Dagblaðið Vísir - DV - 16.10.2013, Side 10

Tíu hæTTulegusTu
hryðjuverkamennirnir
10 Fréttir 16. október 2013 Miðvikudagur
n Ayman al-Zawahiri verstur samkvæmt CNN n Þeir bera ábyrgð á dauða þúsunda
Þ
að kemur kannski fáum á
óvart að leiðtogi hryðju-
verkasamtakanna al-
Kaída sé talinn hættuleg-
asti hryðjuverkamaður
heims. Þetta er niðurstaða ítar-
legrar úttektar á 10 hættulegustu
hryðjuverkamönnum heims sem
fréttastofan CNN birti á dögun-
um. Í úttektinni var reynt að
leggja mat á það hver væri hættu-
legastur um þessar mundir, en
eins og gefur að skilja verða örar
breytingar á listanum samhliða
árangrinum í baráttunni gegn
hryðjuverkum. Til að mynda var
Abu Anas al Libi, lykilmaður í al-
Kaída-samtökunum, handtek-
inn fyrir hálfum mánuði, en hann
var um langt skeið talinn í hópi
hættulegustu hryðjuverkamanna
heims. Mennirnir á listanum hér
að neðan eiga það sameiginlegt
að vera virkir í hryðjuverkastarf-
semi í dag, sumir eru aðeins hug-
myndasmiðir og skipuleggjendur
en aðrir taka beinan þátt í sjálfum
ódæðunum. n
Einar Þór Sigurðsson
blaðamaður skrifar einar@dv.is
1 Ayman al-Zawahiri Staða: Leiðtogi al-Kaída
Zawahiri hefur verið leiðtogi
þessara alræmdustu hryðjuverka-
samtaka heims frá dauða Osama
bin Laden árið 2011. Í umfjöll-
un CNN kemur fram að ólíklegt sé
að al-Kaída hafi getu til að fram-
kvæma sambærilega árás og framin
var 11. september 2001. Al-Zawa-
hiri hafi sjálfur látið hafa eftir sér
að markmið samtakanna í dag sé
að gera „ódýrari“ en samt sem áður
mjög „árangursríkar“ árásir. Vegna
ástandsins í Mið-Austurlöndum
séu meiri líkur á árásum þar en á
Vesturlöndum. Zawahiri er 62 ára
og er læknismenntaður. Hann er
sagður vera óskoraður leiðtogi al-
Kaída um heim allan.
2 Nasir al Wuhayshi Staða: Leiðtogi systursamtaka
al-Kaída í Jemen
Þessi 36 ára Jemeni var einkarit-
ari Osama bin Laden áður en
hann snéri aftur til Jemen og var
fangelsaður. Þar dvaldi hann stutt
enda grófu fylgismenn hans göng
inn í fangelsið og slapp hann úr
haldi árið 2006. Í kjölfarið stofn-
aði hann systursamtök al-Kaída í
Jemen og ber hann ábyrgð á mann-
skæðum árásum í Jemen á undan-
förnum árum sem meðal annars
beindust gegn erlendum ríkis-
borgurum. Hann er nú leiðtogi al-
Kaída á Arabíuskaga, AQAP, og er
einn valdamesti meðlimur samtak-
anna. AQAP hafa látið til sín taka að
undanförnu í Suður-Jemen.
3 Ibrahim al-Asiri Staða: Sprengjusérfræðingur
AQAP
Al-Asiri er 31 árs og fæddur í Sádi-
Arabíu. Þetta er maðurinn sem
leyniþjónustur Vesturlanda og víð-
ar óttast, enda er hann annálaður
sprengjusérfræðingur. Margir telja
að hann hafi búið til sprengjuna
sem fannst í fórum flugfarþega um
borð í flugvél yfir Denver um jólin
2009. Var sprengjan falin í nærbux-
um farþegans. Þá er hann talinn
hafa búið til sprengju sem átti að
drepa Mohammed bin Nayef, inn-
anríkisráðherra Sádi-Arabíu. Bróðir
hans faldi sprengjuna í endaþarmi
sínum og sprengdi sig í loft upp. Sá
lést en bin Nayef komst lífs af. Al-
Asiri er talinn halda til í Jemen.
4 Ahmed Abdi Godane Staða: Leiðtogi Al-Shabaab
Al-Shabaab hafa verið mikið í frétt-
um að undanförnu vegna hryðju-
verkaárásarinnar í verslunarmiðstöð
í Kenía í síðasta mánuði þar sem 67
lágu í valnum. Godane, sem einnig er
þekktur undir nafninu Mukthar Abu
Zubayr, varð leiðtogi Al-Shabaab árið
2008. Samtökin boða yfirráð íslam í
Sómalíu – og raunar um allan heim –
sama hvað það kostar. Að undanförnu
hafa þeir gert árásir í ríkjum, eink-
um í Austur-Afríku, sem styðja yfir-
völd í Sómalíu. Árið 2010 skipulögðu
samtökin sjálfsmorðssprengjuárásir
í Kampala í Úganda sem kostuðu 70
lífið. Undir stjórn Godane urðu Al-
Shabaab-samtökin formlegir banda-
menn al-Kaída.
5 Moktar BelmoktarStaða: Leiðtogi hryðjuverka-
samtaka í Alsír
Belmoktar er Alsíringur sem komst í
heimsfréttirnar fyrir rúmu ári þegar
hann og fylgismenn hans tóku hóp
erlendra verkamanna í gíslingu í
Amenas-gasverksmiðjunni í landinu.
