Dagblaðið Vísir - DV - 28.07.2008, Síða 4
mánudagur 28. júlí 20084 Fréttir
InnlendarFréttIr
ritstjorn@dv.is
„Við finnum fyrir verulegri aukn-
ingu þrátt fyrir að það hafi verið
metár í fyrra,“ segir Valgeir Arnórs-
son, framkvæmdastjóri Flugfélags
Vestmannaeyja, en nú þegar er orð-
ið fullt í allar vélar heim á mánu-
deginum. Sölumenn félagsins tóku
einnig eftir því að salan fór fyrr af
stað í ár en undanfarin. Venjulega
byrjar hún um mánaðamótin júní,
júlí en að þessu sinni var salan
komin á fullt um miðjan maí.
Veðurspáin skiptir máli
Flugfélag Vestmannaeyja flýgur
samtals með um 1.300 manns til
Eyja og hyggst ekki bæta við fleiri
vélum. „Við náum ekki að bæta við
fleiri vélum á mánudeginum en
ættum að ná að fljúga með þenn-
an fjölda ef veðrið er gott. Ég held
einmitt að blíðan sem var í Eyjum
í fyrra hafi áhrif á söluna nú. Þeir
sem upplifðu það vilja örugglega
ólmir koma aftur á Þjóðhátíð, það
var alveg dásamlegt,“ segir Valgeir
en langtímaspáin lofar góðu þetta
árið. „Langflestir sem bóka eru í
fjögurra til átta manna hópum, en
það er alltaf eitthvað um fjölskyldu-
fólk með börn inni á milli. Ferðin
kostar 9.900 krónur fram og til baka
frá Bakka í Landeyjum, en þaðan er
um tveggja tíma akstur til Reykja-
víkur.
Fullbókað til Eyja
Það sama er að segja hjá Flugfé-
lagi Íslands sem flýgur með rúmlega
þúsund manns til Eyja þessa mestu
ferðahelgi ársins. Flugið er lengra
og kostar að sama skapi meira, eða
18.000 krónur fram og til baka. „Það
er alveg að verða fullbókað hjá okk-
ur, en við gerum ráð fyrir að bæta
við einhverjum vélum. Þetta er 20
til 25 prósenta aukning frá árinu
í fyrra en að sama skapi er minna
bókað á aðra áfangastaði félags-
ins,“ segir Kristín Guðmundsdóttir,
talsmaður félagsins, en það er lítið
pantað til Akureyrar og Ísafjarðar
um verslunarmannahelgina.
Erlendis um verslunar-
mannahelgina
Iceland Express býður upp á
fjölskyldutilboð til allra áfanga-
staða um verslunarmannahelgina.
„Fólk vill greinilega fara til út-
landa um verslunarmannahelg-
ina því það er ótrúlega mikil sala í
þetta og alls ekki minni en í fyrra, í
raun er hún meiri en þá. Oftast fell-
ur helgin undir lengra frí en sum-
ir fara eingöngu þessa þrjá daga.
Þetta eru tugþúsundir Íslendinga,“
segir Lára Ómarsdóttir, fjölmiðla-
fulltrúi félagsins, og getur sér þess
til að fólk sæki frekar í ódýrari ferð-
ir í kjölfar versnandi efnahags-
ástands.
Guðjón Arngrímsson hjá Ice-
landair hafði aðra sögu að segja
því salan hjá þeim er minni en á
sama tíma í fyrra. „Þegar við sáum
fram á breytingar í efnhagslífinu
fækkuðum við ferðum á alla helstu
áfangastaði félagsins. Heilt yfir
er staðan ágæt, þrátt fyrir þessa
minnkandi sölu. Það fljúga ekki
fleiri hjá okkur þessa helgi en aðr-
ar,“ segir hann.
„ég held einmitt að blíðan sem var í eyjum í
fyrra hafi áhrif á söluna nú. Þeir sem upplifðu
það vilja örugglega ólmir koma aftur á Þjóð-
hátíð, það var alveg dásamlegt.“
Nærri uppselt
í flug til eyja
Tvö flugfélög fljúga með gesti á Þjóðhátíð í Eyjum þetta árið. Talsmenn þeirra eru
sammála um að salan sé um fjórðungi meiri en í fyrra. Iceland Express finnur einnig
fyrir aukningu þessa helgi á sama tíma og sala hjá Icelandair dregst saman.
lilja guðmundsdóttir
blaðamaður skrifar lilja@dv.is
upplýsingafulltrúi iceland
Express lára Ómarsdóttir
segir tugþúsundir íslendinga
vera erlendis um verslunar-
mannahelgina.
Herjólfsdalur um Þjóðhátíð
Fjölmargir leggja leið sína til Eyja
um þessa verslunarmannahelgi.
