Árni Þór Sigurðsson - VGTalaði samtals í 15,3 klukkustundir. Flutti 84 ræður og 206 athugasemdir.
10 Össur Skarphéðinsson - SamfylkinginTalaði samtals í 14,55 klukkustundir. Flutti 94 ræður og 219 athugasemdir.
1 1
6 6
2 2
7 7
3 3
8 8
4 4
9 9
5 5
10 10