Eftir þriggja daga umsátur lágu 40
manns í valnum. Hann er leiðtogi
hóps sem kallast Þeir sem skrifa með
blóði (e. Those Who Sign With Blood).
Eftir árásina í Amenas gerði hópurinn
árás á franska úraníumverksmiðju í
Níger. Belmoktar er oft kallaður Marl-
boro-maðurinn vegna mjög um-
fangsmikils smygls á sígarettum sem
hann er talinn hafa grætt mikið á.
Belmoktar er fæddur árið 1972 og ólst
upp við mikla fátækt í Alsír.
6 Abu Muhammad al-Julani Staða: Leiðtogi uppreisnar-
hóps í Sýrlandi
Al-Julani er leiðtogi al-Nusra-sam-
takanna í Sýrlandi sem hafa verið
áberandi í borgarastyrjöldinni í
Sýrlandi. Samtökin voru stofnuð í
janúar 2012 og eru meðlimir sam-
takanna taldir vera um 10 þúsund.
Samtökin hafa sérhæft sig í sjálfs-
morðssprengjuárásum og hafa þau
tengsl við al-Kaída í Írak. Lítið er
vitað um Al-Julani og jafnvel þjóð-
erni hans er á huldu. Þó er talið að
hann hafi dvalið í Írak um tíma þar
sem hann barðist með uppreisnar-
mönnum á tímum Íraksstríðsins.
Hann er talinn hafa verið góðvinur
Abu Musab al-Zarqawi, sem lést í
sprengjuárás Bandaríkjahers árið
2006.
7 Abu Bakr al-Baghdadi Staða: Leiðtogi ISIS
Al-Baghdadi er leiðtogi al-Kaída í
Írak og hóps sem kallar sig Islamic
State in Iraq and Syria (ISIS). Sem
fyrr segir eru tengsl á milli hóps-
ins og uppreisnarhóps Julani í Sýr-
landi. Samkvæmt CNN vilja leyni-
þjónustur um heim allan klippa
á þau tengsl sem allra, allra fyrst.
Hóparnir hafa barist saman í borg-
arastyrjöldinni í Sýrlandi, sérstak-
lega í austurhluta landsins.
Al-Baghdadi hefur einnig stýrt
hryðjuverkaárásum í Írak sem
beinst hafa gegn svæðum þar sem
sjía-múslimar eru í meirihluta.
Þá er hann talinn bera ábyrgð röð
bílsprengjuárása í Írak þann 30.
september síðastliðinn sem kost-
uðu meira en 50 manns lífið.
8 Sirajuddin HaqqaniStaða: Leiðtogi Haqqani-
samtakanna
Nokkrir hópar eru farnir að búa sig
undir brottför Bandaríkjahers frá
Afganistan á næsta ári. Þar á með-
al eru Haqqani-samtökin sem bera
ábyrgð á mannskæðum árásum í
Kabúl á undanförnum árum, meðal
annars á hótelbyggingar. Þá er talið
að Haqqani-samtökin beri ábyrgð
á dauða og meiðslum um þúsund
bandarískra hermanna í Afganistan
á undanförnum árum. Haqqani er
sonur stofnanda samtakanna og
er á fertugsaldri. Undir hans stjórn
hafa samtökin stækkað mikið og
meðal annars fengið til liðs við sig
uppreisnarmenn frá Tsjetsjeníu og
Tyrklandi. Samtökin eru nátengd
talíbönum og al-Kaída.
9 Abubakar ShekauStaða: Leiðtogi Boko Haram
Shekau er leiðtogi hinna al-
ræmdu hryðjuverkasamtaka Boko
Haram sem eiga rætur í norður-
hluta Nígeríu. Samtökin hafa fært
út kvíarnar á undanförnum árum
og unnið með uppreisnarmönn-
um víða í Afríku. Kristnir menn og
kirkjur eru skotmark Boko Haram.
Í síðasta mánuði réðust meðlimir
samtakanna inn í skóla í Yobe-
héraði í Nígeríu og myrtu yfir 40
nemendur. Árið 2010 gerðu sam-
tökin árás á skrifstofu Sameinuðu
þjóðanna í Abuja, höfuðborg Ní-
geríu, þar sem 23 létust. Þá hefur
hópurinn rænt og myrt vestræna
gísla. Orðrómur var á kreiki um að
Shekau hefði látist í ágúst síðstliðn-
um en sá orðrómur virðist vera
uppspuni frá rótum.
10 Doko Umarov
Staða: Leiðtogi íslamskra
uppreisnarmanna í Kákasus-
héruðum Rússlands
Doko Umarov er leiðtogi hóps í
Tsjetsjeníu sem kallar sig Caucasus
Emirate og hefur það að markmiði að
koma á yfirráðum íslams í suðurhluta
Rússlands. Hann hefur hvatt fylgj-
endur sína til að gera árásir á skot-
mörk sem eru andvíg samtökunum,
þar á meðal Bandaríkjamenn, Ísraela,
Rússa og Breta. Enn sem komið er hafa
flestar árásir hópsins beinst gegn skot-
mörkum í Rússlandi. Árið 2011 gerði
hópurinn, undir forystu Umarovs,
sprengjuárás á Domodedov-flugvell-
inum í Moskvu með þeim afleiðingum
að 36 létust. Árið 2010 gerði hópurinn
hryðjuverkaárás á lestarstöð í Moskvu
með þeim afleiðingum að 40 létust.
Mynd ReuteRs