Að eiga og elska heimsins versta hund
-Mjög fyndin ástarjátning
... Í bókinni Marley og ég
er viðfangsefninu lýst af
hlýju ... gamansemi og
ástúð.
New York Times
-Fyndin og hjartnæm saga um
fimmtíu kílóa Labrador sem
var jafn tryggur og elskulegur
og hann var óþekkur.
People
-Hugsanlega hugljúfasta bók
ársins. Sannarlega
hundavinabók ársins.
USA Today
MARLEY OG ÉG er bók sem allir
hundaáhugamenn verða að lesa
- og hinir líka.
Marley og ég
John Grogan
Að eiga og elska
heimsins versta hund
Á metsölulista New York
Times Frum-
útgáfa í
kilju
HÓLAR
Leiðrétting
Ranglega var greint frá
flugfargjaldi Flugfélags
Vestmannaeyja í miðviku-
dagsblaði DV, þann 23. júlí
síðastliðinn. Í sérblaði um
verslunarmannahelgina stóð
að farið kostaði 19.800 krón-
ur fram og til baka frá Eyjum
og til Bakkaflugvallar, en
það rétta er að farið fram og
til baka kostar 9.900 krónur
samtals. DV biðst velvirðing-
ar á þessum misskilningi.
Ósáttur
við agnesi
Það kemur í ljós í dag hvort
Árni Johnsen, þingmaður Sjálf-
stæðisflokks, ætlar að stefna
Agnesi Bragadóttur, blaðamanni
Morgunblaðsins, fyrir meiðyrði.
Í þættinum Í bítið á Bylgjunni,
þann 9. júlí, var Agnes í viðtali
og fór hörðum orðum um Árna
og bréfaskrif hans vegna Baugs-
málsins. Agnes sagði Árna vera
stórslys og að hann ætti að hafa
vit á að halda kjafti. Lögmaður
Árna hefur óskað eftir upptöku
af þættinum og tóku þeir helgina
í að fara yfir málið.
Mærudagar
á Húsavík
Á Mærudögum á Húsavík var
talsvert um ölvun og hefur borist
ein kæra til lögreglunnar vegna
líkamsárásar. Lögreglan var með
öflugt eftirlit á svæðinu. Tveir
menn voru teknir fyrir ölvunar-
akstur og þurftu fjórir til fimm að
leita sér aðstoðar eftir rysking-
ar, annaðhvort eftir átök eða
óhappameiðsli vegna ölvunar.
Maður var lagður inn á spítala
eftir að hafa fallið niður úr hring-
stiga og var hann ölvaður. Um
1.500 manns voru á svæðinu og
á ferðinni á milli veitingastaða.
Fólk safnaðist saman utandyra
og gat notið veðurblíðunnar.
„Það er alveg fáránlegt að sekta
mig fyrir að leggja þarna, ég hef gert
það í allt sumar og þetta er í fyrsta
skipti sem ég fæ sekt. Það þarf eng-
inn að segja mér að þetta stæði
sé tómt allan daginn í þessu bíla-
stæðahallæri sem einkennir mið-
bæinn,“ segir Örvar Jóhannsson,
sem fékk sekt upp á tvö þúsund og
fimm hundruð krónur fyrir að leggja
ólöglega í bílastæði við Hlemm.
Samkvæmt umferðarlögum er
ólöglegt að leggja öðrum megin við
gangbraut, vinstra megin séð frá
gangandi vegfaranda, því það skyggir
á umferðina. „Mér finnst verulega
skrítið að það megi ekki leggja þarna
því stæðið er merkt með hvítri línu.
Ef að þetta er ólöglegt, þá ætti að vera
merking þarna. Það þekkir enginn
þessar reglur um gangbrautir. Þarna
eru engar hvítar rendur sem sýna
ökumönnum að þetta sé gangbraut,
þetta er alveg glórulaust,“ segir Örvar
sem hyggst leggja fram skriflega kæru
til Bílastæðasjóðs. „Það vita nú allir
hvernig það gengur fyrir sig. Kæran
velkist í kerfinu í einhvern tíma, alveg
þar til sektin kemur í óbreyttri mynd
aftur til mín,“ segir Örvar sem vinnur
í miðbænum og verður verulega var
við bílastæðaskort. „Þeir eru nýbún-
ir að loka malarstæðunum við 10-11
á Hverfisgötu svo ástandið verður sí-
fellt verra,“ segir hann.
liljag@dv.is
Örvar jóhannsson er ósáttur við meint stöðubrot í miðbænum:
Sektaður í merktu stæði
Bíll Örvars í stæðinu
Hann hyggst kæra
málið til Bílastæðasjóðs.