Dagblaðið Vísir - DV - 08.11.2013, Page 33

sagðar af samferðamönnum. Guðna-
sögur.
„Þeir auglýstu hjá Bjarti eftir sög-
um um mig og fengu nokkrar send-
ar. Ein er eftir Hrafn Jökulsson og ber
yfirskriftina Þú reyndir að drepa mig,“
segir Guðni og brosir. „Hann reyndi
nefnilega að ganga frá mér, taldi mig
vera rasista og á móti konum en þeir
sem mig þekkja vita að svo er ekki. Svo
kom hann til mín á fund og bað mig
um að styðja sig í skákinni við Græn-
lendingana. Mín fyrstu orð voru: Þú
reyndir að drepa mig og honum leist
ekki á blikuna. Alversta byrjun á sam-
tali sem hugsast getur. En við erum
góðir vinir í dag.“
Sættist við Hallgrím Helgason
Þótt Guðni hafi þarna skotið Hrafni
illilega skelk í bringu, var hann meira
að gera að gamni sínu. Hann vill ekki
erfa hluti við fólk og nefnir til sögunn-
ar sættir sínar við Hallgrím Helgason.
„Meira að segja hitti ég Hallgrím
Helgason, sem hefur skrifað um mig
margar ljótar greinar. Ég sagði við
hann, þessa hönd hef ég aldrei tekið
í fyrr enda hefur hún skrifað um mig
margan ljótan textann. Hann sagði að
það hefði nú bara orðið mér til tekna
og ég játti því. Eigum við ekki bara að
gleyma þessu og verða vinir, sagði
hann og ég sagði já.
Svona er nú lífið. Það þýðir ekki
að vera að veltast með svona í höfð-
inu. Það gagnast ekki að hatast við
fólk. Maður lendir í ýmsu og maður á
að verða betri maður eftir hvert skipti
sem maður lendir í erfiðleikum.“
Pólitíska landslagið
Þótt fimm ár séu liðin frá því Guðni
dró sig úr stjórnmálum hefur hann
enn sterkar skoðanir. Beðinn um að
rýna í hið pólitíska landslag og fylgis-
hrun Framsóknarflokks segir hann
nauðsynlegt að standa við stóru orðin
og það fyrir jól.
„Nú vantar bara að þeir brýni sína
hnífa og taki á honum stóra sínum.
Þeir verða að lækka skuldir heimil-
anna og það verður að vera klárt fyrir
jól. Það er stærsta, mesta réttlætismál
Íslandssögunnar. Hér varð alvarlegt
hrun, peningunum var bjargað og
eignunum og þess vegna verða þeir að
klára þau fyrirheit og það þýðir ekkert
fyrir Sjálfstæðisflokkinn að stimpast á
móti Sigmundi Davíð í þeim efnum,
því Sjálfstæðisflokkurinn át fóðrið þótt
hann fýli grön, eins og segir í vísunni.
Ef þetta verður ekki klárað þá fer
Sjálfstæðisflokkurinn enn verr út úr
því en Framsóknarflokkurinn.“
Hefur trú á Vigdísi
Guðni telur núverandi ríkisstjórn
standa frammi fyrir enn fleiri mikil-
vægum verkefnum og hefur fulla trú
á Vigdísi Hauksdóttur og öðrum þeim
sem sitja í fjárlaganefnd að halda rétt
á spilum.
„Það verður líka að afnema gjald-
eyrishöftin, setja atvinnulífið í gang,
hugsa stórt og greiða skuldir ríkis-
ins. Vilji er allt sem þarf. Þeir eiga allt
undir því að þetta gerist, annars lenda
þeir í miklum erfiðleikum.
Hvenær sem ég hitti þá – þá auð-
vitað brýni ég þá með góðu. Bæði
Bjarna og Sigmund og alla þá stjórn-
málamenn sem ég þekki.
Vigdís Hauksdóttir er á réttum stað
sem formaður fjárlaganefndar, hún er
í stærstu stöðu Alþingis á eftir því að
vera forseti Alþingis. Ég held að það sé
lán í sjálfu sér að hún er ekki ráðherra.
Hún verður að keyra fjárlögin þannig
í gegn að heilbrigðiskerfinu verði
bjargað. Það verði skorin vitleysan
sem hér hefur viðgengist í utanríkis-
þjónustunni og víðar, það er enginn
vandi að spara og ég treysti þeim sem
sitja í nefnd. Þeirra tími er kominn og
þau þurfa líka að ganga frá þessu fyrir
jól, þeirra tími er kominn.“
Vantar að láta verkin tala
En hvernig skyldi honum finnast Sig-
mundur Davíð standa sig? Guðni tel-
ur hann skorta áræðni og allt sé undir.
„Hann er klár ræðumaður og ör-
ugglega vel gefinn. Sá hlutur er allur
í góðu hjá honum en það vantar hjá
honum að hann láti verkin tala. Ég
trúi að hann sé að safna kröftum og
springi út eins og rós að vori.
Það getur vel verið að embættis-
mannakerfið sé ónýtt og hann verði
að skipta þeim út. Þá verður hann
bara að kalla til herforingja. Velja
sér alla þá bestu menn til að vinna
að þessu verkefni með sér. Þetta er
spurning um þessa þjóð, hvort hún
nær sér á strik og lifir af. Hvort við
missum okkar glæsilega fólk í burtu,
hvort landflóttinn haldi áfram. Hvort
við höldum uppi tekjum eins og fólk
í nágrannalöndum. Evrópusam-
bandið sér alla þá möguleika sem
við eigum, það sjá þeir líka í Banda-
ríkjunum og Kína. Við eigum að geta
verið í fremstu röð á ný eftir fimm ár.
Veturinn verður að vera hlaðinn krafti
og ákvörðunum. Nú mega þeir ekki
liggja undir sæng og vera rænulaus-
ir. Þeir verða að keyra áfram og ná
þessari þjóð saman.“
Hryðjuverkalögin mesti glæpur á
eftir heimsstyrjöldinni
Orðræðan í stjórnmálum er oft
óvægin og markast af því sem á undan
er gengið. Hann rifjar upp forsöguna,
blekkingar meirihlutans og hryðju-
verkalögin sem hann telur óuppgerð-
an glæp gegn þjóðinni.
„Við fengum úrræði með neyðar-
lögunum sem bjargaði því sem bjarg-
að varð. Þau vissu þetta, og blekktu
okkur sem vorum í stjórnarandstöðu.
Fóru út um heim að boða það að hér
væri allt í lagi, að hér væru gull og
grænir skógar. En ég var farin að ef-
ast, allt hrannaðist upp, öll vitleysan
í Bandaríkjunum. Síðan lendum við
í þessum vandræðum að Jóhönnu
minni og Steingrími fipast. Þau báru
svo mikla virðingu fyrir útlendingum
að þau þorðu varla að tala við þá.
Hryðjuverkalögin eru mesti glæp-
ur í Evrópu á eftir heimsstyrjöldinni.
Að NATO-þjóð skuli hafa beitt hryðju-
verkalögum gegn annarri NATO-
þjóð, og talið að við værum talíbanar
og glæpamenn og auglýstu það í öll-
um peningastofnunum heims. Engin
NATO-þjóð hreyfði legg og lið, senni-
lega samsæri Bandaríkjanna og
Evrópusambandsins. Þessu eigum
við ekki að gleyma, við eigum að setja
sannleiksnefnd í málið til að kanna
hvað lá þarna að baki. Var það svo
að Evrópusambandið og Bandaríkin
höfðu samið um það að Lehmans-
bræður færu á hausinn og einni þjóð
í Evrópu yrði fórnað öðrum til aðvör-
unar þessum glæframönnum? Þetta
verður að koma upp á yfirborðið og
þarna eigum við skaðabætur.“
Vildi í stríð við Bretland
Þegar hryðjuverkalögin voru sett á Ís-
lendinga vildi Guðni ganga svo langt
að slíta stjórnmálasambandi við Bret-
land og vildi í stríð.
„Ég vildi fara í stríð við Bretland
þegar ég var í þinginu. Ég talaði fyr-
ir því í þinginu að við slitum stjórn-
málasambandi og sendum sendi-
herra heim. Ég sagði síðan að gamni
mínu að það ætti að fylla skipaflot-
ann af glæsilegu fólki sem myndi bara
halda út á Thames-fljót og fara í stríð
við Bretana. Við sigruðum þá í land-
helgisdeilum, auðvitað hefðum við
sigrað þá í hryðjuverkalögunum, sem
var níðingsverk. En það var ekkert
gert og þetta er óuppgert mál. Ég verð
reiður þegar ég hugsa um þetta.“
Þakklátur
Guðni segist ekki vilja verða reiður
gamall maður. Hann ætlar að hafa
gaman af lífinu og hafa lífsgleðina
í forgrunni. Hann ætlar að halda
áfram að batna með aldrinum. „Auð-
vitað þráir maður að halda heilsu
sinni, maður þráir að vera glaður og
reifur þannig að ég vil helst batna
enn meira með aldrinum en ég hef
gert.“
Lífsgæði hans hafa aldrei verið
falin í auði, heldur að halda vel utan
um fjölskylduna. Hann segist þakk-
látur fyrir það tækifæri að hafa fengið
að hlutast til um velferð þjóðar og er
auðmjúkur.
„Auðvitað er gaman að eiga pen-
inga, en ég held að mörgum líði mjög
illa. Ég hef aldrei farið í slíka vegferð.
Þeir forðuðust mig, þessir ríku djöfl-
ar, vildu engin samskipti við mig.
Vildu ekki að ég væri á sínum fund-
um, ég varð aldrei var við þessa menn
og aldrei aufúsugestur hjá þeim.
Mesta gæfa mín var að eiga góða
foreldra og systkini, ná í Margréti og
eignast börnin mín og barnabörn. Ég
hef borið gæfu til þess að halda vel
utan um mig og mína.
Ég fékk miklu meira en ég átti skil-
ið, ég vona að ég hafi leyst mín verk-
efni vel. Ég er þakklátur fyrir að hafa
fengið þetta tækifæri og samviska
mín er góð.“ n
Fólk 33Helgarblað 8.–10. nóvember 2013
Auðmjúkur „Ég fékk miklu
meira en ég átti skilið,“ segir
Guðni Ágústsson auðmjúkur
um störf sín í þágu þjóðar.
„Þeir forðuðust mig,
þessir ríku djöflar.